Politikë
Meta i lutet protestuesve/ “Lule mimozat dhurojani policëve”
Në fund të fjalës së tij para qytetarëve, Ilir Meta bëri një lutje publike për të gjithë ata që mbanin lule mimoza në duar.
Meta i kërkoi protestuesve që mimozat të mos i hidhnin në kosha e nëpër institucione, por t’ja dhuronin punonjësve të policisë.
“Asnjë mimozë mos hidhni tek institucionet, ato dhurohen, dhurojani policëve tanë kudo që ndodhen. Në çdo institucion nis marshimi i popullit kuq e zi. Zëri i popullit, zëri i zotit. Zoti e bekoftë Shqipërinë, jemi popull i shqiponjës dhe shqiponjat fluturojnë vetëm lart. Falenderim i madh për bashkëatdhëtarët që erdhën nga gjithë Europa dhe gjithë bota”, nënvizoi Kreu i Shtetit./ CNA.al
Politikë
Mark Marku drejtues i qarkut Lezhë/ Rama nxjerr videon dhe ironizon lëvizjen e Bashës
Kryeministri Edi Rama ka ironizuar caktimin e pedagogut Mark Marku si drejtues politik të PD-së në qarkun e Lezhës për zgjedhjet e 25 prillit.
Kreu i qeverisë ka postuar në Instagram një video të një debati të Markut në një studio televizive gjatë një emisioni duke ironizuar lëvizjen e Lulzim Bashës që i ka besuar Lezhën, Markut. “Presor gazetarie dhe kandidat për ministër arsimi i OpBashkuar opopo…” shkruan Rama.
Pedagogu ka qenë më parë deputet i PD-së, ndërsa së fundmi Lulzim Basha i kishte besuar një vend mes anëtarëve të vlerësimit të kandidaturave për deputetë në zgjedhjet e 25 prillit të këtij viti. Përballë nga socialistët në Lezhë, Marku do të ketë ish-ministren e Arsimit, aktualisht deputete e PS-së, Lindita Nikolla./CNA.al
View this post on Instagram
Politikë
Publikohen pamjet/ Punëtori i rrugës rreh me sende të forta priftin ortodoks në Lezhë
Kryetari i FRPD-së në Lezhë, Albert Loçi ka publikuar videon, ku shihet sesi punëtori i firmës së kontraktuar nga Bashkia Lezhë, ushtron dhunë ndaj priftit ortodoks të qytetit.
Punonjësi ka goditur priftin me një send të fortë, që dyshohet se është hekur.
“Prifti Ortodoks i Lezhes Koço Kapedani, rrihet nga punetoret e firmes se kontraktraktuar nga Kryetari i Bashkise Pirro per “kryerjen e punimeve” dhe per dhunimin e qytetareve. Mire se kjo firme ka disa muaj qe e ka shkatrruar Lezhen dhe lagjet e saj(Beselidhja,Gurra) dhe nuk mban pergjegjesi per afatin e kryerjes se punimeve,por tashme ka filluar te dhunoje dhe qytetaret Lezhjane. Institucionet heshtin,drejtesia fle gjume ndersa Bashkia Lezhe e ka mendjen te vjedhe qytetaret e saj”, shkruan Loçi./CNA.al
Politikë
“Djegia e mandateve dhe mos-futja në zgjedhje ishte gabim”/ Biberaj: I lamë fushën bosh Ramës
Anëtar i Këshillit Kombëtar të PD, Aleksandër Biberaj thotë se mos-futja e PD në zgjehdjet vendore dhe djegia e mandateve ishte një gabim.
Sipas tij, kryeministrit Rama iu la fusha bosh. Në Abc News, Biberaj u shpreh se demokratët kanë nxjerrë mësime nga këto gabime.
“Ka qenë gabim djegia e mandateve dhe mosmarrja pjesë në zgjedhjet vendore. Por ishte një gabim i detyruar me idenë se ky do të reflektojë. Ky jo vetëm që nuk reflektoi por e shtriu të keqen. Sikurse kemi bërë gabim që nuk kemi marrë pjesë në ndarjen administrative. Por gabimet në politikë kanë një kosto dhe nuk është momenti që të merremi. Unë mendoj se secili prej nesh ka nxjerrë mësimet e veta. E vërteta është se iu la fusha bosh”, u shpreh Biberaj./CNA.al
Lajme të Rekomanduara:
Video-Basha kapet mat/ Si gënjeu hapur në emision
Kryetari i PD, Lulzim Basha ka dalë sërish bllof me gënjeshtrat e tij që tashmë jemi mësuar t’i dëgjojmë shpesh në daljet televizive. Dy ditë...
Analiza e shifrave dhe mandateve/ Zgjedhjet e 25 prillit i vendosin këto 3 qarqe
Zgjedhjet e 25 prillit duket sikur janë tek dera megjithëse duhet gati edhe 3 muaj. Fushata ka filluar dhe palët bëjnë llogaritë. Nga jugu në...
