Connect with Us

Shënim/ Ilir Meta, lideri i munguar i opozitës

Politikë

Shënim/ Ilir Meta, lideri i munguar i opozitës

Publikuar

-

Sot u shfaq si nuk është shfaqur kurrë, me karizëm, spektakolar,  denoncues, energjik, premtues me fakte dhe çështje konkrete.

Ilir Meta u shpalos në tërësinë e tij si një lideri i vërtetë i opozitës, si njeriu  që mund të qëndrojë përballë Edi Ramës me gjithë mëkatet e tij, me gjithë përgjegjësitë e tij për të sjellë Rilindjen në pushtet, për gjithë pushtetshmërinë  e Kryeministrit aktual.

Ilir Meta sot bëri atë që nuk ka mundur ta bëjë Lulzim Basha në 7 vite si kryetar i opozitës, ndezi turmën në një mënyrë që nuk kishte ndodhur në këto 7 vite.

Atë që Lulzim Basha nuk kishte bërë kurrë, e bëri sot në gati një orë Ilir Meta, duke folur qartë dhe pastër, me një shqipe që kishte brenda kryefjalën, kundrinorin dhe kallëzuesin të përcaktuar qartë. Gjithçka e denoncuar ishte me fakte dhe çështje konkrete, duke filluar që nga konsensusi për Reformën në Drejtësi e deri tek dekreti që ai firmosi sot, pra kthimi pas i betimit të anëtarëve të Gjykatës Kushtetuese.

Në finale e mbylli me një premtim, që Ilir Meta është nga ata burra që i mban. E tha copë, në rast se ky dekret do të votohet nga Parlamenti dhe me një votim do të hyjë në fuqi, ai do të shpërndajë Parlamentin në mes të tij.

Presidenti Ilir Meta ishte edhe kërcënues në qëndrimin e tij, ishte ai që kanë kërkuar demokratët të kenë, ishte lideri i opozitës, i opozitës përballë Edi Ramës, pasi Lulzim Basha sot ishte thjesht një spektator. Ai mori një leksion shumë të mirë, pa se si duhet të sillet një kryeopozitar dhe një lider i vërtetë dhe Luli në 7 vite nuk mundi dot të dilte kurrë dhe të bëhej një Ilir Metë. Ndoshta është i dyti, pas Sali Berishës, me këtë karizëm dhe me këtë stil politik.

Në fakt, me këtë akt, Ilir Meta sot vrau dhe Lulzim Bashën, e vrau atë politikisht, tregoi se do të jetë një lider i ardhshëm në politikë për opozitën në mënyrë të padiskutueshme. Ai me shumë gjasa me stilin e Ariel Sharon, pra duke dalë nga Presidenca më vonë dhe duke themeluar një parti të re, do ta detyrojë opozitën t’i shkojë pas atij, ndërkohë që PD, “Republika e Re” e Lulzim Bashës, thjeshtë dhe vetëm janë rrudhur.

LEXO EDHE:  Rama: Ramë dakord për takim me Bashën, por ...!

Bashën nuk e beson më askush.

Ilir Meta këtë e ka kuptuar, e di mjaft mirë, prandaj dhe sot mund të themi se shkëlqeu përpara turmës me gjithçka që ai tha, me çdo qëndrim që ai mbajti, që në fakt i ka të përsëritura dhe tregoi se ka kurajon dhe është politikani që mund të bëhet lideri i opozitës dhe zor se mund ta ndalin, këtë e di shumë mirë edhe Edi Rama edhe Lulzim Basha, të cilët kanë bërë shpesh marrëveshje politike me Ilir Metën, ashtu siç e di mjaft mirë dhe Sali Berisha.

Sot Meta tregoi se ishte një Sali Berishë i vogël, por ndoshta me largimin e këtij të fundit dhe kalimin në thjeshtë në skenë të dytë të politikës, duket se Presidenti ka vendosur të jetë zëvendësi i tij dhe për këtë nuk po pret më. Ai po konfigurohet qartë si një lider i ri i opozitës, jo vetëm me tezat dhe çështjet që sot artikuloi por edhe me stilin e politikanit që ai tregoi duke folur përpara disa mijëra vetëve në Bulevardin “Dëshmorët e Kombit”.

Për Ilir Metën kjo e sotmja mund të quhet një sukses. Shumë mund të jenë kritikë, shumë mund të akuzojnë, por sot Ilir Meta duket se i mundi të gjithë, të parin Lulzim Bashën duke kapur rolin e kryeopozitarit dhe të dytin Edi Ramën duke i treguar se nuk do ta falte në rast se ai do bënte një hap pas. Tani lideri i opozitës në aksion, marrëveshja e Edi Ramës ngelet të bëhet vetëm me të, Lulzim Basha thjeshtë do të ngrohet në diell./ CNA.al

Për të rejat më të fundit behuni pjesë e grupit tonë në facebook : City News Albania
1 Koment

1 Koment

Komentoni

Your email address will not be published. Required fields are marked *

Politikë

PD-LSI me listë të përbashkët në zgjedhje?/ Agron Duka: Nuk bëhet or burrë

Publikuar

-

Nga

Agron Duka e pranon/ Nuk isha dakord të digjnim mandatet, mu dukte sikur po minoja aksionin opozitar

Një ndër dilemat më të mëdha në politikë, është nëse Partia Demokratike dhe Lëvizja Socialiste për Integrim do të dalin me një listë të përbashkët në zgjedhjet e 25 prillit.

Për këtë është pyetur mbrëmjen e sotme edhe kryetarit i PAA-së dhe ortaku i opozitës joparlamentare, Agron Duka.

Ai është treguar i prerë në përgjigjen e tij dhe deklaroi me bindje në emisionin “Real Story” se kjo gjë nuk ka për të ndodhur.

Nuk bëhet or burrë, ato i kanë të qarta ndarjet. Edhe në një komunikim që kam pasur me Bashën, ma ka thënë, ndaj ta garantoj që nuk dalin bashkë. Janë dy lista. Unë gjykoj që dy lista, një LSI dhe një PD. Do thoni ju pse PD do na fusë neve. Aty nuk të fut njeri për mik, por për vota. Doni apo s’doni, unë në Durrës mund të mos marr 9 mijë vota, po 8 mijë i marr. Këto partitë e vogla në qarqe të ndryshme të Shqipërisë mund të të heqin një kandidat”, theksoi Duka./ CNA.al

LEXO TE PLOTE

Politikë

Agron Duka “shuplakë” Bashës/ Do vazhdoj ta sulmoj, duhet të nxitojë të…

Publikuar

-

Nga

Agron Duka “shuplakë” Bashës/ Do vazhdoj ta sulmoj, duhet të nxitojë të…

Kryetari i Partisë Agrare Ambientaliste, Agron Duka, është kthyer pas në kohë dhe ka folur për negociatat me aleatët në zgjedhjet e 2017-ës.

Duka tha se Bashën do ta sulmojë edhe sot ashtu si në 2017-ën për mënyrën se si u bë negociata, ndërsa dha disa mesazhe të qarta për aleatin e tij.

Ai deklaroi në emisionin “Real Story” se Basha duhet të nxitojë të bëjë negociatat që të fillojë edhe zgjedhjet.

Nuk është e vërtetë që Basha në negociata me PAA në 2017 është treguar i padrejtë. Ishin lista të mbyllura. Iu ofruan 3 vende të sigurta gjykuar me të shkuarën e PD. Unë e sulmova dhe e sulmoj edhe sot sepse u bë aq shpejt ajo negociata, mes dy vetave, dhe ne ngelëm viktima. Në negociata me Bashën, mua mu dhanë i pesti në Fier, i pesti në Durrës, edhe një në Tiranë. Ju dhanë edhe dy jashtë listës. Kështuqë nuk është njëlloj me situatën tani.

Basha duhet të nxitojë tani të bëjë negociatat që të fillojmë edhe zgjedhjet. Nuk na ndalon të jemi aktivë në qarqet e Shqipërisë. Nëse janë të përcaktuara emrat, kryesisht të PD, se është lokomotiva kryesore, atëhere janë më produktivë në zona e qarqe të caktuara. Unë do kandidoj në Durrës. Edhe PD-së edhe opozitës, na konvergojnë interesat. Aty jam më produktiv”, nënvizoi kreu i PAA-së./ CNA.al

LEXO TE PLOTE

Politikë

Si po e privatizon qeveria Tiranën përmes Rindërtimit?

Publikuar

-

Nga

Si po e privatizon qeveria Tiranën përmes Rindërtimit?

Vincent van Gerven Oei shpjegoi planin e qeverisë për të privatizuar zona të tëra të kryeqytetit në emër të transformimit. Në një intervistë për “Me pak Fjalë”, në Euronews, Van gerven u shpreh se:

“Ideja e zonave të transformimit është, në thelb, privatizimi i pjesëve të tëra të qytetit. Dhënia e tokës kompanive private, që janë, sigurisht, të afërta me qeverinë Rama, dhe, në shkëmbim për lejimin e ndërtimit në këtë tokë, bashkia do të merrte mbrapa pak hapësirë, si apartamente, hapësira zyrash, e të tjera”.

Ai tha se qeveria parashikonte të kryente këtë veprim përmes partneriteteve publike-private, i cili në masterplanin Tirana 2030 parashikohej të funksiononte kështu:

“Kjo përfshin një sërë hapash. Për të bërë këtë, fillimisht, duhet të shpronësosh njerëzit dhe kemi parë shumë shembuj se si kjo qeveri e bën këtë. Kjo qeveri e bën këtë me anë të dhunës, presionit, shantazhit.

Çfarëdo mënyre e mundshme për të futur në dorë godina që janë në pronësi të individëve privatë. Pasi i kanë futur në dorë këto godina, ata fillojnë një të ashtuquajtur procedurë tenderi.

Ne të gjithë e dimë që këto procedura tenderimi janë të manipuluara. Organi që supozohet të monitorojë procedurat e tenderimit varet direkt nga Kryeministri. Dhe shumë shpesh, siç kemi parë, për shembull, me sheshin Skënderbej, ka vetëm një konkurrent që bën ofertë sa 99% e fondit limit dhe fiton gjithmonë.

Nganjëherë, ka dhe kompani fiktive që fitojnë tenderë, siç kemi parë në rastin e Unazës së Madhe. Asgjë nuk është tepër e çuditshme për këto njerëz nëse ata duan të shtien në duar prona dhe kontrata”.

LEXO EDHE:  Turpi i radhës nga Lulzim Basha

LEXO EDHE:  Kandidati për deputet ja plas Bashës/ Hoqe këshilltaren dhe sekretaren se nuk ishin servilet e tua

Sipas tij ky plan pavarësisht se mund të duket si pjesë e zhvillimit të shoqërisë ka efekt negativ në ekonominë e vendit.

“Këto partneritete publike-private kanë gjithashtu një efekt të madh negativ në financat e shtetit, sepse shteti do të vazhdojë të paguajë për këto prona për dekada, gjë që do të thotë se taksapaguesit shqiptarë paguajnë për to me tarifa shumë më të larta se c’do ishin nëse qeveria do të merrte thjesht hua në tregjet financiare.

Dhe, pasi këto kompani ndërtimi kanë ndërtuar godinat e tyre, që sigurisht ndërtohen gjithmonë me standarde më të ulta seç ata kanë premtuar, sepse, pasi merr paratë, ç‘interes do të kishin për t’i shpenzuar vërtet? Ti mund t’i mbash të gjitha në xhep dhe thjesht të ndërtosh një ndërtesë nën standardet sepse kush do të të kontrollojë?

Kështu, skema kompletohet dhe kompania e ndërtimit i paguan një ryshfet të vogël bashkisë, qeverisë, dhe të gjithë janë të lumtur. Sigurisht, të gjithë, përveç njerëzve që u shpronësuan dhe përveç popullit të tërë shqiptar që paguan një sasi qesharake parash për diçka që mund të ishte ndërtuar shumë më lirë, në mënyrë shumë më efecientë, dhe, mbi të gjitha, mund të kishte qëndruar pronë publike, dhe të kishte shkuar në duart e privatit”, u shpreh Van Gerven Oei./euronews

LEXO TE PLOTE