Connect with Us

Naim-Henri Çili, lëpirësi apo lobisti i të gjitha palëve?!

Politikë

Naim-Henri Çili, lëpirësi apo lobisti i të gjitha palëve?!

Publikuar

-

Sot në orët e para të mëngjesit, pas një hetimi gjashtë mujor është arrestuar Naim Çili, me emrin e ndryshuar Henri Çili. Djali nga Labinoti i cili prej disa vitesh ishte kthyer në personin kryesor të ekraneve shqiptare dhe në një nga personazhet e mjaft përdorur nga politika.

Le të bëjmë një retrospektivë të shkurtër dhe të kthehemi pas të shohim, është një lobist në politikë, siç e ka trumbetuar vetë me të madhe ekraneve, apo një lëpirës i saj?

Henri Çili ka kaluar në universitetin e tij të rinjtë e Bashës, ata të Republikës së re, këta të FRESH, të LRI-së, e kështu me radhë.

Por, këto vetëm vitet e fundit duke iu dhënë bursa falas forumeve rinore, apo përmes UET-it të tij, duke ushtruar ndikim me ndere dhe qoka tek personazhet e ndryshme politike.

Gjithçka fillon me drejtimin prej tij të gazetës “Standard” dhe më pas me themelimin e UET, universiteti që u themelua nga pesë pedagogë të rinj, të cilët më pas u ndanë dhe Çili “rrëmbeu” gjithçka.

Në vitin 2005 mbështeste Sali Berishën, në vitin 2007, Çilin e pamë në krah të Ramës, ishte mbështetës për rizgjedhjen e tij në krye të Bashkisë. Në vitin 2009 sërish ishte në krah të Saliut, duke kërkuar që PD të fitonte mandatin e dytë dhe lidhjet kryesore i kishte me Lulzim Bashën dhe të rinjtë që vinin vërdallë tij.

Në vitin 2012 kalon në krah të Lulzim Bashës hapur kundër Edi Ramës. Në vitin 2013 kërkon mandatin e tretë për Berishën, publikisht.

Menjëherë pas disa muajsh, pasi Berisha humbet mandatin, shpall Ramën “njeriun e vitit” dhe hidhet në krahun e tij.

Më vonë ai influencon fort tek Edi Rama dhe qeveria e tij për ndryshimin e ligjit për Arsimin e Lartë.

Për më tepër qeveria në atë kohë zhvilloi një operacion të gjerë, në universitetet private. Çili duhej të ishte i pari që duhej të mbyllte atë që quhej kioskë universitare, siç ishte UET për dhjetëra e dhjetëra skandale, por kjo nuk ndodhi kurrë. Ai kishte një imazh më të madh, kishte një godinë më të bukur dhe fasada ishte e shkëlqyer.

Nëpërmjet saj ai shpëtoi dhe e shpëtoi Edi Rama, e shpëtoi Lindita Nikolla.

Por, në vitin 2015 i fshehur në një cep shkoi në krah të Lulzim Bashës, kur kandidoi për kryetar Bashkie Halim Kosova.

LEXO EDHE:  A do ta shpëtojë drejtësia,Veliajn nga akuza për vrasjen e Ardit Gjoklajt

Ka pasur një përplasje publike me Erion Veliajn, por më pas marëdhëniet me të i ka pasur shumë të mira. Së fundi në 2017 u pa i mërzitur me Ramën, por thoshte se ai duhej të kishte një mandat të dytë i vetëm. Pak më vonë filloi ta sulmonte. Gjithçka vinte nga luhatjet e tij ekonomike, si edhe ato politike.

Shpesh e kemi parë në ekranet televizive. Deklaroi  në “Zonë e lirë” tek Arian Çani, se lobimi njihet në politikë, megjithëse në Shqipëri nuk ka ligj zyrtar për lobimin e partive politke.

Ai trumbetonte me të madhe këtë, duke përmendur parimet amerikane. Por, në qoftë se Europa apo Amerika e ka të sanksionuar me ligj, në Shqipëri është e ndaluar.

Çili influencat e tij i kishte shumë të mëdha. Ai mundi të fuste deputetë në Parlament nga të dyja palët apo të emëronte ministra apo zv.ministra, si në rastin e Odeta Barbullushit, në ministrinë e Jashtme apo disa personazhe si Ervin Salianji apo Grida Duma në PD.

Po përmendim 2-3 emra sepse në qoftë se do të filojmë listën e UET, tek Republika e re e Lulit dhe tek Rilindja do të ishin shumë.

Janë shumë personazhe, kancelarë, pedagogë, drejtues të UET, produkte të dala nga UET, të cilët janë suportuar fort prej Henri Çilit.

E gjithë kjo skemë, që Çili të siguronte pushtet. Një lloj pushteti që i vinte nga krijimi i universitetit dhe më pas nga ajo që ai në publik e quante lobim.

Ndoshta dhe skemat e fajdeve apo këto që ka hetuar prokuroria dhe policia për të influencuar mbi sistemin e drejtësisë me pagesa apo duke krijuar skenarë për të shpëtuar ç’të mundë nga vrasës policësh, ndoshta e quan lobim. Ndoshta mendon se kishte gjithçka në dorë, ishte i paprekshëm, ishte njeriu që kishte një universitet privat, kishte shumë deputetë, ishte miku i Kryeministrit, i ish-Kryeministrit, i Kryetarit të opozitës, por në fakt sot e gjithë piramida “Naim Çili” ra. Edhe sikur të dalë i pafajshëm nga drejtësia, edhe sikur të përpiqet të justifikohet sërish me lobime, skema dhe skenarë të shpëtojë, sot Henri Çili ra “dëshmorë”. Dhe më shumë sesa ajo që ai quan lobist, Henri Çili ishte thjeshtë dhe vetëm një lëpirës pushtetesh./ CNA.al

Kush është Henri Çili dhe si denoncohej nga CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Po pres të punoj me ju”/ Basha uron Biden: Provuat se ndryshimi është i mundur

Publikuar

-

Nga

Zgjedhjet parlamentare/ Basha tregon me çfarë liste do të hyjë opozita në zgjedhje

Kryetari i opozitës Lulzim Basha, ka uruar Joe Biden pas betimit si president i SHBA dhe Kamala Harris si zëvëndës-presidente.

Nëpërmjet një statusi në rrjetet sociale, Basha thotë se është i gatshëm të punojë me ta për të forcuar marrëdhëniet.

Sipas tij, Biden dhe Harris kanë provuar që demokracia është e fortë dhe se ndryshimi është i mundur.

LEXO EDHE:  Teatri/Reagon sërish Basha: Hajduti psiqik vazhdon të fshihet pas 6 kullave 200 milionë euro

LEXO EDHE:  “Dëshmia nga Zëri i Amerikës”/ Braçe publikon videon që nxjerr “zbuluar” Bashën

Urime Presidentit Joe Biden dhe Zëvendës Presidentes Kamala Harris! Unë pres që të punoj me ju për të forcuar më tej aleancën SHBA-Shqipëri. Ju keni provuar që demokracia është e fortë dhe se ndryshimi është i mundur. Urime më të ngrohta nga të gjithë qytetarët e Shqipërisë!”, shkruan kreu i PD-së./ CNA.al

LEXO TE PLOTE

Politikë

Meta uron Joe Biden/ Jemi të bindur se marrëdhëniet me Shqipërinë do të zhvillohen më tej!

Publikuar

-

Nga

Meta uron Joe Biden/ Jemi të bindur se marrëdhëniet me Shqipërinë do të zhvillohen më tej!

Presidenti Ilir Meta ka uruar presidentin e 46-të të SHBA, Joe Biden, i cili sapo është betuar në detyrën e tij të re.

Në mesazhin e tij, Kreu i Shtetit Shqiptar thekson se “Jemi të bindur se marrëdhëniet tona do të vazhdojnë të zhvillohen më tej, ndërsa së bashku forcojmë bashkëpunimin transatlantik dhe në NATO”.

Mesazhi i Metës:

Urimet më të sinqerta, të miat dhe të popullit shqiptar, për Presidentin e Shteteve të Bashkuara të Amerikës, Sh.T.Z. Joe Biden dhe Zëvendëspresidenten, Sh.S.Znj. Kamila Harris.
Jemi të bindur se marrëdhëniet tona do të vazhdojnë të zhvillohen më tej, ndërsa së bashku forcojmë bashkëpunimin transatlantik dhe në NATO.
Shqipëria do vijojë të mbështetet në partneritetin strategjik me SHBA, si garanci jetike për paqen dhe stabilitetin në rajonin tonë dhe në çështje të rëndësishme globale. 🇦🇱🤝🇺🇸

LEXO EDHE:  “Dëshmia nga Zëri i Amerikës”/ Braçe publikon videon që nxjerr “zbuluar” Bashën

LEXO EDHE:  Në fund të mandatit të saj, Basha takon ambasadoren franceze

 

 

LEXO TE PLOTE

Politikë

Rama e Manastirliu në Rrogozhinë/ E vijuam programin e rindërtimit të 300 qendrave shëndetësore

Publikuar

-

Nga

Rama e Manastirliu në Rrogozhinë/ E vijuam programin e rindërtimit të 300 qendrave shëndetësore

Kryeministri Edi Rama dhe Ministrja e Shëndetësisë dhe Mbrojtjes Sociale, Ogerta Manastirliu kanë inspektuar qendrën e re shëndetësore në Rrogozhinë, e sapo rikonstruktuar, në kuadër të programit kombëtar të 300 qendrave shëndetësore.

“Kjo qendër shëndetësore 24 orëshe ofron shërbim për 14 mijë banorë dhe në kuadër të programit tonë të 300 qendrave shëndetësore, tashmë është rehabilituar. Edhe në kohë pandemie, ia kemi dalë që gjatë 2020-ës, të vijonim me programin tonë të rehabilitimit dhe tashmë kjo qendër është transformuar totalisht”, tha Manastirliu.

Gjatë inspektimit, Ministrja e Shëndetësisë tha se po kryhet organizimi për të shtrirë në mënyrë kapilare vaksinimin në të gjithë rrjetin e qendrave shëndetësore.

“Kushtet e zinxhirit ftohës janë edhe në këtë qendër. Por në fakt, edhe në situatën e Covid dhe tani me fillimin e vaksinimit, përveç qendrave të përqendruara të vaksinimit, në varësi të llojit të vaksinave, jemi organizuar që i gjithë zinxhiri ftohës i temperaturave 2-8 gradë të jetë funksional”, tha Manastirliu.

LEXO EDHE:  Rekomandimi pozitiv i vizave për Kosovën/ Rama thirrje PE

LEXO EDHE:  Rama- Meta/ Pse kanë nxjerrë thikat?

Aktualisht Shqipëria ka kapacitetet e zinxhirit ftohës për secilën nga vaksinat antiCOVID. Nga masat e marra nga Ministria e Shëndetësisë, kapacitetet aktuale për ruajtjen e vaksinave në temperaturën -70 °C janë për 250,000 doza vaksine njëherësh, për vaksinën e Pfizer. Për vaksina si ajo e Modernës, që kërkojnë një temperaturë ruajtje -20 °C, kapacitetet janë për të pritur 950,000 doza vaksine njëkohësisht.

Ndërsa përsa i përket kapaciteteve të zinxhirit ftohës, për vaksina si Astra Zeneka, etj, që kërkojnë temperaturë 2-8 °C, janë kapacitetet për të pritur deri në 7 milion doza, me shtrirje kapilare në të gjithë vendin.

LEXO TE PLOTE