Sociale
Muaji filloi me diell/ Zbuloni surprizat e motit për këtë jave
Edhe pse dita e sotme shënoi ditën e parë të pranverës me diell dhe temperature mesatare për këtë stinë, kjo nuk do të përkojë me motin gjatë kësaj jave.
Sipas Shërbimit Meteorologjik Ushtarak, fillimi i javës pritet të ketë temperatura pranverore, nxitur nga era e vrullshme jugore, por nuk do të jetë kështu deri në ditën e premte.
Ashtu sikundër shihet në tabelën e mëposhtme, reshjet e shiut do të prekin vendin përkohësisht deri të martën pasdite. Në mbrëmje e në mesnatë vendi pritet të përfshihet nga reshje intensive, në formën e rrebesheve me rrufe.
Më tej, reshjet e shiut do të rikthehen herëpashere deri ditën e premte. Përsëri në mesditën e të premtes, reshjet do të rikthehen me intensitet, kësaj here në jugperëndim të vendit.
Me rënien e temperaturave sipas tabelës, në lartësitë mbi 800 m në të gjitha zonat malore, reshjet do të jenë kryesisht dëbore.
Hera herës gjatë kësaj jave, parashikohet përveç erës së vrullshme dhe shtim i dallgëzimit./CNA.al
Sociale
Vranësira dhe reshje shiu lokale/ Ja si parashikohet të jetë dita e sotme
Dita e sotme parashikohet të ketë mot me alternime kthjellimesh dhe vranësira këto më të përqëndruara përgjatë relieveve malore.
Në jug-juglindje vranësirat do të pasohen nga reshje lokale shiu në orët e pasdites.
Era parashikohet nga kuadrati i veriut me shpejtësi mesatare 1-6m/sek, e cila hera-herës përgjatë vijës bregdetare fiton shpejtësi deri në 10-12m/sek. Deti i forcë 1-2 ballë./CNA.al
Sociale
Familjarë që rrezikojnë infektimin nga Covid-19/ Spitali i Durrësit lejon vizitat
Covid-19 ka bërë që në të gjitha qytetet e Shqipërisë spitalet të jene të mbushura plot e përplot me të sëmurë.
Qyeteti i Durrësit paraqitet në gjendje më të qetë përsa i përket situatës nga Covid-19. Ajo që mbetet shqetësuese është shëndeti i të afërmve të të sëmurëve, pasi spitali i lejon lirisht vizitat. Familjarët me ushqime nëpër duar në praninë e kamerave nuk lejohen të hyjnë, por Fax News ka vëzhguar se sapo të largohet kamera ata hyjnë dhe dalin si të ishte një repart i zakonshëm.
Bëhet me dije se në spitalin rajonal të Durrësit janë 57 pacientë të shtruar, 6 prej të cilëve ndodhen në reanimacion. Që prej fillimit të pandemisë në të gjitha spitalet, jo vetëm në Shqipëri, pacientët nuk lejohet që të vizitohen nga familjarët e tyre, pasi përbëjnë rrezik për infektim./CNA.al
Sociale
E rëndë në Korçë/ 22 vjeçarja humb jetën nga Covid
Një 22 vjeçare nga Korça ka ndërruar jetë si pasojë e Covid-19.
Mësohet se e reja Euxhena Jorgji, 22 vjeç, vuante nga sëmundje në kocka. Jorgji prej 1 muaji ishte shtruar në spitalin Infektiv në Tiranë. E reja nuk ka mundur t’i mbijetojë virusit të rrezikshëm.
Nderkohë kujtojmë se javët e fundit situata nga Covid në vendin tonë mbetet shqetësuese për shkak t numrit të lartë te infektimeve dhe viktimave nga Covid./CNA.al
