Dy shpërthime të fuqishme kanë tronditur Lezhën mbrëmjen e sotme. Lidhur me këtë ngjarje, kanë folur dhe banorët e zonës, të cilët shprehen për mediat se goditjet erdhën nga ajri.

‘’Ishim tek shtëpia brenda, po hanim bukë, ndodhi një goditje e jashtëzakonshme.  Pastaj erdhi goditja tjetër, për mua ishte nga ajri. Një goditje e jashtëzakonshme, ishin nga ajri dhe shpërthyen në ajër, punë sekondash.

Njoftuam operativin se s’kemi informacione, kishim frikë se mos ndodhte ndonjë tip cunami. Doli gjithë familja nga frika. S’pamë gjë. Ishin të papame.”, tha një prej banorëve të zonës./CNA.al

Dy shpërthime të fuqishme janë regjistruar mbrëmjen e sotme në Lezhë.

Mësohet se shpërthimet janë ndjerë në zonën e Lezhës rreth orës 19:40 dhe 19:41 minuta në Shëngjin.

Nga informacionet paraprake, ende nuk raportohet për persona të lënduar.

Shpërthimet janë ndjerë në të gjithë zonën e Lezhës, por policia ende nuk ka identifikuar me saktësi zonën ku kanë ndodhur.

Ndërkohë, janë hapur menjëherë hetimet dhe pritet që policia të hedhë më shumë dritë mbi ngjarjen./ CNA.al

Një aksident i rëndë ka ndodhur pak më parë aksin rrugor, Milot-Fushë Krujë, pranë kryqëzimit në Mamurras.

Bëhet me dije se një automjet ka përplasur një motor dhe si pasojë ka humbur jetën drejtuesi i motorit me iniciale P.P.

Nga informacionet paraprake, dyshohet se viktima i ka prerë rrugën makinës teksa ka qenë duke udhëtuar me motor dhe janë përplasur.

Ndërkohë policia ka shkuar në vendngjarje dhe ka nisur hetimet për zbardhjen e plotë të aksidentit./ CNA.al