Mësohet se data 13 mars është fati për autoritetet që të dorëzojnë komentet e tyre përfundimtare për çështjen e emërimit të anëtarëve në Gjykatën Kushtetuese.

Para datës 19 mars duhet bërë përgatitja nga raportuesit për një version të rishikuar.

Data 20 mars ora 12:00 është afati për komente finale, anëtarët zëvendësues mund të komentojnë në vend të anëtarëve. Nëse nuk ka asnjë koment deri më datë 20 mars, opinioni është miratuar.

Nëse deri më 20 mars ora 17:00 komentet janë marrë dhe bëhet qarkullimi nga Presidenti në emër të raportuesve mbi propozimet finale për amendamente dhe kërkesa nga Presidenti për një marrëveshje finale nga anëtarët. Raporti përfundimtar do të publikohet në 22 mars. /CNA.al

Kryetari i Partisë Demokratike, Lulzim Basha ka prezantuar sot platformën për ndryshimin e sistemit Zgjedhor.

Sipas Bashës plani i PD fillon me një Reformë zgjedhore tërësore që do ta forcojë demokracinë shqiptare dhe do të luftojë korrupsionin.

Kjo ka sjellë edhe reagimin e anëtarit të Bordit Drejtues të Bindjes Demokratike, Fabian Topollaj.

Në një postim në rrjetet sociale, Topollaj shkruan se edhe pse me shumë vonesë të bëhet zemra mal kur individë apo forca poltike përafrohen me idetë e tua.

Ndërsa ka rishpërndarë dhe platformën për Sistemin zgjedhor të Bindjes Demokratike, prezantuar 6 muaj më parë.

“Edhe pse me shume vonese, te behet zemra mal kur individe, forca politike etj, perafrohen me idete e tua.
Ju ftoj ti riktheheni platformes me fiks 6 pika dhe zgjidhje konkrete te “Bindjes Demokratike” per nje reforme te thelle te sistemi zgjedhor ne Shqiperi, prezantuar me shume se 6 muaj me pare.

Ndersa ata qe e kane kuptuar me ne fund, uroj qe te behen pak me konkrete. Dmth te na tregojne fiks propozimet e tyre per nje reforme te thelle zgjedhore qe te mund ti besojme se e kane me te vertete kesaj radhe.”/ CNA.al

PROPOZIMET E BINDJES DEMOKRATIKE PËR NJË REFORMË TË THELLË ZGJEDHORE

Sekretari i Përgjithshëm i PD-së, Gazment Bardhi i është përgjigjur Damian Gjiknurit lidhur me propozimet e PD për sistemin zgjedhor që prezantoi Basha sot.

Bardhi shprehet se do e shëmbin modelin e shtetit privat të Edi Ramës dhe do të ndërtojmë një sistem që punon për njerëzit dhe i jep pushtet njerëzve.

Ndërsa ironizon duke thënë se për ”çunat problematikë” do të ketë një alternativë ku do të mbajnë përgjegjësi për çdo krim shtetëror dhe elektoral.

“Edi Rama dhe Damian Gjiknuri kanë të drejtë që shqetësohen pse Lulzim Basha dhe opozita luftojnë për forcimin e demokracisë në vend, sundimin e ligjit dhe zgjedhjet e lira dhe të ndershme. Ata janë krejt e kundërta e kësaj. Ata kanë ndërtuar shtetin privat, që dhunon qytetarët dhe pasuron e mbështet “çunat problematikë”.

Vizioni dhe alternativa jonë është për shqiptarët dhe jo për Edi Ramën, Damian Gjiknurin dhe, aq më pak, për”! Për këta kemi një tjetër alternativë: Zotimin se kushdo do të mbajë përgjegjësi për çdo krim shtetëror apo elektoral që kanë kryer në të shkuarën.

Edi Rama, Damian Gjiknuri dhe Rilindja, janë të VETMIT që nuk duan Reformë të vërtetë Zgjedhore. Ato janë të qartë se me zgjedhje të lira dhe të ndershme, të pandikuara nga “çunat problematikë” apo paratë e krimit dhe korrupsionit, sot do të ishin prapa hekurave dhe jo në qeverisje apo tryeza.

Ne do ta shëmbim modelin e shtetit privat të Edi Ramës dhe do të ndërtojmë një sistem që punon për njerëzit dhe i jep pushtet njerëzve.

Partia Demokratike dhe Opozita e Bashkuar ka qenë dhe do të jetë në mbështetje të përmbylljes së Reformës Zgjedhore në afatin e përcaktuar. Për këtë kemi bërë propozime konkrete dhe do të vazhdojmë të bëjmë propozime konkrete, që garantojnë standardet për zgjedhje të lira e të ndershme, përfshirë edhe në takimin e rradhës së ditës së hënë.”/CAN.al