Kaos e njerëz në radhë, është kjo situata mëngjesin e sotëm në hipotekën e Tiranës. Sipas BW, prej mëngjesit të sotëm qytetarët nuk po marrin dot shërbimet e kërkuara pranë këtij institucioni.

Po sipas të njëjtave burime mësohet se shkak i radhës është bërë bllokimi i sistemit në Hipotekën e Tiranës, i cili mëngjesit e sotëm ka qenë në kolaps.

Banorët të cilët vijojnë të presin në radhë, thonë se nuk e kanë një përgjigje se edhe për sa do të vijojë kjo situatë, dhe se kur mund të kryhet rikuperimi i sistemit.

Një një situatë ku Italia është e prekur nga koronavirusi dhe deri më tani 7 persona kanë humbur jetën, shefja e Shërbimit Infektiv në QSUT, Najada Çomo theksoi se qytetarët nuk duhet të frekuentojnë vendet publike.

E ftuar në studion e “ABC Neës”, me Juli Xhokaxhi, Najada Çomo tha se “Që në momentin që shpërtheu në Kinë u morën masat e para. Pra ardhja në Itali ka sjellë rritje të masave të cilat janë marrë sipas standardeve edhe sipas OBSH.”

Po ashtu, ajo tha se pas rritjes së numrit të rasteve në Itali janë shtuar masat e parandalimit.

“Është një ekip i madh që merret. Në vendin fqinjë janë bërë izolime përkatëse. Kemi kaluar në plan masash më të reja.

Nëse nuk ke lëvizuar jashtë Shqipërie nuk është e mundur të jesh infektuar. Për personat që vijnë nga Italia ka masa të shtuara”, u shpreh Çomo.

Po ashtu, ajo tha se “Duhet marrë një informacion i detajuar. Nuk është vetëm aeroporti dhe këtu masat mbarojnë, është emergjenca e Tiranës, shërbimi infektiv të përgatitur për këtë situatë.”

E pyetur nëse njerëzit që vijnë nga zonat e infektuara do duhet të hyjnë në karantinë, Çomo tha se “ Izolimi i personit që është kthyer, do të thotë, jo izolim total, por shmagje të kontakteve. Nuk mund të mbyllësh mijëra njerëz, nuk mund të rrijë i mbyllur nëse nuk ka pasur kontakte me persona të prekura.

Nënkryetari i Departamentit të Shëndetësisë në PD, Gazmend Koduzi, ka folur për virusin vdekjeprurës i cili ka shkaktuar frikë edhe në Shqipëri.

I ftuar në “ABC e Mëngjesit” me Enkel Demin, Koduzi theksoi se është e rëndësishme të merren masa të përkohshme deri në një kohë sa të shfaqet përmirësimi i situatës në Itali.

“Bartës i virusit janë emigrantët e paligjshëm, dhe në Shqipëri kemi një port të hapur ku emigrantë mund të hujnë ngado. Pra duhen marrë masa parandaluese. Zinxhiri i virusit mund të shkëputet duke e parandaluar”, tha Koduzi.

Koduzi ka reaguar është në lidhje me disa raportime sipas të cilave Spitali i Kavajës është kthyer në karantinë.

Ai theksoi rekomandimet OBSH-së, sipas të cilave karantinat duhet të jenë larg vendeve të banuara.

“OBSH rekomandon që vendet e izolimit të jenë larg zonave të banuara. Spitalet tona janë brenda qyteteve, por mund të ketë struktura ushtarake që mund të organizohen për të tilla raste. Edhe izolimi duhet të ketë disa kritere. Masat duhen marrë që të mos shpërndahet virusi në të gjithë popullatën. Vërtet vdekshëmria është më e lartë te moshat e treta, por ka nevojë për trajtim spitalor sepse ky virus është më agresiv.

Më tej ai theksoi se sy dyshohet se nëse virusi futet në Shqipëri nuk do të kemi kapacitete të duhura për të trajtuar rastet. Edhe materialet që janë janë të zëna , janë në përdorim, nëse do të kemi raste të virusit si do të trajtohen. Spitalet kanë nevojë për aparatura, sa i përgatitur është efektivi sot”,- tha Koduzi.

Sa i takon përhapjes së panikut, Koduzi tha se nëse flet për virusin nuk është përhapje paniku, por duhet treguar kujdes.

“Për aq kohë sa opozita vetë nuk përhap mesazhe paniku, ne jemi kundër tyre. Ne duam ti bëjmë presion pozitiv qeverisë që të marrë masa për qytetarët shqiptarë. Duhet ti kesh planet gati, qeveria duhet të tregojë transparence, sa është buxheti nëse ne rrezikohemi. Do të ndodhë njësoj si me tërmetin. “Po të erdhi në derë çfarë do të bëjë qeveria”, tha më tej Koduzi.