Connect with Us

Disa ditë para tubimit, Meta “shkon” në Rumani/ Para tre vitesh presidenti rumun protestoi me popullin

Politikë

Disa ditë para tubimit, Meta “shkon” në Rumani/ Para tre vitesh presidenti rumun protestoi me popullin

Publikuar

-

Vetëm disa ditë para tubimit të 2 Marsit, Presidenti Ilir Meta ka kujtuar se 3 vite më parë Presidenti i Rumanisë, vend anëtar në NATO dhe në Bashkimin Europian, doli në protestë në mbrojtje të shtetit ligjor dhe kundër dhunimit të Kushtetutës nga një mazhorancë dhe Parlament plotësisht kushtetues.

Meta thekson se Presidenti rumun ju bashkua protestave të mëdha popullore kundër korrupsionit, arbitraritetit, vendimeve të marra në errësirë, ndryshimeve mafioze të legjislacionit në fuqi nga deputetët legjitimë, por në konflikt të hapur interesi, si dhe pastrimit të politikës nga kriminelët.

“Për të gjithë ata që bëjnë sikur harrojnë, po u sjell në vëmendje rastin e freskët të këtij shteti anëtar të NATO-s dhe BE-së, ku Presidenti dhe populli protestuan së bashku kundër qeverisjes së mbrapshtë.

Nuk vend në Europë pa Gjykatë Kushtetuese dhe pa Gjykatë të Lartë që prej dy vitesh.

Nuk ka vend në Europë ku një dorë e vetme, pasi kalon ligj pas ligji anti-kushtetuese, mbush zyrat e shtetit me trafikantë e kriminelë dhe ngre celula mafioze në krye të ministrisë së Drejtësisë, me qëllim për të kapur edhe drejtësinë.

Nuk ka vend anëtar të NATO-s, ku korrupsioni shkatërron çdo ditë ekonominë, ku mungon totalisht llogaridhënia në çdo nivel dhe ku është asgjesuar balanca e pushteteve”, shkruan Meta në një postim në rrjetet sociale.

LEXO EDHE:  Çfarë ka për të thënë Ilir Meta?/ Thërret me urgjencë gazetarët

SIpas tij, nëse ne Rumani, Presidenti dhe populli u detyruan të dilnin në protestë për një situatë aspak normale, në Shqipëri situata është aq herë më e rëndë, sa Presidenti së bashku me popullin duhet të dilte çdo ditë në shesh.

“Ndaj për këdo që e ka harruar apo nuk do ta kujtojë rastin e Rumanisë, po ia risjell në vëmendje, duke i ftuar sërish shqiptarët në 2 mars në Bulevardin “Dëshmorët e Kombit” në Manifestimin Mbarëkombëtar, të paparë ndonjëherë në Shqipëri, kundër grushtit të shtetit.

Shqiptarët e bashkuar kundër puçistëve të zbuluar”, përfundon Meta./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Tubimi i 2 marsit/ Mediu tregon nëse do jetë në krah të Metës

Publikuar

-

Nga

Kreu i Partisë Republikane Fatmir Mediu është shprehur se do të jetë në krah të presidentit Ilir Meta, në tubimin e paralajmëruar në datën 2 mars.

Në një postim në rrjetet sociale, Mediu shkruan se mbrojtja e Kushtetutës është detyrim për të gjithë qytetarët.

“Kushtetuta eshte marveshja qe shqiptaret kane bere per ti vene kufi pushtetit dhe pushtetareve, makuterrise dhe marrezise. Eshte marveshja qe mbron lirite dhe të drejtat, të drejten e prones, sigurine për jeten.
Mbrojtja e Kushtetutes eshte detyrim për te gjithe qytetaret. Në 2 Mars shqiptaret, demokrate, republikane, socialiste me dhe pa parti bashkohen për jeten dhe lirine e tyre, jo per Presidentin, jo per parti por per Kushtetuten dhe ligjin, kunder shkaterrimit të shtetit nga Rilindja”, shkruan kreu i Partisë Republikane, Fatmir Mediu./ CNA.al

LEXO TE PLOTE

Politikë

“Me Ramën gratë dhe vajzat janë vetëm fasadë”/ Ish deputetja: Kryeministri, ka dhunuar nënën dhe partneret e veta

Publikuar

-

Nga

Ish deputetja e PD, Izmira Ulqinaku ka reaguar pas vrasjeve të bujshme në vendon tonë gjatë 24 orëve të fundit.

Sipas Ulqinakut, nën shembullin e Edi Ramës, burrat keqtrajtojnë gratë e vajzat; dhunohen e vriten dhe askush nuk mban përgjegjësi!

“Është Kryeministri, ai që ka dhunuar nënën dhe partneret e veta! Është ai që i ka goditur dhe i ka nxjerrë jashtë banesës, si shkak i psikopatisë së tij! Po ndeshemi përditë me kronika të zeza lajmesh, ku bashkëshortët vrasin e keqtrajtojnë gratë! Dje, në Rrëshen vritet nëna, në sytë e tre vajzave të saj! Sot, në Durrës vritet po nga partneri, një tjetër grua”, shkruan Ulqinaku.

Sipas saj, në 6 vite, kanë ndërruar jetë dhjetra gra, nga vrasjet brënda familjes! Ulqinaku thekson se këto gra janë ankuar në institucionet e shtetit dhe në polici për të kërkuar urdhër mbrojtjeje; ku në të shumtën e rasteve edhe e kanë patur, por nuk ka funksionuar, sepse organet që duhet ta ekzekutojnë inspirohen nga Edi Rama.

LEXO EDHE:  Çfarë ka për të thënë Ilir Meta?/ Thërret me urgjencë gazetarët

LEXO EDHE:  Lojërat Mesdhetare “Tarragona 2018”/ Meta i dorëzon flamurin ekipit shqiptar

“Edi Rama nuk i ka prioritet gratë sepse duket nga politikat që ka për to.
Ai nuk mbështeti asnjë grua kryefamiljare nëpërmjet punësimit, apo asistencave të veçanta. Ai i hoqi edhe të ardhurat minimale nga Ndihma Ekonomike.
Me Edi Ramën gratë dhe vajzat janë vetëm fasadë! Ai është dhunuesi i tyre dhe prej të cilit nuk mund të marrin asnjë mbështetje apo mbrojtje!
Prandaj jemi ne, vajzat e gratë që duhet të ngrihemi kundër Edi Ramës, i cili po bën të funksionojë sistemi i pandëshkueshmërisë ndaj burrave, që frymëzohen prej tij, të dhunojnë grate”, shkruan më tej Ulqinaku./CNA.al

LEXO TE PLOTE

Politikë

Integrimi i Shqipërisë në BE/ Holanda skeptike: Do shohim raportin e KE

Publikuar

-

Nga

Holanda vazhdon të jetë skeptike për sa i përket hapjes së negociatave me Shqipërinë. Në takimin e Këshillit të Çështjeve Europiane, ku u diskutua për metodologjinë e re, ministri holandez për Evropën, Stef Blok tha se vendimi i Holandës do të varet nga raporti i Komisionit Europian.

“Sot u fol vetëm për prezantimin e metodologjisë së re që ka përgatitur Komisioni Evropian për kushtet për luftën kundër korrupsionit dhe për rendin ligjor. Por sot nuk kemi folur për hapjen e negociatave pasi na duhet së pari raporti i Komisionit Evropian atëherë do të shohim”, theksoi ministri holandez.-raporton Euronews Albania.

Ndërsa për ministrin gjerman për Evropën, Michael Roth, metodologjia e re është shpresë se BE do të mbajë premtimin për negociatat me Shqipërinë dhe Maqedoninë e Veriut.

“Tashmë vendet anëtare të Bashkimit Europian duhet të marrin përgjegjësitë e tyre dhe kjo më jep shpresë se më në fund do ta përmbushin  premtimin tonën për çeljen e bisedimeve me Maqedoninë e Veriut dhe Shqipërinë.  Dhe ne shpresojmë se do të japim një sinjal të qartë ndaj Ballkanit Perëndimor në mars”-theksoi  ai.

LEXO EDHE:  Çfarë ka për të thënë Ilir Meta?/ Thërret me urgjencë gazetarët

LEXO EDHE:  Çfarë ka për të thënë Ilir Meta?/ Thërret me urgjencë gazetarët

Roth theksoi se të dyja vendet kanë bërë progres në luftën kundër korrupsionit, kurse holandezi Blok u shpreh se Shqipëria ende duhet të ndryshojë disa gjëra dhe se drita jeshile do të jepet pas plotësimit të kushteve.

“Sigurisht që sot nuk ka dritë jeshile për dy vendet. Kur të plotësohen kushtet që kemi caktuar atëherë mund të jepet, ashtu siç kemi thënë për Maqedoninë e Veriut, ndërsa për Shqipërinë duhet ende të ndryshojnë disa gjëra”, theksoi ai.

LEXO TE PLOTE