Connect with Us

Skandali seksual në liceun e Fierit/ Kërpaçi: Kriminale heshtja e qeverisë

Politikë

Skandali seksual në liceun e Fierit/ Kërpaçi: Kriminale heshtja e qeverisë

Publikuar

-

Ish deputetja e LSI-së, Floida Kërpaçi ka reaguar lidhur me skandalin e ndodhur në shkollën e mesme artistike ‘Jakov Xoxa’ në Fier, të publikuar nga emisoni “Stop” ku mësuesit janë kapur në përgjime duke ngacmuar seksualisht nxënëset.

Përmes një postimi në rrjetet sociale, Kërpaçi  e ka konsideruar si skandaloze heshtjen e qeverisë.

“Është kriminale heshtja e qeverisë ndaj fakteve të publikuara nga emisioni STOP mbi një skemë madhore të abuzimit seksual të nxënësve të shkollës së mesme artistike Jakov Xoxa në Fier prej mësuesve të tyre.

LEXO EDHE:  Pandeli Mjako ‘plas bombën’/ “Bravo i qoftë shkollës që vuri atë këngë”

Deri më sot asnjë zyrtar i qeverisë nuk ka dënuar rastin, i cili ka tronditur çdo prind në Republikën e Shqipërisë që sot pyet veten mbi sigurinë e fëmijëve të tyre nëpër shkolla.

Çdo ditë që Besa Shahini vazhdon qëndron në drejtimin e arsimit është rrënim i cilësisë së arsimit dhe mbështetje për këto sjellje të rrezikshme ndaj fëmijëve.

Çdo ditë që qeveria Rama qëndron në drejtimin e qeverisë lulëzojnë antivlerat dhe rrënimi i shoqërisë Shqiptare.

Largimi i kësaj qeverie është emergjencë Kombëtare!”/CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“S’kemi luks t’i humbasim”/ Manastirliu tregon paketën që synon rikthimin e mjekëve

Publikuar

-

Nga

Ministrja e Shëndetësisë Ogerta Manastirliu, ka folur mbrëmjen e sotme për largimin e mjekëve dhe infermierëve në masë nga Shqipëria.

Ministrja tha se kjo është një e vërtetë që e kanë pranuar, ndërsa theksoi se lëvizja e mjekëve nuk ka prekur vetëm Shqipërinë, por dhe vendet e tjera të Europës.

Manastirliu deklaroi se qeveria shqiptare po përgatit një paketë për rikthimin e bluzave të bardha nga diaspora.

“Takimi jonë i fundit me ministrinë Diasporës, dhe me mjekët që kanë paraqitur interesat për bashkëpunim, që duan të vendosin kontakte dhe për të vlerësuar rikthimin në vend. Lëvizja e lirë e mjekëve nuk është një fenomen që ka prekur vetëm Shqipërinë, por vendet europiane. Është një lëvizje e lirë e trurit për të gjetur mundësi më të madhe. Qeveria po përgatit një paketë atraktive për të rithithur trurin e mjekëve që janë larguar dhe në vite të mëparshme. Shqiptarë të kualifikuar kanë ikur gjithmonë. Po bëjmë gati një paketë për rikthimin e tyre dhe rritjen e tyre profesionale dhe angazhimin e tyre këtu. S’jemi në një alert, Shqipëria se vuan mungesën e mjekëve sot.
Ne nuk kemi luksin që të humbim asnjë mjek. Vetëm në 2 vitet e fundit janë mbi 2 mijë infermierë që janë punësuar. Nuk kemi ende një shifër të largimit të mjekëve. Nëse në 2016 ka pasur mbi 20 mjekë që kanë kërkuar certifikata të sjelljes së mirë. Presim dhe bonuset e mjekëve”, u shpreh ajo në emisionin “Real Story”./ CNA.al

LEXO TE PLOTE

Politikë

Ndarja e parakohshme e Vasil Tabakut/ Basha: Qëndroi besnik deri në fund për fjalën e lirë

Publikuar

-

Nga

Kryetari i opozitës Lulzim Basha ka shprehur ngushëllimet për ndarjen e parakohshme nga jeta të publicistit, gazetarit dhe shkrimtarit Vasil Tabaku.

Basha thekson se Tabaku ka qenë një nga aktivistët më të mëdhenj në gazetarinë shqiptare të pas viteve ’90, kundër rikthimit të censurës dhe autocensurës.

“Me emrin dhe zërin e Vasil Tabakut lidhen qindra emisione të drejtpërdrejta radiofonike e televizive të viteve 97-2001, në Radio “Kontakt” dhe TvATN1, një shërbim i madh kombëtar kundër përpjekjeve të gjithanshme për vendosjen e medias nën kontrollin e pushtetit të ardhur me dhunë pas rebelimit të 97-s. Ato emisione kishin vulën e Vasil Tabakut, kontributin e tij të pazëvendësueshëm dhe janë një leksion i përhershëm për brezat e rinj të gazetarisë në Shqipëri, se si duhet luftuar konformizmi në profesion dhe se si duhet të ruhet misioni i fjalës së lirë”, shkruan Basha, ndërsa kujton angazhimin e tij në struktura drejtuese të organizatave që vetërregullojnë gazetarinë.

Basha thotë se shkrimtari i qëndroi besnik deri në fund misionit të shenjtë për fjalën e lirë dhe përmend angazhimin e tij në Partinë Demokratike, pasi Tabaku ka qenë kryeredaktor i gazetën “Tirana Demokratike”.

“Vasil Tabaku u largua shpejt prej nesh, duke lënë një boshllëk të pazëvendësueshëm, jo vetëm në komunitetin e medias, por edhe tek lexuesit e shumtë të poezive, eseve e romaneve të tij. Por shembulli i tij i rreshtimit të fortë publik kundër censurës dhe vargonjve që pushteti synon pandërprerë t’i hedhë medias së lirë janë një trashëgimi e vyer se asnjëherë s’është shumë e s’është tepër për t’u renditur tek ithtarët e fjalës së lirë dhe jo tek puthadorët e pushtetit të radhës. Unë dhe gjithë anëtarësia e kryeqytetit e Partisë Demokratike, ku Vasil Tabaku militoi për shumë vite, i gjendemi pranë familjes në këtë moment dhimbjeje të pafund dhe lutemi që shpirti i tij të gjejë paqen e merituar”, nënvizon kryedemokrati./ CNA.al

Lajm i hidhur/ Ndahet nga jeta gazetari dhe publicisti i njohur

LEXO TE PLOTE

Politikë

Manastirliu flet për debatet mbi vendin e karantinës/ Ironizon Tritan Shehun

Publikuar

-

Nga

Ministrja e shëndetësisë Ogerta Manastirliu cilësoi të pavend debatin mbi vendndodhjen e karantinës, për të cilën theksoi se kanë vlerësuar disa struktura.

“Ka një diskutim dhe debat politik më shumë ku janë marrë me karantinën, sikur të ishte shpëtimi për koronavirusin. Kemi 180 shtretër, por sigurisht në varësi të kërkesës. Ekspertët e komitetit teknik kanë vlerësuar disa struktura, edhe strukturat të cilat janë shtetërore të cilat kanë mjedise akomoduese për karantinën dhe gjithashtu struktura spitalore në rastet kur ka një vecanti të një sëmundje që lidhet me infeksionet të tjera”, u shpreh ajo.

E pyetur mbi deklaratat e ish-ministrit të shëndetësisë Tritan Shehu mbi masat e marra për koronavirusin, Manastirliu nuk kurseu ironinë.

“Jo nuk kam komente për komentatorët. Kushdo që do të kontribuojë në këtë situatë është i ftuar të ulet në tryezën e eksperteve dhe të japi kontributin e tij me idetë që ka”, tha ministrja në emisionin “Përballë” të gazetarit Lutfi Dervishi, ndërsa e cilësoi Shqipërinë si një vend me risk të ulët për përhapjen e këtij virusi.

“Deri në momentin që do të vij rasti i parë me koronavirusin e ri, qëndrojmë në riskun mes të ultit dhe të moderuarit. Në rast se kemi një rast ne jemi me risk të moderuar i plotë. Nëse kemi rastin e parë atëherë shpallim epideminë. Rasti i parë për një ngjarje të pazakontë në shëndetin publik është rasti kur shpallet epidemia”, nënvizoi ajo.

LEXO EDHE:  Arsimi me iPad/Shkollat i kërkojnë Apple t’u kthejë paratë

LEXO EDHE:  Reshjet e vazhdueshme të borës ndërpresin mësimin në 82 shkolla

Manastirliu shtoi se task forca e ngritur për koronavirusin ka parashikuar të gjithë skenarët.

“Edhe skenarin nëse do kemi rastin 1 edhe sikur të kemi 100 apo 200 raste të prekura me koronavirusin e ri. Ne dime se si do të lëvizim në kohë dhe në hapësire. Shqipëria ka filluar marrjen e masave, qeveria ka vendosur në top prioritetet e saj planin e masave dhe angazhimin konkret për parandalimin kontrollin dhe mbrojtjen kundër koromavirusin e ri”, deklaroi ministrja./ CNA.al

LEXO TE PLOTE