Connect with Us

Video-Basha në 2 kohë/ Si e akuzonte Ilir Metën si streha e fundit e maskarenjve

Politikë

Video-Basha në 2 kohë/ Si e akuzonte Ilir Metën si streha e fundit e maskarenjve

Publikuar

-

Lulzim Basha njihet për dredhitë e tij në politikë, për paaftësinë si njeri i dobët dhe pazarxhi i rëndomtë.
Këtë shqiptarët e kanë mësuar, e kanë mësuar edhe demokratët të cilët disa herë janë shitur prej tij.

U shitën tek çadra në vitin 2017 dhe më pas në vitin 2019 me djegjen e mandateve, Luli i fali Edi Ramës në tavolinë një mazhorancë kushtetuese dhe 61 bashki pasi gënjeu shqiptarët se nuk do të kishte zgjedhje lokale dhe se Edi Rama ishte rrëzuar nga posti i kryeministrit. Më pas, mori pazarin e radhës dhe shkoi u ul në tryezën e Reformës Zgjedhore dhe tani po bën rolin e një politikani ndryshe duke dalë e shëtitur me qese me domate e duke parë ndeshje basketbolli midis të rinjtë të FRPD-së.

Por çfarë ka ndodhur? Ne po sjellim disa video të cilat janë të gazetares Rudina Xhunga por edhe në mitingjet e kohës së çadrës dhe fushatës së Lulzim Bashës në vitin 2017.

Është koha kur Luli thotë se nuk do të ketë kurrë asnjë pazar me LSI-në dhe me gojën e tij ai thotë se çfarë është Ilir Meta, kush është Ilir Meta i vërtetë.

Për më tepër shikoni videot e mëposhtme.

Ka dhe një moment tjetër edhe më të ashpër, nëmars te vitit 2015,  kur Ilir Meta ishte kryetar Kuvendi dhe Lulzim Basha kërkonte dorëheqjen e tij nga ky post pasi e akuzonte atë si njeri të përfshirë në lidhje me krimin, e akuzonte për vjedhjen e floririt në Krrabë, e akuzonte edhe për 21 janarin. Më pas kanë qenë akuzat e Petrit Vasilit që akuzonin Lulzim Bashën se kishte vjedhur 250 milion euro me SHPK e tij në rrugën e Kombit.

LEXO EDHE:  Protesta/ Këlliçi dhe 8 anëtarë të FRPD –së, në Prokurori

Sot, edhe Luli edhe Petrit Vasili u bëjnë thirrje shqiptarëve që të dalin së bashku në krah të Ilir Metës që Luli e quante maskara dhe hajdut. Ndërkohë që Petriti e quante Lulin hajdutin e rrugës së Kombit, nga ana tjetër Luli i quante këta maskarenj, kriminelë e të tjera si këto, ndërsa nesër do i harrojnë të gjitha dhe i ftojnë shqiptarët në protestë në krah të Ilir Metës në mbrojtje të Kushtetutës.
A mund ta mbrojnë maskarenjtë dhe hajdutët Kushtetutën?/CNA.al

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Denoncimi i Metës para protestës/ Sekti mafioz në krye të grushtit te shtetit

Publikuar

-

Nga

Një ditë para protestës, presidenti Ilir Meta ka dalë në një konferencë për shtyp ku denoncoi miratimin e ligjit për dividentin.

Meta e quan këtë “një krimin të tmerrshëm kushtetues të konsumuar nga sekti mafioz në krye të grushtit të shtetit dhe me pasoja të rënda”.

“Me pasoja të rëndë, për buxhetin dhe financat e shtetit, për sigurinë publike për të favorizuar një grusht oligarkësh që pasurohen në kurriz të shqiptarëve. Ligji për devidentit, rast flagrant se si kuvendi ka dhunuar hapur Kushtetutën për të cilën ju premtoj se do të japin llogari. Nuk do të ketë shpëtim për ta.. Barazia bara ligjit është tipar thmelor i kushtetutës, parim i njohur i financave publike. Por në datën 3 dhjetor rilindja në 2018 miratoi ligjin për disa ndryshime në ligj për tatimin mbi të ardhurat në dëm të sipërmarrësve të ndershëm. Në këtë nen marvi kuvendi u vends nga 18% u bë 8% me efekt prapaveprues. Ky parashikim dhunon nenin e kushtetutës që ndalon efektin prapaveprues, se kjo do të thotë diskriminim para ligjit. Pasojët e këtij krimi është e pabesë, goditje e rëndë pas shpine për bizneset e ndershëm që kanë paguar tatimin prej 15%, ndërsa me ligjin e ri oligarkët që kanë paguar deputetët do të favorizoheshin që të mos paguanin 15%, por 8%. përmbyset sistemi fiskal duke majmur më shumë shtresën e vogël dhe më të pasur të shoqërisë dhe duke varfëruar njerëzit e thjeshtë. Për këtë asre me dekretin e datën 20 dhjetor 2018 vendosa kthimin për rishikim, ky dekret iu përcoll kuvendit. Cfarë ndodhi? Në të njëtën ditë ku presidenti i thotë Kuvendit “thërriti mendjes se po bëni një krim financiar”, në të njëjtën ditë kuvendi zhvilloi seancë plenare. Komisioni Ekonomik shqyrtoi në mënyrë mafioze këtë ligj, pa thirru presidencën për të dhënë sqarime, pa lajmëruar opozitën dhe brenda po të njëtës ditë, e miratuan në seancë penale. Për këtë arsye iu bëj me dije se për këtë vendim do të paraqes në ditët e ardhme kallëzimin penal në SPAK për të zbardhur këtë skemë dhe vendosjen para drejtësisë autorëve të saj”, ” u shpreh Ilir Meta./CNA.al

LEXO TE PLOTE

Politikë

Voltana Ademi liston arsyet/ Pse duhet protestuar nesër

Publikuar

-

Nga

Kryebashkiakja në detyrë e Shkodrës Voltana Ademi, thotë se ditën e nesërme do të dalë në shesh të protestojë krah presidentit Ilir Meta.

Ademi ka listuar në një postim  në rrjetet sociale, një sërë arsyesh se përse do të shkojë nesër në protestë dhe pse duhet t’i bashkohen qytetarët.

Sipas saj, opozitarët do të punojnë me përgjegjësi për të ardhmen, me besim te Zoti dhe te vlera të tjera universale dhe me vendosmëri për të ndërtuar një shtet të së drejtës, demokratik e social.

Ajo deklaron se do të garantojnë të drejtat dhe liritë themelore të njeriut, do sjellë frymën e tolerancës dhe të bashkëjetesës fetare. Demokratja zotohet të mbrojë dinjitetin dhe personalitetin njerëzor, prosperitetin e të gjithë kombit për paqen, mirëqenien, kulturën dhe solidaritetin shoqëror.

LEXO EDHE:  “Nuk do të të shpëtojë asgjë”/ Basha kërcënon gjyqtarin

LEXO EDHE:  Deklaratat e Metës/ Braçe: Nuk ndaj pushtet me Berishën!

Ademi thotë se është me aspiratën shekullore të popullit shqiptar për identitetin dhe bashkimin kombëtar dhe ka bindjen e thellë se drejtësia, paqja, harmonia dhe bashkëpunimi ndërmjet kombeve janë ndër vlerat më të larta të njerëzimit.

Kryebashkiakja e Shkodrës nënvizon se opozita do të mbrojë Kushtetutën e Republikës dhe vendin tonë./ CNA.al

LEXO TE PLOTE

Politikë

Basha i bashkohet Metës në protestë/ Topalli i kujton me video, premtimin e 2017-ës

Publikuar

-

Nga

Jozefina-Topalli duke folur para mediave

Ish kryeparlamentarja Jozefina Topalli ka publikuar videon ku kreu i PD, Lulzim Basha thotë se nuk do të ketë kurrë asnjë pazar me LSI-në.

“Yess, yesss”, shkruan Topalli e cila mesa duket ironizon Bashën i cili nesër pritet t’i bashkohet Metës në Bulevard për manifestimin në mbrojtje të Kushtetutës.

“Unë si kryetar i partisë nuk do të bëj kurrë më një Pazar me LSI. Nëse ky dyshim ekziston atëherë s’ka pse një demokrat të mos joshet nga shitblerja e votës. Unë dua t’i them sot çdo demokrati se nuk do të qeverisim me LSI-në. Mos bëni gabimin fatal se përndryshe do të mbeteni si Baftjar në hauret e Republikës së Shqipërisë”, shprehej Basha përballë gazetares Rudina Xhunga në mitingjet e kohës së çadrës dhe fushatësnë vitin 2017.

Kujtojmë se ka dhe një moment tjetër edhe më të ashpër, në mars te vitit 2015, kur Ilir Meta ishte kryetar Kuvendi dhe Lulzim Basha kërkonte dorëheqjen e tij nga ky post pasi e akuzonte atë si njeri të përfshirë në lidhje me krimin, e akuzonte për vjedhjen e floririt në Krrabë, e akuzonte edhe për 21 janarin.

LEXO EDHE:  Deklaratat e Metës/ Braçe: Nuk ndaj pushtet me Berishën!

LEXO EDHE:  Foto-Protesta e opozitës/ Përlotet Lulzim Basha

Por, mesa duket Basha ka hedhur pas krahëve çdo gje dhe tashmë do i bashkohet presidentit në manifestimin e thirrur prej tij pasditën e 2 marsit, në mbrojtje të Kushtetutës./CNA.al

LEXO TE PLOTE