Connect with Us

“Dosja Çili”/ “Mezhgorani” prangos një tjetër person

Kronika

“Dosja Çili”/ “Mezhgorani” prangos një tjetër person

Publikuar

-

Një tjetër person është vënë në pranga në kuadër të operacionit të koduar “Mezhgorani”.

Sipas uniformave blu, në pranga ka rënë shtetasi B. M. 32 vjeç banues në Mallakastër. Ai akuzohet për “Organizim të lotarive të palejuara” dhe “Moskallëzim krimi”. Me 32-vjeçarin që u prangos sot sipas policisë në total numri i të arrestuarve për këtë operacion shkon në 37, por për vepra të ndryshme penale.

Kujtojmë këtu se në kuadër të këtij operacioni pak ditë më parë, u vu në pranga edhe botuesi dhe pronari i UET, Henri Çili, ndërsa më pas gjykata e liroi nga qelia duke vendosur që hetimet të vijojnë në detyrim paraqitje.

LEXO EDHE:  Video-Skandal në koncertin e Genës/ Arrestohet miku dhe bashkëpunëtori i tij

Hetimi nisi në shtator të 2019 për falsifikim, teksa në ‘rrjetë’ nga përgjimet ranë shumë persona të tjerë me akuza të ndryshme. Kjo dosje tashmë kaloi në SPAK, pasi gjykata e Përmetit shpalli moskompetencë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Kapen duke transportuar 26 shtetas të huaj/ Arrestohen 6 persona në Pogradec

Publikuar

-

Nga

Finalizohet një tjetër operacion policor i koduar “Qafë Plloça”, për goditjen e veprimtarisë kriminale në fushën e dhënies së ndihmës shtetasve të huaj, për kalim të paligjshëm të kufirit, kundrejt fitimit

Transportonin 26 shtetas të huaj, arrestohen në flagrancë 6 shtetas, katër prej të cilëve, gjatë ndjekjes, nuk iu bindën urdhrit të policisë për të ndaluar dhe kryen manovra të rrezikshme në rrugë

Nga Sektori për Hetimin e Krimeve në DVP Korçë, Policia Kufitare dhe Komisariati i Policisë Pogradec, pas një hetimi të kryer në bashkëpunim me Prokurorinë e Rrethit Gjyqësor Korçë, u finalizua me sukses operacioni policor i koduar “Qafë Plloça”, si rezultat i të cilit u bë kapja dhe arrestimi në flagrancë i shtetasve:
N. B., 40 vjeç dhe R. H., 41 vjeç, banues në Tiranë, të cilët u kapën pranë vendit të quajtur “Kryqëzimi i Libonikut” në Maliq, duke transportuar në drejtim të Tiranës, me mjetin fugon tip “Volksëagen” e automjetin tip “Golf” 18 shtetas të huaj, emigrantë të paligjshëm

Po gjatë operacionit u kapën dhe u arrestuan edhe P. M., 27 vjeç e E. P., 23 vjeç, banues në Durrës, M. C., 35 vjeç, banues në Pukë dhe M. Sh., 25 vjeçe, banuese në Linzë, Tiranë, të cilët po transportonin me dy mjete tip “Volksëagen Golf” dhe një mjet tip “Benz” në drejtim të Tiranës, 8 shtetas të huaj, emigrantë të paligjshëm. Shërbimet e Policisë iu kanë bërë me shenjë drejtuesve të mjeteve të ndalojnë, por ata nuk i janë bindur urdhrit të tyre dhe kanë vijuar duke kryer manovra të rrezikshme në rrugë. Shërbimet e Policisë janë vënë në ndjekje të tyre dhe në hyrje të qytetit të Pogradecit janë ndaluar.

LEXO EDHE:  Si u kap ish-pronari i universitetit “Kristal”/ Zbardhen të tjera detaje

LEXO EDHE:  Nga milionat tek kreditë/ “Rrudhet” pasuria e gjyqtares

Nga kontrolli i ushtruar rezultoi se shtetasja M. Sh. drejtonte njërin prej mjeteve tip “Volksëagen” pa leje drejtimi
Nga hetimet e kryera, rezulton se shtetasit e mësipërm, në bashkëpunim me njëri-tjetrin, ushtronin aktivitetin kriminal të dhënies së ndihmës shtetasve të huaj, për kalim të paligjshëm të kufirit, duke iu premtuar atyre kalimin drejt vendeve të BE-së, kundrejt fitimit prej 300-350 euro secilit.

Në cilësinë e provës materiale u sekuestruan 5 mjete dhe 6 aparate celulare.
Materialet në ngarkim të tyre i kaluan Prokurorisë për veprime të mëtejshme.

LEXO TE PLOTE

Kronika

Të dënuar për vrasje dhe armëmbajtje pa leje/ OFL, ultimatum dy të “fortëve” të radhës

Publikuar

-

Nga

Operacioni Forca e Ligjit ka ka dërguar sot formularët e vetëdeklarimit dy personave të tjerë, të dënuar për vrasje dhe armëmbajtje pa leje.

Mësohet se në bashkëpunim me strukturat vendore të Policisë, në zbatim të detyrave të përcaktuara në Aktin Normativ të datës 31 janar 2020,  OFL u ka dërguar kërkesat për vetëdeklarim të pasurisë, shtetasve:

E. H., banues në Lezhë, i dënuar për veprat penale “Vrasja me dashje”, “Plagosja e rëndë me dashje” dhe “Armëmbajtje pa leje”;

I. S., banues në Tiranë, i dënuar për veprat penale “Vrasja me paramendim” e kryer në bashkëpunim dhe “Armëmbajtja pa leje”, në kuadër të grupit të strukturuar kriminal.

LEXO EDHE:  Video-Skandal në koncertin e Genës/ Arrestohet miku dhe bashkëpunëtori i tij

LEXO EDHE:  Si u kap ish-pronari i universitetit “Kristal”/ Zbardhen të tjera detaje

Brenda 48 orësh, këta individë, si subjekt i Ligjit Special, duhet t’u përgjigjen me shkrim të gjitha pyetjeve të OFL-së.

Më pas, përgjigjet e marra do t’i dërgohen SPAK-ut, për veprime të mëtejshme./ CNA.al

LEXO TE PLOTE

Kronika

“Para 10 ditësh u kthye nga Anglia”/ Flasin familjarët e të riut që u vra mbrëmë në Durrës

Publikuar

-

Nga

Një ditë pas vrasjes së dy të rinjve në Durrës, flasin familjarët e njërit prej viktimave.

Familjarët e Anxhelo Avdias kanë treguar se 24-vjeçari ishte kthyer nga Anglia 10 ditë më parë.
Ata shprehen se nuk ishin në dijeni të ndonjë konflikti apo hasmërie.

“Prej 10 ditësh ishte kthyer nga Anglia. Ne nuk dimë të kishte konflikte apo hasmëri. Kanë një vëlla dhe një motër, janë rritur pa baba. Motra me nënën jetonin vetëm, ndërsa vëllai jetonte në Gjermani. Familja ishte në mjerim të plotë”, -thanë familjarët e viktimës për News 24.

Kujtojmë se mbrëmjen e djeshme Anxhelo Avdia dhe Dorian Shkoza u qëlluan nga një makinë në ecje.

LEXO EDHE:  Arrestohen biznesmenet/Ndertuan pa leje

LEXO EDHE:  Ekskluzive/ Prokuroria fillon hetimet për kryegjyqtarin e Apelit

Avdia ndërroi jetë në spital pas plagëve të marra, ndërsa Shkoza jumbi jetën në vend. Të dy rezultojnë me precedentë penalë për vjedhje dhe njihen si konsumatorë të lëndëve narkotike./CNA.al

LEXO TE PLOTE