Connect with Us

Lajm i hidhur/ Ndahet nga jeta gazetari dhe publicisti i njohur

Kultura

Lajm i hidhur/ Ndahet nga jeta gazetari dhe publicisti i njohur

Publikuar

-

Ndahet nga jeta shkrimtari, publicisti dhe gazetari Vasil Tabaku. Lajmin e bëjnë të ditur kolegët e Tabakut, të cilët me hidhërim i shprehin ngrushëllimet familjarëve në rrjetet sociale.

67-vjeçari me origjinë nga Gramshi lindi në vitin 1953 në qytetin e Lushnjes, por fëmijërinë dhe rininë i kaloi në Ballsh.

Veprimtarinë e tij poetike, Tabaku e filloi në shkollën 8-vjeçare dhe në shkollën e mesme. Ai përfundoi arsimin e lartë për Gjuhë – Letërsi dhe në vitin 1995 ka kryer një trajnim dymujor për gazetari televizive pranë TRT – Ankara të Turqisë.

LEXO EDHE:  Ishte asimptomatike ndaj Covid 19/ Ndërron jetë pacientja tek Infektivi

Në shtator të vitit 1977 filloi punën si mësues në Mallakastër dhe në qershor të vitit 1978 u emërua drejtues në Pallatin e Kulturës në Ballsh.

Tabaku ka qenë kryeredaktor i disa gazetave dhe revistave. Gjithashtu ai ka mbajtur postin e kryeredaktorit në gazetën “Tirana demokratike” që ka qenë organ i PD-së së Tiranës. Në 2007-ën ai filloi punë si gazetar në Agjencinë Telegrafike Shqiptare, ATSH./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kultura

Ndahet nga jeta violonçelisti i njohur shkodran, Gjovalin Lazri

Publikuar

-

Nga

Ndahet nga jeta violonçelisti i njohur shkodran, Gjovalin Lazri

Është ndarë nga jeta në moshën 84-vjeçare mjeshtri i madh violonçelit, Gjovalin Lazri.

Prej disa muajsh ai  vuante nga një sëmundje e rëndë, ndërsa para pak ditësh presidenti Ilir Meta, i akordoi dhe titullin “Mjeshtër i madh”, të cilin e tërhoqi i biri.

Gjovalin Tish Lazri lindi në Shkodër më 13 tetor 1936. Në vitin 1950 -1958 ndjek Liceun Artistik “Jordan Misja” në Tiranë me Profesor Boris Skabllov, Matej Guralumi dhe Ymer Skendëri.

LEXO EDHE:  U infektua nga koronavirusi/ Ndërron jetë tek Infektivi një grua

LEXO EDHE:  “Vasil Tabaku mbylli sytë përgjithmonë”/ Berisha fjalë të ndjera: Qëndrestar i papërkulu në kohrat më të vështira të PD-së

Në vitin 1959 fillon studimet e larta në Akademinë e Muzikës dhe Arteve ne Pragë. Më pas ka punuar si mësues violonçeli dhe zv/Drejtor Artistik i Shkollës se Mesme Artistike “Jordan Misja”, në Tiranë. Gjatë këtyre viteve ka përgatitur breza të tërë artistësh violonçelist, ka debutuar vetë si solist.

Ndër vite ka botuar artikuj, metoda, dhe studime profesionale ne fushën e artit dhe te kulturës./CNA.al

LEXO TE PLOTE

Kultura

“Haklaj” bëhet film me seri/ Mjeku fierak refuzon të luajë rolin e Fatmirit

Publikuar

-

Nga

"Haklaj" bëhet film me seri/ Mjeku fierak refuzon të luajë rolin e Fatmirit

Një serial me 4 episode, i cili e merr subjektin nga ngjarjet e bujshme në Tropojë gjatë viteve 1990-2000, me në qendër familjen Hakaj, pritet të publikohet së shpejti. Seriali do të ketë titullin “Haklaj” dhe ideatorët janë një regjisor suedezo-amerikan në bashkëpunim me një regjisor shqiptar nga Kosova.

Regjisorët kanë vendosur që rolin e personazhit kryesor, atë të Fatmir Haklajt, ta luajë mjeku shqiptar, Jurgen Malaj. Pas shumë kandidaturave ata përzgjodhën pikërisht Jurgenin, për shkak të pamjes fizike të ngjashme me Fatmir Haklajn, por edhe për karakterin e qëndrimin e njëjtë.

Fatmir Haklaj

Në serialin “Haklaj” do të marrin pjesë aktorë të shumtë nga trevat shqiptare dhe mendohet se do të mbetet si një dëshmi për zbardhjen e plotë të dosjes “Tropoja” nga autoritetet kombëtare dhe ndërkombëtare. Në film do të pasqyrohet realiteti shqiptar i atyre viteve, lufta e përgjakshme e hakmarrjes ndërmjet fiseve shqiptare të nxitur edhe nga politika e kohës. Thuhet se pavarësisht se ky film do të mbajë titullin “Haklaj” nuk do të shërbejë si palë për familjen e njohur nga Tropoja, por si dëshmi dhe nxitje për të hequr dorë nga gjakmarrja.

Për të krijuar filmin, në formën e donacioneve janë mbledhur deri më tani 32 milionë dollarë, ndërkohë data për nisjen e xhirimeve nuk është vendosur ende. Sa i përket aktorit protagonist, Jurgen Malaj, ai ka lindur në Fier në vitin 1990 dhe është diplomuar në Tiranë për Mjekësi. Aktualisht shqiptari jeton dhe punon prej disa vitesh në Suedi, së bashku me familjen e tij, pikërisht në të njëjtin vend ku jetojnë edhe të mbijetuarit e familjes. Ka qënë vetë ai që ka paralajmëruar projektin me anë të një statusi në rrjetin e tij social, Facebook. Megjithatë ai është shprehur se ende nuk e ka vendosur nëse do të veshë “kostumin” e Fatmirit.

Qëndrimi i Jurgen Malajt

Së pari, dua të falenderoj regjisorët dhe stafin realizues për propozimin dhe vlerësimin dashamirës të tyre për të më besuar mua rolin e personazhit kryesor të filmit ‘’Haklaj’’, atë të Fatmir Haklaj.
Së dyti, lajmi u bë publik, ndoshta përpara kohe, për hatër të transparencës si dhe për të dëshmuar se unë dhe organizata, që unë përfaqësoj NUK kemi bërë asnjë pazar apo marrëveshje për këtë çështje. Por, thjeshtë kam marrë një propozim të sinqertë dhe sigurisht, që unë do të konsultohem gjerësisht me njerezit, që kanë ndikim dhe rol në jetën time.
Si përfundim, vendimi përfundimtar më përket mua për shkak se propozimi më është bërë mua.
Por, unë dua të shpjegohem në lidhje me propozimin dhe pse ky film NUK mund të realizohet pa pasur më përpara një drejtësi shtetërore (ligjore) apo edhe për shkak të arsyeve të mëposhtme?!
Së pari, unë nuk jam aktor dhe as nuk besoj se do të mund të arrijë të luaj ndonjë rol në filma, pavarësisht së më pëlqejnë filmat. Unë mendoj, që filmi është film dhe jeta apo realiteti janë krejt e kundërta. Ndërsa regjisorët, producentët etj., i shikojnë ngjarjet e Tropojës së atyre viteve me syrin e famës, lajmit sensacional apo mënyrën e përfitimit financiar, unë nga ana tjetër prirem ti shoh ato ngjarje me syrin realist për fatet e njerëzve të përfshirë ose jo në këto ngjarje tragjike.
Së dyti, faktet flasin se shumë njerëz janë vrarë, masakruar në këto ngjarje, me ose pa fajë. Ato vite janë vite turpi për shtetin, politikën dhe një pjesë të shqiptarëve. Shumë familje janë shkatërruar dhe shumë jetë të tjera rrezikohen ende sot nga fenomeni absurd i gjakmarrjes. Pse? Sepse shteti duhet të vendoste drejtësi dhe jo individi me Kanunin e shpërfytyruar tashmë. Ndaj, unë do të isha shumë i lumtur në rolin tim në ‘’Pajtimin e Gjaqeve’’ si dhe në vëllazërimin e shqiptarëve mes njëri-tjetri se sa në një film, që ndoshta pas publikimit mund të ketë kontestime, gjyqe, ngjarje dhe ndodhi brenda jo afër të vërtetës së atyre viteve.
Së treti, është thuajse e pamundur të realizosh në terren një film të tillë, kur aktorët e përfshirë në këtë ngjarje janë ende të fuqishëm dhe të mprehur për gjakderdhje të vazhdueshmë, njëjtë si në ato vite.
Si përfundim, pa pasur një Shqipëri demokratike me një sistem drejtësie të pavarur dhe funksional, një shtet të së drejtës ky film nuk mund të realizohet.
Nga ana tjetër, unë jam një mjek relativisht i ri, në hapat e para të karrierës time në një vend me një mjekësi elitare si Suedia, ku edhe kërkesat profesionale janë tepër të larta. Ndaj, përkundrejt kësaj është thuajse e pamundur për mua ta braktis në këtë moment profesionin dhe të fokusohem ndoshta 2 vjet në xhirimet e këtij projekti-film. Në të njëjtën kohë unë jam i angazhuar në një organizatë ndërkombëtare me projekt kuvendin mbarëkombëtar, që do të mbahet me delegatë të shumtë nga mërgata dhe nga të gjitha trevat shqiptare: Kongresi <I> Botëror Shqiptar më datat 21, 22 dhe 23 maj 2021, Prishtinë, Kosovë.
Me të gjithë dëshirën e madhe për famë e para, unë nuk mendoj se jam i duhuri për këtë rol dhe se kam të gjithë arsyet e mjaftueshme, që të refuzoj deri diku në keqardhje kërkesën e stafit drejtues të projektit-film. Në një kohë tjetër për mua dhe për Shqipërinë, do të mund të kisha pranuar këtë propozim. /CNA.al

LEXO TE PLOTE

Kultura

Nga Bardhyl Londo/ Pano Taçi bohemi tragjik

Publikuar

-

Nga

Një mëngjes, kur ende isha në shtrat, ra telefoni. Ishte mjeku onkolog, Orges Spahiu, djali i poetit Xhevahir Spahiu i cili ishte mjek në spitalin onkologjik dhe u përkujdes për poetin me një përkushtim te vecante.

Panua mbaroi, me tha. Por vec dhimbjes se humbjes të një poeti me të cilin takohesha çdo ditë në kafen që rri dhe sot, ishte problemi i madh se ai nuk kishte njeri dhe s kish kush ta varroste. I telefonova menjëherë ministrit të Kulturës Aldo Bumçi. Në fillim nga emocionet negative ai nuk po kuptonte çfarë i thosha. Me në fund arrita t’ia shpegoj. Po çfarë duhet të bëjmë ne, tha. E para e punës ta varrosim se ai nuk ka asnjëri. Natyrisht i organizuam homazhet në Teatrin Kombetar që u shkatërrua ditë më parë dhe funeralin.

I lindur në Gjirokastër Panua kishte qenë debatikas dhe partizan. Pastaj kishte filluar odisenë e burgjeve dhe internimeve me akuza nga me qesharakët. Madje akuza e parë ishte “dashuri borgjeze” sepse dashuronte vajzën e një oficeri madhor.
Pano ishte njohur me shumë personalitete të kohës si Lasgush Poradeci që kishte botuar dhe poezinë e parë, S. Malshova ( ne internim), Jorgo Bllaci etj. Pasi kaloi kalvarin e gjatë të burgjeve dhe internimeve, poeti pësoi atë që provonin të gjithë në këto raste: i goditën dhe humbi përfundimisht familjen.

LEXO EDHE:  “Vasil Tabaku mbylli sytë përgjithmonë”/ Berisha fjalë të ndjera: Qëndrestar i papërkulu në kohrat më të vështira të PD-së

LEXO EDHE:  U infektua nga koronavirusi/ Ndërron jetë tek Infektivi një grua

Kohët e fundit vinte vërdallë nëpër Tiranë me një motor shkataraq. Ishte fare pa dhembe sepse nuk kishte lek t’i rregullonte dhe shkonte hante në menxën e studentëve sepse atje ishte lire dhe gjente ndonjë supë ose fasule. Jetonte ne Breg të Lumit në një kasolle. Megjithatë vazhdoi të shkruante poezi humane po edhe poezi pornografike, rrjedhoje e deficiteve në jetë por edhe një shpres se mund të shiteshin më shumë.

Mbi varrin e tij foli poeti Agron Tufa, fjalë të cilin do të doja ta rilexoja përsëri të postuar. Ne kurrë se kemi harruar dhe gjithmonë do ta kujtojmë me respekt e dhembje, bohemin tragjik Pano Taci./CNA.al

LEXO TE PLOTE