Connect with Us

Pas ditëve pranverore, bien temperaturat dhe rikthehen reshjet ne vend

Sociale

Pas ditëve pranverore, bien temperaturat dhe rikthehen reshjet ne vend

Publikuar

-

Të gjithë u mësuat tashmë me kapricot e motit me ditë me diell dhe relativisht të ngrohta si dhe direkt më pas ditë me shi e rënie të ndjeshme temperaturash.

Sipas Shërbimit Meteorologjik Ushtarak, duke nisur nga dita e nesërme pritet që mbi vendin tonë të vij përkeqësimi gradual i kushteve atmosferike. Moti do të jetë me alternime kthjellimesh dhe vranësirash me këto të fundit të dendura përgjatë gjithë ditës në zonën e veriperëndimit dhe jugut.

Deri në orët e mesditës në zonën e veriperëndimit dhe jugut do të ketë reshje shiu të herëpashershme me itensitet të ulët dhe mesatar në formën shtrëngatash. Prej orëve të pasdites reshjet e shiut shtrihen në të gjithë territorin me itensitet të ulët e mesatar e lokalisht në veri e jug deri të lartë në formë shtrëngatash shoqëruar me shkarkesa elektrike.

LEXO EDHE:  Kapriçot e motit/ Mos harroni të merrni çadrat me vete

Temperaturat parashikohen në vlerat minimale nga 3ºC deri në 10ºC ndërsa ato në vlerat e mesditës me një rënie prej 4-5 grad nga sot 13ºC deri në 19ºC.
Era do të fryjë relativisht itensive nga kuadrati i jugut dhe shpejtësi mesatare 1-10m/s, ndërsa në det të hapur e zonat luginore shpejtësi e cila arrinë deri në 20-25m/s.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Rrugët që lidhin Shqipërinë me Italinë/ Qytetarët të pasigurt nëse virusi depërton në vend

Publikuar

-

Nga

Shqipëria ndjek me frikë atë që po ndodh në Itali ndërkohë që vendi luhatet midis mosbesimit se virusi nuk ka mbërritur dhe garancive të autoriteteve shëndetësore se gjithçka është nën kontroll. Ditën e djeshme coronavirusi  Covid-19 ishte tema qendrore e çdo bisede në Shqipëri. Qytetarët ndjehen të frikësuar se epidemia, e cila tashmë ka marrë një numër viktimash në vendin fqinj mund të depërtojë në Shqipëri.

Në treg raportohet për mungesën e maskave mbrojtëse dhe dizinfektantëve, por nuk ka asnjë reagim zyrtar për gjendjen e këtyre produkteve farmaceutike që do të ishin të nevojshëm në rast të shpërthimit të epidemisë edhe në Shqipëri.

Zyrtarisht, vendi ynë konsiderohet me risk të ulët për prekjen nga virusi. Të paktën një person u mor në pyetje nga policia ditën e djeshme në Tiranë për shkak të përhapjes së njoftimeve me përmbajtje të pavërtetë. Nga ana tjetër ministrja e Shëndetësisë Ogerta Manastirliu nuk e mohoi dje se të paktën 8 persona janë dyshuar në Shqipëri si të infektuar me virusin korona, por pas testimeve të kryera nga Instituti i Shëndetit Publik kanë rezultuar negativë.

Institucionet shqiptare kanë ftuar qytetarët të mos përhapin panik, pasi situata sipas tyre, është nën kontroll të plotë. Pas një vëzhgimi të kryer dje në Portin e Durrësit, udhëtarët që vijnë nga Italia në Shqipëri u shprehën për Euronews Albania se jo të gjithë i janë nënshtruar kontrolleve.

Linjat që lidhin Shqipërinë me Italinë

LEXO EDHE:  “Duhet të errësojmë diellin”/Shkencëtarët alarmojnë gjithë botën

LEXO EDHE:  Kapriçot e motit/ Mos harroni të merrni çadrat me vete

Sipas Euronews, nga Aeroporti Ndërkombëtar Nënë Tereza në Tiranë, raportohet se vetëm ditën e djeshme janë ulur rreth 15 avionë që fluturonin nga Italia. Pasagjerë të shumtë mbërrijnë në Shqipëri çdo ditë nga destinacione si Milano, Firence, Venecia, Verona, Roma, Bolonja, Bergamo, Rimini, Bari, dhe Xhenova qytete të cilat kanë lidhje direkte me Tiranën me linja fluturimi.

Ndërkaq shqetësimi qëndron në faktin se në shumë prej destinacioneve të sipërpërmendura numërohen persona të infektuar nga coronavirus. Shqetësimi mbetet i njëjtë edhe në lidhje me linjat detare, ku numërohen dy tragete nga Bari dhe një nga Ankona, të cilët zbarkojnë drejt Portit të Durrësit, dhe një tjetër linjë nga Brindisi drejt Vlorës.

LEXO TE PLOTE

Sociale

Abuzimi me çmimet e maskave dhe dezinfektuesve/ Prokuroria e Tiranës nis hetimet

Publikuar

-

Nga

Prokuroria e Tiranës ka nisur hetimet për abuzimet me çmimet për maskat dhe produktet e tjera që shërbejnë për parandalimin e simptomave të gripit.

Hetimet nisën pas informacioneve në media dhe shqetësimit të qytetarëve për rritjen e çmimeve.
Alarmi i koronavirusit rriti ndjeshëm kërkesat për maska dhe produkte të tjera që parandalojnë simptomat e gripit.

Koronavirusi ka përhapur panik te qytetarët dhe në të gjithë farmacitë e qyteteve vihen re mungesa e maskave dhe të dezinfektantëve./CNA.al

LEXO TE PLOTE

Sociale

Kaos te ADISA/ Bllokohet sistemi, qytetarët presin në radhë

Publikuar

-

Nga

Kaos e njerëz në radhë, është kjo situata mëngjesin e sotëm në Agjencinë e Ofrimit të Shërbimeve të Integruara, (ADISA), në Tiranë. Sipas BW, prej mëngjesit të sotëm qytetarët nuk po marrin dot shërbimet e kërkuara pranë këtij institucioni.

Po sipas të njëjtave burime mësohet se shkak i radhës është bërë bllokimi i sistemit, i cili mëngjesin e sotëm ka qenë në kolaps.

Banorët të cilët vijojnë të presin në radhë, thonë se nuk e kanë një përgjigje se edhe për sa do të vijojë kjo situatë, dhe se kur mund të kryhet rikuperimi i sistemit.

LEXO TE PLOTE