Connect with Us

“Dasmën thirreni ju, ne do veshim rrobat që kemi”/ Rama thumbon ambasadorin për negociatat

Politikë

“Dasmën thirreni ju, ne do veshim rrobat që kemi”/ Rama thumbon ambasadorin për negociatat

Publikuar

-

Në mbledhjen e komitetit të Rindërtimit është diskutuar edhe për hapjen e negociatave nga BE për Shqipërinë.

Teksa i kërkon BE që të mos vonohen procedurat për fondet e rindërtimit, Rama thotë se prej kohësh janë të përgatitur për hapjen e negociatave.

Duke iu drejtuar ambasadorit Sorca, kreu i qeverisë shqiptare kërkoi që të merret një vendim pozitiv.

“Ne e dimë që procedurat e BE-së tipikisht janë të gjata e marrin kohë por nuk mund tu them dot njerëzve e dini si shkon puna me BE. Për këtë arsye them ajo çfarë ju thatë do të jetë një ditë e madhe pas tre javësh, por ne kemi qenë të përgatitur për ditë të tilla edhe në të shkuarën. Jemi veshur, krekosur kemi qenë në tryeze duke treguar më të mirën tonën, por ju nuk erdhët. Na keni lënë të presim. Nëse nuk ndodh kështu kësaj here, mendoj që dasma do të thirret nga ju e jo nga ne. Ne jemi të përgatitur të vijmë, thjesht duhet të veshim ato rroba që kemi përgatitur që kushedi sa kohë kanë që presin në dollap të vishen, në mënyrë që të përdoren më në fund”, u shpreh Rama./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Nga Armir SHKURTI/ Dilema hamletjane për Metën

Publikuar

-

Nga

21 janar 2011: Rama në shesh proteston kundër Metës që është pjesë e qeverisë Berisha ndërsa Basha është Ministër i brendshëm. 4 protestues vriten. Të tjerë lëndohen.

2 mars 2020. Meta është presidenti i vënë nga Rama kryeministër pas marrëveshjes 14 majit 2017 me Bashën. Pra tani Meta del në shesh kundër një grushti shteti! Në shesh, si manifestues të thjeshtë, janë edhe ish kryeministri i 21 janarit, Sali Berisha bashkë me ish ministrin e brendshëm Lulzim Basha….
Më surreale se kjo skenë nuk gjen. Ndaj edhe pyetja më e vështirë por më e kuptimtë qe: “A duhet me dalë në një protestë që organizon Ilir Meta kundër Edi Ramës”?
Meta është pjesë e establishmentit. Kështu që asgjë nuk ndryshon në thelb, kushdo të jetë prej tyre në pushtet. Pra JO!

Por shpopullimi, varfërimi, falimentimi ekonomik që po zbaton Rama duhen ndalur me çdo mjet dhe nga kushdo që mundet. Pra PO!

Dy vjet pas protestës me 4 të vrarë Meta u bë aleat dhe bashkëqeverisi me Ramën. 4 vjet qe Kryetar Parlamenti dhe shumicën e ligjeve të Grushtit të Shtetit, ndryshimet në Kushtetutën që puth sot i ka vulosur vetë. Pra JO!

Ama që kemi një GRUSHT SHTETI këtë e kemi denoncuar prej vitesh, me kapjen e parlamentit, sistemit të drejtësisë dhe çdo pushteti në Shqipëri. Pra PO! Duhet dalë pa ngurim!
PO apo JO? A duhej (dhe a duhet) dalë në protestat që organizojnë KËTA?

LEXO EDHE:  Bisedë me Shtëpinë e Bardhë/ Zbardhet telefonata e Ramës me zyrtarin amerikan

LEXO EDHE:  Bisedë me Shtëpinë e Bardhë/ Zbardhet telefonata e Ramës me zyrtarin amerikan

Si edhe në rastin e pardjeshëm, ka plot gjasa që të ndjehesh i përdorur. Sidomos pas dëndjes me gaz të demokratëve në shëtitjet e vjetshmë Kryeministri – Kuvend, besimi ka humbur. Ndërsa për shkak të çka rendita më sipër, ka humbur krejt MORALI.

Kështu që, duke u kthyer tek pyetja: Duhet apo jo të dalë një shqiptar në manifestime a protesta organizuar nga të njejtët pokeristë të ESTABLISHMENTIT?
Parimisht qytetari del për problemet e veta. E hëna tregoi se kazani i këtyre halleve vlon më fort se katrani i Ferrit. Por kërkon UDHËHEQJE. Kriza(t) e tranzicionit zgjidhet me klasë dhe udhëheqje të re politike Ama për sa kohë që nuk ka dalë në ballë kjo udhëheqje a ka kuptim të rrimë në shtëpi e të presim të ndodhë vetvetiu ndryshimi?

Nuk pata qëllim të rrëfej udhën e drejtë, në duhet a jo dalë në protestë a në manifestimet e Ilir Metës. Mora shkas prej tij për të ilustruar lëmshin ku ndodhemi. Të gjithë heronj – të gjithë batakçilerë. Të gjithë profetë – të gjithë bixhozçinj, pokeristë që lenë në lodra vetëm pasurinë tonë. Jemi në kushtet e korrikut ’90, kur shqiptarët iknin me mijëra. Tani me qindramijë. Duhet të vijmë në dhjetor. Të dëbojmë Byronë, Frontin dhe gjithë levat e partisë. Këtë herë prej vërteti, gjithë klasën politike, të rilindur./ CNA.al

LEXO TE PLOTE

Politikë

“Strukturë koordinuese për kontributet e ndërkombëtarëve”/ Paralajmëron Soreca: Do të monitoroheni

Publikuar

-

Nga

Ambasadori i BE-së, në Tiranë, Luigi Soreca ishte i pranishëm sot në mbledhjen e komitetit për rindërtim.

Gjatë fjalës së tij, Soreca dhe edhe një paralajmërim të qartë, ndërsa theksoi se të gjitha proceset do të bëhen në mënyrë llogaridhënëse dhe transparente.

“Të mos harrojmë datën 17 shkurt dhe në fakt slogani është i njëjtë, së bashku për Shqipërinë. Është dëshmuar një kujdes i jashtëzakonshëm ndaj këtij vendi ku ne shërbejmë. Ne duhet të ecim përpara tani. Jemi krenar që kemi marrë përsipër organizimin për konferencën, na janë dashur shumë përpjekje, megjithatë pritshmëritë tona u tejkaluan nga rezultatet. Pas disa ditësh organizimesh jemi të gatshëm të vijojmë me fazën pasardhëse. Kemi diskutuar me ministrin e Rindërtimit për t’u siguruar që jo vetëm të jemi të shpejtë në rezultate, por dhe efektivë. Kjo është një mundësi e re për Shqipërinë. Fakti që shtohet përtej rindërtimit në vetvete, e bën rolin e BE edhe më të rëndësishëm për shkak se jeni në rrugën drejt integrimit. Ne e ndjejmë që kemi një detyrim për të ndihmuar dhe për të këshilluar. Për ta bërë këtë ne duhet të jemi pjesëmarrës në këtë proces, por gjithashtu edhe me skuadrën që do ta drejtojë këtë program, duke filluar me ministrin, që të sigurohemi që të gjitha përpjekjet e bëra do të shpaguhen dhe të gjitha proceset do të bëhen në mënyrë llogaridhënëse dhe transparente.”-tha Soreca.

Po ashtu, Soreca tha se “Ne kemi formatin e partnerëve të bashkëpunimit dhe zhvillimit, dhe kjo duhet të funskisonojë për tu siguruar që të mos ketë mbivendosje, ose mospërkimeve mes premtimeve dhe kontributeve në praktikë.

LEXO EDHE:  Rama gjobit bizneset e vogla dhe pasurohet vetë/ Basha bën llogaritë e Ramës

LEXO EDHE:  Filip Çakuli-Edi Ramës: Je pa b*thë

Ju po na sfidoni si BE dhe ne na pëlqen kjo gjë. Na pëlqen oferta e ministrit Ahmetaj për pjesëmarrje në strukturën e rindërtimit, dhe do të kemi strukturë ekspertës në komitetin shtetëror të ndërtimit.

Po ka afate kohore që duhen realizuar, megjithatë ne punojmë ditë e natë për t’u siguruar që gjërat të funksionojnë”.

LEXO TE PLOTE

Politikë

Mbledhja e komitetit për rindërtim/ Yuri Kim: Do sigurohemi që donacionet të shpenzohen drejt

Publikuar

-

Nga

Ambasadorja e SHBA-së, Yuri Kim dhe ambasadori I BE-së ,Luigi Soreca janë të pranishëm në mbledhjen e komitetit të rindërtimit.

Ambasadorja theksoi se SHBA do të ofrojë dhe ndihmë teknike që donacionet që do të shpenzohen do të bëhen në mënyrën e duhur dhe transparente.

“Mirëpritëm mundësinë të dëgjojmë planet tuaja si të bëni rindërtimin pas tragjedisë pas tërmetit. SHBA është e lumtur që ka qenë pjesë e konferencës së donatorëve. Rezultatet e jashtëzakonshme përbëjnë një shprehje të solidaritetit me popullin shqiptar por dhe një investim simbolik dhe real për Shqipërinë. Është kënaqësi që ne po shikojmë që ju po organizoheni për të realizuar atë process që duhet të jetë transparent llogaridhënës dhe rezultativ. Ky është hera e parë që ju kemi qëndruar pranë në një moment të vështirë por nuk do të jetë e fundit. Do të vazhdojmë të jemi krah jush tju ofrojmë ndihmë teknike për tu siguruar që donacionet nga vendet e ndryshme përfshi dhe tonat do të shpenzohen në mënyrë të duhur në përfitim të qytetarëve shqiptarë”, u shpreh ambasadorja Kim./CNA.al

LEXO TE PLOTE