Connect with Us

Shqiptarët, të parët në botë për kërkesat për azil në BE/ Lëmë pas Sirinë e Afganistanin

Sociale

Shqiptarët, të parët në botë për kërkesat për azil në BE/ Lëmë pas Sirinë e Afganistanin

Publikuar

-

Shumë shqiptarë ende kërkojnë të gjejnë shpëtimin si azilantë. Edhe për vitin 2019, në raport me popullsinë, Shqipëria ka shënuar numrin më të lartë të azilkërkuesve, duke u renditur kështu në vendin e parë me 59 aplikime për çdo 10 mijë banorë, sipas të dhënave të Zyrës Europiane të Azilantëve (EASO), të përpunuara në raport me popullsinë. Madje lë pas me një diferencë të konsiderueshme, si Siria apo Afganistanit.

Monitor bëri përllogaritjet në raport me popullsinë për të pasur të dhënat të krahasueshme midis shteteve, ku për të disatin vit radhazi, Shqipëria e vogël rezulton e para në botë për aplikime në raport me popullsinë.

Sipas të dhënave të Zyrës Europian të Mbështetjes së Azilit, edhe si numër aplikimesh në vlerë absolute, Shqipëria renditet në 10 vendet kryesore të origjinës së azilkërkuesve.

Në raport me popullsinë, me një diferencë të theksuar, në vend të dytë renditen sirianët, të cilët në raport me popullsinë regjistruan 39 aplikime për çdo 10 mijë banorë, apo rreth 20 aplikime më pak se shqiptarët.

Në vend të dytë renditen afganët, ku për çdo 10 mijë banorë numri i aplikimeve ishte 17, ndjekur nga Venezuela me 14 aplikime, Iraku dhe Kolumbia me përkatësisht 9 dhe 7 aplikime për çdo 10 mijë banorë.

Ndër 10 vendet kryesore të origjinës Turqia, Irani, Pakistani dhe Nigeria kanë  një numër më të ulët aplikimesh në raport me popullsinë. Kështu turqit dhe iranianët kishin një normë prej 3 aplikimesh për 10 mijë banorë, ndjekur nga pakistanezët dhe nigerianët me 1 aplikim.

LEXO EDHE:  Rasti “Bezos”, dhe rreziqet e spiunimit nga autokratët

Aplikimet nga Shqipëria u rritën sërish në 2019-n

Të dhënat e Zyrës Europiane të Azilantëve (EASO) bënë të ditur se në vitin 2019, aplikimet për azil nga Shqipëria ishin 22.9 mijë, me një rritje të lehtë prej 2% në raport me vitin e mëparshëm, duke iu kthyer tendencës rritëse pas katër vitesh radhazi kur numri i azilantëve po vinte në rënie.

Rreth 88% e aplikimeve ishin për herë të parë, kurse pjesa tjetër ishin aplikime të përsëritura. Numri më i lartë i kërkesave për azil ishte në mars, shtator dhe tetor, kur i kaloi 2 mijë në muaj.

Të dhënat e EASO tregojnë se në total ka një numër prej rreth 15 mijë rastesh që janë pezull. Përgjithësisht, mbi 90% e vendimeve për herë të parë që merren për azilantët shqiptarë janë negative, pasi Shqipëria konsiderohet si një vend i sigurt.

Të dhënat historike (shih grafikun) tregojnë se që nga viti 2013 ka një rritje të kërkesave për azil, që kulmoi në 2015-n, me rreth 68 mijë dhe më pas ndonëse erdhi në ulje, sërish mbeti më i larti nga shtetet e tjera të Europës që nuk janë pjesë e BE-së.

Në total, që nga viti 2013, janë rreth 200 mijë persona që kanë kërkuar azil në një nga vendet e BE-së./ Monitor

Burimi: EASO, Eurostat, perpunime të Monitor

Burimi: EASO, Eurostat, perpunime të Monitor

Burimi: EASO

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Gjyshi i nuses e mashtroi për tokën/ Dhëndri i kërkon 10 mijë euro: Pse më gënjeve i mashtrues?

Publikuar

-

Nga

Pjesë e seancës së ndërmjetësimit “Shihemi në Gjyq” tek E Diela Shqiptare janë bërë Klitoni dhe Hairi për një problem që ka nisur para 7 vitesh.

Klitoni është burri i mbesës së Hairit i cili i ka shitur një tokë me probleme. Klitoni i ka dhënë 10 mijë euro por deri më tani ai nuk ka as tokën dhe as lekët. Gjatë seancës, situata ka degraduar dhe në ofendime.

Klitoni: Pse më gënjeve i mashtrues?

Hairi: Më mirë të më bjerë një vdekje dhe shkoj gjej lekët ti.

Klitoni: Të erdhi mirë kur i more lekët ti?

Eni Çobani: Lekët pse ia more o zoti Hair, kur kishte probleme me tokën? Lekët i deshe?

Hairi: Lekët i desha unë, i mora, i mora nuk i mohoj.

Eni Çobani: Po mirë mo si i more lekët, se kjo më bën çudi. Certifikatën e tij ia ka dhënë Klintonit, por pa i thënë se është në probleme me Kastriotin.

Klintoni: Unë ika me mirëbesim, gjyshi i nuses.

Hairi: Shko ku të duash, para nga unë nuk ke, kur të vdes do mbyllen hesapet, s’ka. Bëni çfarë të doni unë do vdes fare.

Klitoni: Lekët do mi kthesh kokërr më kokërr.

Hairi: Ku ti gjej kokërr më kokërr unë i shkreti. Ik ore merr tokën.

LEXO EDHE:  Edi Rama, kokoshi majë plehut që shkatërroi integrimin

LEXO EDHE:  Vdiq dy ditë më parë në një azil në Gjermani/ Dyshimet: Shqiptarja e vuri vetë zjarrin

Klitoni: Tokën merre ti jo unë.

Hairi: Jo jo unë nuk e marr dot.

Kliton: Ti qenke mashtrues.

Eni Çobani: Hair tokën kur e shite e kishe me probleme. Dy fjalë i ke thënë këtij djali se i more 10 mijë euro, nuk janë pak për një djalë të ri që në kushtet në të cilat ai jeton, më tha zonja Eni edhe unë jam në kushte të vështira ekonomike.

Hairi: Jo lekët i mora unë, nuk them se nuk i mora. Doja të haja, e dija që ishte toka ime. Do e fitoja nesër.

Eni Çobani: Po ti nuk e ke fituar ke 7 vjet.

Klitoni: Mua më pëlqeu toka, diskutuam për pazarin dhe ramë dakort për 10 mijë euro, pa dokumente, me mirëbesim sepse është gjyshi i nuses. Tani po bëj 8 vite që po pres dhe as lekë mbrapa as tokë.

Hairi: Ore çfarë leku do, çfarë toke do? Unë nga ty u detyrova ta hedh në gj yq në rrethin e Fierit dhe e fitova gj yqin.

Ardit Gjebrea: Po ato 10 mijë euro çfarë i bëre? Hairi: 10 mijë euro ikën, ne fukarenj, jo i hëngra, jo br idh nga gjyk atat. /tvklan.al

LEXO TE PLOTE

Sociale

Reshje shiu e bore në vend/ Parashikimi i motit për këtë javë

Publikuar

-

Nga

Moti i acartë/ Si pritet të jetë koha gjatë kësaj jave

Java nis me mot kryesisht të vranët e alternime afatshkurtra në mesditë kthjellimesh. Parashikohen reshje shiu të herëpashershme me intensitet të ulët deri mesatar dhe në kohë afatshkurër në zonën e veriut deri të lartë. Në zonën e Alpeve, verilindje në lartësitë mbi 300 metër dhe juglindje mbi 800 metër do të ketë reshje tepër të dendura dëbore.

Gjatë orëve të para të 24-orëshit të ditës së Martë reshjet vijojnë me intensitet mesatar deri dhe të lartë në një pjesë të madhe të territorit. Pas orëve të mesditës reshjet humbasin intensitetin dhe bëhen të herëpashershme dhe intensitet të ulët. Në relievet malore në lindje të territorit priten reshje tepër të dendura dëbore te cilat gjatë ditës në zonën e veriut dhe jugut zbresin deri në lartësitë kodrinore 400-500 metër.

Dita e Mërkurë dhe ajo e Enjte parashikohen të kenë mot kryesisht të kthjellët dhe vranësira kalimtare e reshje shiu të izoluara dhe lokale.
Java mbyllet me ditën e Premte me rikthim të motit të vranët e reshje shiu të herëpashershme me intensitet të ulët e lokalisht shtrëngata afatshkurtër. Duke nisur nga orët e pasdites reshjet bëhen të vazhdueshme me intensitet mesatar dhe të lartë në pjesën më të madhe të territorit. Përsëri reshje dëbore në relievet malore në lindje por me intensitet të ulët./CNA.al

LEXO TE PLOTE

Sociale

Shi dhe dëborë/ Zbuloni si do të jetë moti gjatë javës së ardhshme

Publikuar

-

Nga

Shi dhe dëborë/ Zbuloni si do të jetë moti gjatë javës së ardhshme

E hëna do të nis me mot kryesisht të vranët dhe më mesditë pritet të ketë kthjellime.

Të martën parashikohet të ketë reshje shiu, po ashtu edhe të mërkurë dhe të enjte, pritet një mot i kthjellët me reshje shiu të izoluara dhe lokale.

Nga fundi i javës do të rikthehen sërish reshjet e dëborës në zonat malore.

Postimi i plotë:

Java nis nesër me ditën e Hënë ndërsa moti parashikohet kryesisht i vranët e alternime afatshkurtra në mesditë kthjellimesh. Reshje shiu të herëpashershme me intensitet të ulët deri mesatar dhe në kohë afatshkurtër në zonën e veriut deri të lartë. Në zonën e Alpeve, verilindje në lartësitë mbi 300 metër dhe juglindje mbi 800 metër do të ketë reshje tepër të dendura dëbore.

Gjatë orëve të para të 24-orëshit të ditës së Martë reshjet vijojnë me intensitet mesatar deri dhe të lartë në një pjesë të madhe të territorit. Pas orëve të mesditës reshjet humbasin intensitetin dhe bëhen të herëpashershme dhe intensitet të ulët. Në relievet malore në lindje të territorit reshje tepër të dendura dëbore te cilat gjatë ditës në zonën e veriut dhe jugut zbresin deri në lartësitë kodrinore 400-500 metër.

LEXO EDHE:  Qeveria Haradinaj lë në diskriminim shqiptarët e veriut të Kosovës

LEXO EDHE:  Zbardhet takimi i ministrit Xhafaj me ambasadorët e BE

Dita e Mërkurë dhe ajo e Enjte parashikohen të kenë mot kryesisht të kthjellët dhe vranësira kalimtare e reshje shiu të izoluara dhe lokale.

Java mbyllet me ditën e Premte me rikthim të motit të vranët e reshje shiu të herëpashershme me intensitet të ulët e lokalisht shtrëngata afatshkurtër. Duke nisur nga orët e pasdites reshjet bëhen të vazhdueshme me intensitet mesatar dhe të lartë në pjesën më të madhe të territorit. Përsëri reshje dëbore në relievet malore në lindje por me intensitet të ulët.

 

LEXO TE PLOTE