Connect with Us

Denoncoi konçensionarin në QSUT/ Mjeku tregon nëse është kërcënuar pas alarmit

Lajme

Denoncoi konçensionarin në QSUT/ Mjeku tregon nëse është kërcënuar pas alarmit

Publikuar

-

Shefi i Kardiokirurgjisë, Edvin Prifti, ngriti alarmin, dy ditë më parë, se në QSUT nuk bëhen diagnostikime në kohë reale për koronavirusin.

“Po interesohesha dhe mu tha nga një prej specialistëve tanë më të mirë të sëmundjeve infektive që real time PCR me kitet e koronavirus është kërkuar nga laboratori i mikrobiologjisë në QSUT dhe nuk është realizuar pasi PPP nuk e parashikon”, shkruante ai në rjetet sociale,

Prifti kërkoi më shumë informacion për ngritjen e karantinave dhe deklaroi se në Shqipëri janë vetëm 140 ventilatorë mekanikë, çka, sipas tij, nënkupton se mund të trajtojmë vetëm 140 të sëmurë njëkohësisht.

Për këtë u pyet sot në emisionin “Open”, nëse është kërcënuar nga koncesionari për këtë denoncim.

“Ishte një status privat, ku kam ngritur një shqetësim si një mjek, si një qytetar, si një prind, si një fëmijë pra si një familjar i dikujt. Shqetësimin e kam ngritur sepse e kemi rrezikun tek porta. Kur rajoni i Lombardisë që ka një sistem shëndetësor shumë të zhvilluar, rreziku ekziton edhe për ne. Nuk jam kërcënuar. Kjo është e mira sepse tregon që koncensionari mund të marrë masa. Politika tentoi ta përdorë statusin tim privat, por politika duhet të qëndrojë larg. Njerëzimi do ta fitojë këtë betejë të re. Duhet të theksojmë se koronavirusi shoqërohet nga mutacionet. Kërkimi shkencor duhet për të kuptuar si kanë qenë pasojat që kanë lënë pas ky virus”, tha mjeku./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Lajme

Rikthehet “taramelja” e Piter Panit/ Nuk do ta njihni më!

Publikuar

-

Nga

“Taramelja e Piter Panit”,  Xheison Bafti është rikthyer mbrëmjen e sotme në ekran teksa ka qenë i ftuar në natën e dytë të këtij edicioni.

Hapjen e bëri pikërisht ai, por tashme një vit më i rritur, më i pjekur dhe, “për fatin tonë të keq”, pa T-në e tij karakteristike.

Sapo nisi prezantimin e tij, Alketa tha se personazhi që i bëri të gjithë për vete sezonin e kaluar, tashmë nuk është më ai që kemi njohur: “Taramelja është rritur dhe tani i thotë të gjitha germat të sakta. Edhe fjalët më K nuk i thotë më me T”,  tha moderatorja dhe menjëherë u shfaq në skenë Xheisoni, raporton revista “Klas”.

LEXO EDHE:  Manastirliu në laboratorin e ISHP/ Forcojmë kapacitetet, realizohet analiza e plotë për koronavirusin e ri

LEXO EDHE:  Rreziku nga koronavirusi/ Meta bën thirrjen e fortë

Në një “test” të shkurtër me Alketën, Xheisoni i tha të sakta të gjitha fjalët, me të cilat ne kishim qeshur pa fund një vit më parë. Edhe taramelet, tani janë karamele. Sa keq…

Xheison ka nisur shkollën në Tiranë prej një viti tashmë, por tha se e merr malli për të gjithë shokët në Myshqeta, fshatin e tij të dashur, me fushat me gjelbërim e me ajër të pastër./CNA.al

 

 

 

LEXO TE PLOTE

Lajme

Ministria i pezulloi licencën/ “Udha e shkronjave” njofton nxënësit: Nesër do fillojmë mësimin

Publikuar

-

Nga

Pas përplasjeve publike me Ministrinë e Arsimit, e cila i pezulloi edhe licensën, shkolla jo publike “Udha e Shkronjave” deklaron se do të vijojnë sërish mësimin si normalisht.

Në një reagim të shkollës, njoftohen prindërit që nesër të dërgojnë fëmijët në shkollë, pasi janë të detyruar të anullojnë vendimin për mbylljen e shkollës gjatë dy javëve në vijim.

“Për shkak të dhunimit tepër të rëndë të Ministrisë së Arsimit që, në debat për masat e arsyeshme në dobi të shëndetit të nxënësve, të marrë nga ana jonë në konsultim me prindërit, me 100% të prindërve, në përputhje me çfarë udhëzon OBSH-ja, përdor si mjet kërcënimin mbylljen e shkollës, jemi të detyruar të anullojmë vendimin tonë dhe nesër të fillojmë përsëri mësimin në shkollë. Zoti na ruajtë ne si komunitet i shkollës “Udha e shkronjave” (nxënës, prindër, mësues, staf ndihmës)”, thuhet në reagim.

Sipas tyre, pasojat e veprimeve të Ministrisë së Arsimit janë tepër të rënda për sistemin arsimor dhe për sigurinë e shëndetit të nxënësve dhe për transparencën.

“Ato rëndë do të ndikojnë psikologjinë e çdo drejtuesi dhe mësuesi, dhe jo vetëm në sistemin arsimor, duke ia mpirë atij trurin dhe duke e bërë një robot (vartës automatik) të Ministrisë së Arsimit dhe të qeverisë. Midis SHËNDETIT dhe ANTIPANIKUT ministria zgjodhi fushatën antipanik, që është një fushatë kaq evazive dhe diabolike. Ne qartësisht zgjodhëm SHËNDETIN. Deviza “SIGURIA E PARA” nuk ka më kuptim. Tani do të kemi devizën “Ministria e para”, “qeveria e para”. Të kujdesesh për një shoqëri është një detyrë e vështirë dhe ka nevojë që secili të bëjë mirë punën e vet. Ne këtë ishim duke bërë. Asnjë ligj nuk shkelëm dhe Ministria rëndë abuzon me termin “mbyllje” se ne nuk e kemi mbyllur shkollën si institucion. Ne jemi të hapur dhe në aksion për ruajtjen e shëndetit dhe mësimit etj. Të kujdesesh për shëndetin do të thotë se je më shumë se hapur, se ke hapur sytë, veshët, zemrën, mendjen dhe i hapëm më shumë se të tjerët. Ata duan t’i kesh të mbyllur këto e të hapësh shkollën”, nënvizon “Udha e Shkronjave”, ndërsa falenderon të gjithë mbështetësit./ CNA.al

Frika nga koronavirusi/ Mbyllet për 2 javë shkolla e parë në Tiranë

Mbyllja e shkollës nga frika e koronavirusit/ Ministria e Arsimit i heq licencën: Udhëheqësit të ndiqen nga organet e drejtësisë

“Inspektorët dhunuan drejtorin e shkollës private në Tiranë”/ “Udha e shkronjave” sqaron heqjen e licencës nga Ministria

Ministria i hoqi licencën/ “Udha e shkronjave” nuk ndalet: Po bëjmë mësim online dhe po na shijon shumë

LEXO TE PLOTE

Lajme

“Pikat kufitare me personel të përforcuar”/ Manastirliu sërish thirrje: Shmangni informacionet e rreme për koronavirusin

Publikuar

-

Nga

Ministrja e Shëndetësisë, Ogerta Manastirliu bën me dije se ka parë nga afër masat e marra marra në aeroportin “Nënë Tereza” për parandalimin e Koronavirusit.

Manastirliu thotë se në të gjithë pikat kufitare po punohet me personel të përforcuar për të kontrolluar udhëtarët që vijnë nga vendet e prekura nga koronavirusi COVID-19.

Gjithashtu ministrja, u ka bërë thirrje qytetarëve që të shmangin informacionet e rreme që qarkullojnë duke marrë në konsideratë vetëm informacionet zyrtare qe shpërndahen nga Ministria e Shëndetësisë dhe Mbrojtjes Sociale apo ekspertëve.

“Sot mblodha Task-Forcën me ekspertë dhe drejtues të institucioneve shëndetësore, të policisë kufitare dhe përfaqesues të aeroportit ndërkombëtar “Nënë Tereza” për forcimin e masave për parandalimin e depërtimit dhe përhapjes së koronavirusit COVID-19, pas situatës shëndetësore me prezencë komunitare në Itali.
Pashë nga afër edhe masat e marra në aeroportin “Nënë Tereza”, sikundër po veprohet me të gjitha pikat kufitare, me personel të përforcuar për të kontrolluar udhëtarët që vijnë nga vendet e prekura nga koronavirusi COVID-19.
Ftoj qytetarët që të shmangin informacionet e rreme që qarkullojnë duke marrë në konsideratë vetëm informacionet zyrtare qe shpërndahen nga Ministria e Shëndetësisë dhe Mbrojtjes Sociale apo ekspertëve”, shkruan Manastirliu./CNA.al

LEXO TE PLOTE