Connect with Us

“Kam qënë viktimë e dhunës”/ Rudina Hajdari zbulon pse vendosi të tregojë historinë e saj

Politikë

“Kam qënë viktimë e dhunës”/ Rudina Hajdari zbulon pse vendosi të tregojë historinë e saj

Publikuar

-

rudina hajdari

Deputetja demokrate, Rudina Hajdari disa ditë më parë, deklaroi në foltoren e Kuvendit, se edhe ajo ka qënë viktimë e dhunës.

Ndërkohë, e ftuar në A2CNN, deputetja shpjegoi pse vendosi ta bënte një zbulim të tillë.

“Jeta ime personale nuk njihet shumë nga publiku sepse kështu kam dashur vetë, që të mbroj veten. Familja duhet të ishte goxha e fortë në atë kohë, rreth vitit 1998. Unë isha vetëm 11 vjeç dhe kishim goxha vëmendje në atë kohë. Në atë periudhë vinin shumë njerëz në shtëpinë tonë, për 3 vite rresht. Familja kishte tensionet e veta dhe më pas u largova për në SHBA. U rrita shumë shpejt sepse m’u desh të përballesha me jetën. Amerika ka sfidat e veta. Sapo u njohën me historinë time, ata donin që të shkoja te psikologu, ndërsa unë refuzoja. Në atë kohë ka pasur shumë vajza që kanë përjetuar dhunë, por edhe sot po jetojmë një model të frikshëm”, deklaroi Hajdari.

LEXO EDHE:  Historia e tatuazhit të Justin Bieber

Kur u pyet nëse merret seriozisht dhuna ndaj gruas në kuvendin shqiptar, Hajdari deklaroi: “Ka deputetë që e marrin seriozisht, por duhet të vazhdojmë ndërgjegjësimin e shoqërisë për këtë fenomen që po ndodh. Vetëm kështu mund të edukohen njerëzit”.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Kërcënimi i Metës me shpërndarje parlamenti/ Reagon për herë të parë Ruçi  

Publikuar

-

Nga

Kryetari i Kuvendit, Gramoz Ruçi ka reaguar në lidhje me deklaratën e presidentit Meta, i cili ka thënë se nëse qeveria nuk merr parasysh dekretin e tij për ndryshimet në ligjin për betimin e gjyqtarëve dhe prokurorëve, pas 15 marsit do të shkojë në Parlament dhe do të firmosë aty brenda shpërndarjen e institucionit ligjvënës.

Gjatë një deklaratë të përbashkët për mediat, me homologun austriak, Ëolfgang Sobotka, Ruçi tha se Meta e ka derën të hapur dhe se e mirëpret sa herë të dojë të vizitojë Parlamentin.

“Si kryetar i parlamentit them se kemi në fokus hapjen e negociatave, reformën në drejtësi dhe transparencë për fondet e Konferencës së Donatorëve. Secili institucion është legjitim në vendimet që merr, edhe presidenti në dekretet që miraton ose kthen. I tillë është edhe me dy dekretet e fundit, që Kuvendi do t’i shqyrtojë me kujdes, brenda afateve. Mirëpres Presidentin sa herë që ai dëshiron të vizitojë parlamentin. Ose do të mirëprisja apo lexoja çdo mesazh që ai do t’i drejtonte me shkrim parlamentit”, tha Ruçi.

LEXO TE PLOTE

Politikë

Berisha publikon videon e Ramës/ Degjojeni si tall menderen me shqiptarët

Publikuar

-

Nga

Ish kryeministri Sali Berisha ka publikuar një video të kryeministrit Edi Rama i cili në vitin 2019 premtonte rritjen e pagave më të ulta deri ne 375 mijë lekë të vjetra.

Ndërkohë në shkurt të 2020 Rama thotë se nga 1 janari i vitit 2021, paga mininale do të jetën 300 mijë lekë.

Sipas Berishës,  Rama po tallet me shqiptarët lidhur me premtimet e pagave.

“Degjojeni si tall menderen me shqiptarët! Gjykojeni vet ju që e votuat”, shkruan Berisha bashkëngjitur videos./CNA.al

LEXO TE PLOTE

Politikë

Përplasjet për Gjykatën Kushtetuese/ KE i përgjigjet letrës së Metës

Publikuar

-

Nga

Komisioni Europian ka reaguar në lidhje me letrën e presidentit Meta, për përplasjet me mazhorancën, në lidhje me emërimin e anëtarëve të Gjykatës Kushtetuese.

Komisioni Europian pranon se ekziston një mosmarrëveshje për një prej gjyqtarëve të fundit të emëruar, për shkak të një interpretimi të ndryshëm të procedurës së emërimit nga Presidenti i Republikës, ndërsa shton se Komisioni i Venecias do të lëshojë një opinion mbi këtë çështje gjatë këtij muaji,

Gjithashtu, siç raporton gazetarja e Abc News, Erisa Zykaj, komisioni Europian nuk thotë që ekziston një interpretim tjetër nga Presidenti, por se ka një interpretim të ndryshëm të procedurës për emërimin e një prej gjyqtarëve nga Presidenti i Republikës.

Në fund, Komisioni shprehet se ata nuk po komentojnë mosmarrëveshjet mes autoriteteve në Shqipëri duke theksuar se presin mendimin e Komisionit të Venecias.

Më parë, Presidenti Meta i dërgoi një letër komisionerit Varhelyi duke i shprehur shqetësimin për situatën e krijuar me maxhorancën për emërimin e anëtarëve të Gjykatës Kushtetuese.

LETRA E METËS

I nderuar Komisioner Varhelyi,

Zyra juaj lëshoi dje një përditësim në gjetjet kryesore të paketës së zgjerimit 2019 për Shqipërinë. Mirëpres angazhimin dhe përpjekjet tuaja për të mbështetur procesin e integrimit të vendit tim në BE, në pritje të hapjes së negociatave. Unë jam duke shpresuar që shtetet anëtare do të aprovojnë rekomandimin tuaj për të hapur negociata gjatë këtij muaji, gjithashtu në funksion të një metodologjie më të rreptë që siguron një proces më të prekshëm dhe të qëndrueshëm për shkak të reformave.

Me vlerësimet më të mira nga takimi ynë që zhvilluam në Tiranë, isha vërtet i inkurajuar nga realizmi dhe padurimi juaj për t’i kthyer dështimet e kaluara në mundësi. Rivendosja e besueshmërisë së procesit të zgjerimit nuk është vetëm një kërkesë e vendeve anëtare, por gjithashtu është e domosdoshme për përparimin e vërtetë të vendeve kandidate, duke përfshirë Shqipërinë. Në këtë këndvështrim, nuk mund ta fsheh keqardhjen time duke lexuar ‘fotografinë e fakteve’, që lidhen me procedurën e krijimit të Gjykatës Kushtetuese, ku citoni “Ka një mosmarrëveshje për një prej gjyqtarëve të fundit të emëruar, për shkak të një interpretimi të ndryshëm të procedurës së emërimit nga Presidenti i Republikës”.

Ka vërtet një mosmarrëveshje në lidhje me procedurën e emërimit të gjyqtarëve në Gjykatën Kushtetues, por kjo për shkak të një interpretimi të ndryshëm të shumicës socialiste e cila kërkon të kapë edhe Gjykatën Kushtetuese të vendit dhe të përshkallëzojë më tej krizën ‘sui generis’ në Shqipëri.

Presidenti i Republikës ka respektuar dhe zbatuar plotësisht dispozitat e sakta kushtetuese dhe ligjore që përcaktojnë:

Neni 179 i Kushtetutës:, .. 2. Anëtari i parë që do të emërohet në Gjykatën Kushtetuese emërohet nga Presidenti i Republikës, i dyti zgjidhet nga Parlamenti dhe i treti emërohet nga Gjykata e Lartë. Ky do të jetë sekuenca për të gjitha emërimet e ardhshme pas hyrjes në fuqi të këtij ligji.

Ligji Nr.8 8577/2000 “Për Organizimin dhe Funksionimin e Gjykatës Kushtetuese të Republikës së Shqipërisë”, i ndryshuar

‘4. rinovimi i gjyqtarëve të gjykatës Kushtetuese deri në vitin 2022, do të bëhet nën skemën e mëposhtme:
a, Gjykatësit që do të zëvendësojnë gjyqtarët mandati i të cilëve skadon në vitin 2016, emërohen sipas sekuencës, përkatësisht nga Presidenti i Republikës dhe nga parlamenti.
b, Gjyqtari që do të zëvendësojë gjyqtarin, mandati i të cilit skadon në vitin 2017, emërohet nga Gjykata e Lartë dhe do të qëndrojë në zyrën deri në 2025.
c, gjyqtarët që do të zëvendësojnë gjyqtarët mandati i të cilëve skadon në vitin 2019 do të emërohen sipas radhës, përkatësisht nga Presidenti i Republikës dhe nga parlamenti.
ç, Gjyqtari që do të zëvendësojë gjyqtarin, mandati i të cilit skadon në vitin 2020, do të emërohet nga Gjykata e Lartë dhe do të qëndrojë në detyrë deri në vitin 2028.
d, Gjyqtari që do të zëvendësojë gjyqtarët mandati i të cilëve skadon në vitin 2022, do të emërohet sipas sekuencës përkatësisht nga Presidenti i republikës, nga Parlamenti dhe Gjykata e Lartë “.

LEXO EDHE:  Dhuna ndaj inspektorit të hetimit tatimor/ Reagon ministria e Financave

LEXO EDHE:  Një farë noekomunistësh që nuk i duhen as dreqit

Kjo është pikërisht asaj që i ka qëndruar Presidenti. Kjo është pikërisht ajo që rekomandoi Komisioni i Venecias për reformën në drejtësi të miratuar në mënyrë unanime nga Parlamenti shqiptar në vitin 2016. Por oreksi politik i mazhorancës socialiste kërkon të prishë një ekuilibër të tillë, në mënyrë që të marrë kontrollin politik të Gjykatës.

Për më tepër, unë kam botuar të gjitha dokumentet zyrtare që dëshmojnë çdo shkelje kushtetuese dhe ligjore të kryer nga Kryetari i Këshillit të Emërimeve të Drejtësisë, Ministri i Drejtësisë, Sekretari i Përgjithshëm i Ministrisë së Drejtësisë dhe Qendra e Botimeve Zyrtare, dhe kam bërë kërkesë të padive penale kundër të gjithëve të përfshirë në këtë skemë në Prokurorinë Speciale, SPAK. Gjatë gjithë kësaj kohe unë kam qenë plotësisht transparent dhe kam njoftuar zyrën e Delegacionit të BE-së dhe të gjitha shtetet anëtare të BE-së në çdo hap të këtij procesi.

Kam qenë plotësisht bashkëpunues me Komisionin e Venecias, i cili është investuar për të shqyrtuar tërësinë e procedurës së emërimeve në Gjykatën Kushtetuese, dhe jo vetëm në një gjykatës, siç përmendet në raportin tuaj.

Për të komplikuar gjërat më tej, duhet të dini që kjo mazhorancë miratoi një ligj antikushtetues në Parlament, duke e ndryshuar procedurën e betimit e gjyqtarëve të Kushtetueses në zyrën e Presidentit të Republikës, parashikuar në nenin 129 të Kushtetutës. Më lejoni të theksojë se ky ligj u miratua ditën kur mbërriti Komisioni i Venecias në Tiranë, pavarësisht mendimit të tyre që do të jepnin edhe për këtë çështje. Unë e kam ekzaminuar zyrtarisht këtë procedurë, dhe kam denoncuar publikisht me dokumente zyrtare se si Parlamenti mashtron për mbështetje të pretenduar në emër të institucioneve të tjera publike dhe OJQ-ve. Këto të fundit jo vetëm që kanë mohuar mbështetjen e këtij ligji, por edhe qëndrojnë me vendosmëri dhe publikisht kundër tij !!

Shumica ka spekuluar publikisht se gëzon mbështetjen e plotë të BE-së kur miraton një numër masash legjislative anti-kushtetuese, përfshirë këtu këtë ligj. Unë kam kërkuar një qëndrim zyrtar për këtë çështje, duke pasur parasysh heshtje të përhershme kundër akuzave të tilla. Më lejoni të theksoj gjithashtu, se i vetmi aktor që nuk është përgjigjur, në mënyrë të pashpjegueshme, për një numër kërkesash zyrtare nga Presidenti, është zyra e EURALIUS V, i detyruar të ndihmojë të gjitha autoritetet zyrtare në çështjet ligjore që lidhen me reformat e BE-së !!!!!

Komisioner Varhelyi,
Ndërsa Komisioni Evropian do të bëjë gjithnjë përpjekjet e tij më të mira për të pasur një bashkëpunim dhe partneritet të ngushtë me çdo qeveri shqiptare, unë besoj se Komisioni Evropian gjithashtu duhet të marrë parasysh interesat më të mirë të popullit shqiptar në zemër.

Çdo mbështetje për gërryerjen e mëtejshme të demokracisë dhe sundimit të ligjit në vendin tim vetëm do të përshkallëzojë krizën aktuale dhe do të inkurajojë shpopullimin e Shqipërisë.

Unë do të qëndroj me vendosmëri për të mbrojtur integritetin e plotë të themelimit të Gjykatës Kushtetuese, si e vetmja shpresë për kontrollin dhe balancimin e qeverisë, veçanërisht përballë situatës aktuale politike dramatike në Shqipëri. Duke ju siguruar vlerësimin më të lartë të sinqertë, unë mezi pres të takohem me ju, i dashur Komisioner, në një moment të përshtatshëm, siç ramë dakord gjatë takimit tonë në Tiranë.

LEXO TE PLOTE