Connect with Us

Pesë arsyet pse ligji për Kalimin e Pronësisë është anti-kushtetues

Politikë

Pesë arsyet pse ligji për Kalimin e Pronësisë është anti-kushtetues

Publikuar

-

Ish-deputetja e Partisë Demokratike, Jorida Tabaku ka renditur pesë arsyet, që sipas saj tregojnë se ligji për Kalimin e Pronësisë që miraton Rama sot, është anti-kushtetues.

Në një deklaratë për mediat, Tabaku tha se ky ligj i jep Ramës fuqinë e një gjykate duke vendosur për kufijtë e pronës në rast konflikti gjë që bie ndesh me Kodin e Prcedurës Civile duke marrë fuqi e kompetenca ekstraligjore.

“Edi Rama, ka prodhuar në 7 vjet një korpus ligjor anti-pronë dhe pro oligarkë. Synimi i këtij korpusi ligjor është zhdukja e të drejtës së qytetarit për të gëzuar pronën, vjedhjen e saj për interesa personalë të tarafit ekonomik të Ramës.

Në gjithë këtë grup ligjesh, qeveria dhe mazhoranca kanë shkelur me të dyja këmbët Kushtetutën e Shqipërisë, Vendimet e Gjykatës Kushtetuese dhe ato të Strasburgut. Të uritur për të gllabëruar e marrë çdo pronë të mundshme, mazhoranca ka dhunuar plotësisht parimin e shenjtë të Kartës të të Drejtave të Njeriut.

Në projekt-ligjin për Kalimin e Pronësisë, mazhoranca nuk ka respektuar asnjë nga këshillat parimore të Komisionit të Venecias. Jo vetëm kaq por ajo ka ideuar një ligj akoma dhe më  malinj se ai që kish propozuar më parë, duke e ndryshuar vetëm në fasadë dhe duke ruajtur brendinë e tij.

Projektligji që sot po miratohet nga votat e noterit personal të Ramës, të parlamentit ilegjitim, i kalon kompetenca ekstra ligjore agjencive të qeverisë si e si që kjo e fundit të përdorë pushtetin e saj për të kryer ndere personale.

Praktikisht do të kemi disa ligje në fuqi që janë në kundërshti të pastër me njëri tjetrin. Ligji për planifikimin e territorit dhe ligjin në fjalë që i jep të drejtën ASHK-së të vjedhë kompetencat e IKMT-së. Me qëllimin që procesi i legalizimeve jo vetëm të mos përfundojë kurrë, por të jetë një rrjetë me të cilën qeveria të marrë vota dhe të abuzojë me pushtetin.

Aq i pandershëm është ky ligj saqë qeveria ka vendosur që të mos mbrojë interesat ekonomik të pronarit të ligjshëm. Propozimi i cili do të votohet në kuvend, nuk i jep asnjë afat garancie të shpërblimit për tokën e grabitur pronarit. Nga ana tjetër nuk i jep as siguri për legalizimin e tij.

Sakaq, pronarët që në të drejtë të tyre kanë gëzuar një pronë për vite edhe dekada me radhë në rast të mungesës së një tapie do të konsiderohen si ilegalë. Kjo çmenduri që votohet sot në kuvendin e Shqipërisë nga noterët e krye-oligarkut Rama i kërkojnë pronarit të tokës që të ri blejë truallin e tij dhe ndërtesën e tij edhe nëse kjo është ndërtuar përpara 1991.

LEXO EDHE:  “Më shkarko po deshe”/ Rama i kërkoi dorëheqjen Xhafajt

Të vetmit që mund të gëzojnë me këtë ligj janë padyshim oligarkët e shpurës së Ramës. Janë pikërisht ato që mbrohen specifikisht për gjoja investimin e tyre që njihet si qera 99 vjeçare.

Në raste të tilla, kur një oligark që ka zgjeruar pronën e tij ilegalisht nga ajo çfarë ka marrë me qera, mund ta posedojë këtë pronë të grabitur me letra, lehtësisht. Madje një lehtësi e tillë bie dhe në kurrizin e pronarit privat apo publik edhe me një çmim qesharak.

Në fjalë të tjera. Mjafton që një prej këtyre që ka marrë rrugët e florinjta me koncensione miliarda euro, nga veriu në jug, që të vendosë njollën e tij në një tokë private apo publike duke zgjeruar aktivitetin e tij. Dhe ai mundet të zotërojë këtë tokë për biznesin e tij në dëm të interesit të qytetarëve.

Ky ligj i jep fuqi Ramës dhe vartësve të tij të kenë autoritetin e një gjykate, duke vendosur për kufinjtë e pronës në rast konflikti, të drejtë që deri më sot e kanë vetëm gjykatat në Republikën e Shqipërisë, që bie ndesh me Kodin e Prcedurës Civile duke marrë fuqi e kompetenca ekstraligjore.”-tha Tabaku.

Më tej, ajo theksoi se Partia Demokratike zotohet se do të rrëzojë këtë korpus ligjor anti-pronë, që cenon dhe sulmon parimin themelor të barazisë përpara ligjit, gëzimin e të drejtës së pronës dhe vendimet Gjykatës Kushtetuese.

“Komisioni i Venecias foli qartë për këtë ligj si dhe për grupin prej 10 ligjesh që PD ka vite që i denoncon. Miratimi i këtij Ligji është një hap më tej në uzurpimin e çdo hapësirë institucionale, në marrjen e çdo kompetence dhe në rrëmbimin e cdo përgjegjësie.

Partia Demokratike zotohet se do të rrëzojë këtë korpus ligjor anti-pronë, që cenon dhe sulmon parimin themelor të barazisë përpara ligjit, gëzimin e të drejtës së pronës dhe vendimet Gjykatës Kushtetuese.”-tha Jorida Tabaku./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Vijon “lufta” Rama-Meta/ Gjashtë pyetje për ‘Gruan e Bilalit’ dhe video ku sulmon SHBA

Publikuar

-

Nga

Pas deklaratave të kryeministrit Edi Rama nga foltorja e Kuvendit, i cili i drejtoi mesazhe të forta presidentit Meta, ka ardhur edhe reagimi nga kreu i shtetit.

Zëdhënësi i Presidencës Tedi Blushi, në një postim në rrjetet sociale, shkruan se Presidenti i Republikës nuk puth flamurin e asnjë vendi tjetër, përveç Flamurit Kombëtar, ndërsa sqaron edhe një herë se kreu i shtetit ngriti flamurin amerikan në manifestimin e 2 marsit, në nderim të gjithë atyre të cilët udhëtuan në Bulevardin Dëshmorët e Kombit.

Ndërsa liston disa pyetje për “gruan e Bilalit”, siç i drejtohet ai kreut të qeverisë, Blushi publikon edhe një video të kryeministrit, ku sipas tij përdhos flamurin amerikan.

“Presidenti i Republikës Sh.T.Z Ilir Meta nuk puth flamurin e asnjë vendi tjetër, përveç Flamurit Kombëtar, flamurit më të bukur në botë.
Presidenti Meta në Manifestimin madhështor Mbarëkombëtar të 2 marsit ka ngritur Flamurin e SHBA, të sjellë nga grupi i shqiptaro-amerikanëve, në nderim të gjithë atyre të cilët udhëtuan për ditë të tëra për t’iu bashkuar PRANVERËS KUQEZI.

Presidenti Meta vlerësoi me këtë akt, jo vetëm shqiptaro-amerikanët, të cilët i konsiderojnë të shenjta të dy Flamujt, por edhe të gjithë shqiptarët kudo ndodhen, të cilët me shumë të drejtë e mbajnë Flamurin Amerikan në shtëpitë e tyre, si simbol të lirisë dhe drejtësisë.
Shqiptarët nuk kanë pse t’i marrin askujt leje për të nderuar idealet amerikane, përkundër frymëzimeve koreano-veriore të Gruas së Bilalit.

Përkundrazi, është Gruaja e Bilalit që duhet të japë publikisht disa sqarime, meqë pretendon se nuk bën asnjë dhunim të Kushtetutës dhe shtetit të së drejtës, dhe asnjë grabitje të fondeve publike me PPP, pa lejen e “amerikanëve”:
1. Kujt i mori leje Gruaja e Bilalit dhe a e mbylli çështjen penale të fotos së paligjshme me një President të nderuar amerikan? Nëse po me çfarë marrëveshje bashkëpunimi dhe me kë?
2. Kujt i mori leje Gruaja e Bilalit që u përfshi në mënyrën më të pacipë në zgjedhjet e fundit amerikane duke e cilësuar Presidentin Trump, atëhere kandidat, si turpin e njerëzimit dhe kërcënim për marrëdhëniet shqiptaro-amerikane🇦🇱🇺🇸, duke e fyer publikisht, jo vetëm një herë, në shqip dhe në anglisht?

3. Pse Gruaja e Bilalit nuk na e tregon autorizimin që pretendon se ka marrë për t’u hequr publikisht vizat amerikane drejtuesve të opozitës dhe kritikëve të tij në media?
4. Pse Gruaja e Bilalit nuk tregon publikisht aktet e “amerikanëve të tij” që i kanë dhënë përkrahje për krimet kushtetuese dhe falsifikimet kriminale të Dvoranëve, Etildave dhe Artave që e lanë vendin tre vjet pa Gjykatë Kushtetuese?
5. Kujt i mori leje Gruaja e Bilalit për të flakur publikisht dhe për të përbuzur Flamurin e nderuar të SHBA🇺🇸, idealet e të cilit frymëzuan shqiptarët për përmbysjen e diktaturës koreano-veriore të paraardhësve të tij 30 vite më parë, kur me firmën e të atit u varën poetët e fjalës së lirë?
6. Kujt i mori leje Gruaja e Bilalit për të flakur publikisht dhe për të përbuzur Flamurin e nderuar të SHBA🇺🇸, atë flamur që të burgosurit politikë të Spaçit dhe Qafë-Barit e nxorrën si të vetmen “armë” që kishin, së bashku me Flamurin Kombëtar🇦🇱, në revoltat e tyre kur ekzekutoheshin nga regjimi i prindërve dhe dajave të tu?
Presidenti Meta ka folur, flet dhe do të flasë gjithmonë vetëm në emër të Kushtetutës të miratuar me unanimitet me 140 vota për të bërë Reformën në Drejtësi. Puçistët flasin në emër të Pushtetutës, Ramaformës dhe grushtit të shtetit.

LEXO EDHE:  “Rama rrëzohet vetëm me dhunë”/ Fatos Lubonja thirrje Metës: Braktis Presidencën dhe organizo LSI-në

LEXO EDHE:  Rama apo Blushi?/ Ja kë zgjedh Mimoza Hafizi

ZOTI E BEKOFTË MIQËSINË SHQIPTARO-AMERIKANE!
Për të gjithë ata shqiptarë dhe amerikanë që i kanë harruar këto pamje skandaloze, ju lutem të shohin më poshtë videot e turpshme dhe të pacipa të Gruas së Bilalit:”-shkruan Tedi Blushi./ CNA.al

“O sot o kurrë, ky është momenti”/ Rama mesazh Metës: Do vijë dita e larjes së hesapeve

LEXO TE PLOTE

Politikë

Edi Rama humb gjyqin me Sali Berishën/ A do të dorëhiqet siç premtoi?

Publikuar

-

Nga

Kryeministri Edi Rama, ka humbur një prej gjyqeve ku ka paditur ish kryeministrin Sali Berisha. Gjykata ka vendosur rrëzimin e padisë dhe kundërpadisë dhe i ka ngarkuar shpenzimet gjyqësore paditësit dhe kundërpaditësit respektivisht.

Pak kohë më parë, në një deklaratë të paprecedentë dhe kërcënuese ndaj gjyqtarëve, kryeministri Rama, deklaroi se do t’i fitojë të gjithë gjyqet që ka hapur ndaj politilkanëve dhe gazetarëve dhe në rast të kundërt do të dorëhiqet nga posti që mban.

Nëse do ta mbante fjalën, kryeministri do të dorëhiqej, por duke qenë se ai nuk e ka dhënë dorëheqjen për skandale shumë më të mëdha gjatë qeverisjes 7 vjeçare, sigurisht nuk ka asnjë shpresë që të largohet për një deklaratë.

LEXO EDHE:  Rama: Pas zgjedhjeve, koalicioni me 3 bashkëkryetarë/ Meta: Kjo është pozitive

LEXO EDHE:  Berisha del hapur në krah të Metës/ Dekreti kushtetues, Rama bëri grusht shteti

“Diku nga fundi i dhjetorit, kur kapardisej në Kuvend që do i fitonte të gjitha gjyqet për shpifje, Rama tha se po te humbte nje gjyq do ikte nga skena. Ja pra që ndodhi. Humbi gjyqin me Berishën, pasi nuk bindi dot një gjyqtare qe e ka kaluar ventingun. Të ishte burrë, do jepte dorëheqjen, por meqë është legen, po pres të bëjë justifikimet e zakonshme apo heshtjen sikur nuk ka ndodhur asgjë. Mos me zhgënje o Skënderbe i mbetur në tentativë“, shkruan avokati Dorian Matlija./TPZ

LEXO TE PLOTE

Politikë

Imoraliteti publik dhe abuzimi mediatik i Henri Çilit

Publikuar

-

Nga

Pronari i UET dhe i një studio ligjore, i arrestuar një javë më parë gjatë një operacioni të bujshëm policor, me gjashtë akuza mbi supe, sot i kapardisur dilte në një konferencë për shtyp. Ishte kujdesur edhe që të reklamonte studion e tij ligjore, për të cilën ai akuzohej se kishte bërë pazare, kishte përfituar shuma të mëdha parash, për të liruar nga burgu një person i cili akuzohej për vrasjen e efektivit të policisë Ibrahim Basha.

CNA.al u përpoq të mbante një rol asnjëanës, deri në zbardhjen e plotë të çështjes, pasi prezumimi i pafajësisë do të duhej të ishte hapi i parë.

Henri Çilit mund t’i hidheshe në fyt dhe ta “shqyeje” në ato momente. Jo për mëshirë, por për profesionalizëm raportuam dhe u treguam të ndershëm me lexuesit tanë. Me shpresën dhe besimin se do të ishin institucionet ato që do të zgjidhnin gjithçka dhe duhej të fliste drejtësia.

Por, gjykata e liroi Henri Çilin dhe ky i fundit e quajti triumf daljen me “Detyrim paraqitje”.

Henri Çili ofendohet pse është arrestuar, sepse nuk do të arratisej, do të shkonte vetë në polici, por duhet ta kuptojë dhe ta mësojë se njerëzit po arrestohen për 5 mijë lek të papaguara dritash, apo për fshehje, shantazhe, presione apo debate e jo më 1 milion euro pasuri të përfituar, për të liruar dikë që ka vrarë një polic.

Gjithësesi shteti vendosi të veprojë. Institucionet vepruan, dhe Çili është i lirë.

Por, sot pamë pafytyrësinë dhe imoralitetin publik të Henri Çilit. Si një kapadai doli publikisht për t’u shfajësuar, për të mbrojtur të drejtën e tij, duke pasur edhe një akses të fortë në media. Doli sikur të ishte një hero, dhe të sulmonte institucionet dhe të thoshte se pse arrestimi i tij ishte i padrejtë, e të tjera pallavra si këto.

Në fakt, Henri Çili është ai që ka gatuar Rilindjen, është një nga ato fytyrat e neveritura të medias, që nga rruga, i mbytur në borxhe, del dhe kapardiset në kryeqytet sikur është njeriu i mendimit politik, i zhvillimit të biznesit dhe njeriu i ideve të mëdha.

Në fakt është një i zhytur në borxhe, me miliona e miliona euro kredi në një bankë të nivelit të dytë. Është një njeri që ka ngritur një kështjellë rëre, e cila shumë shpejt po i shembet.

Ngriti një kështjellë rëre, duke u financuar edhe vetë dhe investuar tek ligji i Arsimit të Lartë, i cili para se të aprovohej pati një operacion të gjerë nga Ministria e Arsimit, por Henri Çili, edhe pse me një raport skandaloz të këtij institucioni, nuk pësoi asgjë. Dhe kjo pikërisht për shkak të influencës së tij politike dhe mediatike. Megjithëse raporti ishte shumë me keq se në disa universitete të tjera që u mbyllen, asnjë gjëmb nuk i hyri në këmbë.

E më pas ishte ai që e mbrojti mediatikisht ligjin e Arsimit të Lartë. Ishte ai që e mbronte Edi Ramën. Ishte ai që kishte kërkuar mandatin e tretë për Sali Berishën, por në publik këtë radhë kishte “kapërcyer ylberin”.

Deri në neveri për sjelljet e tij publike. Deri në poshtërsi për veprimet e tij, Henri Çili nuk kursehet në asgjë. Ai investoi dhe produkte në politikë. U investua për interesat e tij klienteliste dhe duke shfrytëzuar hapësirat dhe disa lidhje okulte mundi të siguronte famën e duhur. Shkoi dhe pagoi, sponsorizoi ku mundi, në media, në gazetarë, ndërtoi gazeta dhe i shiti ato. Më pas hapi të tjera, e kështu me radhë.

LEXO EDHE:  Ish-ministri Drejtësisë një mesazh për Prokurorinë/ Ja çfarë i kërkon Arta Markut

LEXO EDHE:  “Ministri i Brendshëm”/ Rama dërgon sërish Lleshin në Presidencë

Disa personazhe politike i mban në krah, i financon. Iu publikon librat, iu jep dhjetëra milion lekë dhe këtë vetëm e vetëm që kur të vinte një ditë si kjo të kishte mbështetjen e opionionit publik nëpërmjet influencës mediatike apo opinionbërësve në Shqipëri.

Është thuajse e njëjtë situata dhe e përsëritur me personazhe të tjerë të botës së medias, të cilët zhyten thellë e pastaj dalin duke ulëritur sikur të ishin të pafajshëm. Dhe në momentin kur duhet të heshtin, ata kthehen si “triumfatorë”, duke u bërë më të neveritshëm se kurrë.

Edhe kur ti kërkon të heshtësh përballë tyre, për të lënë drejtësinë të flasë, ata dalin dhe bëjnë zhurmë. Sërish nuk të lënë rehat, duan të jenë pjesë e skemës, e opinionit publik, e politikbërjes në vend.

Në fakt çfarëdo që të bëjë, sido që të dalë në publik Henri Çili, atë e njohin të gjithë se kush është. E dinë të gjitha mediat, e dinë të gjithë cirkun e tij politik. Por, në Shqipëri quhet vlerë e madhe të kapërcesh sa në një krah në një tjetër, të mbytesh në borxhe, të krijosh kllouna në politikë dhe t’i mbështesësh ata që të marrin pushtet e nesër të të kthejnë shpërblimin.

Në fakt Henri Çili është nga ata që ka dështuar shumë nga personazhet e tij. Po dështon edhe vetë dhe çfarëdo që të bëjë, imazhi i tij është imazhi i një njeriu të opinionit që me daljen e sotme, thjeshtë dhe vetëm nga “triumfi” shkoi në neveri.

Henri Çili do ngelet Henri Çili, ai çuni nga fshati i Labinotit që ndërroi emrin se e kishe për turp ta mbante Neim, por e donte Henri. Një njeri i kompleksuar, pa autoritet. Thjeshtë dhe vetëm në xhepin e pushtetit të radhës, me gjoja ide dhe servilizma për interesat dhe qëllimet e tij personale.

U zhyt thellë. Shumë njerëz që mund ta sulmonin dhe t’i vinin “shqelmin” të fyti, u tërhoqen dhe e lanë, sepse menduan se ky do të ishte një leksion për Çilin, një reflektim. Por, kjo nuk ndodhi. Ai u kthye sot përballë publikut si  një bishë, e cila është plagosur dhe përpara se të japë shpirt në opinionin publik, nuk do të ngordhë, por do të dalë të luftojë deri në fund. A thua se do të shpëtojë diçka nga ajo që ka humbur. Por, në fakt nuk shpëton dot asgjë. Dhe problemi nuk është tek arrestimi i tij. Problemi është tek sjellja e tij publike dhe aksioni i tij politik që ka ndërmarrë në 10 apo 15 vite. Asgjëkundi tjetër.

Kot e kërkon Henri Çili ta gjejë tek arrestimi prishjen e imazhit dhe dëmshpërblimin e tij . Ai mund të fitojë miliona lekë, mund të dalë dhe i pafajshëm. Por, problemi nuk është tek ndalimi nga policia. Problemi është tek aktiviteti i tij në këto 15 vite dhe neveri që ka ngritur në opinionin publik./ CNA.al

Gjashtë akuzat e prokurorisë/ Henri Çili thyen heshtjen për mediat

“Do apeloj vendimin e Gjykatës”/ Çili kërkon pafajësi dhe dëmshpërblim pas arrestimit

Në burg Henri Çili, apo prokurori i çështjes?!

Fotot ekskluzive/ Në kasollen e Henri Çilit

Flet “babai” dhe sponsori i Salianjit/ Pse mashtron publikisht Henri Cili?

“Do apeloj vendimin e Gjykatës”/ Çili kërkon pafajësi dhe dëmshpërblim pas arrestimit

Premtoi se do i nxirrte të birin nga burgu/ Henri Çili dyshohet se i mori para e prona babait të të dënuarit përjetë

LEXO TE PLOTE