Connect with Us

Një muaj kryeministër/ Albin Kurti bën bilancin e vendimeve të rëndësishme

Kosova & Rajoni

Një muaj kryeministër/ Albin Kurti bën bilancin e vendimeve të rëndësishme

Publikuar

-

Kryeministri i Kosovës, Albin Kurti ka bërë një bilanc një-mujor lidhur me vendimet që ka marrë ai dhe qeveria e tij që në momentin që ka marrë postin e kryeministrit.

Kurti rendit të gjitha vendimet e rëndësishme që janë marrë në këto 30 ditë.

Kryeministri Kurti bën me dije se ndër vendimet më të rëndësishme që u morrën janë: Ulja e pagave të zyrtarëve, ndarja e mjeteve financiare me vlerë 200 mijë për Shqipërinë pas tërmetit, ndarja e mjeteve financiare për parandalimin e situatave të mundshme emergjente për shkak të epidemisë, anulimi i disa tenderave pa miratim buxhetor, etj.

“Sot u bë një muaj prej se zyrtarisht mora detyrën si Kryeministër i Republikës së Kosovës.
Qeveria jonë mori shumë vendime të mira e të rëndësishme. Ja disa prej tyre:
– U përgjysmuan pagat e kryeministrit, zëvendëskryeministrave, ministrave, zëvendësministrave dhe stafit të tyre, por jo edhe pagat në sistemin e drejtësisë dhe Gjykatën Kushtetuese.
– U shkarkuan shtatë koordinatorë nacionalë.
– U emërua Komiteti për Partneritet Publiko-Privat, në përbërje të të cilit janë pesë ministra.
– U aprovua Nisma e Ministrisë së Financave dhe Transfereve për negocimin e “Marrëveshjes për eliminimin e tatimit të dyfishtë dhe parandalimin e evazionit fiskal lidhur me tatimin në të hyra dhe kapital” në mes të Qeverisë së Republikës së Kosovës dhe Republikës së Finlandës, dhe gjithashtu me Mbretërinë e Holandës.
– U ndanë mjete financiare në shumë prej 29,809.10 euro për projektin e GIZ-it, fonde që janë dhënë prej tij për mbështetjen e refugjatëve nga Republika e Shqipërisë gjatë qëndrimit në parkun inovativ të Biznesit në Prizren, me rastin e tërmetit.
– U aprovua mbështetja financiare për shmangien e dëmeve nga fatkeqësia natyrore e stuhisë së fuqishme në komunën e Pejës dhe Istogut. Sipas raportit të komisionit, dëmet arrijnë shumën prej 433 mijë euro.
– U aprovua Rregullorja për Fushat e Përgjegjësisë Administrative të Zyrës së Kryeministrit dhe Ministrive.
– U shkarkua Bordi i Drejtorëve i Ndërmarrjes Publike Qendrore “Telekomi i Kosovës” Sh.A.
– Sekretarët e përgjithshëm nga ministritë e prekura, nga riorganizimi që zvogëloi numrin e ministrive, kaluan në listën tepricë sipas legjislacionit në fuqi për shërbimin civil.
– U shfuqizua vendimi i Qeverisë së Republikës së Kosovës për pagat e ish-ministrave e ish-zëvendësministrave pasi ata përfundojnë mandatin.
– U aprovua në parim Nisma për lidhjen e Marrëveshjes për Ndihmë të Ndërsjellë Juridike në Çështjet Penale ndërmjet Republikës së Kosovës dhe Republikës së Francës dhe u aprovua në parim Nisma për lidhjen e Marrëveshjes për Ekstradim ndërmjet Republikës së Kosovës dhe Republikës së Francës.
– U aprovua kërkesa e Ministrisë së Financave dhe Transfereve për ndarjen e mjeteve financiare në shumë prej 200 mijë euro si mbështetje financiare për Republikën e Shqipërisë, me qëllimin e ndihmës në riparimin e dëmeve nga tërmeti i datës 26 nëntor 2019.
– U aprovua propozimi i Ministrisë së Financave dhe Transfereve për të kërkuar nga Presidenti i Republikës së Kosovës dhënien e autorizimit Ministrit të Financave dhe Transfereve për nënshkrimin e Marrëveshjes së Bashkëpunimit mes Republikës së Kosovës dhe Bashkimit Evropian për pjesëmarrje në programin e BE-së “Customs 2020” dhe në programin tjetër të BE-së “Fiscalis 2020”.
– U shkarkua Bordi i Drejtorëve i Ndërmarrjes Publike Qendrore “Hekurudhat e Kosovës – Infrakos” Sh.A.
– U shfuqizua Vendimi i Qeverisë i datës 11.09.2018, për aprovimin e koncept-dokumentit për ndryshimin e politikave fiskale dhe bujqësore për prodhimin e duhanit dhe cigareve në Kosovë.
– U ndanë mjete financiare në shumë prej 400 mijë euro për Ministrinë e Shëndetësisë për parandalimin e situatave të mundshme emergjente për shkak të epidemisë.
– U aprovua propozimi i Ministrisë së Drejtësisë për themelimin e Grupit të Ekspertëve të pavarur që do të dizajnojë parimet udhëheqëse, skenarët dhe elementet e reformës së Vettingut në sistemin e drejtësisë, dhe që përbëhet nga 10 profesionistë kryesisht nga lëmia përkatëse, nën kryesimin e Qerim Qerimit, anëtar i Komisionit të Venedikut dhe profesor universitar, Fakulteti Juridik, Universiteti i Prishtinës.
– U shkarkuan drejtorët e Bordit Mbikëqyrës të Ndërmarrjes Publike Qendrore “Trepça” Sh.A.
Qeveria jonë, përkatësisht ministrat, e saj po bëjnë punë të palodhur dhe të madhe. Disa prej vendimeve që kanë marrë ata janë:
– Shfuqizimi i vendimeve të emërimeve të 14 konsujve nëpër botë.
– Anulimi i tenderit 110 milionësh i autostradës Prishtinë-Gjilan i shpallur pa miratim buxhetor.
– Anulimi i ndërtimit të lagjes pranë liqenit të Badovcit.
– Ministria e Integrimit Evropian do të kursejë 330 mijë euro çdo vit pasi që është zhvendosur në objektin e Qeverisë së Kosovës dhe kështu nuk do të paguaj qira dhe shpenzime komunale.
– U nënshkrua marrëveshja me Bankën Botërore për të mbështetur Kosovën me një grant prej 2,785,000 dollarë, i cili u dedikohet komunave për zhvillimin e aftësive të rinisë.
– U anuluan tri vendime të ish ministres së Integrimit Evropian, duke kursyer kështu rreth 400 mijë euro.
Vazhdojmë…”, shkruan Kurti në një postim në rrjetet sociale.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

“Rregull dhe ligj në Ministrinë e Jashtëme”/ Propozohet tërheqja e 7 diplomatëve kosovar

Publikuar

-

Nga

Ministri i Jashtëm i Kosovës, Glauk Konjufca, propozi të martën tërheqjen nga misionet diplomatike të shtatë ambasadorëve dhe konsujve, përfshirë edhe ambasadoren e Kosovës në Washington, Vlora Çitaku.

Përveç saj në një njoftim të publikuar edhe në rrjetet sociale, raporton radioja amerikane VOA, thuhet se është propozuar tërheqja e Edon Canës që shërbën aktualisht në Sofje, Lirim Grejçevcit që shërben në Hagë, Shpend Kallabës që shërben në Budapest, Mimoza Ahmetajt që shërben në Strasburg, Ylber Hysës që është në shërbim në Podgoricë dhe Ramadan Avdiut që shërben si konsull në Gjenevë.

Në njoftim thuhet se “që në fillim të mandatit jam zotuar për vendosjen e rregullit dhe ligjit në Ministrinë e Punëve të Jashtme dhe Diasporës. Një ndër hapat e radhës është edhe kërkesa për kthimin e ambasadorëve politikë që e kanë përfunduar mandatin 4-vjeçar të paraparë sipas ligjeve në fuqi të Republikës së Kosovës”. Megjithatë, sipas Kushtetutës së Kosovës: vendimi për emërimet dhe shkarkimet e shefave të misioneve diplomatike të Kosovës i takon Presidentit të vendit.

LEXO TE PLOTE

Kosova & Rajoni

Ndahet nga jeta mjeku i parë ligjor shqiptar

Publikuar

-

Nga

Është ndarë sot nga jeta në moshën 64 vjeçare, profesori dhe mjeku i parë ligjor shqiptar, Agim Ramadani.

Ramadani ka lindur më 3 tetor 1956, në fshatin Zhelinë, rrethina e Tetovës.

Mbaroi Fakultetin e Mjekësisë në Prishtinë, kurse specializimin për Mjekësi Ligjore dhe Patologji e kreu në Institutin e Mjekësisë Ligjore në Shkup.

Për mbi 15 vite ka udhëhequr Mjekësinë Ligjore dhe Patologjinë në Tetovë, kurse ndërkohë ka magjistruar dhe doktoruar në drejtime që lidhen me profesionin primar.

Ramadani ka qenë edhe profesor i Mjekësisë Ligjore në Universitetin e Tetovës dhe Universitetin e Evropës Juglindore në Shkup dhe Tetovë.

LEXO EDHE:  Xhaxhai i Akeksandër Kurtit: E refuzuam 2 herë familjen e Mark Frrokut

LEXO EDHE:  “Mos e bëj atë gjë para fëmijëve”/ Këshilltari i djathtë i përvishet Ramës

Pas vetes ka lënë kontributin shkencor dhe mjekësor. Në vitin 2015 ka botuar librin e parë në shqip me praktika të mjekësisë ligjore. Gjithashtu ka qenë themelues i Shoqatës së mjekëve dhe stomatologëve shqiptar në Maqedoni.

 

LEXO TE PLOTE

Kosova & Rajoni

Thaçi dhe Vuçiç takohen në Shtëpinë e Bardhë/ Reagon qeveria Kurti

Publikuar

-

Nga

Thaci vucic marreveshja

Presidenti Thaçi dhe Presidenti Vuçiç, u takuan në Shtëpinë e Bardhë me ndërmjetësimin e Richard Grenell. Qeveria Kurti thotë se Thaçi po vepron në një hapësirë jotransparente.

Presidenti i Kosovës, Hashim Thaçi konfirmoi mbrëmë vonë se ka zhvilluar një takim me Presidentin e Serbisë Aleksandër Vuçiç në Shtëpinë e Bardhë në Shtetet e Bashkuara të Amerikës, takim ky i ndërmjetësuar nga i dërguari amerikan në dialogun Kosovë-Serbi, Richard Grenell. Presidenti Thaçi tha se në takim ka marr pjesë edhe këshilltari i sigurisë kombëtare i Presidentit Tramp Robert O’Brien, ku është diskutuar siç thuhet “mundësia e arritjes së marrëveshjes përfundimtare Kosovë-Serbi”. Mbrëmë vonë Thaçi shkroi në Facebook për takimin, ku tha se do të raportojë në detaje në Kuvendin e Kosovës për këtë takim.

Raportimi në Kuvend

“Sapo përfundova një takim të përbashkët me Presidentin e Serbisë, Aleksandër Vuçiç, në Shtëpinë e Bardhë, me ftesë të emisarit special për dialogun ndërmjet Kosovës dhe Serbisë, Richard Grenell, ku i pranishëm ishte edhe Këshilltari për Siguri Kombëtare, Robert O’Brien. Kosova është e bekuar me mbështetjen e Amerikës dhe Presidentit Trump. Tani jam rrugës për në Kosovë. Pres që menjëherë, të mërkurën apo të enjten, të më mundësohet raportimi në Kuvendin e Republikës së Kosovës, për t’i njoftuar deputetët dhe qytetarët e Kosovës për takimet në Washington dhe më specifikisht për takimin e sotëm”, shkroi Presidenti Thaçi duke potencuar që siç thotë, “duke qëndruar të bashkuara institucionet, partitë politike dhe qytetarët, Kosova do të jetë edhe më e fortë”.

Reagimi i Kurtit dhe qeverisë

Qeveria e Kosovës e udhëhequr nga Albin Kurti nuk pati njohuri për këtë takim, prandaj zëvendëskryeministri i qeverisë, Haki Abazi, thotë se “Presidenti po vepron në një hapësirë jotransparente”. “Lajmi për takimin është vetëm përmes mediave. Unë e kam thënë disa herë në ditët e fundit, edhe në Kuvendin e Kosovës, që presidenti është duke vepruar nga një hapësirë jotransparente dhe në mungesë të plotë të koordinimit me institucionet e Kosovës. Ne si qeveri nuk kemi absolutisht asnjë informacion se çfarë është agjenda, për çfarë është duke u diskutuar dhe cilat janë pozicionet që presidenti i ka paraqitur në këto takime në Washington”, reagoi zëvendëskryeministri Abazi. Sipas tij, “Presidenti po i kalon kompetencat kushtetuese, dhe është duke vazhduar me agjendën e tij”.

LEXO EDHE:  Të fortët drejt prangave/ Policia zbardh numrin e personave të arrestuar

LEXO EDHE:  Qeveria e Kosovës shpall 28 nëntorin ditë pushimi

Mungesa e transparencës

Presidenti i Kosovës, Hashim Thaçi ka një javë që po qëndron në SHBA-së, dhe para nisjes kryeministri Albin Kurti e ftoi Presidentin në një takim që siç tha “të ulen dhe të diskutojnë për unifikimin e qëndrimeve në politikën e jashtme, me theks të veçantë për dialogun me Serbinë”. Këtë kërkesë për Presidentin, kryeministri Kurti e përsëriti edhe në seancën e jashtëzakonshme ku u diskutua për heqjen e tarifës ndaj mallrave të Serbisë me qëllim që t’i hapet rruga dialogut.

“Po pres kur të kthehet presidenti nga SHBA-ja dhe le ta bëjmë një diskutim të hapur për politikën e jashtme. Ai ka disa qëndrime, unë kam disa ide, por deri sa nuk isha kryeministër mi shkruante nga dy letra në ditë, tash po ikë”, deklaroi Kurti në Kuvend, duke njoftuar se letra për takim u ka dërguar edhe kryetarëve të partive opozitare, por as nga ata nuk ka marrë përgjigje.

Dialogu Kosovë-Serbi është ndërprerë që nga nëntori i vitit 2018 kur qeveria e Kosovës vendosi tarifë 100% ndaj mallrave të Serbisë dhe Bosnjë-Hercegovinës. Që nga ajo kohë asnjë takim kokë më kokë, ndërmjet zyrtarëve të Kosovës dhe Serbisë për dialogun nuk është zhvilluar. Takimi i mbrëmshëm i Presidentit Thaçi me Presidentin e Serbisë, Vuçiç në Shtëpinë e Bardhë, shënon një kthesë në dialog, sidomos pas angazhimit të drejtpërdrejt amerikan në këtë proces. Shtetet e Bashkuara dhe i ngarkuari i tyre për dialogun Kosovë-Serbi, Richard Grenell, siguruan dy marrëveshje ndërmjet palëve. Një për rivendosjen e linjës ajrore, Beograd-Prishtinë dhe atë për hekurudhat./ DW

LEXO TE PLOTE