Gazetarja Klodiana Lala ka zbardhur detaje të reja nga zhdukja e biznesmenit italian Davide Pecorelli, pasi makina që ai kishte marrë me qira u gjet e djegur në autostradën Gjegjan-Reps, në Pukë

Lala tregoi se Pecorelli ka hyrë në territorin shqiptar më 3 janar për të takuar bashkëjetuesen e tij, me të cilën ka edhe një fëmijë.

Ajo tha në emisionin “Open” se biznesmeni ishte nisur për në veri për të eksploruar zonën për një mundësi investimi.

Sipas saj, në makinën që kishte marrë me qira biznesmeni, u gjetën një orë dhe një telefon gjysmë i djegur.

“Nga ekzaminimet është gjetur një orë dhe telefon gjysmë i djegur. Natën ku u mor me qira automjeti ishte një nga ditët kur pati përmbytje. Vetëm të nesërmen u panë mbetjet e trupit. Policia këtu duhet të ishte më transparente, se nuk dha asnjë shpjegim që aty kishte skelet njeriu. Në fillim ai ishte në Vlorë për të takuar bashkëjetuesen pasi ka një fëmijë me të, po pastaj ajo iku në Perugia.

Ajo tha se nga Rinasi ka shkuar në Vlorë pasi thotë se do kishin një biznes atje, më pas ka shkuar në veri për të eksploruar zonën për një mundësi biznesi. Tashmë nga vrasja po shkohet drejt ngjarjes aksidentale, sepse makina është djegur ngadalë, s’ka gjurmë mbetjesh djegiesh”, deklaroi gazetarja./ CNA.al

Dy shpërthime të fuqishme kanë tronditur Lezhën mbrëmjen e sotme. Lidhur me këtë ngjarje, kanë folur dhe banorët e zonës, të cilët shprehen për mediat se goditjet erdhën nga ajri.

‘’Ishim tek shtëpia brenda, po hanim bukë, ndodhi një goditje e jashtëzakonshme.  Pastaj erdhi goditja tjetër, për mua ishte nga ajri. Një goditje e jashtëzakonshme, ishin nga ajri dhe shpërthyen në ajër, punë sekondash.

Njoftuam operativin se s’kemi informacione, kishim frikë se mos ndodhte ndonjë tip cunami. Doli gjithë familja nga frika. S’pamë gjë. Ishin të papame.”, tha një prej banorëve të zonës./CNA.al

Dy shpërthime të fuqishme janë regjistruar mbrëmjen e sotme në Lezhë.

Mësohet se shpërthimet janë ndjerë në zonën e Lezhës rreth orës 19:40 dhe 19:41 minuta në Shëngjin.

Nga informacionet paraprake, ende nuk raportohet për persona të lënduar.

Shpërthimet janë ndjerë në të gjithë zonën e Lezhës, por policia ende nuk ka identifikuar me saktësi zonën ku kanë ndodhur.

Ndërkohë, janë hapur menjëherë hetimet dhe pritet që policia të hedhë më shumë dritë mbi ngjarjen./ CNA.al