Connect with Us

Shkencëtarët e kuruan diabetin tek minjtë/ A mund ta bëjnë këtë edhe tek njerëzit?

Blog

Shkencëtarët e kuruan diabetin tek minjtë/ A mund ta bëjnë këtë edhe tek njerëzit?

Publikuar

-

* Për shumicën dërrmuese të diabetikëve, gjendja e tyre shëndetësore kërkon një monitorim dhe vëmendje të përditshme. Mungesa e insulinës, që prodhohet në mënyrë natyrale nga trupat e tyre, nënkupton një monitorim të vazhdueshëm të niveleve të sheqerit në gjak, dhe injeksionet me insulinë që u garantojnë trupave të dibetikëve të kryejnë proceset jetike, dhe t’i mbajnë ata vigjilentë dhe të shëndetshëm.

Tani, studiuesit kanë arritur të gjejnë një zgjidhje të mundshme, që mund të çojë në një kurë për diabetin, edhe nëse ajo duket deri tani premtuese vetëm tek minjtë në laborator. Trajtimi përfshin përdorimin e qelizave burimore, të cilat shndërrohen në qeliza të tjera në trup, për të kryer punën e sekretimit të insulinës, dhe për të lehtësuar nevojën e një menaxhimi manual të sëmundjes.

Kur kryhet ky trajtim, qelizat burimore shndërrohen në qeliza beta, të cilat janë të afta të sekretojnë insulinë. Studiuesit kanë punuar prej disa kohësh me këtë teknikë. Por atyre iu është dashur të kapërcejnë disa pengesa serioze gjatë rrugës, përfshirë zakonin e qelizave burimore që të shndërrohen në lloje të tjera qelizash, që nuk janë të dobishme në trajtimin e sëmundjes.

Qelizat burimore, janë si pllaka bosh që mund të shndërrohen në shumë lloje të ndryshme qelizash. Kjo i bën ato jashtëzakonisht të fuqishme në trajtimin e sëmundjeve të ndryshme. Por kjo do të thotë gjithashtu se ato mund të jenë si një “kartë e egër”, duke u shndërruar në qeliza që studiuesit nuk i kanë parashikuar.

Kjo do të thotë që janë të nevojshme gjithnjë e më shumë qeliza burimore, për të gjeneruar numrin e synuar të qelizave beta. “Sa më shumë qeliza të destinuara të merrni, aq më pak qeliza të rëndësishme terapeutike keni”-shpjegon Xhefri Millman, studiuesi kryesor që grupit.

LEXO EDHE:  1889, Britanikët planifikuan të ndërtojnë në Londër kullën e tyre Eifel/ Ja përse dështuan

“Pra duhen rreth 1 miliardë qeliza beta, për të kuruar një person me diabet. Por nëse një e katërta e këtyre qelizave, janë në fakt qeliza të mëlçisë ose qeliza të tjera të pankreasit, në vend se të keni nevojë për 1 miliardë qeliza, do t’ju duhen 1.25 miliardë të tilla. Dhe kjo e bën 25 për qind më të vështirë shërimin e sëmundjes”- thekson ai.

Për të qartësuar qasjen e tyre, studiuesit kanë punuar me një teknikë të re që e rrit efikasitetin e shndërrimit në qelizat beta. Tani, thotë ekipi, dimë sa duhet për të parashikuar më saktë se sa qeliza do të bëjnë atë që pritet prej tyre, duke e bërë trajtimin edhe më efektiv.

Në testet e kryera me minjtë në laborator, brejtësit janë “shëruar funksionalisht” nga sëmundja e tyre, gjë që në vetvete është një arritje e jashtëzakonshme. Gjithsesi, nëse të njëjtat rezultate mund të përsëriten tek njerëzit, kjo është një pyetje të cilës do t’i jepet përgjigje shumë më vonë. Gjithsesi, është një zhvillim emocionues, dhe mund të jetë një lajm i shkëlqyeshëm për ata që vuajnë nga diabeti./ Bgr.com-Përshtatur nga CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Blog

A është gati NASA të zbulojë jetën përtej Tokës?

Publikuar

-

Nga

* Kërkimi për të gjetur dhe hetuar jetën përtej Tokës, ka arritur në një pikë të rëndësishme. Ne jemi në prag të ndryshimit të perspektivës së vendit që zë njerëzimi në Univers, dhe më në fund për t’iu përgjigjur pyetjes: “A jemi apo jo të vetëm në Univers?”

Kërkimi për të gjetur jetën përtej Tokës është këmbëngulës. Por aftësitë për ta arritur atë, janë shpërndarë në të gjithë NASA-n, dhe kryesisht në Drejtorinë e Misionit Shkencor. Por që NASA të ketë sukses në këtë mision, duhet një qasje të re. Por pse tani? Në fakt kjo është ërkuar që në mesin e viteve 1990.

Shkencëtarët zviceranë Mishel Major dhe Didië Kelo, zbuluan në vitin 1995 planetin e parë që rrotullohej rreth një ylli. Për atë zbulim, ata fituan Çmimin Nobel për Fizikë për vitin 2019. Në vitin 1996, pretendimi i zbulimit të një bakterieje të fosilizuar në një mostër meteoriti në planetin Mars, krijoi një entuziazëm të ri në programin planetar të NASA-s.

Këto zbulime krijuan një zinxhir misionesh dhe hulumtimesh që sot po japin frytet e veta.

Ekipi i misionit “Kepler” të NASA, ka identifikuar më shumë se 2.700 planetë të konfirmuar jashtë sistemit tonë diellor, të ashtuquajturat ekzoplanetë. “Kepler”, dhe vëzhguesit e tjerë kanë vërtetuar se sistemi ynë diellor nuk është tipik, se planetët vijnë rrotull shumë orbitave të ndryshme.

Ai ka identifikuar kandidatët, që mund të jenë të ngjashëm me planetin Tokë, dhe që rrotullohen në orbitë rreth diejve të tjerë. Me interes të veçantë, janë ata në zonën e banueshme, ku pritet që uji të jetë i lëngshëm. Këto zbulime, kanë krijuar një komunitet shkencëtarësh entuziastë dhe të etur, për të gjetur jetën përtej Tokës.

LEXO EDHE:  Intervista/ Mikail Gorbaçov: Pse ishte e pashmangshme shembja e sistemit komunist

LEXO EDHE:  Pas vetos franceze priten telashe në Ballkan, ç’po zien në Maqedoninë e Veriut

Brenda sistemit tonë diellor, ekipi i misionit “Cassini” zbuloi gejzerë nga hëna Enkeladus e Saturnit. Ata janë plot me ujë të kripur, dhe me gjasë aty ka jetë mikrobike të krijuar në aktivitetin hidrotermal, ashtu siç ka ndodhur me jetën që gjallon rreth kanaleve të thella të oqeaneve në Tokë.

Astrobiologjia, një fushë shkencore ndërdisiplinore që merret me origjinën dhe kërkimin e jetës në Univers, ka kaluar nga një nismë spekulative kërkimore teorike e nisur në NASA mbi 20 vjet më parë, në të qënit prrotagonistë kryeorë të vëzhgimeve, me një komunitet shkencor shumë cilësor.

Tani është koha që të krijohet një organizatë të re “Jeta përtej Tokës” brenda Drejtorisë së Misionit Shkencor të NASA-s. Kjo do të bëjë bashkë aftësitë për të zbuluar jetën përtej planetit tonë, përfshirë të dy teleskopët e ardhshëm dhe misionet e kërkimit në sistemin diellor.

Astronautët e misionit të ardhshëm “Artemis”, do të sjellin mostra nga kraterat hënorë të mbushur me akull, që mund të mbajnë të dhëna mbi origjinën e jetës. Misionet robotike dhe astronautët, që do të kthejnë mostrat nga Marsi, mund të na japin provat përfundimtare për ekzistencën ose jo të jetës përtej Tokës./Spacenews- Përshtatur nga CNA.al

LEXO TE PLOTE

Blog

U bë gjyshe vetëm 39 vjeçe, shpëtoi jetën e një kolegu/ Çfarë nuk dini mbi divën e Hollivudit, Elizabet Tejlor

Publikuar

-

Nga

Nga jeta e saj dashurore shumë aktive, deri tek një karrierë kinematografike shumë fitimprurëse, jeta private e Elizabet Tejlor mund të ketë qenë më emocionuese, sesa cilindo nga filmat në të cilat ka luajtur. Këtë vit, diva e Hollivudit do të mbushte 88-vjeç. Ajo vdiq në moshën 79-vjeçare pas shumë problemeve shëndetësore. Ja çfarë mund të mos keni ditur për aktoren e famshme britanike.

Shpëtoi jetën e një kolegu

Më 12 maj 1956, aktori Montgomeri Klift u largua pasi darkoi në shtëpinë e Liz Tejlorit në Beverly Hills. Vetëm 10 minuta më vonë, ai u përgjum në timon, dhe makina e tij u përplas me një kabinë telefonike. Thuhet se ishte Tejlor ajo që i shpëtoi jetën tij, duke shmangur gëlltitjen e gjuhës, dhe vdekjen e tij të sigurtë nga asfiksia.

Ishte aktorja e pare, që fitoi 1 milonë dollarë për një film

Kur producenti Uollter Vanger, po përgatitej të xhironte filmin “Cleopatra”, ai dëshironte me çdo kush që Tejlor të luante në rolin kryesor. Ai i telefonoi bashkëshortit të saj të atëhershëm, Edi Fisher, për të diskutuar mbi filmin. Tejlor i tha me shaka Fisher:”Thuaji që pranoj 1 milionë dollarë!”. Ajo lloj pagese ishte e padëgjuar në industrinë e filmit, veçanërisht për aktoret femra. Por Vanger nuk kishte zgjidhje tjetër, dhe Tejlor u bë aktorja e parë në histori, që fitoi 1 milionë dollarë për një film të vetëm.

Nënshkroi kontratën e parë kinematografike, kur ishte vetëm 9-vjeçe

Shumë njerëz do ta komentoni gjithnjë bukurinë e Tejlor, që kur ajo ishte vetëm një vajzë e vogël. Kur ishte vetëm 9-vjeçe, shfrytëzoi pamjen e saj fizike, duke nënshkruar kontratën e

saj të parë me studion prestigjioze “Metro Gold Mayer”.

Por të qenit nën kontratë në një moshë kaq të re, nuk ishte në çdo aspekt pozitive. Tejlor do deklaronte më vonë se agjentët e studios, kontrollonin pjesën më të madhe të jetës së saj. Ata i thoshin kur të ndiqte leksionet e vallëzimit dhe këngës. Madje u përpoqën ta bindnin ta ëmën, që ajo të ndryshonte formën e vetullave dhe lyente flokët me bojë.

Koleksioni i saj i bizhuve, ishte një nga më të shtrenjtët në botë

Të gjithë e dinë që aktorja diçka dobësi për bizhuteritë e shtrenjta. Dhe kjo e bënte një grua të kushtueshme për çdo bashkëshort. Shumica e 8 burrave të saj, i dhuruan diamantë të mahnitshëm të markës ”Cartier”, vathë, karfica me diamantë dhe unaza me gurë rubini. 1.778 pjesë nga koleksioni i saj i bizhuve, u shitën pas vdekjes së saj në një ankand, për më shumë se 150 milionë dollarë.

LEXO EDHE:  Studimi/ Lyerja e flokëve me bojë, mund të rrisë rrezikun e kancerit të gjirit tek gratë

LEXO EDHE:  Intervista/ Mikail Gorbaçov: Pse ishte e pashmangshme shembja e sistemit komunist

Ishte më e shkurtër, sesa mund ta imagjonin njerëzit

Ajo mund të duket simpatike dhe e lezetshme në film, por Tejlor ishte në fakt shumë më e shkurtër në jetën reale. Në një artikull për “The Neë York Post”, Lerri King shkroi:”Ajo ishte më e shkurtër, nga sa mendojnë shumica e njerëzve. Ajo ishte e vogël, por vishej në mënyrë të tillë që të dukej me e gjatë”. Në fakt, Tejlor ishte vetëm 1.57 metra e gjatë.

Cili ishte filmi i saj i preferuar

Elisabet Tejlor luajti në mbi 34 filma gjatë karrierës së saj. Por ajo e cilësonte “National Velvet” si filmin më tërheqës që kishte realizuar. Në atë film ishte vetëm 12-vjeçe. Xhirimet u shtynë për disa muaj, me shpresë se ajo do të kishte një zhvillim më të shpejtë trupor. Gjatë pushimit, ajo u mor më hipizëm. Arriti të rritet 7.5 cm në vetëm 3 muaj, dhe më pas xhirimet rifilluan ashtu siç ishte planifikuar.

Kur ishte 74-vjeçe, notoi në mes të peshkaqenëve

Diva e Hollivudit, kishte një listë dëshirash të çuditshme. Ajo donte të notonte përkrah peshkaqenëve. Dhe në fund e realizoi ëndrrën e saj në moshën 74-vjeçare. Në atë kohë qëndronte ulur në një karrocë me rrota, por kjo gjë nuk e pengoi. Kur ishte me pushime në Hauai, ajo u ngrit nga karroca e saj, u fut në një kafaz dhe u zhyt për disa minuta në Oqeanin Paqësor.

U bë gjyshe në moshën 39-vjeçare

Tejlor e filloi që herët jetën e saj si grua dhe nënë. Ajo u martua për herë të parë në moshën 18-vjeçare me Konrad Hilton. Martesa mes të dyve nuk zgjati shumë, vetëm 3 muaj. Pak më vonë, u martua me Majkëll Uajlding. Së bashku, ata patën 2 djem: Majkëll Jr. dhe Kristofer. Më vonë lindi një vajzë të quajtur Liza me burrin e saj të tretë, Majk Tod, ndërsa adoptoi jetimen gjermane Maria. Kur djali i saj Majkëll Xhunior u bë baba në vitin 1971, Tejlor u bë gjyshe në një moshë shumë të re, vetëm 39-vjeçe./ Famefocus.com-Përshtatur nga CNA.al

LEXO TE PLOTE

Blog

Në Evropë, histeria po përhapet më shpejt se sa koronavirusi

Publikuar

-

Nga

Nga Portia Kentish “Emerging Europe”

Qëkur një seri rastesh të koronavirusit (COVID-19) u shfaqën në Itali në fillim të javës së shkuar, qeveritë në të gjithë Evropën, janë vënë në një garë se kush përgatitet më mirë për një pandemi të mundshme. Me numrin e infeksioneve të reja nga jashtë Kinës, që tanimë janë më të larta se ato në Kinë, kryeqytetet në mbarë Evropën janë qetësuar disi, me numrin e përgjithshëm të rasteve që tani i ka kaluar 80.000 personat.

Por frika dhe dezinformacionet, janë përhapur shumë më shpejt sesa vetë virusi, duke e ndërlikuar shumë sfidën për shëndetin publik, dhe duke ekspozuar përçarjet politike. Zyrtarët e Bashkimit Evropian, kanë paralajmëruar se duhet të bëhet më shumë për t’u përgatitur për përhapje të mëtejshme të epidemisë, dhe kanë bërë thirrje për një përgjigje më të koordinuar.

“Vlerësimi ynë aktual, është se ne do të shohim me siguri një situatë të ngjashme në Itali dhe vendet e tjera të Evropës, por panorama mund të ndryshojë nga njëri vend në tjetrin”-tha Andrea Amon, drejtore e Qendrës Evropiane për Parandalimin dhe Kontrollin e Sëmundjeve. “Ndërkohë duhet të përgatitemi edhe për skenarë të tjerë, si për shembull për grupime të mëdha të prekurish diku tjetër në Evropë”- shtoi ajo. Vetë virusi është infektiv në nivele mesatare, dhe ka simptoma të ngjashme me gripin e zakonshëm. Deri tani, shkalla e saj e vdekshmërisë, është rreth 3 përqind, dhe prek zakonisht ata që vuajnë tashmë nga një sëmundje kronike.

Ndërsa niveli i vdekshmërisë së gripit të zakonshëm është pak më e vogël, paparashikueshmëria e koronavirusit po i vendos autoritetet përballë të panjohurave, të cilat kërkojnë një koordinim politik të pashembullt. Në mbarë Evropën, dhe në fakt në gjithë botën, ka pasur një prirje që qeveritë ta përdorin shpërthimin epidemik, si një mënyrë për të treguar forcën dhe kompetencën e tyre.

Por, politizimi i kësaj emergjence shëndetësore, mund të ketë ndikime alternative, në të cilat arroganca që buron nga aftësia, mund të sjellë një mosgatishmëri për të pranuar gabimet në sistemet e shëndetit publik. Nga ana tjetër, kjo ngjarje është një shans që qeveritë të tejkalojnë aftësitë e tyre drejtuese.
Nga Bullgaria në Estoni, zyrtarët po e sigurojnë publikun se po bëjnë gjithçka që mundin për të përgatitur për të. Në Poloni, kryeministri Mateush Moraviecki u tha polakëve, se vendi është “gati për një sulm të koronavirusit”. Deklarata e tij u pasua nga deklarata Ministrit e Shëndetësisë, Lukas Sumovski, që arritja e koronavirusit në Poloni ishte diçka e “e pashmangshme”.

Ai njoftoi hapjen e një spitali të veçantë për këtë epidemi, ndërsa autoritetet shëndetësore do të fillonin shpërndarjen e broshurave në stacionet hekurudhote, dhe në rrjetet e tjera të transportit. Anëtarët e opozitës, e kanë kritikuar këtë qasje, duke e etiketuar qeverinë si të papërgatitur.

“Polonia është tërësisht e papërgatitur, për të mbrojtur veten nga koronavirusi. Deklaratat e kryeministrit janë gënjeshtra. Vetëm fjalët, nuk mund të na mbrojnë nga kjo sëmundje. Nuk po synoj të mbjell panik, por parandalimi është më i mirë se sa kurimi”- u shpreh senatori opozitar Vadim Tizkievic.
Ndërkohë në Hungari, zëdhënësi i kryeministrit, Gergeli Guljash, i ka bërë jehonë deklaratës së Sumovskit, duke theksuar se ka pak shanse që Hungaria të mund ta shmangë depërtimin e koronavirusit. Megjithatë, ai vuri në dukje kërcënimin që paraqet frika ndaj virusit, duke siguruar median se do të informohet në kohë reale nëse dikush në Hungari preket nga virusi.

Ai shtoi:”Nuk ka vend për përhapjen e lajmeve të rreme, gjë që përbën një akt kriminal”. Në Çeki, qeveria po përpiqet të qetësojë qytetarët e saj. “Republika Çeke është padyshim në mesin e vendeve anëtare të BE-së, që kanë ndërmarrë masat më të rrepta”- tha Ministri i Shëndetësisë, Adam Vojçek.
Këshilli i Sigurimit të Shtetit e diskutoi situatën më 25 shkurt, dhe aeroportet kanë marrë masa të posaçme kundër virusit. Në gjithë rajonin disa udhëtime janë kufizuar, dhe vendet me lidhje të forta tregtare me Italinë, si Kroacia, po anulojnë udhëtimet në linjat e transportit hekurudhor, dhe kanë vendosur pika kontrolli.

LEXO EDHE:  Erion Veliaj si Don Kishoti/ I shpall luftë me heshtë medias kritike

LEXO EDHE:  Shoiçi Jokoi, japonezi që u fsheh 28 vjet në xhungël, dhe nuk e dinte se lufta kishte përfunduar

Rumania, që ka një diasporë të madhe në Itali, është përfshirë nga një valë histerie kolektive, ku supermarketet janë mësyrë nga blerësit, që blejnë sasi të mëdha mallrash jetikë. Dhe kjo pavarësisht se vendi ka deri tani zero raste të konfirmuara me koronavirusin.

Një burrë aziatik u dëbua me dhunë nga metroja e Bukureshtit nga disa të rinj rumunë racistë. Presidenti i Serbisë, Aleksandar Vuçiç, ka kërkuar nga drejtori rajonal i Organizatës Botërore të Shëndetësisë për Evropën, Hans Kluge, ndihmë shtesë për frenimin e përhapjes së sëmundjes.
Që të dy ata ranë dakord se përhapja e panikut dhe lajmeve të rreme në të gjithë Serbinë dhe rajonin, ishte shumë më e rrezikshme, sesa kërcënimi që vjen nga vetë virusi.

Në një deklaratë të bërë publike më 26 shkurt , Kluge siguroi serbët se vendi është i mirë-përgatitur për të adresuar çdo lloj rreziku shëndetësor. Në aspektin ekonomik, virusi ka pasur një ndikim të rëndësishëm, duke tronditur bursat. Shumë rrugë tregtare janë bllokuar, dhe sektorë të prodhimit janë dëmtuar. Tregjet e mëdha si Kina dhe SHBA janë ngadalësuar, dhe do të jetë e pamundur që Evropa të shmangë pasojat negative.

“Kur nisni të ndikoni mbi Evropën Perëndimore, apo mbi Shtetet e Bashkuara, jeni duke ndikuar shumë edhe mbi ekonominë globale”- thotë Jusef Abazi, një strateg i tregut global. Ndërkaq, Ministri lituanez i Financave, Vilius Spok, i bëri jehonë këtyre deklaratave, duke u shprehur:”Në çdo rast, do të ketë ndikime negative tek Lituania, pasi ka efekte direkte përmes zinxhirëve të ndërprerë të furnizimit, dhe efekte indirekte përmes rënies së kërkesës. Pra mund të preket si prodhimi ashtu edhe tregtia ndërkombëtare”./Përshtati në shqip CNA.al

 

 

LEXO TE PLOTE