Connect with Us

Meta vlerëson poetin Xhevahir Spahiu/ I jep dekoratën “Gjergj Kastrioti Skënderbeu”

Politikë

Meta vlerëson poetin Xhevahir Spahiu/ I jep dekoratën “Gjergj Kastrioti Skënderbeu”

Publikuar

-

Presidenti Ilir Meta vlerëson poetin Xhevahir Spahiu në ditëlindjen e tij të 75-të, me dekoratën “Gjergj Kastrioti Skënderbeu”, me motivacionin: “Poet, që me krijimtarinë e tij, u bë pararendës i një brezi krijuesish që solli në poezinë shqipe ndryshime cilësisht të spikatura në formë e përmbajtje dhe guxoi t’i japë asaj dimensione të denja për letërsitë e mëdha, qytetar dhe intelektual që ka sfiduar me dinjitet kohën e vet”.

Në ceremoninë solemne të organizuar në Presidencë, Kreu i Shtetit nënvizoi kënaqësinë për dekorimin e njërës prej figurave më të spikatura jo vetëm të poezisë shqipe, por edhe të jetës artistike dhe sociale.

“Xhevahir Spahiu është një prej atyre emrave që i bën nder çdo epoke, çdo gjuhe, çdo letërsie. Ai bëri emër në një kohë të vështirë. Xhevahiri ka jetuar si qytetar i denjë i këtij vendi çdo ditë, çdo javë, çdo muaj, çdo vit. Ai bashkoi në artin e tij protestën e të indinjuarit, frymëzimin e novatorit, mirësitë naimiane. Kur të bëhet një histori e vërtetë e publicistikës shqiptare, Xhevahir Spahiu do të jetë në krye të vendit si reporter, prej të cilit gazetarët e sotëm të Shqipërisë, që e kapërcejnë Unazën e Tiranës vetëm kur ka zgjedhje, do të ndihen kokëulur.

Kur të shkruhet një histori e poezisë militante, por jo për motive ideologjike: nje poezi militante si e Migjenit, prapë Xhevahir Spahiu do të jetë në vendin e nderit. Kur të kemi një histori të dukurive letrare që ndodhën në vitet 1970, sërish Xhevahiri ynë, Xhevahiri i letërsisë shqipe, do të jetë një emër i pazëvendësueshëm. Tek Xhevahir Spahiu, tek poezia e tij, janë shartuar Jugu e Veriu, Malindi dhe Skrapari e po aq edhe Vlora e Kosova, deti e Bjeshkët e Namura, Naimi e Migjeni, vargu i popullit e këngët e Demir Zykos dhe teknikat e Zhak Preverit, intuita dhe leximi, gjuha e vendlindjes, vetëdija e metropolit, dashuria për njeriun dhe krenaria kombëtare.

LEXO EDHE:  Ruçi vë në lëvizje Metën/Çfarë do ndodhë nesër me "Presidentin e ri"

Kryelartë Xhevahir Spahiu, sfidat i pranoi si sfida dhe dorashkën e hodhi duke qenë gjithnjë sfidant i kohës së vet. Poeti që guxoi të shtjerë në dritë të vetëtimës; poeti që guxoi të ecë në teh të briskut, poeti që nuk njohu kurrë lajka, mite dhe mbase as perëndi, sot merr një nderim që rrallëkush si ai e meriton”, deklaroi Meta./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Përgjimet e antimafies italiane/ Balla e kalon topin në fushën e Bashës

Publikuar

-

Nga

Përgjimet e antimafies italiane/ Balla e kalon topin në fushën e Bashës

Kreu i grupit parlamentar të Partisë Socialiste Taulant Balla ka folur për mediat pas përfundimit të mbledhjes me drejtuesit e qarqeve, ku foli edhe për përgjimet e antimafias italiane për ndërtimet në Shqipëri.

Ndonëse në këto përgjime u lakua edhe emri i kryebashkiakut të Tiranës Erion Veliaj dhe komponentëve të tjerë të politikës, Balla e kaloj “topin” në fushën e kreut të Partisë Demokratike Lulzim Basha.

Sipas Ballës eurodeputeti që ka dalë në përgjime është mik i ngushtë me Bashën dhe për këtë ai tha kryeopozitari mund të përgjigjet më mirë për këtë gjë.

“Unë jam kryetari i delegacionit shqiptar në Parlamentin Europian dhe jam i bindur që eurodeputeti që përmendet është miku i ngushtë i Lulzim Bashës, madje e ka pritur edhe në zyrë. Shko pyeteni Bashën sepse e di mirë. Si politikan shqiptar, meqë është përmendur një politikan

LEXO EDHE:  “Dashuria” me Ramën në kohën e pandemisë/ Flet Meta: Nuk është situata për të parë mangësitë

LEXO EDHE:  Fotot ekskluzive/ Fahriu braktis pace-pilafin për bananen e rrushin

Ata që janë përmendur i keni në presidencë dhe miq të kreut të opozitës. SPAK do të bëj verifikimet përkatëse dhe do I shkoj deri në fund kësaj çështje. Kjo çështje po hetohet nga drejtësia e vendit fqinj.

Ora News e ka një çështje të hapur për këtë gjë e nuk duhet të hyj më thellë”, tha Balla./CNA.al

LEXO TE PLOTE

Politikë

Mbledhja me drejtuesit e qarqeve/ Balla zbardh takimin, çfarë u diskutua

Publikuar

-

Nga

Sekretari i përgjithshëm i PS, Taulant Balla ka dhënë detaje lidhur me mbledhjen e sotme ku kryeministri Rama mblodhi të gjithë drejtuesit politik të qarqeve.

Balla bëri me dije se gjatë mbledhjes është bërë një raportim i 12 drejtuesve të qarqeve mbi detyrat specifike.

“Shtabi elektoral ka qenë në kontakt të vazhdueshëm për ecurinë e fushatës zgjedhore. Ka qenë një raportim i 12 drejtuesve të qarqeve mbi detyrat specifike. Ëshët e rëndësishme që zgjedhjet janë zgjedhje me standarde demokratike. Bien të gjithë dakord që PS ka filluar një proces shumë të paanshëm për vlerësimin dhe përcaktimin e kandidaturave. I kemi dhenë mundësinë shumë të rinjve të konkurojnë dhe tashmë kemi arritur në një grup përfaqësuesish shumë të mirë. Kjo cështje ka qenë një prej diskutimeve të sotme me gjithë drejtuesit e qarqeve”, u shpreh Balla./CNA.al

LEXO TE PLOTE

Politikë

Prezantohet programi i LSI/ Kryemadhi: Synimi ynë punësimi me paga të larta!

Publikuar

-

Nga

Lëvizja Socialiste për Integrim ka prezantuar sot programin e saj politik, teksa na ndajnë tre muaj nga zgjedgjet e 25 prillit.

Kryetarja Monika Kryemadhi tha se ky program ka synim punësimin me paga të larta. Ajo u shpreh se ka rënë dakord me aleatët opozitarë të PD-së për taksën e sheshtë me 9%.

“Në këto 4 vite, shqiptarët jetojnë më keq se më parë. Të rinjtë kanë humbur shpresën ndaj sot lind nevoja për besim dhe ngjallje të shpresës. Kjo mund të arrihet vetëm me një program të qartë. Kemi një program që ka në synim punësim me paga të larta. Është koha për ndryshim. Ne prezantojmë prioritetet tona. LSI ka hartuar politika specifike për të ulur koston e jetesës dhe për të rritur standartin. Politikat e LSI janë të drejtëpërdrejta. Punësimi dhe ekonomia është prioritet i panegociuseshëm për ne. Të gjithë e mbajnë mend premtimin për hapjen e 300 mijë vendeve të punës (premtim i PS). Ne synojmë punësimin e të rinjve dhe profesionistëve. Kemi rënë dakord me taksën e sheshtë 9% me PD-në. E kemi parë formalizimin e ekonomisë si një bashkëpunim me biznesit dhe shtetit” – tha Kryemadhi./CNA.al

LEXO TE PLOTE