Një zjarr i përmasave të mëdha është regjistruar mbrëmjen e sotme në pyllin me pisha pranë fshatit Martalloz në Memaliaj.

Zjarri ka shkaktuar panik tek banorët, pasi banesat ndodhen vetëm 300 metra larg vatrës së zjarrit.

Forcat zjarrfikëse janë nisur drejt vendngjarjes, por terreni i vështirë e bën të pamundur ndërhyrjen me automjet.

Aktualisht po punohet me pompa dore dhe mjete rrethanore për vënien nën kotroll të flakëve të cilat duhet se po përhapen me shpejtësi si sipasojë e erës së fortë./CNA.al

Policia e Shtetit ka ndërmarrë një operacion policor masiv, në të gjithë vendin, me qëllim parandalimin e kultivimit të bimëve narkotike.

Kontrollet janë kryer në sera tunele, ish reparte ushtarake, zona të pyllëzuara, banesa të braktisura, ambiente të mbyllura, magazina, banesa të dyshuara.

Operacioni masiv, pas detyrave të dhëna një ditë më parë nga Drejtori i Përgjithshëm i Policisë së Shtetit, ka nisur sot prej orëve të para të mëngjesit dhe është në vijim duke kryer kontrolle në terren, me 34 grupe kontrolli, ku janë angazhuar 170 punonjës policie të strukturave të Drejtorisë Vendore të Policisë dhe të Policisë Kufitare.

Gjatë kontrolleve të territorit dhe ambienteve, deri tani nuk është konstatuar ndonjë rast i kultivimit të bimëve narkotike.

Kontrollet masive do vazhdojnë edhe në javët e muajt në vijim./CNA.al

Deputetja e opozitës, Rudina Hajdari ka reaguar lidhur me vrasjet e ndodhura gjatë 24 orëve të fundit në vend.

Hajdari bën thirrje se duhet të denoncojmë këto akte barbare dhe të detyrojmë shtetin të marrë masa të rrepta për raste të tilla.

“Për aq kohë sa burrat ushtrojnë dhunë tek gratë e tyre, nënat e tyre, motrat e tyre, ligjet janë pavlerë sepse nuk zbatohen. Për sa kohë ne nuk reagojmë si institucione, si ligjvënës, si OJQ, si media dhe si shoqëri, ne jemi bashkëfajtorë në forcimin e këtij mentaliteti dhe kjo do të shkaktojë pasoja shumë të rënda afatgjata”, shkruan Hajdari në një postim në rrjetet sociale./CNA.al