Connect with Us

Koronavirusi tek fqinjët, lidhjet e forta tregtare/ Sa persona fluturojnë në vit nga dhe drejt Italisë

Ekonomi

Koronavirusi tek fqinjët, lidhjet e forta tregtare/ Sa persona fluturojnë në vit nga dhe drejt Italisë

Publikuar

-

Italia është partneri kryesor i Shqipërisë, si për tregtinë, ashtu dhe për lëvizjet e shtetasve, sidomos përmes ajrit e detit. Me Italinë realizohet rreth 33% e volumit tregtar, ndërsa përmes detit e ajrit qarkullojnë në total 3.3 milionë pasagjerë në vit, ose meaatarisht rreth 9 mijë persona në ditë (në verë fluksi ditor i pasagjerëve është më i larte).

Tregtia

Sipas të dhënave të INSTAT, drejt Italisë shkojnë 48% e totalit të eksporteve në 2019-n, ku peshën kryesore se zënë tekstilet e këpcët, (rreth 60% e totalit), e më pas “Materiale ndërtimi dhe metale”, “Makineri, pajisje dhe pjesë këmbimi”. Italia renditet dhe si partneri i parë për importet me 25% të totalit të blerjeve që bëjmë nga gjithë vendet e botës.

Grupmalli më i importuar janë “tekstilet dhe këpucët”, me 25% të totalit që vjen nga Italia, e lidhur me faktin që një pjesë e tyre janë lëndë e parë dhe më pas rieksportohet e përpunuar. Industria telstile dhe e këpucëve është e lidhur ngushtë me shtetin fqinjë, pasi rreth 70% e eksporteve të këtij grupi kanë si destinacion Italisë.

Grupmallrat e tjera më të importuara nga Italia janë “Makineri, pajisje dhe pjesë këmbimi” (20% e totalit të importeve nga Italia), “Ushqim, pije duhan” (12%), “Materiale ndërtimi dhe metale” (11.5%).

Lëvizjet përmes ajrit, 1.7 milionë pasagjerë në vit, nga dhe drejt Italisë

Italia mbetet destinacioni kryesor i fluturimeve nga dhe drejt Rinasit, me 50% të trafikut total të pasagjerëve për vitin 2019, sipas të dhënave zyrtare nga Tirana International Airport.

Destinacioni kryesor ku udhëtohet nga dhe drejt Rinasit vijon të jetë Roma, me 334 mijë pasagjerë në 2019-n, me rritje prej 1.8% me bazë vjetore. Roma shërben jo vetëm si destinacion direkt, por edhe si tranzit për të udhëtuar në Europë dhe jashtë saj.

Destinacioni i dytë është Milano, me 317 mijë pasagjerë, me rritje të fortë prej 12% në raport me një vit më parë. I treti është Bergamo, me 169 mijë pasagjerë (rritje 18%). Në fakt, të marra së bashku, për shkak të afërsisë, Milano po shënon trafikun kryesor në Itali, duke tërhequr dhe linjat e reja.

LEXO EDHE:  Koronavirusi alarmon botën/ Gazetari shqiptar flet nga Kina për situatën e rëndë

Destinacione të tjera italiane që kanë parë rritje të fortë ishin Venecia (22%), Xhenova (37%), Piza (17%), Bolonja (20%). Drejt disa qyteteve të tjera, si Brindizi, Trieste, Pescara nuk kishte lidhje me fluturime në 2019-n.

Në total, pasagjerët nga dhe drejt Italisë ishin gati 1.7 milionë në vitin 2019 (rritje 2%), duke përbërë 50% të trafikut gjithsej, nga 54% vitin e mëparshëm.

“Blue Panorama” është operatori më i madh, me 21% të tregut në 2019-n. Pas saj u rendit “Fly Ernest”, me 17%. Kompania, që prej fillimit të muajit janar të këtij viti nuk fluturon më, pasi licenca e saj u pezullua nga Autoriteti Italian i Aviacionit Civil. Sipas ENAC, kompania e fluturimeve “Ernest” nuk do të jetë në gjendje të kryejë asnjë fluturim dhe transportuesi do të pushojë të gjitha operacionet, duke lënë në këtë mënyrë një hapësirë të konsiderueshme tregu për operatorët e tjerë. “Alba Wings” është në vend të tretë, me peshë tregu të pandryshuar prej 10%. Përmes operatorit ajror italian, Alitalia u realizuan vetëm 7% e fluturimeve, pasi kompania ka humbur treg vitet e fundit. Krahas “Blue Panorama” e “Alba Wings”, dret Milanos apo Bergamos kanë nisur fluturimet dhe “Air Albania”, “Easy Jet” dhe “Wizz Air”, si rrjedhojë e trafikut të lartë drejt këtyre qyteteve.

Lëvizjet përmes porteve, 1.57 milionë pasagjerë

Sipas të dhënave të INSTAT, përmes detit, lëvizën në 2019-n rreth 1.6 milionë pasagjerë, ku fluksi fillon e rritet në maj, me 108 mijë pasagjerë, për të kulmuar në gusht me 450 mijë pasagjerë.

Në mars 2019, përmes detit qarkulluan 35 mijë pasagjerë, ndërsa në mars, numri i tyre u rrit në rreth 76 mijë./ Monitor

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Koronavirusi tremb bursat globale/ Italia në rrezik izolimi, nuk këshillohen udhëtimet

Publikuar

-

Nga

Çfarë po ndodh me koronavirusin në Itali dhe në botë, në një përmbledhje të il Sole24ore: Frika nga infektimi bën që bursa e aksioneve të bjerë në Korenë e Jugut dhe të gjitha vendet kryesore evropiane. Rastet e para janë raportuar në Kuvajt dhe Bahrein: janë qytetarë që kthehen nga Irani. Wuhan njofton dhe tërhoqi menjëherë një lehtësim nga masat e sigurisë. Në Kinë ka 3 mijë të infektuar në mesin e punëtorëve shëndetësorë. Italia në rrezik izolimi.

Trump: Situata në SHBA nën kontroll

«Coronavirus është me të vërtetë nën kontroll në SH.B.A. Ne jemi në kontakt me të gjithë dhe të gjitha vendet e rëndësishme. Qendrat e SHBA për Parandalimin e Sëmundjeve dhe Shëndetin Botëror po punojnë shumë dhe me shumë inteligjencë. Tregu i aksioneve duket shumë mirë! ». Kështu shkroi në Twitter Presidenti i Shteteve të Bashkuara Donald Trump.

Bursat botërore, digjen 1.000 miliardë dollarë

Coronavirus ka shkaktuar rënie në bursat në të gjithë botën, duke bërë të digjen më shumë se 1.000 miliard dollarë në total. Rënia e tregjeve financiare evropiane u pasua nga ajo e Wall Street, e cila mbylli seancën e saj më të keqe në dy vjet.

Pasiguria rreth virusit shkakton panik në bursa

Pasojat e koronavirusit të ri janë ende të panjohura. Por një faktor i panjohur  peshon si një gur në Wall Street dhe që vetëm tani fillon të konsiderohet seriozisht, ka nisur të ndikojë indekset dhe aksionet.

Ky është konsensusi gjithnjë e më i përhapur midis operatorëve dhe analistëve dhe që është përkthyer në tregun real të tregut të aksioneve amerikane përballë një epidemie që rrezikon të shndërrohet në një pandemi, të aftë, përveç që të shkaktojë kosto dramatike njerëzore, të bllokojë ingranazhet e ekonomisë ndërkombëtare. Indekset kryesore të SHBA, papritur të vetëdijshëm për spektrin, kishin humbje të mëdha, duke shënuar seancën më të keqe për Dow Jones, dhe S&P 500 në dy vjet.

Takimi i së martës i ministrave të shëndetësisë

Të Martën, 25 Shkurt Ministri i Shëndetësisë, Roberto Speranza, do të takohet me homologët e vendeve kufitare dhe Italinë fqinje për t’u përballur me urgjencën e koronavirusit

Ricciardi i OBSH, duhen 2 vjet për vaksinën

“Vaksinat tradicionale kundër gripit nuk kanë asnjë efekt sepse vaksina duhet të studiohet posaçërisht për këtë koronavirus të ri. Për këtë duhet të punojmë edhe disa vjet ». Kjo është thënë nga Walter Ricciardi, anëtar i ekzekutivit të Organizatës Botërore të Shëndetësisë (OBSH), i emëruar si këshilltar i Ministrit të Shëndetësisë, në një intervistë për Tg2000, programin e lajmeve TV2000.

Slovenia: nëse është e nevojshme do të mbyllim kufijtë me Italinë

Kryeministri slloven Marjan Sarec ka njoftuar se vendi i tij është gjithashtu i gatshëm të mbyllë kufijtë e saj nëse shfaqet rreziku i përhapjes së koronavirusit. “Në dritën e përhapjes së virusit, Sllovenia do të mbyllë kufijtë nëse është e nevojshme,” tha Sarec cituar nga media serbe. Deri më tani në Slloveni 13 persona janë testuar për koronavirus, të gjithë negativë.

Masa të forta në aeroporte, këshillohet mosudhëtimi në Itali

Aeroportet kanë ngritur ekipe të veçanta shëndetësore për të shmangur ngjitjen e koronavirusit. Dje, Ministria e Shëndetësisë e Bukureshtit kishte njoftuar se udhëtarët italianë nga Veneto dhe Lombardia do t’i nënshtrohen karantinës për katërmbëdhjetë ditë dhe do të kontrollohen nga njësitë vendore të shëndetit edhe nëse nuk preken nga virusi. Për momentin nuk ka infeksione në Rumani.

LEXO EDHE:  4 tonë drogë në dy ditë në Itali/PD: Me Ramën Shqipëria oazi i trafikantëve

LEXO EDHE:  A kemi kapacitetet nëse koronavirusi futet në Shqipëri?

Italia, në rrezik izolimi

Deri para disa ditësh, Italia mund të krenohej me një nga pasaportat më të fuqishme në botë. Sot, infeksioni i koronavirusit është duke ridizajnuar logjikën e kufijve. Dhe italianët janë bërë, brenda pak orësh, ata që duhet të mbajnë mend. Kështu ndodh që Rumania ka përgatitur karantinën e detyrueshme për ata që vijnë nga zona e Lombardisë-Veneto. Marin Le Pen kërkoi që Franca të kontrollojë kufijtë me Italinë. Austria ndaloi trenat për orë të tëra në natën e errët të Brenner. Cila është situata për ata që duhet të udhëtojnë? Çfarë duhet të presësh?

Për momentin, italianët e vetëm që nuk mund të lëvizin brenda territorit kombëtar janë ata të zonës famëkeqe të kuqe. Këta janë banorë të një duzinë bashkish në zonën e Lodi dhe në qendrën Veneto të Vo ‘Euganeo’. U shkaktua një kufizim territorial për ta, një masë e domosdoshme për të përmirësuar infeksionin. Ata mund të lëvizin lirshëm brenda zonës së kuqe, por nuk mund ta kalojnë atë. Pjesa tjetër e qytetarëve italianë, për momentin, mund të udhëtojnë mjaft lehtë. Por, në fakt, kufizimet e para, pak a shumë të vërteta, tashmë kanë filluar.

Trenat dhe fluturimet e brendshme, si dhe autobusët që lidhin çdo ditë veriun dhe jugun e gadishullit, udhëtojnë rregullisht. Sa i përket trenave, si Trenitalia ashtu edhe Italo kanë ndërmarrë veprime urgjente. Ekuipazhi është i pajisur me një maskë, ndërsa janë shpërndarë nëpër vagonë xhel dezinfekstues për duart.

Është pak më ndryshe situata për ata që duhet të shkojnë jashtë Italisë. Vendet kryesore evropiane dhe perëndimore nuk kanë vendosur kufizime për momentin. Por gjithnjë e më shumë vende po këshillojnë kundër udhëtimit në Itali. Disa kombe tashmë kanë ndërmarrë masa parandaluese. Rasti më emblematik ndodhi mëngjesin e të hënës 23 shkurt, me një aeroplan i Alitalia u mbërthye në ishullin e Mauritius në oqeanin Indian. Rreth 40 pasagjerë, nga 212 gjithsej, u kthyen në Lombardi dhe Veneto. Dhe autoritetet lokale kanë vendosur të mos i zbresin në tokë ata. Pas pak, mbërriti edhe një komunikim zyrtar nga ministri vendas i jashtëm, i cili mbylli në mënyrë efektive kufijtë e ishullit për shtetasit italianë, të cilët vijnë nga Lombardia, Veneto dhe Emilia Romagna (si dhe për koreanët dhe Kinezët).

Izraeli po lëviz gjithashtu. Ministri i Shëndetësisë Yaacov Litzman, i cili përveç këshillimit kundër udhëtimit në Itali, shtoi: “Ne jemi duke kontrolluar për të përcaktuar nëse Australia dhe Italia do të bëhen vende, ardhjet e të cilëve në Izrael duhet të izolohen pas hyrjes së tyre në territorin tonë. Ne nuk kemi frikë të imponojmë autoritetin e izolimin ».

Vende të tjera që gradualisht po marrin masa mbrojtëse zyrtare kundër kombeve që raportojnë raste të infektimit janë Serbia, Sllovenia, Turkmenistani dhe Kazakistani. Duhet mbajtur mend se vendet që kanë mbyllur kufijtë aktualisht me qytetarët kinezë janë shumë më tepër (përfshirë Rusinë). Dhe nuk përjashtohet, pra, që masa të tilla mund të merren edhe kundër Italisë, e cila sot është vendi i tretë në botë për nga numri i infeksioneve./ Monitor

LEXO TE PLOTE

Ekonomi

Zbardhet vendimi/ Shtëpitë parafabrikate dhe materialet për projektin e Rindërtimit përjashtohen nga taksat e importit

Publikuar

-

Nga

Ka marrë fuqi ligjore duke u botuar në Fletoren Zyrtare, vendimi i cili përjashton nga Tatimi mbi Vlerën e Shtuar materialet e ndërtimit që do të përdoren në kuadër të procesin të rindërtimit të vendit nga tërmeti i 26 nëntorit.

Vendimi parashikon se përfitues nga kjo lehtësi do të jenë organet shtetërore, organizatat bamirëse dhe filantropike, që janë pjesë e programit të rindërtimit.

“Materialet, pajisjet, ndërtesat e parafabrikuara përjashtohen sipas zërave dhe sasive të parashikuara në preventivin e miratuar nga njësia zbatuese ose nga organi kompetent përkatës, sipas legjislacionit për rindërtimin” përcaktohet në ndryshimin e publikuar në Fletoren Zyrtare.

Përjashtohen nga TVSH-ja:

a) ndërtuesit/kontraktorët, subjekte të rindërtimit, të cilët u nënshtrohen dispozitave të ligjit për përballimin e pasojave të fatkeqësisë natyrore, të ligjit për tatimin mbi vlerën e shtuar në Republikën e Shqipërisë dhe përcaktimeve të këtij vendimi;

LEXO EDHE:  4 tonë drogë në dy ditë në Itali/PD: Me Ramën Shqipëria oazi i trafikantëve

LEXO EDHE:  Koronavirusi, Italia në rrethim

b) ndërtuesit/kontraktorët, subjekte të rindërtimit, të cilët duhet të kenë lidhur një marrëveshje kuadër me njësinë zbatuese, të ngarkuar nga Këshilli i Ministrave për administrimin e fondeve të shpërndara nga fondi i rindërtimit dhe që përdoren bazuar në procedurat e ligjit për përballimin e pasojave të fatkeqësisë natyrore, në lidhje me prokurimin publik për rindërtimin;

c) ndërtuesit/kontraktorët, subjekte të rindërtimit, të përcaktuar nga donatorët, për rastet kur donacionet/grandet e tyre nuk janë pjesë e fondit të rindërtimit sipas ligjit të buxhetit.

Përjashtimi nga TVSH-ja e importit, kryesisht për ndërtimet parafabrikate ka qenë një kërkesë që është përsëritur vazhdimisht në publik nga organizatat që kanë mbledhur fonde për programin e rindërtimit.

 

 

 

LEXO TE PLOTE

Ekonomi

Anti KÇK dhe paraja informale që nuk i solli asnjë të mirë ekonomisë

Publikuar

-

Nga

Rreth 4 vjet më parë, kur flukset e parave, që vinin nga kultivimi dhe trafiku i paligjshëm i narkotikëve, po bëheshin të dukshme, një debat lindi lidhur me efektet që ato do të sillnin në ekonomi. Një pakicë mbronte idenë se pavarësisht origjinës, këto “eksporte” do të ndikonin pozitivisht pasi po paguheshin me vlera të larta fermerët në bujqësi dhe një pjesë e parave gjithsesi do të përdorej në vend, duke nxitur konsumin.

Por, pjesa më e madhe e ekspertëve ishin kundër, duke filluar nga problemet afatshkurtra, si largimi i vëmendjes nga bujqësia, shtrembërimi i tregut të punës, rritjen e përdorimit të narkotikëve në vend, denigrimin e biznesit të ligjshëm, dhe deri ato afatgjata si denatyrimin e votës, forcimin e grupeve kriminale, zgjerimin e këtij kriminalizimi të ekonomisë me anë të pastrimit të këtyre parave, kalimin drejt drogave më të forta, që në një rreth vicioz do të vazhdonte të amplifikonte më tej të gjitha këto dukuri.

Një paralelizëm u hoq me shtetet e tjera të Amerikës Latine, ku përvoja kishte treguar se vendet që janë mbështetur te kultivimi i narkotikëve sot janë më të varfër se fqinjët e tyre, janë të zhytura në konflikte sociale dhe kanë një renditje më të përkeqësuar në indeksin e zhvillimit njerëzor, ndërsa disa prej tyre janë ndër shtetet me numrin më të lartë të vrasjeve në botë për 100 mijë banorë.

Sot, sa vjen e po bëhet më e qartë që rendja drejt fitimeve afatshkurtra e të larta apo edhe më keq e “zgjidhjes” së problemit të rritjes ekonomike dhe konsumit me anë të kësaj metode nuk ishte veçse një iluzion. Realiteti po tregon se rritja ekonomike është ngadalësuar, duke arritur në 2019-n në nivelin më të ulët në pesë vite. Familjet shqiptare vijojnë ende të shpenzojnë pjesën më të madhe të parave për t’u ushqyer (44% e totalit të shpenzimeve, më e larta në Europë dhe ndër më të lartat në botë), një tregues direkt i varfërisë.

Në të ardhurat për frymë, në raport me mesataren europiane nuk është bërë asnjë progres, por ka mbetur në nivelin e 30-31%, njësoj si katër vite më parë, duke ngecur në të ashtuquajturin proces të konvergjencës, ose kapjen e mesatares së BE-së. Shumë tregues janë përkeqësuar, ku më kryesorin përmendim atë të perceptimit të korrupsionit. Krimi jo vetëm u rrit në vend (Të dhënat e INSTAT tregojnë se ka një lidhje të drejtë mes vrasjeve dhe veprave penale të evidentuara për drogë, sidomos në vitin 2016), por ai arriti deri në nivele të larta qeverisëse, siç e dëshmuan shumë raste, kur funksionarët u detyruan të linin detyrën pasi u zbulua e shkuara e tyre.

Zhvlerësimi i fortë i euros, që nuk shpjegohet dot me kanalet zyrtare të hyrjes së valutës, dëmtoi eksportuesit, shumë prej të cilëve sot po shohin rënie të fitimeve të tyre, ndërsa eksportet kanë ardhur në rënie. Kalimi nga kanabisi në drogat më të forta dhe kapja e tregjeve ndërkombëtare përmes importeve direkte nga vendet e origjinës së prodhimit të narkotikëve vetëm sa i përforcoi burimet e hyrjes së parave informale.

LEXO EDHE:  Sa të sigurta janë linjat e lira ajrore?

LEXO EDHE:  Zbuloi i pari koronavirusin/ Humb jetën mjeku kinez

Së fundmi, Shqipëria u fut sërish në listën gri të pastrimit të parave, nga mekanizmi i kontrollit të Komisionit Europian, një lajm i keq ky sidomos për sistemin financiar vendas dhe tregues se reformat e ndërmarra legislative nuk kishin arritur të bindnin se Shqipëria e kishte seriozisht në luftën kundër pastrimit të parave.

Ndërtimi është sektori tjetër që po njeh një rritje që sërish është e pamundur të shpjegohet nga ekonomia formale. Në mënyrë paradoksale oferta e lartë nuk po ul çmimet, përkundrazi ato po rriten edhe pse pagat kanë mbetur në vend dhe njerëzit po ikin. Kjo dukuri është dëshmia më e dukshme se si paratë informale, jo vetëm që nuk i sollën asnjë të mirë ekonomisë, por ato zhvlerësuan dhe kursimet e shumicës së popullsisë, që i kishin fituar me mund e një punë të ndershme.

Shtrenjtimi i kostove të jetesës përballë pagave të ulëta, një klimë e zymtë dhe mungesë perspektive po i nxit shumë shqiptarë të kërkojnë të ardhmen në emigracion. Në këtë mjedis po zhvillohet sot, aksioni i pagëzuar me emrin e “artit” Anti KÇK (kap çfarë të kapësh). Ashtu si në një film, ku qëllimi kryesor është tërheqja e vëmendjes së shikuesit, sekuencat me sekuestrimin e makinave luksoze nuk janë veçse një shfaqje, por me skenar jo vetëm të dobët, por edhe fund të parashikueshëm.

Sfondi i ndërtimeve që po pushtojnë të pa shqetësuar çdo cep të kryeqytetit, shpesh me burime të dyshimta, është një dëshmi se shteti nuk i ka hyrë kësaj çështjeje nga themelet (luftimit të origjinës së parave të pista), vetëm po përpiqet më një bojatisje të bukur të mbulojë një fasadë të plasaritur rëndë./Monitor 

LEXO TE PLOTE