Connect with Us

Çfarë do ndodhë në 2 mars?/ Meta: Nëse mendojnë se nuk jam në rregull, do vdesin…

Politikë

Çfarë do ndodhë në 2 mars?/ Meta: Nëse mendojnë se nuk jam në rregull, do vdesin…

Publikuar

-

Ilir Meta ka treguar mbrëmjen e sotme se çfarë do të ndodhë në protestën e 2 marsit, të thirrur nga ai. Meta tha se në 2 mars do t’i drejtohet popullit dhe ndërkombëtarëve duke u bërë të qartë se mbi kushtetutën qëndron vetëm sovrani i tij.

Kreu i Shtetit tha se fjalën do t’ja lërë popullit me flamurin kuq e zi për të vendosur sistemin demokrat, ndërsa theksoi se nuk do organizojë akte dhune.

“Qytetarët janë ftuar në bulevard në orën 17:00, parullat janë të qartë “Jo grushtit të shtetit” dhe “Jo shpopullimit”. Objektivat e mia janë të qarta, të ndërgjegjësoj qytetarët për grushtin e shtetit, t’u bëj të qartë se instalimi i grushtit të shtetit asgjëson liritë dhe demokracinë. Si mund të garantojë gjykata Kushtetuese e zgjedhur në mënyrë mafioze dhe përmes këtyre falsifikimeve, se do të ketë garanci për pronat e tyre? Nuk ka asnjë arsye që të ketë asnjë akte dhune. Nëse segmente të qeverisë dhe bandave të tyre do të provokojnë përgjegjësia do të jetë e tyre. Populli do të bëjë një manifestim historik në mbrojtje të Kushtetutës dhe kush janë puçistët që duan të përdhunojnë përfundimisht edhe reformën në drejtësi për të instaluar “Rama-formën”. Gjykata Kushtetuese është vija e kuqe dhe e kuqe flakë”, u shpreh ai në emisionin “5 pyetje nga Babaramo”.

LEXO EDHE:  Thirrja e mjekut/ “Ju lutem vejani veshin këshillave tona”

Teksa u pyet se çfarë do të ndodhë nëse populli e refuzon thirrjen e tij, presidenti deklaroi se qytetarët duhet të tregojnë vullnetin e tyre.

Presidenti do të tregojë vullnetin e tij. Presidenti po del në fushën e betejës për t’i bërë paralajmërimin e fundit grupit puçist. Populli shqiptar, në qoftë se është mirë dhe mendon se Presidenti nuk është rregull, le të vazhdojë të rrijë në shtëpi, të durojë çdo ditë thundrën e një pushteti shtypës. Edhe më të larta do t’i ketë taksat. Edhe më të shumta do të jenë padrejtësitë. Do të vdesin njerëzit, do të vrasin veten për 12 mijë lekë si ai tjetri apo të tjerët që nuk kanë paguar energjinë për aq apo për kaq muaj. Apo tërë njerëz që dënohen për gjëra fare të vogla, por që duhet të dënohen në bazë të ligjit apo ministren me etikë të Drejtësisë se si flet për sukseset e reformës, ndërkohë që është në krye të një bande që falsifikon dhe bën shumë vepra penale për të rrëmbyer me vetëdije të plotë, se ia kërkon partia, Gjykatën Kushtetuese të Shqipërisë. Ia rrëmben këtë kryetarit të shtetit, të cilit Kushtetuta ia ka dhënë në mënyrë të qartë atij dhe vetëm atij”, nënvizoi Meta./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Ju qofshi si jeni kaq naivë”/ Thirrja e fortë e deputetit: Tenderi 15 milion euro nuk ndryshon asgjë për shqiptarët

Publikuar

-

Nga

Deputeti i opozitës parlamentare, Arlind Çarçani i ka drejtuar një apel të fortë kolegëve të tij, në lidhje me Reformën Zgjedhore.

Në një deklaratë për mediat, deputeti Çarçani thekson se ajo që po kërkohet të votohet nuk është reformë, por marëveshje, e cila në thelb nuk ndryshon asgjë për shqiptarët.

Gjithashtu ai thekson se tenderi 15.5 milion euro për identifikimin elektronik, që do të jetë me kartën ID e jo me shenjë gishti. Dhe kjo, sipas tij nuk ndalon as votimin familjar, se një anëtar i familjes çekon kartat ID të gjithë familjarëve të tjerë.

“Ju qofshi si jeni kaq naivë!

Kërkoni të votojmë marrëveshje dhe jo reformë. Ju akoma nuk e kuptoni, që s’ka reformë, por një marrëveshje që një komisioner i Partisë Republikane, kalon komisioner për LSI e çfarë ndryshon këtu për shqiptarët?

Komisioni Qëndror i Zgjedhjeve bashkë me dy komisionet ad-hoc që ngrihen, nuk sjellin asnjë ndryshim e asnjë garanci.

E dmth çfarë ndryshon këtu për shqiptarët?!

Tenderi 15.5 milion euro për identifikimin elektronik, që do të jetë me kartën ID e jo me shenjë gishti. Kjo nuk ndalon as votimin familjar, se një anëtar i familjes çekon kartat ID të gjithë familjarëve të tjerë. Venë çunat e Damjanit me 100 karta ID, dhe votojnë pa i shqetësuar njeri, dhe e kanë më të lehtë se nuk firmosin, por thjesht çekojnë. E përsëris ku është garancia për Shqiptarët?!

Ku është reforma, kur votat tona do të vazhdojnë ti numërojnë e menaxhojnë militantët? Kur deputetin e zgjedh kryetari e kur emigrantët nuk votojnë dot? E siç themi ne kolonjarët: “ku ishe, hiç gjëkundi; çfarë bëre, hiç asgjë”.-shkruan deputeti.

Më tej, ai thekson se marëveshja dëmton partitë e vogla, të cilat do të “masakrohen” nga PS, PD dhe LSI.

“Pale kur dëgjoj këta kryetarët e Partive të vogla, bien dakort që votat t’ua masakrojë PS PD LSI, kjo është akoma më qesharake.

LEXO EDHE:  Thirrja e mjekut/ “Ju lutem vejani veshin këshillave tona”

LEXO EDHE:  Pse banorët e Tiranës nuk po protestojnë tek Teatri

Këta na e dashkan më shumë se ne integrimin e Shqipërinë, që zbythen me një shikim shtrembur!

Deputetë që dolën dje në mbështetje të marrëveshjes së 5 qershorit, ndërkohë që ne merrnim vendime politike, për të mbështetur pa kushte Reformën në Drejtësi,ngritjen e SPAK dhe BKH ata braktisnin sallën dhe thyenin vendimet.

Atëhere, përse nuk i dëgjonit ndërkombëtarët, e sot dilni e flisni e mashtroni, se po e bëni për ta?!

Po për shqiptarët cfar po bëni? Per çfarë u zotuat kur morët mandatet? apo tani ju shkel syrin Partia, për t’iu bërë ndoshta magazinier ndërmarrje, kur të vijë në pushtet.

Si dhe një përgjigje për zotërinë, që bën presion se i paska nja 11 deputetë me vete.

Zotëri i nderuar, unë dhe kolegët e mi kemi votuar Lulzim Bashën për Kryeministër në 2017, kurse ti ke votuar dhe ke zgjedhur Ramën.

Ndaj para se të dalësh të bësh të zgjuarin në TV, dil e kërkoju ndjesë shqiptarëve, që ke zgjedhur këtë Kryeministër, pastaj dil e blej deputetë për të kaluar në Kuvend marrëveshjen.”-thekson deputeti.

Më tej, ai shprehet se nuk do të tërhiqet nga kërkesa për hapjen e listave, depolitizimin e komisioneve dhe të mundësojnë votën e emigrantëve.

“Një Zot e di, se kujt i shërben ti e s’të ka ngelur parti pa aderuar.

Ndaj të nderuar, qytetarë Shqiptarë ne jemi të vendosur: të hapim listat, të depolitizojmë komisionet, të mundësojmë votën e emigrantëve, e po nuk patëm kohë i bëjmë zgjedhjet në vjeshtë se nuk na shtrëngon gjë për 3 muaj.

Për ju që do thoni, se po kërkon shtyrjen, për të zgjatur jetëgjatësinë në Kuvend, ju informoj se sipas Kushtetutës, kurdo të mbahen zgjedhjet mandati i deputetit mbaron në Shtator.

Ndaj të bëjmë reformë e hajdeni ta votojmë që edhe OSBE e ODHIR mos lodhen të bëjnë raporte me problematika në Zgjedhjet e 2021.

Pavarësisht merkatos, ne jemi të vendosur që të bëjmë reformë.”-përfundon deklarata.

LEXO TE PLOTE

Politikë

PS mbështet hapjen e listave/ Nuk preket pakti me PD dhe LSI

Publikuar

-

Nga

PS mbështet hapjen e listave/ Nuk preket pakti me PD dhe LSI

Kryeministri Edi Rama po zhvillon një bashkëbisedim me median lidhur me reformën zgjedhore.

Gjatë këtij takimi, kryetari i grupit të PS-së, Taulant Balla u shpreh se mazhoranca socialiste e mbështet hapjen e listave, por kjo është nismë e pavarur, që nuk prek draftin e marrëveshjes së 5 qershorit me PD-LSI.

“Na rezulton se shqiptarët duan që të shprehin një votë jo vetëm për kryetarin e partisë, por edhe një votë për njërin për kandidatët në listën e secilës prej partive që marrin pjesë në zgjedhje. Ne e mbështesim në parim nismën e deputetëve të opozitës parlamentare. Ky është një hap i rëndësishëm për një demokratizim më të plotë të jetës politike në vend. PS-ja ka qenë refleksion i asaj që do shumica dhe në këtë këndvështrim, mbështesim një hapje të listave, që mund të garantojë garancitë e përfaqësimit të drejtë gjinor, që të mos kemi vetëm burra në parlament. Procesi për hapjen e listave ecën në mënyrë të pavarur nga drafti i 5 qershorit. Në kodin zgjedhor është depozituar në 1 korrik, në 15 korrik komisioni i ligjeve do i diskutojë dhe nuk do të preket asnjë prej atyre. Janë dy procese që ecin në mënyrë të pavarur nga njëra tjera” tha ai.

LEXO EDHE:  Meta apel protestuesve: Distancohuni nga aktet e dhunës

LEXO EDHE:  Ilir Meta shfaqet "i nxirë"/Mesazhi i parë që jep pas humbjes në zgjedhje

Nga ana tjetër, kreu i qeverisë, Edi Rama është shprehur se “Është momenti për të deklaruar një qëndrim të formësuar pas një procesi të gjatë dhe të vonuar për hir të së vërtetës për reformën zgjedhore. Arsyet e vonesave ju i dini dhe kur në Kuvend ka hyrë në proces sipas të gjithave rregullave qoftë pasqyrimi pikë për pikë i marrëveshjes me opozitën jashtë parlamentare, qoftë edhe nisma e opozitës parlamentare”./ CNA.al

LEXO TE PLOTE

Politikë

Basha dhe Kryemadhi bisedë me zyrtaren e PE/ Për çfarë u diskutua

Publikuar

-

Nga

Kryetari i Partisë Demokratike, Lulzim Basha dhe kreyetarja e LSI-së, Monika Kryemadhi kanë zhvilluar sot një bisedë me Raporteren për Shqipërinë në Parlamentin Evropian, znj. Isabel Santos.

Në një postim në rrjetet sociale, Kryemadhi bën të ditur se gjatë kësaj bisede, opozita rikonfirmoi se mbetet e angazhuar plotësisht në përmbushjen e të gjitha kushteve që kanë të bëjnë me procesin e integrimit evropian të Shqipërisë.

“Nën sfidën e një takimi virtual bashkë me z.Basha zhvilluam sot një bashkëbisedim miqësor me Raporteren për Shqipërinë në Parlamentin Evropian, znj. Isabel Santos.

Rikonfirmuam dhe njëherë që Opozita e Bashkuar përtej prioritetit për të përballuar sfidën ndaj Covid-19 dhe pasojave ekonomike të saj, mbetet e angazhuar plotësisht në përmbushjen e të gjitha kushteve që kanë të bëjnë me procesin e integrimit evropian të Shqipërisë.”-shkruan Kryemadhi.

Gjithashtu ajo akuzon kryeministrin Rama se shembja e Teatrit Kombëtar mes pandemisë, ishte e qëllimshme dhe provokim.

LEXO EDHE:  Ilir Meta shfaqet “i nxirë”/Mesazhi i parë që jep pas humbjes në zgjedhje

LEXO EDHE:  Video-Opinion/ Kokëdhima: Janë munduar të më përdorin kundër Ilir Metës

“Edhe pse kryeministri i vendit provokoi opozitën dhe qytetarët shqiptarë me shembjen e Teatrit Kombëtar në mes të pandemisë, përmes vendimeve të falsifikuara, përdorimit të policisë private pa asnjë numër identifikimi dhe ushtrimit të dhunës së paprecedentë kundrejt qytetarëve dhe artistëve, Opozita e Bashkuar ishte e vendosur të finalizonte Reformën Zgjedhore, në bashkëpunim me faktorin ndërkombëtar, për t’i hapur rrugë zgjedhjeve të lira në vend dhe për të plotësuar një nga kushtet thelbësore për çeljen e negociatave të Shqipërisë.

Në një Parlament me vetëm 122 deputetë, mazhorancës i nevojiten vetëm 73 vota për të miratuar ligjin e ri elektoral. Ndaj çdo alibi për të prishur dakordësinë e 5 qershorit është thjesht tentativë për të vrarë dialogun politik në vend dhe perspektivën evropiane të Shqipërisë.”-përfundon Kryemadhi.

LEXO TE PLOTE