Connect with Us

Aksident i rëndë në Vlorë/ Motori përplas keq këmbësorin

Kronika

Aksident i rëndë në Vlorë/ Motori përplas keq këmbësorin

Publikuar

-

Një aksident i rëndë ka ndodhur paraditen e sotme në Vlorë ku një motor ka përplasur një këmbësor.

Mësohet se aksidenti ka ndodhur rreth orës 10:30 në aksin rrugor Vlorë-Skelë, pranë teatrit të qytetit.

Paraprakisht raportohet se kalimtari i cili ka mbetur i plagosur është rreth 65 vjeç. Ai është transportuar për në spital ku ndodhet në gjendje të rëndë.

LEXO EDHE:  Aksident në aksin Shkodër-Lezhë/ Plagoset rëndë një person  

Autoritetet kanë mbërritur në vendin e ngjarjes dhe po punojnë për zbardhjne e plotë të rrethanave të aksidentit./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Dosja në Tiranë/ Krimi makabër i studentit shqiptar, që tronditi Rumaninë

Publikuar

-

Nga

Në listën e më të kërkuarve, të publikuar nga Policisë shqiptare, është edhe Blenis Mihallaq Shyti. Emri i tij nuk është i njohur për krime në Shqipëri, por për një prej ngjarjeve më makabre të ndodhur në Rumani, në vitin 2004.

Studenti shqiptar Blenis Mihallaq Shyti është dënuar me burgim të përjetshëm për vrasje në rrethana cilësuese. Në fakt, ai është i arrestuar dhe ndodhet në burg në Rumani.

Madje, Gjykata e Tiranës ka njohur edhe vendimin e drejtësisë rumune për dënimin përjetë, por që Shyti mund të vuajë dënimin në Shqipëri. Gjithsesi, ende nuk është vendosur ekstradimi i tij nga Rumania, për disa procedura burokratike, që lidhen me marrëveshjet e Shqipërisë me Rumaninë në fushën e drejtësisë penale.

Shyti u arrestua dhe dënua për një krim tronditës, vrasjen dhe zhdukjen e një familje.

Historia

Zhdukja në rrethana të dyshimta e një familjeje të tërë më 29 shtator 2004 dhe më pas gjetja e tyre të varrosur në vende të ndryshme, trazoi dhe la gjurmë të rënda në memorien e qytetit të qetë Mangalia në Rumani.

Ngjarja e vlerësuar si ndër më makabret të ndodhura ndonjëherë në gjithë Rumaninë, kishte në qendër të saj dy studentë shqiptarë.

Viktimat, dy bashkëshortët, Aleksandër dhe Lukrezia Ion, së bashku me vajzën e tyre tetë vjeçare Amalia, banorë të këtij qytetit bregdetar, që gjendet pranë Kostancës, ishin vrarë barbarisht në mënyrën më tragjike të mundshme.

Trupat e tyre, për rreth tre muaj, ndenjën në tokë pa mundur të gjenden nga policia. Pas shumë kërkimesh të policisë lokale, e cila për këtë rast ishte ndihmuar edhe nga specialistë të mbërritur enkas nga Bukureshti, u bë i mundur fillimisht arrestimi i dy personave të dyshuar si autorë të krimit, një student shqiptar dhe një rumun, dhe më pas dhe gjetja e tre kufomave të familjes Ion.

Viktimat e krimit makabër të studentit shqiptar ishin kthyer nga emigrimi në Gjermani, por fqinjët filluan të shqetësohen për mungesën e tyre. Për këtë fakt u lajmërua edhe Policia e Kostancës, e cila nisi kërkimet dhe hetimin për të zbardhur të vërtetën.
Falë kontrollit të imtësishëm dhe mjeteve moderne të përdorura gjatë kontrollit të banesës së familjes Ion, policia arritit të identifikonte disa gjurmë gjaku, të cilat ishin fshirë, por që gjithsesi linin një nënkuptim të qartë. Që nga ky moment, të paktën policia ishte e qartë se pas gjurmëve të gjakut, fshihej një ngjarje e rëndë.

LEXO EDHE:  Aksidenti tek ura e Shkopetit, policia jep detaje

LEXO EDHE:  Plagosi kamarierin dhe nënën e tij/ Si ndryshoi gjendja e të riut, pasi u kthye nga Italia

Hetimin pas këtij konstatimi e mori në duar sektori i krimit të organizuar i policisë së Kostancës, i cili pas rreth tre muajsh kërkimi dhe investigimi intensiv, arrin të bjerë në gjurmët e personave të dyshuar si autorë të masakrës.

Ata ishin Blenis Shyti, 21 vjeç, student në Fakultetin e Ekonomisë në Universitetin “Ovidius” të Kostancës, Albin Todri 19 vjeç, i cili vazhdonte shkollën e mesme në Kostancë, të dy shqiptarë, dhe rumuni Stefan Nikulesku, i cili ishte edhe nipi i viktimës, Aleksandër Ion. Pas ndalimit të tyre u arrit të zbardhej gjithë skema tragjike e zhdukjes së familjes Ion.

Sipas deklaratave të Policisë së Kostancës, studenti shqiptar Blenis Shyti, së bashku me mikun e tij rumun, Stefan Nikulesku, ishin angazhuar prej disa kohësh në trafikun e lëndëve narkotike, së bashku me viktimën, Aleksandrin.

Por në një moment “pune”, mosmarrëveshjet në trafik dhe frika se mos Aleksandri i denonconte në polici, nxit dy shokët studentë, Blenisin dhe Stefanin, të organizojnë vrasjen e Aleksandër Ionit.

Sipas versionit të ngritur nga policia vendase, Shyti dhe Nikulesku, më 29 shtator kanë shkuar në banesën e Aleksandrit, i cili fare natyrshëm u ka hapur derën. Sapo kanë hyrë në banesën e tij, agresorët e kanë ekzekutuar duke e therur në fyt me thikë.

Bashkëshortja e Aleksandrit, Lukrezia, e cila për fatin e saj të keq, u gjend në banesë në atë moment, nuk ka mundur dot të reagojë apo të kërkojë ndihmë, pasi ishte shokuar nga skena e dhunës. Ndërkaq dy agresorët, për të mos lënë dëshmitarë, i janë sulur edhe Lukrezias, duke e mbytyr me anë të shtërngimit në fyt.

Në këtë pikë, duket me gjykimin të dobësuar nga dy vrasjet, dy miqtë vendosin të kryejnë edhe një tjetë krim makabër. Pasi sistemojnë dy kufomat në banesë, ata nisen për të “hequr qafe” edhe vajzën e tyre të vogël, Amelian tetë vjeçare.

Sipas policisë, vrasja e vajzës ishte bërë për të humbur çdo gjurmë të mundshme për zbardhjen e krimit, duke qenë se një prej autorëve njihej me të dhe prindërit e saj.

LEXO TE PLOTE

Kronika

Vijon operacioni “Mezhgorani”/ Shkon në 37 numri i të arrestuarve

Publikuar

-

Nga

Shkon në 37 numri i të arrestuarve nga operacioni “Mezhgorani”.
Vihet në pranga një tjetër person i shpallur në kërkim.

Në vijim të punës për kapjen e personave të shpallur në kërkim në kuadër të operacionit policor “Mezhgorani”, u ndalua një prej personave të shpallur në kërkim.

Nga strukturat e Drejtorisë Vendore të Policisë Gjirokastër u ndalua shtetasi B. M., 32 vjeç, banues në Mallakastër, për të cilin Gjykata e Rrethit Gjyqësor Përmet ka caktuar masën e sigurisë “Arrest në burg”, për veprat penale “Organizim i lotarive të palejuara” dhe “Moskallëzim krimi”.

5 ditë më parë, pas një hetimi 6-mujor u finalizua operacioni “Mezhgorani”, në kuadër të të cilit u arrestuan, u ndaluan dhe u proceduan 53 shtetas.

LEXO EDHE:  Foto- Bllokohet autostrada Tiranë-Durrës/ Makinat ngecin në trafik për 30 minuta

LEXO EDHE:  Aksident në aksin Shkodër-Lezhë/ Plagoset rëndë një person  

Gjatë operacionit u sekuestruan 3 pushkë automatike me silenciator, 2 kallashnikov, 10 kallëpe tritol, 620 fishekë, 2 granata difensive, 71 krehër fishekësh, 20 automjete te markave të ndryshme, 40 telefona celular, dokumente noteriale, kontrata, certifikata pronësie të ndryshme, rreth 130 kg kanabis, shuma prej 10 milion lekësh, 7500 euro, si dhe 3500 euro të dyshuara të falsifikuara.

Vijon puna për kapjen e shtetasve të tjerë të shpallur në kërkim në kuadër të operacionit “Mezhgorani”.

LEXO TE PLOTE

Kronika

Presione dhe inskenime ndaj qytetarëve/ Arrestohet avokati në Fier

Publikuar

-

Nga

Kapet dhe ndalohet një shtetas me profesion avokat, i shpallur në kërkim për “Korrupsion pasiv” dhe “Ushtrim i ndikimit të paligjshëm ndaj personave që ushtrojnë funksione publike”.

Specialistët për hetimin e krimit ekonomik e financiar në Drejtorinë Vendore të Policisë Fier, në bashkëpunim me shërbimet e Policisë Tiranë, kapën dhe ndaluan shtetasin e shpallur në kërkim: K. Xh., 30 vjeç, banues në Fier, me profesion avokat.

Ndalimi i këtij shtetasi u bë pasi Gjykata e Shkallës së Parë për Korrupsionin dhe Krimin e Organizuar Tiranë, me vendimin e datës 08.01.2020, ka caktuar masën e sigurisë “Arrest në burg” për veprat penale “Korrupsion pasiv” dhe “Ushtrim i ndikimit të paligjshëm ndaj personave që ushtrojnë funksione publike”.

Shtetasi K.Xh., gjatë kohës që ka qënë avokat pranë Dhomës së Avokatisë Fier, nëpërmjet skemës së mashtrimit, dyshohet se realizonte presione dhe inskenime ndaj qytetarëve të ndryshëm kundrejt përfitimit të shumave financiare për arrestime/ndalime ndaj tyre, për shkak të kallëzimeve penale që bëheshin, por që nuk përmbanin elementë të veprës penale.

LEXO EDHE:  Automjeti merr para motorin/ Plagoset rëndë drejtuesi

LEXO EDHE:  Automjeti merr para motorin/ Plagoset rëndë drejtuesi

Materialet proceduriale i kaluan SPAK për veprime të mëtejshme.

LEXO TE PLOTE