Politikë
“Ka qenë i zënë me çështjet e KÇK-së”/ Meta tregon pse veproi para SPAK-ut
Presidenti Ilir Meta ka shpjeguar sërish mbrëmjen e sotme atë që ai e quan grusht shteti dhe kapje të Gjykatës Kushtetuese.
Meta pretendon se ka pritur me shumë qetësi, por nuk ka parë asnjë veprim dhe ka zbuluar më shumë shkelje, ndërsa përmendi padinë që ka ngritur ndaj ministres së Drejtësisë Etilda Gjonajt.
Kreu i Shtetit nuk kurseu ironinë, teksa tha se SPAK është i zënë me çështjet e KÇK-së.
“SPAK-u ndoshta ka qenë i zënë me këta çështjet e KÇK-së. Unë prita me shumë qetësi, ndërkohë as veprime nuk pashë, por jo vetëm kaq, zbuluam prova të reja dhe bëmë padi shtesë”, deklaroi presidenti në emisionin “Opinion”./ CNA.al
Politikë
“Me ngatërron me gjuhën e Monikës”/ Meta nuk ia përton Gjonajt
Presidenti, Ilir Meta, ka komentuar deklaratën e ministres së Drejtësisë, Etilda Gjonaj e cila tha se akuzat e Presidentit janë spektakël.
Teksa e quan “falsifikatore”, Meta thotë se Gjonaj e ngatërron atë me gjuhën e Monikës.
“Si mund te merrem unë me një fallsifikatore. Ajo më ngatërron me gjuhën e Momikës, atë ta zgjidhin me njëra tjetrën. Bashkëshorte është në shtëpi ,jo në sjelljen time si president.
Nuk do të ketë asnjë ditë ndalesë pa zbardhjen e kësaj afere kriminale që përfshin Kuvendin, Gjyqësorin dhe Ministrinë e Drejtësisë”, tha Meta në studion e “Opinion”.
Meta ka shkuar sot në studion e emisionit “Opinion” me Kushtetutën në dorë për të cilën thotë se do e mbrojë deri në fund./CNA.al
Politikë
“Basha duket më i arsyeshëm se Meta”/ Spiropali: Do të krijojë profilin e një drejtuesi shteti
Ministrja e Shtetit për Marrëdhëniet me Parlamentin, Elisa Spiropali, ka folur për manifestimin që Kreu i Shtetit ka organizuar në 2 mars dhe për uljen e opozitës në tryezën e Reformës Zgjedhore.
Spiropali deklaroi se kreu i Partisë Demokratike, Lulzim Basha, ka nisur një kurs të ri. Teksa foli për mbështetjen e manifestimit të Metës, Spiropali pretendon se Basha nuk po e mbështet me shpirt. Ministrja socialiste e quajti kreun e opozitës më të arsyeshëm se Metën.
“Është një marrëdhënie skizoide se Lulzim Basha mirë keq ka nisur një kurs të ri opozitar, të them të drejtën është i arsyeshëm, edhe për mënyrën si reagon për çështje si koronavirusi, tërmeti, çështje që kanë interes,duket i arsyeshëm, bashkëpunues dhe do të krijojë profilin e një drejtuesi shteti në të ardhmen. Nga ana tjetër ne mendojmë se është nën presionin e jashtëzakonshmë të këtyre heronjve të përhershëm, të Ilir Metës dhe Sali Berishës sepse gjuha e tyre opozitare është krejtësisht ndryshe nga ajo e Lulzim Bashës. Në fakt përçarja më e madhe ekziston në opozitë, por ne nuk kemi ndërmend të ndërhyjmë sepse nuk është puna jonë, le ta gjejnë vetë rrugën. Nuk më duket se Lulzim Basha po e bën me shpirt mbështetjen e aksionit të Ilir Metës, do ishte absurde të mbështeste një aksion politik që do të fuqizojë Ilir Metën dhe LSI. Unë e shoh si një aksion të izoluar të LSI dhe Metës personalisht”, tha Spiropali në studion e TV “Abc News”./ CNA.al
Politikë
U plagos nga shkëmbimi i zjarrit me Fatmir Kolecajn/ Komandanti i FNSH me urgjencë drejt Traumës
Detaje të reja kanë dalë lidhur me ngjarjen e ndodhur pasditen e sotme në Lezhë, ku autori i vrasjes së dyfishtë në Kodër Rrëshen të Mirditës, Fatmir Kolecaj, hapi zjarr ndaj policisë dhe më pas vrau veten
Sipas “Ballkanweb”, nga të shtënat me armë zjarri të Kolecajt ka mbetur i plagosur Komandati i Njësisë së FNSH në Shkodër, i cili është nisur me urgjencë drejt Spitalit të Traumës në Tiranë, për ndihmë më të specializuar.
Kujtojmë se Fatmir Kolecaj ishte shpallur në kërkim, pasi mbrëmjen e 25 shkurtit ekzekutoi në oborrin e shtëpisë së tyre ish-bashkëshorten 36 vjeçare dhe vëllanë e saj./ CNA.al
