Connect with Us

Rreziku nga koronavirusi/ Ish deputeti ngre alarmin: Herët a vonë do ketë të infektuar në Shqipëri

Lajme

Rreziku nga koronavirusi/ Ish deputeti ngre alarmin: Herët a vonë do ketë të infektuar në Shqipëri

Publikuar

-

Ish deputeti i PD, Agron Shehaj thekson se vëmendja e opinionit, veçanërisht medias, duhet të mbahet tek koronavirusi.

Sipas tij, “po nënvlerësohet rreziku i madh që koronavirusi ka për një vend si i yni, ku sistemi shëndetësor është i dobët, aftësitë tona financiare dhe teknike janë të ulta dhe ku qeveria është e mësuar të gënjejë dhe mashtrojë”.
Shehaj thekson se është thuajse e sigurt që edhe në Shqipëri do të ketë herët a vonë të infektuar.

“Nëse nuk bëjmë presion ndaj qeverisë që të përqëndrojë të gjitha burimet dhe vëmendjen tek kjo çështje, mund të ketë pasoja për njerëzit. Nuk është koha për panik, por nuk është as koha për tu shpërqëndruar tek çështje që i interesojnë vetëm politikës dhe jo shëndetit të njerëve”, shkruan ish deputeti./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Lajme

Tubimi i 2 marsit/ Ambasada e SHBA bën njoftimin e rëndësishëm

Publikuar

-

Nga

Ambasada e Shteteve të Bashkuara të Amerikës në Tiranë ka bërë një njoftim të rëndësishëm lidhur me tubimin e 2 marsit që ka organizuar presidenti Ilir Meta.

Ambasada i bën thirrje shtetasve amerikanë që jetojnë në Shqipëri të shmangin vendet ku do të zhvillohet protesta, duke marë shkas nga protestat e kaluara të opozitës, ku ka pasur edhe dhunë.

“Pika e grumbullimit që është lajmëruar është Bulevardi Dëshmorët e Kombit. Tubimi politik pritet të zhvillohet në 2 Mars 2020 duke filluar rreth orës 17:00 pasdite. Kohëzgjatja e tubimit të pritshëm nuk dihet. Në demonstratat e kaluara ka pasur dhunë. Forcat e sigurisë kanë përdorur ujë dhe gaz lotsjellës për të shpërndarë turmat. Shmangni vendet e mundshme të protestës përfshirë Bulevardin Kombëtar. Monitoroni median për azhornimet. Jini të vëmendshëm dhe mbani një profil të ulët”, deklaron Ambasada e SHBA./ CNA.al

LEXO TE PLOTE

Lajme

“Relator i çështjes së vëllezërve Aliko që donte të shpëtonte Çili”/ Dvorani: Nuk jemi miq, s’ e mbaj mend…

Publikuar

-

Nga

Kreu i Këshilli i Emërimeve në Drejtësi, Ardian Dvorani është pyetur lidhur me arrestimin e pronarit të UET, Henri Çili.

Dvorani u shpreh se e njeh Çilin, por nuk janë miq.

“Janë 35 mijë çështje që rezultojnë me relator gjyqtarin Ardian Dvorani, por ju e dini që kjo gjykatë është jofunksionale. Unë uroj që kjo të jetë një spekulim, unë nuk kam asnjë lidhje me këtë gjë, për mua është kategorike jo. E njoh Henri Çilin, por nuk e kam mik, vetëm jemi takuar disa herë në evente të ndryshme. Nuk ka asnjë lëvizje për atë dosje, pasi gjykata nuk është funksionale, nuk janë në dijeni as për ndonjë kërkesë për përshpejtim të kësaj çështjeje. Me zotin Çili nuk jam takaur asnjëherë në kafene, mbaj mend që jam përshëndetur shumë muaj më parë”, u shpreh Dvorani.

Më herët u raportua në media se Çili ka takuar një zyrtar të lartë të drejtësisë shqiptare, me të cilin diskutoi për gjyqin në ngarkim të Alban dhe Arbjon Alikos, të dënuar për vrasjen e Ibrahim Bashës.

LEXO EDHE:  Alarmi i produkteve të kalbura/Shqipëria importon 25 % të mishit nga Brazili

LEXO EDHE:  Shqipëria rekord për çmimet e larta të karburanteve

Sipas Dosja.al, Alikot kanë bërë një rekurs për çështjen e tyre në Gjykatën e Lartë në 9 tetor të vitit 2019 dhe relator i çështjes ishte Ardian Dvorani./CNA.al

LEXO TE PLOTE

Lajme

Punimet te “Pallati me Shigjeta-Rrethrrotullimi Shqiponja”/ Plani i Ri për të menaxhuar trafikun në këtë aks

Publikuar

-

Nga

Autoriteti rrugor Shqiptar ka prezantuar Planin e Ri të Menaxhimit të Trafikut gjatë punimeve në segmentin rrugor “Pallati me Shigjeta-Rrethrrotullimi Shqiponja” faza 1.

Për lëvizjet e automjeteve me Drejtim Durrës- Tiranë

1. Pranë Kryqëzimit të rrugës “Dardania” dhe rrugës “Nozllaku” do lejohet kalimi DJATHTAS me dalje në rrugën dytësore të superstradës (në afërsi të Kompleksit Eifel) – e aksesueshme për lëvizjet drejt Yrshekut, Kasharit, Yzberisht etj.
2. Pranë fillimit të mbikalimit të Kamzës, do aksesohet DJTAHTAS nga superstrada për në rrugë dytësore, gjithashtu dhe në drejtim të Rr. “Kasem Shima” (pranë CFO FARMA), e cila për shkak të gjeometrisë së ngushtë të urës pranë lumit Lana, do jetë vetëm me 1 sens (drejt rrugës 7 Nentori).
3. Mbikalimi Kamzës KRAHU MAJTË (drejtimi Durrës-Tiranë) do të përdoret me 2 korsi për të pasur të njëjtën vazhdimësi trafiku si superstrada.
4. Nënkalimi i Kamzës (Veri-Kamëz-Tiranë) nga 2 korsi – ngushtohet në 1 korsi pas rrugës “7 Marsi”.
5. Në zbritje të Mbikalimit kemi bashkimin në 3 korsi – 2 prej të cilave vijnë nga Superstrada dhe një nga nënkalimi Kamzës.
6. Lëvizja në Sheshin Shqiponja do mbetet me rrethrrotullim, në ndryshim nga rrethrrotullimi ekzistues do spostohet 30 m drejt jugut, dhe do zgjerohet në rreze për të akomoduar një numër më të madh mjetesh.
7. Rruga “Teodor Keko” (Unaza e Re drejt Pallatit me Shigjeta dhe anasjelltas) do të përdoret me 3 korsi në të dy senset e lëvizjes.
8. Rruga “Vangjel Noti” (pranë ish AMC) do vazhdojë të përdoret si përdoret aktualisht me dy korsi (me nga një korsi për çdo sens lëvizje).
Per levizjet e automjeteve me Drejtim Tiranë–Durrës
1. Me 3 korsi do të lëvizet nga rrethrrotullimi Shqiponja dhe deri përpara mbikalimit të Kamzës, nga ku vazhdon lëvizja normale e mjeteve drejt Durrësit apo Kamzës e veriut të vendit.
2. Rruga “Dritan Hoxha” në drejtimin Tiranë–Durrës do të ngushtohet nga 4 korsi në 3 korsi (që në rrethrrotullimin me 3 korsi të jetë linjë e vazhduar trafiku) dhe ngushtimi i korsisë do të kryhet rreth 100 m nga rrethi (pranë karburantit ekzistues).
Lëvizja e Këmbësorëve
1. Këmbësorët nuk do të mund të qarkullojnë në asnjë moment në krahun e djathtë të rrugës “29 Nëntori” (drejtimi Tiranë–Durrës) dhe në krahun e djathtë të rrugës “Vangjel Noti” (drejtimi drejt rrethit Shqiponja) pasi në këtë zonë do të kryhen punimet në këtë fazë.
2. Këmbësoret do të mund të kalojnë në vendkalimet e dedikuara me vijëzim e sinjalistikë në rrugën “Dritan Hoxha” dhe rrugën “Teodor Keko”.
3. Rruga “29 Nëntori” (nga sheshi Shqiponja në drejtim të Durrësit) për arsye të sigurisë rrugore nuk do të ketë kalime të këmbësorëve. Këmbësorët duhet të kalojnë vetëm tek nënkalimi i Kamzës në vendkalimet që funksionojnë aktualisht.

LEXO TE PLOTE