Politikë
Ish anëtari i Gjykatës së Strasburgut e thotë troç/ “Manifestimin po e bëjmë për pushtet”
Ish anëtari i Gjykatës së Strasburgut, Ledi Bianku, ka qenë i pari që ka mbajtur një fjalim në manifestimin që ka organizuar presidenti Ilir Meta.
Bianku deklaroi se janë 4 arsye që e bënë të vinte sot në Bulevardin “Dëshmorët e Kombit”. Më kryesoren ai cilësoi mbrojtjen e Kushtetutës.
“Kur mora këtë ftesë pyetja e parë që i bëra vetes ishte se çfarë arsyesh më bënin që të vija. Janë 4 arsye. E para është rëndësia e këtij tubimi, mbrojtja e Kushtetutës. Më lejoni të them se nuk kam ardhur që të vendos se në debatin mes Presidentit dhe mazhorancës vendos njëri apo tjetri”, u shpreh ai.
Sipas tij, aryesja e dytë që e solli në manifestim ishte kufizimi i të drejtave të Presidentit, ndërsa theksoi se qëllimi i këtij tubimi është për pushtet kushtetues.
“Në një vend që Presidenti nuk ka as mundësi që një ankesë t’ia dërgojë një organi të paravur mendoni çfarë mundësie ka qytetari i thjeshtë. Ka nga ata që thonë se qëllimi i tubimit është për pushtet, unë kam ardhur këtu dhe po ju them se po, qëllimi ka ardhur për pushtet, por për pushtet kushtetues”, nënvizoi Bianku.
“Arsyeja e tretë, çfarë emri i vihet kësaj situate? Nënkryetari i Gjykatës së Strasburgut u shpreh se “Pushteti i pakontrolluar i shumicës që nuk merr parasysh kërkesat e pakicës, rrezikon të bjerë…”.
Në Shqipëri ka mbi dy vite që aktet e qeverisë dhe Parlamentit nuk kontrollohen nga askush. A mund të themi se kemi shtet të së drejtës në Shqipëri, në këto situata?
Arsyeja e katërt është pyetja që i bëra vetes. Në këtë situatë absurdi, ku nuk ka gjykata që të kontrollojë ligjin, pyesja veten si do reagojnë bashkëkombasit e mi. Më kujtohej një shprehje e një juristi të shquar “Një popull që fle në demokraci, ka rrezik të zgjohet në diktaturë”.
Vlerat e këtij kombi për liri, demokraci, nuk kanë vdekur. Sot kur ju shoh kuptoj se ka dhe një arsye tjetër që kam ardhur dhe kjo arsye jeni ju, thirrjet tuaja për gjykata që t’iu mbrojnë të drejtën. Unë mund t’ju uroj duke iu thënë “Zoti iu bekoftë”, por kjo është në dorë të Zotit, por nëse ju them se liria qoftë me ju, drejtësia qoftë me ju, kjo është në dorën tuaj”. vijoi më tej Bianku./ CNA.al
Politikë
SHUPLAKA E AMBASADES TE SHBA PER FLAMURIN NE TUBIM/ Yuri Kim: Nuk kemi lidhje
Menjëherë pas mbylljes së fjalimit nga presidenti Meta nga tubimi në Bulevardin “Dëshmorët e Kombit”, ka ardhur edhe reagimi nga ambasadorja amerikane në vendin tonë Yuri Kim.
Kim thekson se Shtetet e Bashkuara të Amerikës distancohen nga tubimi i presidentit Ilir Meta.
“E surprizuar të shikoja flamurin amerikane në “manifestimin” e sotëm. Për të shmangur çdo konfuzion, ne duam të sqarojmë se teksa SHNA mbështet të drejtën për të protestuar paqësisht, ne nuk kemi asnjë lidhje me “manifestimin” e sotëm”.”, shkruan ajo përmes një postimi në Tëitter./CNA.al
Politikë
Meta i lutet protestuesve/ “Lule mimozat dhurojani policëve”
Në fund të fjalës së tij para qytetarëve, Ilir Meta bëri një lutje publike për të gjithë ata që mbanin lule mimosa në duar.
Meta i kërkoi protestuesve që mimozat të mos i hidhinin në kosha, pro t’ja dhuronin punonjësve të policisë.
“Asnjë mimozë mos hidhni te institucionet, ato dhurohen, dhurojani policëve tanë kudo që ndodhen. Në çdo institucion nis marshimi i popullit kuq e zi. Zëri i popullit, zëri i zotit. Zoti e bekoftë Shqipërinë, jemi popull i shqiponjës, dhe shqiponjat fluturojnë vetëm lart. Falenderim i madh për bashkëatdhëtarët që erdhën nga gjithë Europa dhe gjithë bota”, nënvizoi Kreu i Shtetit./ CNA.al
Politikë
Meta “elektrizon” protestuesit dhe betohet në flamur/ Do firmos shpërndarjen e parlamentit në mes të krimit
Presidenti, Ilir Meta, firmosi dekretin kundër ligjit që i hoqi presidentit kompetencën për betimin e gjyqtarëve të rinj kushtetues.
Pas firmosjes së këtij dekreti, Meta u betua për flamurin kuq e zi dhe deklaroi se, nëse grushti i shtetit nuk e merr seriozisht këtë dekret, mbas datës 15 mars do të firmosë shpërndarjen e Parlamentit.
“Nësë grushtit i shtetit nuk e merr seriozisht këtë dekret i jap fjalën në emër të këtij flamuri për të cilin janë vrarë mijëra heronj, se mbas datës 15 mars, kur të përfundojë Reforma Zgjedhore, populli kuq e zi që votoi sot për vdekjen e grushtit të shtetit, unë Ilir Meta betohem se atë dekret do e firmos në mes të Parlamenit, në mes të krimit dhe do i bëj thirrje të gjithë popullit”, u shpreh Meta para qytetarëve që brohorisnin.
Meta deklaroi se nuk ka treguar as 10% të krimeve që kanë ndodhur kundër Reformës në Drejtësi.
“Prandaj dua tju siguroj se kjo pranverë nuk ndalet më deri në rivendosjen e plotë të sovranitetit tuaj”, tha Meta./CNA.al
Lajme të Rekomanduara:
Fotot – Nga sikleti i Ramës, te Bushati dhe Veliaj/ Çfarë nuk u pa në Kongresin e PS
Partia Socialiste ka zhvilluar sot ditën e dytë të punimeve të kongresit. Dita e sotme filloi duke mbajtur një minutë heshtje për të përkujtuar 51...
Çfarë e lidh arrestimin e Henri Çilit me Ben Blushin dhe Ardian Dvoranin?!
Një ditë më parë, në një operacion të gjërë policor, pas një investigimi për më shumë se pesë muaj është arrestuar nga policia edhe Naim...
