Connect with Us

Masat për koronavirusin/ Basha mbledh ekspertët dhe ish-deputetët në PD

Politikë

Masat për koronavirusin/ Basha mbledh ekspertët dhe ish-deputetët në PD

Publikuar

-

Kreu i PD-së Lulzim Basha ka mbledhur sot një grup ekspertësh ku po diskuton lidhur me masat e marra në vendin tonë kundër koronavirusit.

Basha ka mbledhur në takim eskpertë të mjekësisë, si dhe ish-deputetë me profesion mjekë, të cilët mund të ndajnë opinione për menaxhimin e situatës në vendin tonë.

Mësohet se mes personave të pranishëm në takim janë: Halim Kosova, Tritan Shehu, Orjola Pampuri, Albana Vokshi./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Vdekja e naftëtarit të Ballshit/ Berisha: Po u grabisin kafshatën e fëmijëve

Publikuar

-

Nga

Ish kryeministri Sali Berisha ka reaguar lidhur me vdekjen e një prej naftëtarëve të rafinerisë së Ballshit, Artan Voshtina.

Berisha ka dënuar ashpër qendrimin e qeverisë të cilët, sipas tij, i kanë vjedhur shpresën dhe të ardhemn fëmijëve të punonjësve të rafinerisë.

Më tej, ish kryeministri ka shprehur solidaritetin me të gjithe grevistët e urisë dhe protestuesit e Ballshit dhe Fierit në betejen e tyre.

“Shteti që vret njerëz!
Të dashur miq, diten e djeshme u nda nga jeta naftetari i rafinerisë së Ballshit, Artan Voshtina.
Ai sapo ishte kthyer në familjen e tij nga protesta ku po protestonte për kafshatën e gojës së familjes së tij, i pa paguar dhe i keq trajtuar njësoj si kolegët e tij.
Duke shprehur dhimbjen dhe ngushellimet e mia më të ndjera familjarëve dhe kolegeve të Artanit, dënoj me ashpërsinë më të madhe qendrimin e pashpirt të qeverisë, të këtyre banditëve në krye të shtetit, të cilët së bashku me klanet e tyre grabisin jo vetëm kafshaten e hallexhinjve, por u vjedhin shpresën dhe të ardhmen fëmijëve të punonjësve të rafinerisë.
Shpreh solidaritetin me të gjithe grevistët e urisë dhe protestuesit e Ballshit dhe Fierit në betejen e tyre jo thjesht për pagat e papaguara, por të drejtat që ua njeh ligji dhe dinjitetin që kjo qeveri ua nëpërkëmb”, shkruan Berisha./CNA.al

LEXO TE PLOTE

Politikë

Shënim/ Pse të protestojmë në datën 2 mars

Publikuar

-

Nga

Presidenti i Republikës, Ilir Meta ka thirrur një protestë në datën 2 mars. Një protestë pro Kushtetutës, kundër grushtit të shtetit, që sipas tij bëhet nga qeveria, dhe pas shumë e shumë denoncimesh që ai ka bërë, fton qytetarët të dalin në protestë.

Diku Ilir Meta ka të drejtë, Rilindja luan. Por, diku ka edhe përgjegjësi, jo vetëm se është presidenti i Republikës, por sepse që kjo mazhorancë ka siguruar numrat kushtetues, është përgjegjës sa Ilir Meta, po ashtu edhe Lulzim Basha.

Por, përtej debatit të Kushtetutës dhe mbrojtjes së saj ka disa arsye se pse duhet të protestojmë në datën dy mars.

Së pari, duhet të protestojmë kundër Ilir Metës, i cili ka 30 vjet rrogëtar në shtet dhe është një miliarder. Së bashku me bashkëshorten e tij ka bërë një parti private, është kapur me bllok në dorë. Ka qënë kryeministër i akuzuar për korrupsion. Më pas u bë shkatërrimtari i socialistëve, shkoi aletati i Berishës. Fluturoi në krah të Ramës për të sjellë Rilindjen në pushtet dhe ka përgjegjësi për ardhjen e Edi Ramës, apo këtë grusht kushtetues, apo grush shteti, siç e quan ai.

Së pari, në 2 mars duhet protestuar për Ilir Metën. Atë të vërtetin dhe jo atë fasadën me petkun e e presidentit të Republikës.

Së dyti, duhet protestuar për mediat e Ilir Metës, për palaçot e paguar prej tij, me emra konkretë, të thënë shpesh në shumë media. Pronarë apo gazetarë.

Ata që po na e ngrenë presidentin si një mbrojtës të shtetit, kur në fakt Ilir Meta është “vrasësi” i tij.

Është njeriu përgjegjës për 21 janari, së bashku me Lulzim Bashën dhe Edi Ramën. Asnjëri prej tyre nuk mori asnjë kosto.Përkundrazi, Rama me Metën “u përqafuan” në vitin 2013, ndërsa Lulzim Basha menjëherë pas këtyre ngjarjeve, u bë kryetar i Bashkisë së Tiranës.

Duhet të protestojmë për të gjetur fajtorët dhe përgjegjësit e floririt në Kërrabë. Për të gjetur paratë që Mona të shkollojë fëmijët e saj, pasi ajo deklaroi se nuk kishte lek për shkollimin e fëmijëve, megjithëse të tre i ka në Londër, dhe shkollimi i tyre vlen ndoshta qindra e mijëra euro.

Patjetër që shqiptarët duhet të dalin në protestë në datën 2 mars. Duhet të dalin në 2 mars, ta rrethojnë Ilir Metën dhe ta hedhin brenda Kryeministrisë. Mundësisht të hedhin edhe Lulzim Bashën dhe të tre bashkë t’i shporrin një herë e mirë nga skena nga politike.

LEXO EDHE:  Lobimi i PD në SHBA/ Dosja e Bashës në dorë të Fatmira Hajdarit

LEXO EDHE:  “Trondit” ish kreu i PD Kukës/ “Ja si Basha e shiti bashkinë në tavolinë te Rama”

Të mos gjejnë vrimë ku të futen, Rama, Meta e Basha, bashkë. Kjo do të ishte një arsye më shumë për të protestuar në 2 mars. Edhe për ato pseudo-organizata civile që i vijnë vërdallë Ilir Metës, edhe për ata pseudo-gazetarë, politikanë e gjobaxhinj, të çfarëdolloji qofshin, që po i mbajnë ison sot Ilir Metës dhe po na e shesin këtë të fundit si “shpëtimtar” të demokracisë. Si “shpëtimtar” të kapitalizmit. Kur ka ardhur  me çorape të grisura nga Skrapari dhe sot është një miliarder, në mes të Tiranës dhe president i Republikës.

Ka shijuar dhe prekur çdo lloj pushteti, e në 2 mars thërret protestë për të mbrojtur Kushtetutën. Por, së bashku me Kushtetutën në datën 2 mars, shqiptarët duhet të mbrojnë dinjitetin e tyre. Duhet të shkojnë të protestojnë kundër sistemit korruptiv të 30 viteve, tranzicion që ka lodhur pafundësisht shqiptarët, duke i shpërndarë ata si zogjtë e korbit.

Shqiptarët në 2 mars kanë një arsye shumë thelbësore për të protestuar. Duhet të nxjerrin për leckash nga zyra Edi Ramën, zyrë të cilën ia dha Ilir Meta në vitin 2013, dhe ia rikonfirmoi dhe ia risiguroi Lulzim Basha në vitin 2017.

Ka një arsye madhore për të protestuar në 2 mars. Për një opozitë qesharake, të drejtuar nga një sharlatan publik si Lulzim Basha. Një pazarxhi i fëlliqur i korrupsionit qeveritar.

Në 2 mars mund të protestohet për koncesionet e qeverisë. Ato korruptivet të denoncuara shpesh në media, që kanë kapur pronarët dhe aksionerët e tyre, për të cilat analistët dhe publicistët tanë heshtin. Nuk thonë asnjë fjalë.

Prandaj, është koha që në 2 mars të kemi një protestë të vërtetë. Jo vetëm për arsyen që e ka thirrur Ilir Meta, por për ta hedhur në kosh, së bashku me Ilir Metën, Edi Ramën që ai e solli në pushtet dhe Lulzim Bashës, që është ortaku i tyre./ CNA.al

LEXO TE PLOTE

Politikë

Meta shkon vetë në SPAK/ Padi për ministren Gjonaj dhe tre titullarë të lartë

Publikuar

-

Nga

Presidenti Ilir Meta ka dorëzuar vetë personalisht në Prokurorinë e Posaçme Antikorrupsion, SPAK padinë ndaj ministres së Drejtësisë, Etilda Gjonaj.

Meta ka bërë me dije se në padinë e bërë nga presidenca ka prova ndaj ministres së Drejtësisë Etilda Gjonaj e cila sipas tij, ka shpërdoruar detyrën.

Ai theksoi se këto prova dhe fakte tronditëse ishte e domosdoshme që t’i sillte vetë presidenti.

“Këto prova e fakte tronditëse ishte e domsodoshme t’i sillte vetë presidenti. Tashmë padia dhe kallëzimet penale për disa vepra shumë të qarta është dorëzuar për tre titullarë të lartë të ministrisë së Drejtësisë me në krye ministren ende në detyre”, tha Meta.

Më tej ai shtoi se janë duke vlerësuar prova të tjera për persona të tjerë të përfshirë për të çuar deri ne fund shpartallimin e kësaj tentative të grushtit të shtetit.

LEXO EDHE:  Lobimi i PD në SHBA/ Dosja e Bashës në dorë të Fatmira Hajdarit

LEXO EDHE:  Lobimi i PD në SHBA/ Dosja e Bashës në dorë të Fatmira Hajdarit

Meta gjithashtu bëri thirrje sërish për të gjithë shqiptarët të cilët sipas tij duhet të mblidhen në Bulevard në 2 mars.

“Të gjithë shqiptarët në Bulevard për të bërë të qartë se të të gjithë janë më Kushtetutën jo me presdientin”, tha Meta./CNA.al

LEXO TE PLOTE