Një ditë pasi presidenti Ilir Meta kërkoi dorëheqjen e ministres së Drejtësisë, Etilda Gjonaj, për të cilën tha se do ti drejtohej edhe SPAK me një kallëzim penal, ka ardhur reagimi edhe nga ana e kryetares së LSI-së, Monika Kryemadhi.

Gjatë fjalës së saj në një takim me strukturat e LSI-së në Shkodër, Kryemadhi ka sulmuar ashpër Gjonajn, duke e etiketuar edhe me fjalët “halabake rrugësh”.

LEXO EDHE:  BE, tarifa hakmarrëse mbi importet e SHBA-së

“Një halabake rrugësh që ka falsifikuar protokollin shtetëror dhe se kur arrin të falsifikosh të drejtën kushtetuese të presidentit, çfarë mund të presësh nga ajo që të bëjë me jetët tona dhe fatin e shqiptarëve”-tha ndër të tjera Kryemadhi.

“Ministrja të japë dorëheqjen”/ Meta kallëzim penal për Etilda Gjonaj

Ish deputeti i PD-së, Tritan Shehu ka reaguar lidhur me mbledhjen e task forcës për masat shtesë për parandalimin e coronavirusit në Shqipëri.

Në një postim në rrjetet sociale, Shehu thekson se task-forca nuk duhet të ngatërrojë veten me ish Byronë Politike, ndërsa kërkon transparancë e gjithpërfshirje.

Ish-deputeti demokrat kërkon që Ministria e Shëndetësisë të bëjë transparencë se ku do të vendoset karantina, duke e cilësuar këtë si element të domosdoshëm për një vend demokratik.

“Task- Force per Koronavirusin nuk duhet ta ngaterroje vehten me ish Byrone Politike.

Ajo strukture nuk ka asnje te drejte ligjore a profesionale te deklaroje ashtu si po lexoj tashti, qe “e kane percaktuar vendin ku do te vendoset karantina nqs do te nevojitet”, por pa bere publike vendin, kushtet, kriteret etj, elemente te domosdoshem keto per trasnparencen ne cdo vend demokratik te botes.

Nqs Rilindja po i mban ata kolege si ne boten e Kim Jong-unit, fatkeqesi edhe per ata per sa kohe nuk do te dalin prej asaj ndrydhje.

Te tilla “bote” nuk mund te kthehen perseri tek ne, pavaresisht tentativave.

Megjithate edhe ne kushtet tona aktuale ajo Task ka nje obligim te qarte ligjor, per te gjithe pjestaret edhe individualisht, te beje transparente vendimet e konkluzionet e saj.

Akoma me keq eshte nqs jane te detyruar te fshehin mos ekzistencen e strukturave, fondeve, strategjive, perfshi dhe Karantinen mbas nje “sekreti” anti kushtetues.

Ne fund te fundit ato struktura imagjinare mund te duhet te vihen ne prove edhe sot a neser, gje qe pavaresisht se asnje nuk e desheron, perseri mund te ndodhe.

E verteta duhet thene qarte sido qe te jete, masat duhen marre transparente e me gjitheperfshirje, Italia e Greqia jane shume afer e te gateshme per te na asistuar ne shkalle te gjere.

Ne Itali numri i te prekurve ne pak ore po arrin 40.”-shkruan Tritan Shehu.

Skandalet dhe abuzimet në shkolla, të publikuara nga mediat, duket se më në fund kanë “zgjuar” edhe ministren e Arsimit, Besa Shahini.

Kjo e fundit, në një postim në rrjetet sociale, sulmon mediat, që nxjerrin emrat e personave të abuzuar, duke e cilësuar shfrytëzimin e viktimave të abuzimit si poshtërsi.

Po ashtu, ajo thekson se të gjithë kemi detyrimin të ngremë zërin përballë padrejtësisë apo abuzimit dhe të sigurohemi që shkaktarët e dëmit të marrin dënimin e duhur.

“Shfrytëzimi i viktimave të abuzimit apo neglizhencës, për arsye të tërheqjes së vëmendjes apo vetë-promovimit, është poshtërsi. Po të kishin interesin e të abuzuarve në mendje, nuk do t’i nxirrnin në media me identitet të plotë duke spekuluar me ditë të tëra për detaje të abuzimit.

Kam mbi dy vite në Shqipëri që shoh jetët e grave dhe vajzave të shkatërrohen nën peshën e kazanit mediatik, dhe jo vetëm! Të gjithë ne kemi detyrimin të ngrejmë zërin përballë padrejtësisë apo abuzimit dhe të sigurohemi që shkaktarët e dëmit të marrin dënimin e duhur. Por në këtë proces nuk guxojmë të thellojmë dëmin ndaj të dëmtuarit.

Asnjë rast i dhunës dhe abuzimit nuk tolerohet! Sidomos në shkollë! Masat e rrepta që kemi ndërmarrë për parandalim dhe dënim e reflektojnë këtë! Dua të nënvizoj edhe një herë: shfrytëzimi i viktimave të abuzimit për përfitim të vëmendjes është abuzim në vete. Ndaj edhe këtë formë të abuzimit do të bëj çmos ta luftoj!”, shkruan Shahini./ CNA.al