Connect with Us

“Fiks Fare” sjell personazhin e rrallë/ “Hoxha” të bën deputet me kripë dhe sheqer

Denoncim

“Fiks Fare” sjell personazhin e rrallë/ “Hoxha” të bën deputet me kripë dhe sheqer

Publikuar

-

Pranë redaksisë së “Fiks Fare,” mbërriti një denoncim se një grua e vetëquajtur “hoxhë” zgjidhte çdo lloj problemi kundrejt shumave të majme të parave.

Menjëherë pas denoncimit gazetarja e “Fiks”-it i shkon hoxhës në shtëpi. Ditën e parë gazetarja i hiqet sikur ka shqetësime me të fejuarin, pasi e ka lënë pas dore se merrej me politikë. Hoxha pasi e dëgjon i kërkon që të lutem  pasi pretendonte se fliste me vetë Allahun. Me gjuhën e vet ajo i drejtohet Allahut dhe i tregon gazetares shqetësime të shumta që ka me shëndetin e saj.  Kur gazetarja i thotë që t’i ndihmoj të fejuarin, fallxhoja shprehet “nëse do dish të punosh me mua do e çoj lart e më lart”.

Më pas i thotë gazetares së Fiksit se  i fejuari  kishte shumë magji.  Por që fallxhorja do e ndihmonte që ta bënte atë deputet madje edhe në poste më të larta në politikë. E  vetmja gjë që duhet të bënte gazetarja ishte përpikmëria e gjërave që fallxhoja do i jepte të bënte në ditët në vazhdim. Më pas gazetarja e pyet se sa lekë duhet t’i jap dhe fallxhorja shprehet se sa t’i lind asaj në zemër, pasi atë e kishte futur brenda në shtëpi, sepse ia kishte kërkuar Allahu. Më pas ajo i shpjegon se magjinë do e heqë me gjëra shtëpiake siç janë kripa dhe sheqeri.

Pasi gazetarja largohet nga fallxhorja në telefonin e saj i vjen një mesazh nga kjo e  fundit ku i shpjegon se çfarë duhet të bëjë.  Fillimisht i kërkon që sa të shkoj në shtëpi të  fus pak sheqer në gojë,  më pas të marri çorapet e bardha që fallxhorja i kishte dhënë dhe ti lidhte pa folur e t’i fuste në gjoks. Mbas dy orësh  duhet t’i hiqte dhe t’i vishte pa folur e të flinte me to. Në mëngjes çorapet e bardha do i hidhte te rrobat e palara. Ketë procedurë duhet ta kryente disa ditë rresht, por çorapet duhet t’i ndërronte me çorapet ngjyrë të zezë. Pra një natë të bardhat e një natë të zezat, një herë të hante sheqer dhe një herë tjetër kripë.

LEXO EDHE:  SKANDALI NE “Fiks Fare”/ Administratori që fundosi në borxhe ARMO-n bëhet pronar i rafinerisë

Në takimin e dytë  fallxhorja  shprehet se sheh ndryshime tek vajza si në aspektin e shëndetit por edhe të fejuarit karshi saj. Ai ka filluar t’i kushtojë vëmendje dhe dashuri më të madhe. Pasi flet sërish me Allahun fallxhorja shprehet se i fejuari i gazetares do të ngrihej në detyrë.

Gazetarja e Fiksit e ngacmon fallxhoren duke i thënë se një ditë pas mitingut që u zhvillua në 2 mars  së shpejti parlamenti do të shpërbëhej dhe donte që i fejuari i saj të behej në deputet duke ia kërkuar këtë fallxhores nëse mund t’ia arrinte. Ajo  shumë qetësisht i thotë ” Biri me ta fut në parlament është shumë pak, unë them ta ngrej në detyrë mirë fare”.

Gazetarja tregohet pak mosbesuese, por  fallxhorja shprehet se ka fuqi të mbinatyrshme  dhe që mund të bëj gjithçka. Më pas i kërkon që të marrë dy palë çorape të bardha. Ajo i thotë se duhet t’i lidhi  dhe t’i fus në gjoks më pas të flejë me to . Më pas fallxhorja i kërkon të mos flasë dhe vazhdon ritualin e saj me kripë e sheqer. Më pas i thotë gazetares se i fejuari i saj do ia dalë dhe jo vetëm ai por edhe partia ku ai bën pjesë.  Në fund kur gazetarja largohet fallxhorja i kërkon të paguaj 2000 lekë për çorapet, pasi nuk është mirë po mos t’i paguajë./Top Channel

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Ekskluzive/ Dosja e Ben Blushit përfundon në SPAK

Publikuar

-

Nga

Prej më shumë se dy javësh, CNA.al ka publikuar një sërë materialesh ekskluzive dhe dokumente zyrtare, të cilat tregojnë pasurinë e çmendur të ish politikanit dhe gazetarit, tashmë drejtor i një televizioni kombëtar, Ben Blushi.

Në datën 12 shkurt 2020, CNA.al zbuloi me dokumente zyrtare ortakërinë e Ben Blushit me Klodian Zoton, pronarin e kompanisë së inceneratorëve dhe ku marrëdhënien tregtare e ka bashkëshortja e tij Eva Blushi.

CNA.al zbuloi se Klodian Zoto, Eva Blushi dhe Mirel Mërtiri kanë në pronësi një kompani ngritur në Sofie të Bullgarisë, e cila quhet “EM CAPITAL GROUP AD”. ( Lexo këtu)

Më tej, ne vijuam investigimin tonë, ku zbuluam një tjetër detaj. Nëpërmjet dokumenteve zyrtare CNA.al, tregoi sesi kompania “EM CAPITAL GROUP AD”, e themeluar në Bullgari dhe në të cilën Eva Blushi gëzon 30% të aksioneve, vjen në Shqipëri dhe ble 51% të aksioneve të Valtelina shpk, e cila mban emrin tregtar Lori Kafe, dhe që “rastësisht” ka të njëjtët aksionerë me “Top Channel”.

Pra, nëpërmjet bashkëshortes së tij, Ben Blushi bëhet ortak me Vjollca Hoxhën. ( Lexo këtu).

Po ashtu, CNA.al zbuloi se bashkëshortja e Ben Blushit, Eva Blushi rezulton aksionere në të paktën katër biznese, në “EM CAPITAL GROUP AD”, Lori Kafe, Publialb si dhe në një subjekt me një aksioner italian, me emër subjekti “Luxury Comunicazione e Publicitta”.  (Lexo këtu).

Nga ana tjetër, vetë Ben Blushi rezulton të jetë një oligark i medias shqiptare.

CNA.al ka zbardhur pasurinë e deklaruar të Ben Blushit, gjatë kohës që ky i fundit është paguar nga taksat e shqiptarëve, pra nga vitit 2003 deri në vitin 2017, ky rezulton se pasuria e tij është shtuar në mënyrë të çmendur. (Lexo këtu)

LEXO EDHE:  “Reagim i fortë ndaj Qeverisë”/ Deputeti i video-skandalit erotik zbardh aksionin opozitar

LEXO EDHE:  Skandali i Fiks-Fare/ Shkolla 9-vjeçare në Grykë Çajë rrezikon shembjen

Po ashtu, CNA.al ka sjellë edhe të tjera detaje, në lidhje me apartamente, ndërtime në Tiranë, nga prona të familjarëve të tij. Provat e nxjerra çdo ditë tregojnë se është e pamundur që një njeri i paguar me rrogë shteti 20 vite, me të ardhura zyrtare të gëzojë një pasuri të çmendur, e cila vlen miliona dollarë.

Gjithashtu, ne kemi raportuar edhe për një pronë në Korçë, vlera e të cilës është të paktën 500 milion, por që Ben Blushi e ka deklaruar për vetëm 30 mijë euro, ndërkohë që ambienti më pas është dhënë me qera, për 2 mijë euro në muaj. (Lexo këtu)

Nga ana tjetër, CNA.al ka publikuar të tjera detaje, në lidhje me një pallat të ndërtuar në Tiranë në vitin 2013, pranë ish Stadiumit “Dinamo”, i cili i përket në pronësi një ndërtuesi dhe një tjetër personazhi. Bëhet fjalë për vjehrrin e Ben Blushit, të ndjerin A. Brati.

Ndërkohë, në lidhje me dosjen në fjalë, CNA.al ka kontaktuar në të paktën dy raste me Prokurorinë e Posaçme Kundër Korrupsionit dhe Krimit të Organizuar (SPAK).

Burime zyrtare pranë këtij institucioni, kanë bërë të ditur për CNA.al, se dosja “Blushi” ka përfunduar në SPAK.

Një anëtar i stafit është marrë ekskluzivisht me këtë dosje dhe institucionit të SPAK i janë vënë në dispozicion nga ana jonë edhe të gjitha materialet e publikuara.

Vetë kreu i SPAK, Arben Kraja, në një komunikim më CNA.al ka konfirmuar se dosja është marrë dhe do të marrë zgjidhje ligjore.

Tashmë do të jetë SPAK, i cili pritet të nisë hetimet dhe do të hedhë dritë për pasurinë e Ben Blushit dhe të familjarëve të tij./CNA.al

 

LEXO TE PLOTE

Denoncim

Nga skandali seksual te helmimi në shkollë/ Besa Shahini nuk tutet!

Publikuar

-

Nga

Javën e kaluar shumë nxënës të shkollës së mesme “Janaq Kilica” në Fier përfunduan në spital, të dyshuar si të helmuar. Ngjarja u përsërit ditën e djeshme në përmasë më të madhe.Shumë prindër, por edhe një mësues denoncuan masat e shkollës, që nga njëra anë mbyllet me celës si burg, por nga ana tjetër nuk bëri asgjë pas incidentit të parë.

Pas ngjarjes së djeshme, në shkollën “Janaq Kilica” mbërriti me urgjencë ministrja e arsimit Besa Shahini, e cila në një reagim për gazetarin e emisionit “Stop”, vijoi në linjën e arrogancës, duke mos dhënë shpjegime për skandalin seksual në shkollën e mesme artistike në Fier.

Ministrja u mjaftua të kërkonte pyetjet me shkrim, edhe pse shumë të tilla drejtuar nga emisioni “Stop” kanë mbetur pa përgjigje në tryezën e saj. Nga foltorja e Kuvendit deputeti i Bindjes Demokratike Andi Përmeti, i kërkoi ministres dorëheqjen pas skandalit seksual të zbuluar dhe transmetuar nga emisioni “Stop”.

LEXO TE PLOTE

Denoncim

Denoncimi i “Fiks Fare”/ Gjyqtarja bën vetë eksperten, shpjegon vetë fenomenin e baticës dhe zbaticës

Publikuar

-

Nga

Rezarta (Paja) Aliu gjyqtare në Gjykatën e Administrative të Shkallës së Parë Durrës edhe pse cakton një ekspert për të bërë matjet në terren për një çështje gjyqësore në fund vendos vetë, me arsyetimin se eksperti ka gabuar në caktimin e vijës së detit.

Eksperti Romeo Nazarko u caktua nga vetë gjykata për të bërë matjet e distancës së një objekti i cili nuk ishte legalizuar, pasi sipas Aluiznit ishte më afër se 145 metra me vijën bregdetare.

Në aktin e ekspertimit që z.Nazarko depozitoi në Gjykatën Administrative të Shkallës së parë Durrës , të gjitha distancat ishin mbi 150 metra. Por që ky akt ekspertimi u hodh poshtë nga gjyqtarja me arsyetimin se eksperti nuk kishte bërë mirë matjet e fenomenit të baticës dhe zbaticës.

Gentian Mesiti u ankua në emisionin Fiks Fare për gjyqtaren Rezarta Paja, e cila sipas zotit Mesiti kishte hedhur poshtë aktin e ekspertimit të ekspertit Inxhinier Gjeodet Romeo Nazarko , i caktuar nga vetë gjyqtarja për të bërë matjet në terren.

Z.Mesiti tregon se kalvari i tij me institucionet ka nisur që në vitin 2007 , vit në të cilin aplikoi për të legalizuar një objekt në zonën e Gjirit të Lalzit, saktësisht në fshatin Draç.

“Aluizni ma përjashtoi nga legalizimi ndaj ju drejtova Gjykatës Administrative të Shkallës së Parë Durrës, e cila caktoi një ekspert për të bërë matjet, pasi objekti u përjashtua me arsyetimin se është më pak se 145 metra afër bregut të detit” tha z.Gentian.

Ndërkohë ai tregon se edhe pse eksperti ka bërë matjet në kohë dhe skica të ndryshme të arsyetuara me fenomene natyrore, sërish gjyqtarja e ka hedhur poshtë duke u bërë vetë eksperte.

LEXO EDHE:  Video/ Artan Hoxha: Qeveria mbylli një sy për kanabisin

LEXO EDHE:  Hap punimet Asambleja e Partisë Socialiste

“Ekspertin ajo e caktoi vetë, pastaj thotë ai nuk ka bërë mirë matjet, dhe futet e shpjegon baticën e zbaticën ” thotë z.Mesiti.

Fiksi solli aktin e ekspertimit të Ing.Gjeodet Romeo Nazarko i depozituar edhe në Gjykatë, në të cilin janë pasqyruar 3 llojë matjesh, në ditë me diell, në ditë të vërenjtur dhe pamje nga Gjeoportali Kombëtar. Të gjitha distancat e nxjerra në akt ekspertimi janë mbi 150 metra. Ç’ka nënkupton se objekti duhet të legalizohet. Por në fakt tjetër gjë ka ndodhur në gjykatë, vetë gjyqtarja në arsyetimin gjyqësorë ka marrë përsipër të sqaroi baticën dhe zbaticën dhe të hedhë poshtë aktin e ekspertimit, duke thënë se vija e detit e përcaktuar nga eksperti është e gabuar.

Pas këtyre fakteve gazetarët e Fiksit ju drejtuan Gjykatës Administrative të Shkallës së Parë Durrës për të marrë një shpjegim nga gjyqtarja Paja, por kjo e fundit edhe pse gazetarët e pritën për 3 orë derisa mbaroi proçeset gjyqësore, gjyqtarja nuk donte t’i takonte, pasi nëpërmjet sekretarit kishte marrë vesh se për çfarë interesohej Fiksi.

Në fund gazetarët e Fiksit takojnë gjyqtaren në zyrën e saj, por ajo i nxori nga zyra duke thënë se e keni të zbardhur vendimin, pasi 2 policë nxorën operatorin nga zyra e gjyqtares, kjo e fundit kërkoi ndihmë edhe për të nxjerrë gazetaren nga institucioni.

LEXO TE PLOTE