Connect with Us

“Korça si Zvicra”/ Qytetarët i kthehen Ramës: Nga larg edhe i vdekuri duket sikur fle

Politikë

“Korça si Zvicra”/ Qytetarët i kthehen Ramës: Nga larg edhe i vdekuri duket sikur fle

Publikuar

-

Kryeministri Edi Rama e ka nisur mëngjesin e sotëm me publikimin e një video të filmuar nga lart ku shfaqet mali i Moravës i mbuluar nga dëbora.

”S’është në Zvicër, po në Korçë”, shkruan Rama, bashkëngjitur videos.
Por, ajo që bie në sy janë komentet e qytetarëve të cilët i ankohen Ramës për pagat e ulta.
Qytetarët shprehen të zhgënyer nga qeverisja e Ramës teksa i kujtojnë atij rrogat e ulta dhe numrin masiv të personave që zgjedhin të largohen nga vendi.

“Po tamam si Zvicra është ! Vetëm me një ndryshim të vogel, atje rroga 5000 franga, këtu 200€!!!”, shkruan një komentues.

LEXO EDHE:  Rama zbulon kur do ta pranojë që Vangjush Dako ka blerë vota

“Ca na duhet natyra ne zoti Rama kur po ikin të gjithë. Bëjeni pak jetën më të lehtë z.Rama se s’do marrim gjë me vete. Varësit e tu po hajn shumë dhe po mbushin xhepat ndërsa populli shkret po vuan për copën e bukës”, shkruan një tjetër.

“Nga larg ” edhe i vdekuri duket sikur fle” po shikoje pak në brendësi Korçën së bashku me rrethinat e saj . Shiko ku po rriten fëmijët tanë në çfarë ambiente shkolle, çfareë papunësie. Dhe më pas krahaso Zvicrën me Korçën” komenton një tjetër qytetare./CNA.al

 

Për të rejat më të fundit behuni pjesë e grupit tonë në facebook : City News Albania
1 Koment

1 Koment

  1. t

    23 Shkurt, 2020 at 1:16 pm

    Shkruni sa te doni ne fsjsbuk,ato i hyne dhe i dalin nga koka per 1 sek,beni nje proteste te forte deri ne fund dhe do shohim si do kerceje gomari nga belaja

Komentoni

Your email address will not be published. Required fields are marked *

Politikë

Naftëtarët në ditën e shtatë të grevës së urisë/ Pse heshtin sindikatat!

Publikuar

-

Nga

Naftëtarët e Ballshit janë futur në diten e shtatë të grevës së urisë, pas disa muajsh protesta dhe mos arritjes së një marrëveshje me kompaninë për marrjen e pagave të prapambetura.

Ajo që bie në sy është se nuk ka asnjë reagim nga sindikatat dhe shoqatat që bëjnë rolin e përfaqësuesit të shoqërisë civile.

Flasin në emër të moralit dhe klasës punëtore, por ndoshta ky është dhe rasti për të kuptuar se kush është në të vërtetë organizata politike e Arlind Qorrit, se ata janë në variantin “protestojmë kur na paguajnë”. Janë tamam një PPP, pra, para për të protestuar.

Nuk ka si të ndodhë ndryshe! Protestatselektive dhe mbështetja selektive, tregojnë sjelljen e vërtete të këtyre neomarksistëve që nga njëra anë bëjnë moral dhe nga ana tjetër heshtin kur duhet të ulërasin dhe ulërasin kot kur i paguajnë për qëllime klienteliste dhe korruptive.

LEXO EDHE:  “Rama anulloi takimin me Presidentin Pendarovski”/ Zbulohet arsyeja e refuzimit

LEXO EDHE:  Rama zbulon kur do ta pranojë që Vangjush Dako ka blerë vota

Kujtojmë që Rafineria e Ballshit e administruar nga kompania “Tosk Energji” është mbyllur që në muajin shtator, duke lënë më shumë se 800 punëtorë pa punë.

Ata kanë tre paga pa marrë për 3 muajt e fundit të vitit kur uzina nuk ka punuar por ka qenë në proces mirëmbajtje.

Naftëtarët kanë dalë disa herë në protesta ku kanë kërkuar që të marrin pagat e tyre, por nuk janë dëgjuar nga autoritetet.

 

 

LEXO TE PLOTE

Politikë

Video – Deklarata që na habiti/ Kryemadhi qahet se s’ka para të shkollojë fëmijët

Publikuar

-

Nga

Dje kryetarja e LSI-së Monika Kryemadhi na tha nga Shkodra se “nuk i dalin paratë për të ushqyer fëmijët dhe jo më për t’i shkolluar që të garantojnë jetën e tyre në të ardhmen”.

Ajo na ka çuditur me ato të sajat, se është Monika që na thotë se s’ka para, edhe pse ka tre fëmijë të shkolluar në Londër në universitetet më të shtrenjta të botës.

Nuk i ka çuar në universitete, por në gjimnaze private. I ka çuar në shkollat, që të bëjnë nja 8 vite shkollë, duhet të paktën nga 250  deri në 300 mijë euro secili. Mona dhe Iliri justifikohen si gjithmonë me një pronë nga babai po një pronë nuk vlen 10 mln euro, por sa vila në Gjirin e Lalzit.

Edhe sikur ta ketë pasur për familjet shqiptare, Mona do bënte mirë që garderobën e saj ta falte, se kushedi sa shkolla do ndërtoheshin apo sa fëmijë do studioheshin.

LEXO EDHE:  Rama zbulon kur do ta pranojë që Vangjush Dako ka blerë vota

LEXO EDHE:  S’u ngopët, iu zëntë buka e popullit!/Rama-qytetares: Të ka ikur ...!

Të dëgjosh Monën që flet për parim e varfëri, është njësoj si të flasë Rama për ndershmëri, apo Basha për burrëri.

Për më tepër dëgjoni videon e mëposhtme./ CNA.al

LEXO TE PLOTE

Politikë

“Bëjnë si tigra por janë vetëm minj”/ Meta i përgjigjet aktorit të njohur

Publikuar

-

Nga

Presidenti Ilir Meta i është përgjigjur aktorit të njohur Neritan Liçaj i cili ka komentuar në një status të Presidentit teksa thotë se do të jetë në protestën e thirrur më 2 mars.

Meta falënderon aktorin dhe thotë se i prej të gjithë artistët heronj dhe patriotë më 2 mars në mbrojtje të Kushtetutës.

Kreu i Shtetit shkruan më tej se nëse organizata mafioze rrëmben Gjykatën Kushtetutese ata do zhdukin jo veç tetarin por çdo trashëgimi kulturore e kombëtare.

Ndaj ai i bën thirrje popullit të hapë sytë në këto momente vendimtare.

Komenti i Presidentit
Faleminderit i dashur Neritan!
Ju pres me shumë kënaqësi, jo vetëm ju personalisht, por të gjithë artistët heronj dhe patriotë, në 2 mars në mbrojtje të Kushtetutës dhe Gjykatës Kushtetuese. Nëse organizata mafioze rrëmben në mënyrë anti-kushtetuse Gjykatën Kushtetuese ata do zhdukin, jo vetëm teatrin, por çdo trashëgimi kulturore e kombëtare për llogari të disa oligarkëve dhe organizatës ndërkombëtare.
Ndaj është detyra ime si President i Republikës t’i bëj thirrje të gjithë popullit shqiptar të hapë sytë mirë në këto momente deçizive për fatet e kombit dhe demokracisë. Shqiptarët e bashkuar rreth Kushtetutës dhe Flamurit Kombëtar do të fitojnë!
Të rivendosim plotësisht rendin kushtetues dhe demokratik siç e ka shprehur vullnetin e tij populli shqiptar me Referendum në 22 nëntor 1998. Ndaj ta kthejmë 2 marsin në një referendum madhështor të triumfit të sovranit ndaj puçistëve dhe tradhtarëve kudo qofshin. Presidenti i njeh prej kohësh, por tani fytyrat e tyre hipokrite po i zbulojnë të gjithë shqiptarët. Bëjnë si tigra për të frikësuar njerëzit e thjeshtë, por janë vetëm minj përpara popullit shqiptar dhe drejtësisë që do të vijë. U zgjata pak, por ju dhe shumë artistë të tjerë keni vite në protestë për teatrin dhe meritoni mirënjohjen e çdo shqiptari.
Ndaj ata do të vinë, jo vetëm për të mbrojtur të drejtat e tyre kushtetuese që dhunohen çdo ditë, por dhe në mirënjohje të protestës tuaj legjendare përballë bandës që nuk njeh Kushtetutë, ligj, konventë ndërkombëtare dhe atdhe.

LEXO EDHE:  Revoltohen emigrantët/ Protestë kundër Ramës në Athinë

LEXO EDHE:  Rama zbulon kur do ta pranojë që Vangjush Dako ka blerë vota

 

LEXO TE PLOTE