Connect with Us

Nga Kreshnik Spahiu/ Amerika foli troç: Mbështesim revolucionin, por jo rotacionin

Opinione

Nga Kreshnik Spahiu/ Amerika foli troç: Mbështesim revolucionin, por jo rotacionin

Publikuar

-

Ambasadorja amerikane foli troç: E mbështesim popullin të protestoj kundër Ramës por “flamurin” e revolucionit s’mund ta mbaj një anti-amerikan si Meta.

Sali Berisha ka shumë të drejtë kur thotë që: Edi Rama nuk rrëzohet me vota por me revolucion.

E gjitha është 99% e saktë, por 1% i pa treguar është që revolucioni kërkon mbështetje amerikane dhe europiane.

Çdo rebelim civil i udhëhequr nga politikanë që nuk i mbështet perëndimi nuk konsiderohet revolucion por kundër-revolucion.

Mijëra demokratë u tubuan në sheshin bardheblu si ushtarë të Ilir Metës me bindjen që Meta është e “keqja më e vogël”.

Këtu fillon problemi dhe dështimi protestave.

Peshorja demokratve ndryshon nga peshorja e amerikanve.

Amerikanët konsiderojnë Edi Ramëm si e keqja më e vogël dhe nuk duan rikthimin e Berishës dhe Metës që administrojnë sot opozitën shqiptare.

“E keqja e vogël” e demokratëve, quhet “e keqja e madhe” për SHBA dhe BE.

Amerika e ka shprehur qartë prej vitesh nëpërmjet 4 ambasadorve Arvizu, Withers, Lu dhe Kim: “Peshqit e mëdhenj duhet arrestuar”

Ptandaj i kërkuan ish-prokurorit të përgjithshëm proçedim penal për Berishën dhe Metën.

Jo se duan më shumë Edi Ramën por se mendojnë që çmontimi i sistemit duhet filloj nga këta të dy dhe më pas rrëzojnë Ramën.

Në këtë kauzë ata kan edhe mbështetjen e BE që haptaz ka manifestuat ambasadorët Vlautin dhe Soreca.

LEXO EDHE:  "10 fakte pse Basha s’do zgjedhje të parakohshme"

Jo rastësisht familjes Berisha ju hoq viza amerikane.

Jo rastësisht ambasadorja amerikane takon 2000 politikanën veç e veç por Berishën emde jo.

Jo rastësisht SHBA lejon çdo shqiptar të valvis flamurin amerikan por jo Ilir Metën.

Amerika dhe BE kan folur qartë: Çdo revolucion i drejtuar nga këta dy liderë do konsiderohet destabilizim dhe organizatë kriminale. Prandaj e zbythën revolucionin e 30 qershorit dhe pranverën faqe-zi të Metës.

Jo se pëlqejnë Edi Ramën jo, por nuk duan që populli shqiptar të ketë sërish në kurriz edhe 8 vite të tjera 3 surrate që kanë 30 vjet mbajnë peng 3 milion shqiptar.

Rotacioni i zuzarve do ishte e “keqja më e madhe” për amerikanët.

Ata janë në pritje të një revolucioni popullor puro shqiptarë por pa lider anti-amerikanë!

Hapini blogjet dhe lexoni me çfarë urrejtje shkruajnë militantët demokrat kundër Amerikës, a thua sikur gjithë bota është e korruptuar përballë ndershmërisë dhe pastërtisë së Ilir Metës!

Në fakt unë s’mendoj si amerikanët por nuk mendoj as si demokratët.

Unë thjesht s’bëj dot dallimin mes Metës, Berishës dhe Ramës.

E keqja nuk është as e madhe dhe as e vogël.

Thjesht janë dy nofulla të së njëjtës gojë!

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Opinione

Firma Ligjore Frashëri pjesëmarëse në Samitin Qeverisja Moderne e Evropës-2021

Publikuar

-

Nga

Firma Ligjore Frashëri pjesëmarëse në Samitin Qeverisja Moderne e Evropës-2021

Nesër më 17 qershor 2021 do të mbahet Samiti ndërkombëtar mbi Qeverisjen Moderne në Europë (Modern Governance Europe ) 2021. Në këtë takim është ftuar të marrë pjesë edhe, I nderuari, avokat Kastriot Frashëri, i cili përfaqëson Firmën Ligjore Frashëri.

Tashmë është fakt i njohur zhvillimi që ka marrë së fundi kuptimi i qeverisjes moderne dhe shtrirja e saj pothuajse në të gjitha mënyrat dhe format e organizimit të biznesit, organizatave apo edhe ato të agjencive shtetërore. Një vit më parë në Nëntor të vitit 2020, Samiti i Qeverisjes Moderne të Diligent (virtualisht) duket se doli në rrugë dhe ja ku erdhi në Europë.

Kjo do të thotë se organizatorët e këtij eventi të rëndësishëm ndërkombëtar pasi kanë bashkuar folës, të ftuar, udhëheqës të industrisë dhe qindra profesionistë të qeverisjes nga pothuajse gjithë sektorët e jetës, kanë dëgjuar reagimet dhe sugjerimiet tona dhe në fund kanë konkluduar se ngjarja Modern Governance Europe tashmë është kthyer në një kërkesë popullore.

Kjo ngjarje ndonëse është parashikuar të jetë gjysmë-ditore gjykojmë se do t’ju ofrojë një mundësi pjesëmarrësve të shumtë nga mbarë kontinenti Europian për t’u lidhur me kolegët e tyre, do të dëgjoni nga ekspertët e industrisë në seancat e lidershipit të mendimit dhe do të mësoni më shumë rreth Platformës së Qeverisjes Moderne të Diligent. Me këtë qëllim dhe shumë më tepër, ngjarja e nesërme virtuale është krijuar për të ngritur praktikat e qeverisjes në të gjithë organizatën tuaj.

LEXO EDHE:  Nga Ilir Levonja/ Këndi i vaksinimit

LEXO EDHE:  Andrea vdiq i varfër por gjysma e popullit vjellin vrerë ende pa u varrosur/ Nga Kreshnik Spahiu

Për sa i përket përfitimeve të Shqipërisë nga përdorimi i teknologjisë së avancuar në profesionet ligjore zoti Frashëri, u shpreh se “ne kemi punuar shumë jo vetëm per rritjen e standardeve profesionale, por edhe për konsolidimin e rolit të avokatit përmes studios ligjore “Frashëri Law Firm”, kjo falë edhe kualifikimeve, përvojës dhe eksperiencës profesionale të deritanishme na ka bërë të vlerësohemi nga disa institucione prestigjoze ndërkombëtare të cilat na kanë besuar për ti përfaqësuar ata në Shqipëri.

Frashëri Law Firm është firma e parë dhe e vetme në Shqipëri që ka ekskluzivitetin e përdorimit të Platformës së Inteligjencës Artificiale (AI) në Profesionin e Avokatit, duke treguar ndaj klientit Kujdesin e duhur (Due Diligence) përmes depërtimit të thellë në dokumentet, uljes së kohës dhe shpenzimeve. Kjo arritje profesionale na bën shumë të lumtur. Kjo është një arritje e jashtëzakonshme jo vetëm për Firmën Ligjore Frashëri, por edhe përfituese për Shqipërinë. Ndaj ne do të vijojmë të investojmë në këtë fushë”.

Tashmë është fakt që Firma Ligjore Frashëri prej vitit 2004, ka mbështetur në shërbimet e saj ligjore jo vetëm qytetarë shqiptarë, por edhe shtetasit e huaj dhe disa kompani biznesi VIP. Transparenca, respekti, integriteti i lartë moral dhe profesional dhe përpikmëria janë të gjitha pjesë e kulturës së kësaj studioje ligjore që bëjnë diferencën, duke u identifikuar çdo ditë si një firmë ligjore ndërkombëtare./CNA.al

LEXO TE PLOTE

Opinione

Nga Miron Çako/ “Mos vrit”

Publikuar

-

Nga

Kjo porosi, e shkruajtur me gishtin e Perëndisë në pllaka guri (Eksodi 32:16) , që iu dha Moisiut dhe popullit të Izraelit dhe po ashtu është e shkruar për të gjithë besimtarët e krishterë në Bibël (Eksodi 20:13), gjithashtu e shkruar në zemrën dhe ndërgjegjen e çdo njeriu të krijuar sipas ikonës së Perëndisë, duhet zbatuar nga të gjithë njerëzit që jetojnë mbi faqen e tokës.

Porosia “Mos vrit” do të thotë të mos marrësh jetën e tjetrit, që vetëm Zoti ka të drejtë ta marrë. As për hakmarrje, as për interesa dhe për kënaqësi keqdashëse. Vrasja e tjetrit tolerohet vetëm në rast vetmbrojtjeje, mbrojtje të tjetrit dhe vendit.

“Mos vrit” nuk do të thotë vetëm të vrasësh tjetrin nëpërmjet armës ose dhe çdo forme tjetër dhune, që merr jetën biologjike, por edhe me forma të tjera më të kamufluara vrasjeje, si psh, njëra ndër to është edhe tregtia e ushqimeve të kontaminuara me lëndë kimike, që marrin jetë gradualisht me shkatërrimin e shëndetit nga semundjet dhe çojnë në vdekje të parakohshme.

Duhet të dimë se: Përmes ushqimit të kontaminuar mund të fitohen më shumë se 200 semundje të ndryshme. Semundjet që burojnë nga ushqimi shkaktohen nga përmbajtja brenda tyre e mikroorganizmave (baktere, viruse, kërpudha, parazitë) ose nga radioaktiviteti dhe agjentë të tjerë fizikë, siç janë kimikatet që ndodhen ose futen me dëshirën e prodhuesit brenda ushqimeve dhe pijeve të gatuara dhe të pagatuara (uji, perimet, frutat, mishi dhe qumshti dhe nënproduktet e tyre).

Semundjet që burojnë nga ushqimi dhe uji, të shoqëruara me diarre, shkaktojnë vdekjen e rreth 2 milion njerëzve në vit, nga të cilët, një numër i madh janë fëmijë. Është vlerësuar se 3% e semundjeve të shkaktuara nga ushqimi, shkaktojnë pasoja afatgjate ndaj shëndetit dhe organeve e indeve jetike si veshka, zemra, mëlçia, gjaku, truri dhe si pasojë kanë vdekjen e parakohshme.

Këto semundje vijnë, sepse blerësi dhe konsumatori, në besueshmëri ndaj prodhuesit ose tregtarit të papërgjegjshëm, blen dhe konsumon ushqime jo të shëndetëshme, madje të dëmshme për shëndetin, sidomos kur në treg nuk ka ndërgjegje tregtare dhe një kontroll nga shteti, me anë të organeve kompetente si AKU.

Prof. Dr. Kristaq Sini, pedagogu i Bioteknologjisë, thotë në shkrimin e tij “Kimikatet në ushqime dhe kanceri, si mund të mbrohemi”, ndër të tjera na thotë: “Blejmë djathë e gjizë dhe ngopemi me niseshte e vaj palme. Vaji i palmës mund të ndodhet edhe tek majoneza, produktet e pastiçerisë apo vaji i etiketuar “vaj vegjetal”. Blejmë kos dhe ai nuk thartohet, sepse është me konservantë apo/dhe antibiotikë. Blejmë fruta dhe perime dhe ato janë plot kimikate (hormone, pesticide, nxitës artificial të pjekjes etj.) dhe disa herë me ngjyrues. Blejmë mish dhe është me hormone. Blejmë pula dhe mishi i tyre është me antibiotikë. Blejmë sallam dhe ai është me konservantë, hormone, nitrit, ngjyrues etj. etj. Si përfundim, në ushqime kemi shtim të përdorimit të kimikateve organike dhe fallsifikim të tyre nëpërmjet zëvendësimit të përbërësve natyrale me komponime organike dhe kimike, shpesh të huaj për organizmin dhe të dëmshme për të”.

Jo vetëm shkenctarët e ndershëm por edhe shenjtorët janë preokupuar për kequshqyerjen e sotme për shkak të ushqimeve të modifikura gjenetikisht dhe të kontaminura, me rrezatim radioaktiv dhe kimikate.

Shën Pais Agjoriti, kur i bënin pyetjen: “Jerond, përse u shumua kaq shumë kanceri?”, përgjigjej kështu:

– Çernobili dhe të tjerat çfarë bënë? Nga aty vijnë. Këto bëjnë njerëzit. Sa njerëz të sakatuar ka sot në botë. Në cilën epokë ka pasur kaq shumë të semurë? Më parë njerëzit nuk qenë kështu. Tani në çdo letër që hap, shoh kancer, psikopati, hemorragji cerebrale, familje të shpërbëra, vetëm këto shikoj. Atëherë kanceri ishte shumë i rrallë. Ishte një jetë e natyrshme. Tjetër gjë, çfarë lejonte Perëndia. Atëherë haje ushqime natyrale dhe ishin të shëndetshme. Frutat, perimet, domatet, qepët ishin te gjitha të pastra. Tani këto ushqime të natyrshme e sakatojnë njeriun. Ata që hanë vetëm ushqime të tilla pësojnë dëm më të madh, sepse janë ndotur të gjitha. Po të ishte më parë kështu, unë do të vdisja i ri, sepse kam ngrënë gjithmonë zarzavate të kopshtit, presh, sallatë, qepë, lakër etj. Tani të gjitha kanë spërkatje dhe plehra. Çfarë gjërash hanë sot njerëzit? Ankthi, ushqimet jo natyrale sjellin vetëm semundje. Bota bëhet e pavlerë, kur përdor pa maturi shkencën.

-Jerond, më parë njerëzit si duronin që bënin më shumë asketizëm dhe ishin më të shëndetshëm? Ndihmonin ushqimet?

– Po, sepse ushqimet atëherë ishin të pastra. Kjo gjë nuk ka nevojë për t’u shpjeguar. Të gjitha i hanin të arrira mirë. Tani i këputin të gjitha të papjekura. I mbledhin jeshile dhe i lenë të piqen. Ndërsa më parë, fruti piqej e binte poshtë pemës, ose sapo e kapte dikush binte vetë. Por megjithëse hanin ushqime të mira e të shëndetshme, – buka, gjalpi ose qumështi ishin për fëmijën ushqime të forta, – njerëzit punonin edhe me mendjen e tyre e kuptonin se po të pësonin diçka, ishte prej ushqimeve. Tani edhe ushqimet janë të skaduara edhe mendjen nuk e venë në punë njerëzit”.

E gjithë kjo gjë antihumane bëhet për fitim të shpejtë, për të kapur tregun duke përdorur kimikate më tepër se norma e lejuar sipas standarteve, që prodhimi të dalë sa më shpejt në treg ose ushqime të prodhuara me kosto të ulët, për t’i shitur më shtrenjtë.

Vërtet kjo formë tregtie të sjell të ardhura të shpejta, por duhet ta dimë se ato para janë të mallkuara sepse janë “para gjaku” dhe njerëzit që veprojnë kështu janë të pushtuar nga lakmia, që sipas apostull Pavlit është burimi i gjithë të këqijave sa edhe besimtarin e rrëzon në mëkate të vdekshme: ” Sepse lakmia për para është rrënja e gjithë të këqijave dhe, duke e lakmuar atë fort, disa u larguan nga besimi dhe e depërtuan veten e tyre në shumë dhimbje” (1 Timotheut 6:10).

Ato para të fituara në këtë mënyrë antihumane kanë dënimin e Zotit dhe mallkimin e njerëzve, sepse kanë sëmurur dhe kanë marrë jetën e shumë klientëve fatkeq, fëmijëve dhe prindërve.

Ajo që të çudit është se shumë njerëz madje edhe besimtarë në Zot, të cilët merren me këtë tregti të paligjshme edhe çnjerëzore, nuk duan ta kuptojnë se kështu bëjnë krim dhe shkelin urdhëresën Hyjnore “Mos vrit”.

Për ta kuptuar këtë le të japim një paralelizëm. Ne si shoqëri njerëzore në shumë vende të botës e dënojmë me ligj prodhimin dhe tregtimin e narkotikëve, sepse droga shkatërron jo vetëm ekonomikisht, por fizikisht jetën e përdoruesve dhe i çon ata në degradim,semundje dhe në një vdekje të parakohshme, por e njëjta gjë është edhe me tregtrimin e ushqimimeve me kimikate dhe të prishura.

Madje droga është gjë qejfi që nuk e marrin të gjithë, kurse ushqimi është jetik dhe janë të detyruar ta marrin të gjithë, kështu mallkimi dhe ndëshkimi për fitimin të pandershëm, duke abuzuar me ushqimin, është më i madh për këtë njeri sesa për atë që kultivon dhe tregton drogë. Prandaj, ashtu siç ata që kanë fitim të shpejtë me drogë e me çdo forme tjetër mashtrimi dhe abuzimi ndaj tjetrit, nuk bëjnë prokopi asnjëherë, po ashtu edhe ata që mashtrojnë me ushqimin në treg, kurrë nuk do bëjnë përpara, sepse kurrë nuk mund të ndërtojnë lumturinë e tyre mbi fatkeqësinë dhe jetën e të tjerëve.

LEXO EDHE:  “10 fakte pse Basha s’do zgjedhje të parakohshme”

LEXO EDHE:  Nga Kreshnik Spahiu/ I dashur Albin, fito zgjedhjet sepse Kosova s’është “Shqipëri”

Edhe nëse nuk i dënon njeriu, shoqëria dhe shteti i korruptuar, i dënon Perëndia, që i shikon dhe i gjykon me drejtësi :”të gjitha çfarë ndodhin nën diell”.(Kishtari 1- 14)

Drejtësia hyjnore nuk do të vonojë të vijë mbi ata individë, familje, biznese me këtë formë tregtie çnjerëzore, sepse Zoti thotë: “Mos vrit” dhe ai që vret dhe i merr jetën tjetrit drejtpërdrejt ose indirekte, do të dënohet si vrasës.

Për vrasësit e papenduar nuk ka mëshirë në gjykatoren e Zotit. Në këtë kategori futen edhe ata që vrasin nëpërmjet tregtimit të ushqimit të dëmshëm. Zoti e thotë qartë: “Dhe vrasësit do të kenë pjesë në liqenin që digjet me zjarr dhe squfur, që është vdekja e dytë” (Zbulesa 21:8).

Për ata që kanë sy për të parë dhe veshë për të dëgjuar ky ndëshkim hyjnor fillon që këtu në këtë jetē.

Ka shumë raste sesi ata që i bëjnë këto veprime kriminale me prodhimin dhe tregtimin e këtyre ushqimive të dëmshme, e kanë pësuar vetë në shëndetin dhe ekonominë e tyre.

Për shembull, vini re me kujdes dhe do të kostatoni se ai që shet qumështin me ujë ose shet viçin me hormone, i ngordh lopa. Ai që prodhon dhe tregton perime me pesticide, kimikate përtej normës së lejuar, i prishet prodhimi në arë nga agjentët atmosferikë, si breshëri ose faktorë të tjerë, ose nuk gjen treg për ta shitur dhe detyrohet ta hedhë ose ta groposë prodhimin duke humbur fitimin .

Por nuk ndalon këtu, sado të ruhet ai për mos e dëmtuar shëndetin, do të vijë dita kur ai do ta paguajë edhe në shëndetin e tij, madje edhe të fëmijëve të tij. Patjetër do t’i ndodhë një aksident, një fatkeqësi, një sëmundje ashtu i’u shkatoj të tjerëve me madhin e helmuar me lëndë kimike.

Konkretisht, personalisht mua më kanë treguar për një rast të tillë, se si u shfaq një ditë në spitalin e djegies një person, që kishte pësuar djegie të lëkurës të një shkalle të lartë, por nuk po i gjenin me çfarë ishte djegur. Atij i ishte djegur dhe skuqur lëkura nga koka tek këmbët.

Pacienti, edhe pse mjekët e nxisnin nuk tregonte me çfarë ishte djegur, por më në fund nga frika se mos vdiste, sepse mjekët nuk po dinin si ta kuronin, tregoi se ishte djegur me një kimikat, që e përdorte për të skuqur qershitë jeshile, që t’i nxirrte shpejt në treg. Atij i kishte shkarë këmba në gropën e mbushur me kimikat dhe bashkë me qershitë ishte skuqur dhe ai vetë.

Raste të tilla ka shumë, por mbeten në heshtje për opinionin publik por fatkeqësisht, edhe pse njerëz të papëgjejshëm si këta, i vuajnë vetë ose tek fëmijët e tyre pasojat e tregtisë së tyre çnjerëzore, prapë janë pak ata që pendohen dhe heqin dorë.

Shumica vazhdojnë në të keqen e tyre pa kthim deri sa t`ju vijë gjoba e fundit, vdekja, gjykimi dhe dënimi i përjetshëm si vrasës në “Gehenën e zjarrit, atje ku krimbi i tyre nuk vdes dhe zjarri nuk fiket” (Marku 9:48 ), dhe ” atje ku do të jetë qarje dhe kërcëllim dhëmbësh” (Llukai 13:28).

Jo vetëm si individë, por edhe si shoqëri ne dëmtohemi kur nuk jemi të papërgjegjshëm për mallin që tregtojmë, duke ia hedhur njëri-tjetrit.

Për shembull, bujku që nuk ha nga prodhimet që tregton në sera për vete dhe famijljen, ngaqë ka mbjellë një parcel për vete pa kimikate, është i detyruar të blejë bulmet tek baxhoxhiu ose tek tregtari në ushqimore, të cilët gjithashtu, ashtu si ai, kanë abuzur me prodhimin që shesin.

Kështu të gjithë semuren dhe përfundojnë tek mjeku i cili duke qënë edhe ai i prekur në këtë shoqëri pa moral dhe abuziviste kundër njëri-tjetrit, abuzon me paratë e atyre që i fituan padrejtësisht duke semurur të tjerët.

Prandaj kësaj i thonë: “Ti ruhesh nga shiu dhe bie vetë në breshër”.

Kështu të gjithë, duke mashtruar masivisht, kontribuojmë në semundjen dhe në vdekjen para kohe, duke u bërë e keqja dhe vrasës të njëri-tjetrit dhe në dëm të të gjithë shoqërisë.

Sot është alarmant shtimi i numrit me sëmundje kanceroze në vend. Sipas të dhënave zyrtare në nivel kombëtar, të gjeneruara nga regjistri i Shërbimit të Onkologjisë në Qendrën Spitalore Universitare “Nënë Tereza”, në Tiranë dhe pjesërisht nga regjistrat e spitaleve dhe shërbimet e patologjisë në rrethe, në Shqipëri hasen afërsisht 3.500-3.600 raste të reja me kancer në vit.

Një ndër shkaqet parësore është ndotja e mjedisit dhe tregtia e konsumimi i ushqimeve jo të shëndetëshme.

Kjo situatë nuk erdhi nga rastësia apo armiku i jashtëm “shkjau”, por nga armiku i brendshëm që bëhemi të gjithë ne sa herë kontribuojmë në ndotjen e mjedisit dhe prodhojmë dhe tregtojmë ushqime të kontaminuara me kimikate të dëmshme për shëndetin e njëri-tjetrit.

Urdhëresa “Mos vrit”, siç thamë në fillim, ndodhet tek të gjithë njerëzit, në ligjin natyral të shkruar në zemrat e tyre: “Mos i bëj tjetrit atë që nuk duan të ta bëjnë ty”, prandaj ata që e shkelin këtë urdhëresë edhe pse nuk besojnë, do të dënohen nga Zoti, por aq më shumë do dënohet besimtari, sidomos ai i krishterë, sepse kjo është urdhëresë Hyjnore e shkruar në Shkrimin e Shenjtë( Eksodi 20-13), po ashtu Krishti urdhëron të krishterët, jo vetë mos bësh keq tjetrit por ti bësh mirë : ” Gjithshka që dëshironi tua bëjnë njerëzit, ua bëni dhe ju atyre,sepse ky është ligji dhe profetët” ( Mateu 7 -12) .

Prandaj, ata që kanë emër dhe traditë të krishterë ose dhe pretendojnë se janë të krishterë, por shkelin porosinë “Mos vrit”, duke prodhuar dhe tregtuar ushqime me kimikate, të skaduara, të prishura, duke rrezikuar jetën e konsumatorit, do të kenë gjykim më të madh se të tjerët që bëjnë këto punë antihumane, sepse Zoti Jisu Krisht e tha: “Shërbëtori që e dinte vullnetin e zotërisë së tij dhe nuk u bë gati e nuk e kreu vullnetin e tij, do të rrihet shumë. Por ai që nuk e dinte, po të bëjë gjëra që meritojnë të rrahura, do të rrihet më pak” (Llukai 12:47-48)./CNA.al

LEXO TE PLOTE

Opinione

Nga Andi Bushati/ Luli si miniaturë e Ramës

Publikuar

-

Nga

Lulzim Basha ka aftësinë e paimagjinueshme për ta shndërruar çdo sukses të mundshëm në disfatë. Që prej të dielës, kur ai u zgjodh për herë të tretë në krye të PD-së, me 81% të votave, debati mes demokratëve është ai i manipulimit të zgjedhjeve brenda partisë.

Ish presidenti Nishani e akuzon për një maskaradë elektorale ku nuk u lejuan të shprehnin vullnetin e tyre me mijëra militantë dhe ku një person votoi deri në 7 herë. Një nga themeluesit e PD, Arben Imami, i kujton mbajtjen sekret të listave, gjë që e bëjnë vetëm organizatat terroriste. Ish kreu i KQZ-së Arben Ristani, që i dha në mënyrë krejtësisht të dyshimtë të vetmen fitore që ka korrur ndaj Ramës, flet për “zgjedhje alla Luli”, pa asnjë rregull dhe modalitet.

Një nga konkurentët që mori 15% të votave, Agron Shehaj, u ankua për përjashtimin e vëzhguesve të tij gjatë votimit, ndërsa tjetri, Fatbardh Kadilli, numëroi kushtet e pabarabarta të një gare, që në fund u fitua nga ai që ka edhe gurin dhe arrën.

Pra, po të ulesh dhe të krahasosh të gjitha argumentat që Basha përdor kundër manipulimit të rezultatit të 25 prilli nga Edi Rama, janë fiks të njëjta me ato që rendisin kundërshtarët e tij brenda PD-së.

Konkluzioni që gëlon në publik nga përkimi kohor i këtyre dy fabulave është i thjeshtë: këtu gjithësecili vjedh atë që ka mundësi, Rama kontrollonte gjithë Shqipërinë dhe rrëmbeu votat e saj, Basha vetëm PD-në dhe bëri në përmasë më të vogël po të njëjtën gjë.

Prandaj pyetjet që ngrihen në këtë rast janë: pse duhej që Basha ta afronte me një muaj garën e brendëshme në parti? Pse duhej që ai të krijonte mbivendosje dhe kakofoni mes zgjedhjeve të blera nga Rama dhe atyre plot kontestime për lidershipin e opozitës? Kujt i shërbente ç’fokusimi dhe shpërndarja e vëmendjes nga paratë e derdhura në funksion të 25 prillit, përdorimi i bandave për të kërcënuar votuesit, blerja e votave nga binomi Toma- Qifja?

Dhe këtu çështja nuk shtrohet aspak në aspektin moral se PD-ja kishte mundësinë të bënte një garë të përkryer për ta servirur si shembull demokracie dhe respektimi të pakicave. Këtë sensibilitet, edhe nëse e ka pasur ndonjëherë, kjo parti e ka humbur me kohë. Ajo nuk e ka, as ambicien, as preokupimin për të shërbyer si një kundërmodel i rilindjes në shoqërinë shqiptare.

LEXO EDHE:  Nga Kreshnik Spahiu/ I dashur Albin, fito zgjedhjet sepse Kosova s’është “Shqipëri”
LEXO EDHE:  Kreshniku masakron Oketën: Dje servil i Berishës, sot përdoresh nga Rama

Por, qoftë edhe duke qenë përafërsisht të ngjashëm me PS-në e sotme, po aq autoritarë dhe shpërfillës ndaj atyre që mendojnë ndryshe, demokratët e kishin mundësinë që së paku, sa për sy e faqe, mos i mbivendosnin krimit elektoral të Ramës të njëjtat elemente në garën brenda partisë së tyre. Qoftë dhe vetëm për çështje fasade, ata duhet ta kishin lënë publikun të mbllaçiste deri në fund kasaphanën e fund prillit.

Ata e humbën edhe këtë shanc.

Basha nuk pati as këtë kujdes minimal për të mos i  konsumuar dy mëkate të ngjashme në të njëjtën kohë. Ai vuri veton për afrimin e zgjedhjeve nga korriku në qershor, për ta mbyllur sa më shpejt llogaridhënjen për sjelljen e tij katër vjeçare në opozitë, duke ngritur edhe njëherë dyshimet e të gjithë idhtarëve të teorive konspirative, se ai ka një pakt të fshehtë me Ramën, për të mbuluar mëkatet e mëdha të pushtetit.

Natyrisht, për këtë hipotezë që gëlon sa në selinë e LSI-së po aq dhe në minigrupet konspiracioniste anti Soros, nuk kemi ende asnjë provë. Askush nuk mund ta akuzojë konkretisht liderin e opozitës se paguhet për ti shërbyer kryeministrit.

Por ama, sjellja e Bashës ka çuar edhe njeherë ujë pikërisht aty ku i duhej Ramës. Pak rëndësi ka se një gjë e tillë është bërë me qëllim apo nga naiviteti meskin për të mos u përballur me realitetin e hidhur.

Fakti është se nga zgjedhjet në PD edhe njëherë i fituar doli pushteti, të cilit e vetmja alibi i ka mbetur relativizimi i së keqes.

Basha nuk e humbi as këtë rast për të dëshmuar, se sa herë i duhet të zgjedhë mes halleve të veta banale dhe fateve të popullit opozitar (që është disa fish më i madh në numur sesa votuesit demokratë), ai reket ta përdorë partinë si mburojë për të parat. Edhe këtë herë bëri të njëjtën gjë duke u shfaqur si një miniaturë e profilit autoritar të Ramës./ Lapsi

LEXO TE PLOTE