Connect with Us

Fahri Balliu sulmon Berishën për Nexhmijen/ Nuk e çoi përpara akuzave të forta e të vërteta

Politikë

Fahri Balliu sulmon Berishën për Nexhmijen/ Nuk e çoi përpara akuzave të forta e të vërteta

Publikuar

-

Ish-gazetari i “Zërit të Popullit”, i akuzuar edhe ish-spiun, Fahri Balliu ka reaguar pas ndarjes nga jeta të Nexhmije Hoxhës.

I ftuar në Syri TV, Fahri Balliu, autor i librit “Zonja e zezë Nexhmije Hoxha” tha se Nexhmije Hoxha nuk u vu asnjëhërë gjatë viteve të pluralizmit, para akuzave të forta, reale dhe se shoqëria shqiptare edhe sot vazhdon të jetë e infektuar prej mbrojtjes që i bën krimit komunist.

“Shteti duhet ta kishte vënë para akuzave të forta, reale, por kjo nuk ka ndodhur. Përkundrazi, edhe në këto vite, Hoxha ka qënë influente me një nga partitë kryesore, ka darkuar me njerëz kryesorë në pushtet dhe ka ndikuar në emërimin e mbështetësve si zëvendësministra. Ajo madje edhe ka përshëndetur protagonistët. Shoqëria shqiptare është e infektuar prej mbrojtjes që i ka bërë krimit komunist dhe degjenerimit që vazhdon, në kohërat e reja, po të njëjtit krim komunist.”-tha Fahriu Balliu, duke sulmuar kështu ish-kryeministrin Sali Berisha.

Sepse, Berisha ka qënë president në vitet 1992-‘97, kur Nexhmije Hoxha u dërgua në gjyq për historitë e kafeve në bllok.

LEXO EDHE:  Braktisja e 11 vjeçarit në kampin e ISIS/ Berisha: Qëndrim çnjerëzor i një shteti gangster

Më pas Berisha ishte në pushtet nga viti 2005 deri në vitin 2013, dhe sërish Nexhmija nuk u ngacmua më.

Pra në 30 vite tranzicion, PD ka pasur gjysmën e tyre në pushtet, dhe Nexhmija nuk u përball kurrë me drejtësinë.

Dhe pjesën tjetër kanë qënë socialistët, por edhe socialistët në bashkëpunim me njerëz të afërt të Fahri Balliut, si për shembull Ilir Meta. Ky i fundit, ish-kryeministër i socialistëve dhe mik i afërt me Balliun, i cili qeverisi katër vite me Berishen dhe më pas me Ramën.

Pra, idhulli i tij shpirtëror, Ilir Meta është po aq përgjegjës sa edhe Berisha për vënien para akuzave të vërteta dhe reale të Nexhmijës, por kjo nuk u bë kurrë as nga Meta e as nga Berisha, nga dy politikanët të cilët mbështet në publik Fahri Balliu. I treti është Luli,  por ky nuk i prish punë njeriu sepse në fakt është më Enverist sesa edhe vetë Enveri dhe jo vetëm sepse i ngjan./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Kapja e “peshqve të mëdhenj”?! Yuri Kim: Reforma në drejtësi duhet të tregojë rezultate!

Publikuar

-

Nga

Kapja e “peshqve të mëdhenj”?! Yuri Kim: Reforma në drejtësi duhet të tregojë rezultate!

Ambasadorja e Shteteve të Bashkuara të Amerikës, Yuri Kim thotë se Reforma në Drejtësi duhet të tregojë rezultate.

Teksa u pyet nga gazetari Sokol Balla në lidhje me çështjen e shumëpërfolur për arrestimin e të ashtuquajturve ‘peshqit e mëdhenj’, Kim u tregua e rezervuar, ndërsa dha mesazhin e qartë që kjo reformë duhet të vijojë përpara.

Ajo theksoi ndër të tjera se Shtetet e Bashkuara të Amerikës do ta mbështesë Shqipërisë, por në fund të ditës i takon vendit të vendosë për veten.

Ambasadorja Kim: Mendoj që nëse e doni dhe luftoni për të, dhe i kushtoni pak kohë dhe përpjekje, po, e besoj. Mendoj që ajo që nuk ka për të ndodhur është një proces i menjëhershëm. Nuk ndodh. Nuk është që papritur, do keni një sistem gjykatash 100% të përsosur. Nëse prisni këtë, do të zhgënjeheni. Ajo që do të ndodhë është që do të shihni përparim, pastaj do të shihni diçka të tmerrshme, pastaj përparim përsëri. Siç e thashë, është si të shohësh baticën dhe zbaticën. Nuk është një proces i thjeshtë, i qartë linear.

LEXO EDHE:  Ndërhyrja e policisë në Unazë/ PD: Stop dhunës shtetërore, arrestimet të jashtëligjshme

LEXO EDHE:  Anulohet dasma e Grida Dumës me Ervin Salianjin/ Zbulohen arsyet

Sokol Balla: Teksa jemi në ujëra, le të flasim për peshqit, peshqit e mëdhenj. Po presim që të kapen, por ju sugjeroni që të presim?

Ambasadorja Kim: Mendoj që ju …

Sokol Balla: E dini për çfarë e kam fjalën, apo jo? Peshqit e mëdhenj?
Ambasadorja Kim: E dini, sapo kam arritur gjashtë muaj më parë dhe e di cila është puna ime. Dhe siç ju kam thenë, dhe mendoj se populli shqiptar e di këtë, unë jam njeri shumë praktik. Dhe ajo që kam thënë është që reforma në drejtësi duhet të vazhdojë, duhet të këmbëngulim, dhe reforma në drejtësi duhet të tregojë rezultate. Nuk jam sistemi gjyqësor.

LEXO TE PLOTE

Politikë

“Pas 2013-s janë rritur investimet e huaja”/ Deputetja zbulon çfarë ndodhi me rrugën Milot-Fier

Publikuar

-

Nga

Deputetja socialiste, Evis Kushi, thotë se objektivi i qeverisë mbetet krijimi i kushteve për rritjen e investimeve të huaja në vend.

Në studion e emisionit “Në fokus, Kushi tha se këto investime kanë ardhur duke u rritur pasi Partia Socialiste mori pushtetin në vitin 2013.

“Është investimi për parkun fotovoltaik. Është investim i madh, parku më i madh me energjinë solare në Ballkan. Është një investim i konsiderueshëm që do të japë kontribut në zhvillimin ekonomik. Rritja e investimeve të huaja ka qenë ndër objektivat tona. Po t’u referohemi shifrave zyrtare, pas 2013-s ka ardhur në rritje numri i inevstimeve të huaja direkte në Shqipëri. Mbetet objektivi ynë. Shqipëria ka shumë arsye për të cilat investitorët e huaj kanë interes për të ardhur në Shqipëri. Këto avantazhe që kemi krahasuar me shtetet e vendeve fqinje ne duhet t’i rrisim”, tha ajo.

LEXO EDHE:  Braktisja e 11 vjeçarit në kampin e ISIS/ Berisha: Qëndrim çnjerëzor i një shteti gangster

LEXO EDHE:  Anulohet dasma e Grida Dumës me Ervin Salianjin/ Zbulohen arsyet

Sa i takon debatit për rrugën Milot-Fier, Kushi tha se PPP është zgjedhur për shkak të pamundësisë së financimit nga buxheti i shtetit.

“Nuk është skemë që e kemi shpikur ne. Është mekanizëm që përdoret në Europë dhe Amerikë. Rruga në fjalë kushton aq sa buxheti i shtetit nuk e përballon dot. Ne nuk mund t’i lëmë qytetarët të presin”, tha Kushi./CNA.al

LEXO TE PLOTE

Politikë

Reforma Zgjedhore/ Ambasadorja Kim: 5 qershori duhet të kalojë siç është, nuk mund të hapet sërish

Publikuar

-

Nga

Reforma Zgjedhore/ Ambasadorja Kim: 5 qershori duhet të kalojë siç është, nuk mund të hapet sërish

Ambasadorja e Shteteve të Bashkuara të Amerikës, Yuri Kim është ndalur gjerësisht tek Reforma zgjedhore, për të cilën u arrit një marrëveshje dakordësie mes palëve, në datën 5 qershor.

Në një intervistë për ‘Real Story’ në ‘News24’ Kim theksoi se më 5 qershor, palët ranë dakord dhe kanë hartuar ligjet që kodifikojnë marrëveshjen në fjalë, ndërsa shtoi se aty nuk mund të ndodhin më ndryshime të tjera kur reforma të kalojë për miratim në Kuvend.

“Është e ndërlikuar sepse, mendoj, opozita që është jashtë parlamentit bëri një gabim. Nuk duhet të kishin ikur. Thënë kjo, ata fituan shumë vota në zgjedhjet e fundit pra qartësisht përfaqësojnë një pjesë domethënëse të popullsisë. Pra duhet të jenë pjesë e diskutimit, ndaj mendoj se ishte diçka shumë e mirë që u kthyen në tryezë për të negociuar çështjen e reformës zgjedhore. Në të njëjtën kohë, opozita që qëndroi në parlament bëri saktësisht gjënë e duhur. Në një kuptim, ata shpëtuan demokracinë shqiptare. Dhe sigurisht, shumica është shumica. Ajo që di është se më 5 qershor, palët ranë dakord dhe, me sa di, kanë hartuar ligjet që kodifikojnë marrëveshjen që arritën dhe kjo është diçka e mirë. Pritshmëria ime është që do ta ruajnë atë. Është e patjetërsueshme” u shpreh Kim.

LEXO EDHE:  Kriza në selinë blu/ Anëtari i Kryesisë së PD “shuplakë” Bashës

LEXO EDHE:  Braktisja e 11 vjeçarit në kampin e ISIS/ Berisha: Qëndrim çnjerëzor i një shteti gangster

Sipas saj, 5 qershori duhet të kalojë siç është, nuk mund të hapet përsëri.

“Nuk mund ta bësh sepse do të ishte shkelje e shumë besimi të vënë. Dhe mendoj që nëse jep fjalën, si politikan, si diplomat, nëse nuk e mban fjalën, nuk ke asgjë. Ndaj pritshmëria ime është që udhëheqësit këtu do të bëjnë pikërisht atë që më thanë se do të bënin, që është miratimi i 5 qershorit. Tani, e di po ashtu që për shumë njerëz, 5 qershori nuk mjafton.
Sepse kur njerëzit flasin për ndryshim dhe reformën zgjedhore, duan sistemin e hapur. Dhe unë e kuptoj këtë, por siç e kam thënë më parë, e dini, synimi ynë i menjëhershëm është shumë specifik. Është që të sigurohet që Shqipëria të hyjë në BE. Pjesa tjetër, nëse mund të arrihet një marrëveshje, mrekulli. Të bëhet. Por ajo që nuk duam është një situatë pengmarrjeje kur diçka që është ekstra mban peng diçka që është e nevojshme”, tha mes të tjerash Kim./CNA.al

LEXO TE PLOTE