Connect with Us

U lirua nga burgu në 2018/ Kush është i “forti” i Shijakut që duhet të justifikojë pasurinë  

Kronika

U lirua nga burgu në 2018/ Kush është i “forti” i Shijakut që duhet të justifikojë pasurinë  

Publikuar

-

Durim Keçi, i cili brenda 48 orëve duhet të deklarojë pasurinë e tij para Operacionit Forca e Ligjit, është një emër i përfolur për drejtësinë. Emri i të ‘fortit’ të Shijakut u përfol shumë në 2018-ën, kohë në të cilën ai u lirua nga burgu.

Durim Keçi u ndalua më 11 tetor të 2017-ës në Durrës me qëllim ekstradimin drejt Italisë, ndërsa u bë i njohur edhe në debatet mes politikanëve. Kryeopozitari Lulzim Basha në atë kohë tregoi fotot të tij me deputetë socialistë, duke akuzuar fort se mazhoranca mbante afër kriminelët, ndërsa kryeministri Rama publikoi foto të Durim Keçit që shfaqej te çadra e protestës së demokratëve.

Keçi është dënuar nga Gjykata e Genovës, Itali me Vendimin Nr.SIEP 294/2013 dt.21.02.2014 me 9 vjet e 7 muaj e 22 ditë burg për veprat penale”: Dhunë, kërcënim dhe nëpërkëmbje të autoriteteve gjyqësore”, “Shkatërrim prone me pasoja të rënda”, “Trafikim të lëndëve narkotike”, “Krime me armë kundër personit”,”Pjesëmarrje në organizatë kriminale me qëllim trafikimin e lëndëve narkotike” dhe “Shfrytëzim prostitucioni”.-raporton BW.

LEXO EDHE:  REFORMA/ Pasuria e zyrtarëve, ekipe nga SHBA dhe BE për gjurmimin e tyre

Në Itali, 42-vjeçari konsiderohet si një nga personat më të rrezikshëm të mafies shqiptare. Madje, gjatë një seance gjyqësore të asaj kohe, Durim Keçi, i cili ka përdorur edhe emrin Gëzim Hajidini, ka kërcënuar prokurorët e Antimafias italiane. Duke parë nga prokurorët Francesca Nanni dhe Silvio Franz, ai tha: “Ata të dy do t’i bëj të ma paguajnë shtrenjtë!” Në vitin 2006 në Itali, ka qenë i pandehur në një proces gjyqësor, por u lirua nga qelia për një gabim burokratik dhe ndaj tij vendoset një masë më e zbutuar sigurie. Nga masa e arrestit më burg, ai u la në ‘detyrim paraqitje’ dhe kështu u arratis. Gjatë kësaj kohet Durim Keçi jetonte në Shqipëri.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

OFL nuk ndalet/ Kush janë tre të fortët e radhës në “shënjestër”

Publikuar

-

Nga

Operacioni Forca e Ligjit i ka dërguar sot formularin e vetëdeklarimit të pasurisë, tre të “fortëve” të radhës.

Në kuadër të Aktit Normativ nr. 1, datë 31.01.2020, OFL u ka dërguar kërkesat për vetëdeklarim të pasurisë, shtetasve:

– J. K., banues në Shijak, i dënuar për veprën penale “Vrasja me paramendim”;

– A. F., banues në Tiranë, i dënuar për veprat penale “Vrasja në rrethana të tjera cilësuese” dhe Armëmbajtja pa leje”;

– D. K., banues në Shijak, i dënuar në Itali për veprat penale “Shkatërrim prone me pasoja të rënda”, “Krime me armë kundër personit”, “Trafikim i lëndëve narkotike” dhe “Pjesëmarrja në organizatë kriminale, me qëllim trafikimin e lëndëve narkotike dhe shfrytëzimin e prostitucionit”;

LEXO EDHE:  44.5 mln lekë në 14 vite/ Skeda e pasurisë së Artan Brocit

LEXO EDHE:  REFORMA/ Pasuria e zyrtarëve, ekipe nga SHBA dhe BE për gjurmimin e tyre

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së, të cilat do t’i dërgohen SPAK-ut, për veprime të mëtejshme.

OFL bën me dije se të gjithë personat që iu është dërguar kërkesa me shkrim për vetëdeklarimin e burimeve të pasurisë, i kanë plotësuar formularët dhe i kanë dorëzuar pranë OFL-së, e cila ka vijuar me procedurat, sipas përcaktimit në Aktin Normativ nr. 1, të datës 31 janar 2020.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

LEXO TE PLOTE

Kronika

Lojra fati dhe dhunë në familje/ Arrestohen katër persona në Korçë

Publikuar

-

Nga

Policia arreston në flagrancë 4 shtetas, një prej të cilëve për veprat penale “Organizimi i lotarive të palejuara”, “Vënia në dispozicion e lokaleve për lojëra të palejuara”, si dhe tre të tjerë për veprat “Dhuna në familje” dhe “Plagosja e lehtë me dashje, kryer në bashkëpunim”.

Specialistët për Hetimin e Krimeve në Komisariatin e Policisë Korçë, bënë arrestimin në flagrancë të shtetasve:

L. L., 51 vjeç, banues në Korçë, pasi gjatë kontrollit të ushtruar në lokalin e tij në lagjen nr. 10, iu gjet e sekuestrua në cilësinë e proves materiale një telefon i markës “Samsung”, me të cilin ky shtetas dyshohet se ushtronte aktivitetin e paligjshëm të basteve sportive.

Si edhe A. H., 44 vjeçe; A. H., 22 vjeç; F. H., 17 vjeç, të tre banues në Korçë, pasi në lagjen nr. 4, në banesë këta shtetas në bashkëpunim me njëri-tjetrin, dyshohet se kanë ushtruar dhunë duke goditur me mjet të fortë familjarin e tyre, shtetasin Sh., L., 53 vjeç, banues në Korçë (vëllai i 44-vjeçares) ndaj të cilit u plotësua kërkesë-padia për lëshimin e urdhrit të mbrojtjes së menjëhershme.

LEXO EDHE:  44.5 mln lekë në 14 vite/ Skeda e pasurisë së Artan Brocit

LEXO EDHE:  44.5 mln lekë në 14 vite/ Skeda e pasurisë së Artan Brocit

Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.

LEXO TE PLOTE

Kronika

“E qëllova në kokë me hekur”/ Zbardhet dëshmia tronditëse e 63 vjeçarit që vrau bashkëshorten dje në Durrës

Publikuar

-

Nga

Janë zbardhur detaje të reja nga ngjarja e rëndë që tronditi dje qytetin e Durrësit.

Rruzhdi Tosuni 63 vjeç, vrau me levë hekuri gruan e tij Hajdije Tosuni 59 vjeçe.

Ndërkohë është zbardhur edhe deklara e 63 vjeçarit,  i cili është shprehur se shkak për konfliktin që çoi në vdekjen  e gruas ka qenë një zënkë për çështjen e dyqanit, të metrazheve ku ata ishin pronarë.

Dyqani nuk kishte ecur mirë kohët e fundit dhe autori i ka thënë të shoqes që ta shesin por ka hasur në kundërshtinë e saj.

Nga një konflikt i çastit autori ka marrë hekurin me të cilin mbyllnin qepenin e dyqanit dhe e ka goditur gruan në kokë duke e lënë të vdekur në vend.

LEXO EDHE:  Konflikte dhe lakmi/ Si u bë deputeti Alket Hyseni pronar resorti në Dhërmi

LEXO EDHE:  I riu refuzon 122 miliardë $ pasuri të babait

“Shkak për konfliktin është bërë një zënkë që patëm për çështjen e dyqanit. Punët aty s’po ecnin mirë dhe i thashë ta shesim. Aty nisi gjithçka.  Ajo nuk donte. Llaf pas llafi situata u agravua. Në gjaknxehtësi e sipër e qëllova me hekurin që mbyllim qepenin (shufër hekuri me ganxhë), e godia në kokë”, ka thënë Ruzhdi Tosuni.

Dje u shfaqën disa pamje klithëse nga skena e krimit ku vajza e viktimës bërtet me të madhe pranë biznesit të prindërve të saj, ku kërkonte të shite nënë e saj të vdekur për herë të fundit.

LEXO TE PLOTE