Connect with Us

“Fiks Fare”denoncon skandalin në Dropull/ Tre licenca të njëjta për transportin e udhëtarëve!

Denoncim

“Fiks Fare”denoncon skandalin në Dropull/ Tre licenca të njëjta për transportin e udhëtarëve!

Publikuar

-

Mijëra banorë të zonës së Dropullit në Gjirokastër po enden prej disa kohësh në “rrugë të madhe”, pasi 3 licencat e dhëna për transportin e udhëtarëve, 2 nga pushteti lokal dhe 1 nga pushteti qendror, kanë mbivendosje me njëra-tjetrën.

Fillimisht, Bashkia Dropull ka licencuar një kompani për transport udhëtarësh nga Gjirokastra në Dropull dhe anasjelltas, me dyer të mbyllura. E njëjta kompani mori një licencë tjetër që të transportonte udhëtarë nga fshatrat e Dropullit drejt bashkisë, por edhe Gjirokastrës. Ndërkohë, më pas, pa iu hequr licenca kësaj firme, e cila njërën licencë e mori edhe me vendim gjykate, Ministria e Transporteve i ka dhënë licencë një tjetër firme nga Vora, duke sjellë kaos në këtë bashki.

Në redaksinë e emisionit Fiks Fare u ankua Janaq Cinga, i cili tha se ka rreth 17 vite që operon për transportin e udhëtarëve në linjën Gjirokastër-Kakavi, dhe aktualisht në zonën e Dropullit. “Ne kemi vazhduar punën dhe para 1 viti e gjysëm, ministria e Transporteve i dha licencën një firme nga Vora për linjën Gjirokastër-Dropull. Ne u ankuam për njërën nga licencat dhe gjykata na dha të drejtë. Vendimi është i formës së prerë dhe firma jonë ka të drejtë të vazhdojë.

Por, në vitin 2019, Bashkia Dropull, me disa shkresa, njëherë i thotë firmës nga Vora se duhet të bënte vetëm linjën Gjirokastër-Dropull me dyer të mbyllura dhe pas disa javësh, e njëjta bashki i vendos kësaj firme edhe stacione në fshatrat e Dropullit. Pra, gjithçka në kundërshtim me licencën e ministrisë” thotë ai, duke shtuar se me këto shkresa kontradiktore ka mbetur pa punë. “Aktualisht kam dy licenca aktive dhe jam pa punë. Dhe, gjatë kësaj kohe, vazhdoj të paguaj për punëtorët apo edhe për automjetet. Më kanë shkaktuar një dëm të madh” thotë ai.

Pas ankesës, emisioni Fiks Fare ka bërë një vëzhgim në linjën Gjirokastër-Dropull. Kamera e Fiksit ndoqi automjetet e firmës nga Vora e cila po operon e vetme në këtë linjë me licencë të ministrisë. Kjo licencë parashikon se transporti duhet të bëhet vetëm me dyer të mbyllura, pa ndalesa. Ndërkohë, nga vëzhgimi i Fiksit rezultoi se furgonët e kësaj kompanie ndalonin vend e pa vend. Madje, edhe në stacione të pa autorizuara. Nisur nga kjo situatë, ankuesi shkoi për të pyetur në Bashkinë Dropull drejtorin e transportit rrugor, i cili pranon se ka një mbivendosje licencash dhe se problemin do ta zgjidhë.

LEXO EDHE:  Foto- Zgjidhen dy velinat e reja të Fiks Fare/ Ja cilat do të jenë bukuroshet e këtij sezoni

Pas kësaj përgjigje, gazetarët e Fiks Fare shkuan të interesoheshin në Bashkinë Dropull, ku drejtori nuk pranon të intervistohet. Ndërkohë, kryetari i Bashkisë Dhimitër Tola thotë se në këtë situatë e ka gjetur gjendjen, pasi licencat janë dhënë nga ish kryetari. Ai pohon gjithashtu se edhe pajisjen e firmës nga Vora me stacione dhe orare e ka bërë ish paraardhësi i tij. Kryetari pranon se shkresa e nxjerrë në atë kohë nga Bashkia Dropull është e paligjshme, ndërsa saktëson se aktualisht janë 3 licenca aktive në zonë për transport udhëtarësh që mbivendosen me njëra-tjetrën. Tola pohon se do të shfuqizojë vendimin e paraardhësit për caktimin e stacioneve dhe do ti kërkojë Ministrisë së Transporteve të caktojë stacione të reja për banorët e zonës, pasi ato aktuale janë në rrugë dhe jo në mes të fshatit.

***

Unë fitoj gjyqet, transportin e udhëtarëve e bën firma tjetër

Denoncuesi Janaq Cinga thotë se ka rreth 17 vite që operon në zonë për transport udhëtarësh. Por, megjithëse ka fituar vendime gjyqi për të kryer transportin, ende ai nuk po punon

***

Vëzhgimi, furgonët ndalojnë në mes të rrugës për udhëtarët

Fiks Fare vëzhgoi një ditë të transportit të udhëtarëve nga Gjirokastra drejt Dropullit. Firma që ka licencë transportin me dyer të mbyllura, ndalon vend e pa vend në rrugë, duke rrezikuar edhe jetë njerëzish

***

Kryetari i Bashkisë Dropull: Ka mbivendosje, i firmosi paraardhësi im

Kryetari i Bashkisë Dropull pranon se aktualisht janë 3 licenca për transportin e udhëtarëve në zonë. Ai thotë se shkresa e vitit 2019, që i ka dhënë stacione firmës nga Vora, do të shfuqizohet dhe do vendosen stacione të reja./ Top Channel

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

“Stop”-i në Durrës/ 22 katëshi i pabanueshem, por s’figuron në sistem, banorët në rrugë!

Publikuar

-

Nga

Në 11 dhjetor të 2019-ës emisioni “Stop” solli problematikën e pallatit 22 katësh, të ndërtuesit Enver Shala, që kishte 7 kate shtesë pa leje në strukturë dhe tërmeti i 26 nëntorit i shkaktoi dëmtim pikërisht në strukturë. Instituti i Ndërtimit në atë kohë solli një grup inxhinierësh për një akt-konstatimi dhe pallati doli i pabanueshëm e iu vu shiriti.Rreth 3 muaj më pas, banorët tregojnë, se nuk është bërë asgjë për këtë pallat, madje dhe akt kostatimi i parë nuk është hedhur në sistem. Kjo ka bërë, që banorët të mbeten rrugëve e të mos trajtohen as me bonus qiraje.Vetë qytetarët shkojnë në Zyrën e Urbanistikës në Bashkinë e Durrësit, por i përcjellin duke thënë, se për pallatin në fjalë nuk ka inspektim nga Instituti i Ndërtimit. Në zyrën, ku jepet bonusi i qirasë, thonë, se pallati nuk është në sistem, ndaj nuk mund të përfitojnë.Gazetarja e “Stop” kontakton drejtorin e Institutit të Ndërtimit, Agron Hysenlliu, i cili shprehet, se akt kostatimi i dhjetorit është i saktë dhe do hidhet në sistem.Madje do bëhet edhe akt ekspertiza, deri në fund të marsit.

LEXO EDHE:  Denoncimi/ Juristi i Hipotekës së Fierit merr 300 mijë lekë për një dokument

LEXO EDHE:  Foto- Zgjidhen dy velinat e reja të Fiks Fare/ Ja cilat do të jenë bukuroshet e këtij sezoni

Për më shumë ndiqni videon e mëposhtme:

LEXO TE PLOTE

Denoncim

“STOP” sjell odisenë sfilitëse / Shkon në Gjendjen Civile të korrigjojë mbiemrin, i ndryshojnë edhe emrin!

Publikuar

-

Nga

Problematika e rradhës na ka sjellë në Kamëz. Muharrem Tocilla është drejtuar në “Stop”, pasi në vitin 2018 për efekt dokumentash, ka kërkuar ndryshimin e mbiemrit të vajzërisë së gruas, pasi ishte gabim dhe përvec mbiemrit iu ndryshua edhe emri.

Që prej vitit 2018 nuk po gjen një zgjidhje.Mbiemri i vajzërisë së gruas figuronte gabim nga Basha në Boko. Gjendja civile, duke kërkuar dokumenta të vjetra, kishte regjistruar emrin Zatije, ndërkohë që vite me rradhë ajo ë kishte emrin Zotije në të gjitha dokumentat, që kur ishin vendosur në Kamëz. Muharremi tregon, se me emrin Zotije kishte bërë dokumentat italiane. Për efekt pensioni zhvilluan një gjyq, ku u sanksionua emri Zotije. Ndërkohë tani gjendja civile i ka kthyer emrin Zatije, pra emrin, që ka patur që nga lindja, duke i krijuar kështu problem në dokumentat italiane. Në gjendjen civile të Kamzës na thuhet, se sipas ligjit nuk ndryshohet emri, pasi është kërkuar në dokumenta fillestare, edhe pse gabimi është bërë nga ish-punonjës të gjendjes civile.

Për më shumë ndiqni videon e mëposhtëme:

LEXO EDHE:  Denoncimi në “Fiks Fare”/ Procedohen penalisht 7 shtetas

LEXO EDHE:  "Fiks Fare" në Universitetin e Shkodrës/ Prokurorët pedagogë, pa kontrata pune

LEXO TE PLOTE

Denoncim

Denoncon “Fisk Fare”/ Ish punonjësja nuk arkëton kontributet, qytetarët rrezikojnë pensionin

Publikuar

-

Nga

Ish punonjësja e postës Kote në Vlorë, nuk ka bërë derdhjen e parave për pagesën e viteve të punës të zonjës Sose Besimaj, duke bërë që qytetarja të rrezikojë daljen në pension.

Por përveç këtij rasti që u ankua në emisionin investigativ “Fiks Fare”, gazetarët e të cilit gjatë investigimit arritën të mësonin se kishte dhe shumë raste të tjera me këtë lloj problematike me të njëjtën ish punonjëse poste.

“Fiks Fare” solli rastin e zonjës Sose Besimaj nga Kota e Vlorës e cila në vitin 2005 ka bërë derdhjen e kontributeve për 11 vite punë, nga 1994-2005. Por që ka kuptuar në momentin që duhet të dilte në pension se këto vite mungonin në Sistemin e Sigurimeve Shoqërore, duke bërë kështu që zonja të mos përfitonte pension.  “Unë shkova të interesohem që në gusht më thanë se dal në dhjetor, pastaj erdha në dhjetor dhe më thanë se të mungojnë vitet, unë ja ku e kam mandatin që i kam derdhur, kam derdhur 386 mijë lekë” thotë zj. Sose. Sipas saj problemi është tek ish punonjësja e postës Kote e cila tani nuk është më atje, por punon diku tjetër. “Sa herë e takoj  Mirela Danajn , ish punonjëse e Kotës më thotë nuk është faji im, fajin e kanë sigurimet. Shkoj tek sigurimet thonë nuk i ka derdhur Mirela, nuk di ku të drejtohem” thotë zj.Besimaj.

Bashkëpunëtorët e Fiksit shoqëruan zonjën në takimin me ish punonjësen e postës po ashtu edhe me shefen e financës së Sigurimeve Shoqërore Vlorë.

Mirela Danaj, ish punonjësja i thotë qytetares se nuk e ka ajo fajin , por e kanë ato të sigurimeve që të gjithë gënjejnë dhe se kontributet e Soses i’a kanë kaluar dikujt tjetër dhe i kanë bërë lëmsh.  Ajo shpjegon se  ka bërë një derdhje dhe për shtetas të tjerë, por që nuk figurojnë sipas sigurimeve. Madje ajo i kërkon qytetares të mos shkojë tek ajo, por të shkojë direkt tek sigurimet . Madje i thotë se me mandat pagesën të  hedh në gjyq sigurimet.

Por tjetër gjë i thotë qytetares shefja e financës tek sigurimet shoqërore, duke i rishpjeguar se nuk duhet të shkojë më tek ajo por te Mirela. Sipas saj Mirela duhet të nxjerrë lekët ku i ka , pasi ka mangësi edhe për persona të tjerë. ” Nuk je rasti i parë që nuk i janë hedhur kontributet në harkun kohor që punonjëse ka qenë Mirela. Shko tek ajo dhe  t’i gjej ajo lekët se ku i ka hedhur nëse i ka hedhur” shprehet shefja e financës.

LEXO EDHE:  Denoncimi në “Fiks Fare”/ Procedohen penalisht 7 shtetas

LEXO EDHE:  Denoncimi në "Fiks Fare"/ Procedohen penalisht 7 shtetas

Pas këtyre gazetarët e Fiksit kërkojnë ish punonjësen e postës, e cila u thotë se një ditë më parë e ka zgjidhur problemin me sigurimet shoqërore, pikërisht me shefen e financës. Sipas saj ishte një mosrakordim midis bankës dhe sigurimeve, por që më në fund u zgjidh.

Por që në sigurime rezultoi e kundërta e kësaj, drejtoresha dhe shefja e financës së këtij institucioni treguan se asgjë nuk është zgjidhur me Mirelën, por për zonjën do përdorin fondin e kreditorit dhe do e zgjidhin situatë siç kanë bërë dhe me raste të tjera. Pyetjes së gazetares se çfarë do bëni kur t’ju mbarojë fondi i kreditorit dhe të keni akoma individë me mandate? Ato thanë të hedhin në gjyq postën dhe  ish punonjësen Mirela Danaj, pasi qytetarët i kanë humbur kontributet pikërisht në kohën kur Danaj ishte punonjëse e postës.

Emisioni investigativ solli edhe përgjigjen nga drejtoria e postës për rastin në fjalë, ku ajo thotë se nuk kemi të dokumentuar asnjë arkëtim të kësaj periudhe.

Znj.Sose Besimaj, falenderoi Fiksin për zgjidhjen e problemit, pasi siç u shpreh ajo ” e vetme nuk do e zgjidhja kurrë”. / Top Channel

LEXO TE PLOTE