Kosova & Rajoni
Isa Mustafa kërkon heqjen e tarifave me Serbine/ Ambasadori Grenell vlerëson kreun e LDK
Ambasadori Richard Grenell, i dërguar i posaçëm i presidentit Donald Trump për bisedimet Kosovë – Serbi tha të dielën se heqja e tarifave ndaj mallrave serbe që nga nesër, do të ishte një fillim i mbarë për më shumë përparim.
Ai i bëri këto komente në llogarinë e tij në twitter, duke i bërë jehonë deklaratës së kryetarit të Lidhjes Demokratike të Kosovës, Isa Mustafa, i cili bëri thirrje që të hiqen tarifat që nesër ashtu siç kanë kërkuar Shtetet e Bashkuara të Amerikës.
Zoti Mustafa shkroi në rrjetet sociale se aktualisht “tarifa objektivisht mbetet vetëm si relikt, i cili po i shërben Serbisë të paraqitet si viktimë në arenën ndërkombëtare dhe disave në Kosovë si mjet i vetëm i një kauze të paqëndrueshme politike. Askujt nuk i mbushet mendja se Kosova e detyron Serbinë që ta njohë përmes tarifës”, tha ai, citon radioja amerikane VOA.
“Nëse dikush luhatet, Lidhja Demokratike, deputetët e saj dhe anëtarët e qeverisë do të mbështesin pa asnjë rezervë dhe me besim e bindje të plotë heqjen e menjëhershme të tarifës, dhe atë jo vetëm se po e kërkon partneri ynë strategjik SHBA, por se jemi të bindur se kjo është në interes të shtetit të Kosovës”, shkroi zoti Mustafa duke nënvizuar se në qoftë se Serbia, nuk e ndal fushatën kundër Kosovës dhe nuk mënjanon pengesat tregtare dhe ekonomike, Lidhja Demokratike mbetet e përkushtuar për zbatimin e masave të reciprocitetit pas një periudhe që qeveria e bashkërendon me Shtetet e Bashkuara dhe Bashkimin Evropian.
Ambasadori Grenell, duke e quajtur Isa Mustafën udhëheqës të guximshëm, tha se “heqja e tarifave nesër do të ishte një fillim i shkëlqyeshëm për shumë më tepër përparim. Zhvillimi ekonomik nuk mund të ecë përpara derisa tarifat të mos hiqen”, shkroi zoti Grenell…
Kosova & Rajoni
Gruaja bie nga kati i tretë në një qendër tregtare/ Dërgohet me urgjencë në spital
Një grua ka rënë nga kati i tretë i qendre tregtare në Prishtinë, në rrethana ende të paqarta.
Lajmin e ka konfirmuar zëdhënësja e Policisë së Kosovës për Prishtinë, Flora Ahmeti. Ajo ka thënë se viktima është dërguar për trajtim mjekësor, teksa motivet ende nuk dihen.
“Rreth orës 17:30 kemi pranuar informatën se në lagjen Veterrnik në Prishtinë, saktësisht në një qendër tregtare, në rrethana ende të pasqaruara një person (femër) ka renë nga një lartësi brenda hapësirave të objektit. Personi i lënduar është dërguar për tretman mjekësor, me rastin po merren njësitet kompetente”, ka thënë Ahmeti./CNA.al
Kosova & Rajoni
La burrin për të dashurin/ E mitura përdhunohet nga tre shokët e tij
Një ngjarje e rëndë raportohet nga Gjilani, ku një 17 vjeçare është detyruar nga i dashuri të kryejë marrëdhënie seksuale me shokët e tij.
17 vjeçarja ishte e fejuar, por nuk donte të martohej me të, dhe për këtë arsye vendosi të braktisë familjen mesnatën e 23 shkurtit.
Pas kësaj prindërit e vajzës kanë lajmëruar policinë, duke bërë të mundur dhe kthimin e saj në shtëpi.
Bazuar në dëshminë që ajo ka dhënë në Policinë e Kosovës, e mitura ka rrëfyer se është detyruar që të kryejë marrëdhënie seksuale me shokët e të dashurit të saj.
Nga katër të dyshuarit, tre prej tyre janë arrestuar. Prokuroria Themelore në Gjilan ka kërkuar caktimin e masës së paraburgimit ndaj të dyshuarve me inicialet S.I, A.A dhe S.L./CNA.al
Kosova & Rajoni
Tarifa ndaj mallrave serb/ BE-ja mirëpret masat e kryeministrit të Kosovës
Bashkimi Evropian mirëpriti vendimin e kryeministrit të Kosovës, Albin Kurti, për heqjen e tarifave në importet e lëndës së parë nga Serbia dhe Bosnja e Hercegovina, si hap i parë drejt heqjes së tërësishme të tarifave ndaj malrave serbe.
Zëdhënësi i Komisionit Evropian, Peter Stano, tha në një komunikatë se Brukseli po pret të mësojë më shumë hollësi, por e mirëpret vendimin si një hap të parë që mund të ketë një efekt pozitiv në rivendosjen e tregtisë rajonale dhe të ofrojë një mundësi për rifillimin e bisedimeve ndërmjet Beogradit dhe Prishtinës të lehtësuara nga Bashkimi Evropian, raporton radioja amerikane VOA.
“Është humbur shumë kohë. Besimi duhet të rikthehet urgjentisht. Serbia dhe Kosova duhet të krijojnë një mjedis të favorshëm që bisedimet të rifillojnë në dobi të të dyjave”, thuhet në komunikatë në të cilën theksohet se shefi i politikës së Jashtme të Bashkimit Evropian, Josep Borrell, është i gatshëm të luajë rolin e tij si lehtësues i bisedimeve.
Kryeministri i Kosovës, Albin Kurti, tha të enjten se do të fillojë heqjen e kushtëzuar të tarifave prej 100 për qind ndaj mallrave serbe, që u vendosën në nëntor të vitit 2018 në shenjë kundërvënieje ndaj qasjes së Serbisë ndaj shtetësisë së Kosovës.
Ai tha se nga 15 marsi do të hiqen tarifat në lëndën e parë si shenjë e vullnetit të mirë dhe nëse Serbia i jep fund fushatës për tërheqjen e njohjeve të Kosovës, më 1 prill do të hiqen tërësisht tarifat për një periudhë 90 ditëshe.
Ambasadori Richard Grenell, i dërguar i posaçëm i presidentit Donald Trump për bisedimet Kosovë – Serbi, tha të enjten mbrëma se Shtetet e Bashkuara nuk i mbështesin masat gjysmake të kryeministrit Albin Kurti dhe se qëndrimi amerikan është që tarifat duhet të hiqen tërësisht.
