Kryetari i opozitës Lulzim Basha deklaron se ditën e nesërme do të zbresë në Bulevard krah presidentit Ilir Meta në manifestimin që ky i fundit ka organizuar për ditën e nesërme.

Me anë të një postimi në rrjetet sociale, Basha thotë se është detyra e tij si prind, bashkëshort dhe qytetar të dalë në protestë.

“Si qytetar i vendit tim, si bashkëshort dhe si prind, është detyra ime të mblidhem së bashku me bashkëqytetarët e mi në mbrojtje të kushtetutës! Mirutakofshim nesër në orën 17:00 në Bulevardin Dëshmorët e Kombit!”, shkruan ai.

Kujtojmë se Meta ka ka paralajmëruar se nesër do të manifestojë me qytetarët për rreth dy orë, kundër asaj që e quan grusht shteti. Kreu i Shtetit i ftoi qytetarët të vijnë në orën 17:00 në Bulevard me lule mimoza dhe flamuj kombëtarë./ CNA.al

Lulzim Basha njihet për dredhitë e tij në politikë, për paaftësinë si njeri i dobët dhe pazarxhi i rëndomtë.
Këtë shqiptarët e kanë mësuar, e kanë mësuar edhe demokratët të cilët disa herë janë shitur prej tij.

U shitën tek çadra në vitin 2017 dhe më pas në vitin 2019 me djegjen e mandateve, Luli i fali Edi Ramës në tavolinë një mazhorancë kushtetuese dhe 61 bashki pasi gënjeu shqiptarët se nuk do të kishte zgjedhje lokale dhe se Edi Rama ishte rrëzuar nga posti i kryeministrit. Më pas, mori pazarin e radhës dhe shkoi u ul në tryezën e Reformës Zgjedhore dhe tani po bën rolin e një politikani ndryshe duke dalë e shëtitur me qese me domate e duke parë ndeshje basketbolli midis të rinjtë të FRPD-së.

Por çfarë ka ndodhur? Ne po sjellim disa video të cilat janë të gazetares Rudina Xhunga por edhe në mitingjet e kohës së çadrës dhe fushatës së Lulzim Bashës në vitin 2017.

Është koha kur Luli thotë se nuk do të ketë kurrë asnjë pazar me LSI-në dhe me gojën e tij ai thotë se çfarë është Ilir Meta, kush është Ilir Meta i vërtetë.

Për më tepër shikoni videot e mëposhtme.

Ka dhe një moment tjetër edhe më të ashpër, nëmars te vitit 2015,  kur Ilir Meta ishte kryetar Kuvendi dhe Lulzim Basha kërkonte dorëheqjen e tij nga ky post pasi e akuzonte atë si njeri të përfshirë në lidhje me krimin, e akuzonte për vjedhjen e floririt në Krrabë, e akuzonte edhe për 21 janarin. Më pas kanë qenë akuzat e Petrit Vasilit që akuzonin Lulzim Bashën se kishte vjedhur 250 milion euro me SHPK e tij në rrugën e Kombit.

Sot, edhe Luli edhe Petrit Vasili u bëjnë thirrje shqiptarëve që të dalin së bashku në krah të Ilir Metës që Luli e quante maskara dhe hajdut. Ndërkohë që Petriti e quante Lulin hajdutin e rrugës së Kombit, nga ana tjetër Luli i quante këta maskarenj, kriminelë e të tjera si këto, ndërsa nesër do i harrojnë të gjitha dhe i ftojnë shqiptarët në protestë në krah të Ilir Metës në mbrojtje të Kushtetutës.
A mund ta mbrojnë maskarenjtë dhe hajdutët Kushtetutën?/CNA.al

Ish-deputeti i Partisë Demokratike, Ervin Salianji, ka deklaruar sot se PD do ta mbështesë manifestimin e presidentit Ilir Meta në 2 mars, sepse sipas tij kauza që përfaqëson është e drejtë dhe asnjë nga mazhoranca nuk ka arritur deri më tani të kundërshtojë me fakte, provat e publikuara nga Kreu i Shtetit, në tentativën që ai e quan grusht shteti nga Partia Socialiste.

“Kauza e drejtë, të mbrojmë Kushtetutën. Kushtetuta ka garant Presidentin dhe Gjykatën Kushtetuese. Asnjë s’ka rrezuar pretendimet e presidentit për falsifikim”, ka thënë ish-deputeti për News 24.

Por, është po i njëjti ky Ervin Salianji i cili ka kërkuar dorëheqjen e presidenti Ilir Meta, në kohën kur ky i fundit akuzohej për një komplot për një tentativë vrasje ndaj një ish-deputeti të PS.

Në atë kohë, një grup deputetësh të opozitës kërkonin dorëheqjen e presidenti Meta dhe mes këtyre deputetëve ishte edhe Ervin Salianji.

Salianji që sot del në protestë për Metën, çfarë nuk ka thënë për ish-kreun e LSI-së.

Por tashmë ish-deputeti i Lulit, duket se e ka dredhur sërish, dhe është bashkuar me Metën, “në mbrojtje të Kushtetutës”.

Në vitin 2015, kur Tom Doshi e akuzoi Ilir Metën se kishte porositur vrasjen e  tij dhe të deputetit demokrat Mhill Fufi, opozita kërkoi dorëheqjen e Metës.

Po ashtu edhe në fushatën zgjedhore për zgjedhjet e 25 qershorit 2017, e gjitha fushata e PD ishte kundër Metës dhe LSI-së, por tashmë “përqafohen” e duhen shumë. / CNA.al