Connect with Us

Nga Armir Shkurti/ Rama që ndërroi popullin kur s’i pëlqeu

Politikë

Nga Armir Shkurti/ Rama që ndërroi popullin kur s’i pëlqeu

Publikuar

-

A e merr vesh tani ç’është “Shoqëria e Hapur” e Sorosit? Tani që rrjedhin qindramijë shqiptarë në kurbet për tu zëvendësuar me të tjerë hallexhin të ardhur nga vende më katran se ne?

Pa një korrupsion moral të secilit prej nesh shpopullimi i Shqipërisë do të qe i pamundur. Të paktën me këto ritme. Ne flasim për korrupsion VETËM për zyrtarët: “Ata që vjedhin lekët tona” dhe “ata që na marrin rryshfet edhe për një çertifikatë”.

Për veten që “lubrifikon sistemin me zarf” nuk para themi gjë. Që jemi “Njeriu i ri”, produkti i diktaturës, as këtë nuk na e ka qejfi ta zëmë me gojë. Madje as që “na ngjit pak dora” tek vendi i punës e marrim ndonjë gjë për shtëpi…deri pastaj të zaptojmë një tokë e të bëjmë një shtëpi pa leje…(e të mos zgjatem me një manual të tërë mbijetese 1945 – 2020). Ky njeriu i ri na u bë shumë shpejt ” qytetar i botës” duke flakur konceptet “e vjetëruara nga komunizmi” të Atdheut, Popullit, Kombit. “Atdhe është aty ku jetoj më mirë”, për shembul, është një nga motot e preferuara. Natyrisht asgjë s’ndodhi rastësisht! Idetë liberale të ” Shoqërisë së Hapur u mbollën e lulëzuan me sistematikë të përkryer dhe i dhanë shpejt frutat…

Tani kthehemi tek shpopullimi.

Edhe për arsyet që thashë më lart, shumëkush këtu, kur dëgjon se po ikin qindra mijë bashkatdhetarë, pragmatizmi tipik yni e bën të mendojë : ” sa mirë! Kjo qenka mundësi e mirë edhe për mua për të ikur”! Mjafton të shohim shifrat e përvitshme të aplikimeve për lotarinë amerikane për të kuptuar se Shqipëria është një terminal ku populli fle me durim në stola e mbi valixhe në pritje të transoqeanikut. Që do të thotë se me mendësinë e emigrantit askujt nuk i bëhet shumë vonë për atë që le pas. Me zemër të thyer, por s’u themi dot mos ikni edhe pse kjo albanoragji ka përmbysur çdo peshore në këtë vend: që nga rënia tragjike e lindjeve tek mungesat fatale të mjekëve, mësuesve dhe përgjithësisht zanatalinjve të zotë.
Por kriminale është zëvendësimi i të larguarve.

Shqetësimi i parë e më i madh është RREZIKU I EKZISTENCËS SONË SI KOMB. Shqipëria, që me rritmet e viteve ’80 sot duhej të numëronte rreth 6 milion banorë, sot ka më pak se gjysmën! Për të mos thënë 1/3!!

“Analistë”, “mendimtarë” e “statisticienë” ta shesin sapunin për djathë duke të treguar që “në fakt nga gjithë Ballkani ka emigracion”. Ndoshta! Por ndaj asnjë vendi tjetër nuk peshon rreziku shekullor i asimilimit dhe plane akademike si ai i Vaso Çubrilloviqit për dëbim të shqiptarëve nga trojet e tyre.

Së dyti: Ndryshe nga ç’na e paraqet Rama shqiptarin, si një pordhac që i bën buzë punës e do zyrë, e vërteta është se ne dhe prindërit tanë, me ” E duam Shqipërinë si gjithë Europa” luftuam për standardet europiane.

Mirëpo në Europë hynë vetëm çmimet! Rrogat mbetën në Lindje. Për me kap edhe rrogat vrapojnë kalamajtë tanë në Gjermani! Se oligarkia nuk para e ka me qejf të ngrerë pagat. Kështu që i bie më lirë të zëvendësojë “pordhacët” shqiptarë me kokëulurit aziatikë dhe afrikanë, DUKE ULUR KËSHTU EDHE STANDARDET E JETESËS DHE ASPIRATËS EUROPIANE të Shqipërisë.

E treta: Në thelb ata që ikin janë EMIGRANTË SHPRESE. Nuk ikin për bukë, as për luks por thjesht se kanë humbur çdo shpresë që ky vend do të bëhet në të gjallë të tyre. Ndaj ia mbathin me qëllim që të paktën nesër fëmija të mos i pështyjë që i la këtu.
…ndërsa me këta fatzinjtë me të cilët po këmbehemi Edi Rama, për herë të parë në histori realizoi të pamundurën: KUR S’I PËLQEU POPULLI, E NDËRROI POPULLIN!/ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Kërkoi më shumë pushime për administratën/ Arben Malaj i del në mbrojtje Beqjës

Publikuar

-

Kërkoi më shumë pushime për administratën/ Arben Malaj i del në mbrojtje Beqjës

Ish ministri i Shëndetësisë, Ilir Beqaj gjatë fjalës së tij sot në Kuvend  propozoi që gjatë verës, qeveria të vendosë që 2 ose 3 fundjava të lerë pushim administratën të premten dhe të hënën, përveç të shtunë të diel.

Kjo sipas tij do të ndihmonte në rimëkëmbejen e ekonomisë. Këtë  ide të tij, duket se e mbështet dhe ish ministri Arban Malaj.

Në një reagim të tij në rrjetet sociale, Malaj e quan këtë një propozim racional duke thënë se shtimi i ditëve pushim duhet të ndodhë jo vetëm për administratën por për të gjithë sektorët privatë dhe publik.

Kjo do të lehtësonte krizën ekonomike të krijuar si pasojë e pandemisë, duke nxitur turizmin vendas dhe do të rriste njëkohësisht dhe kohezionin social në familje, shkruan Malaj.

“Nje ide racionale qe duhet mbeshtetur. Paqartesite dhe pasigurite por rriten me progresion gjeometrik. Risku i rimbylljes dhe mos hapja e kufijve nga vendet e BE po bllokon turistet e huaj, do ta bejne krizen me te thelle, me te rende dhe me te gjate. Nje nga politikat kunderciklike eshte lehtesimi dhe nxitja e turizmit vendas.

Zgjatja e diteve nga turizmi vendas dhe rritja e numrit te turisteve vendas kerkon politika lehtesuese si propozimi i kolegut Beqja. Ndoshta mund te ishte me racionale te lejohej fillimi i punes diten e hene deri ne oren 11.00 dhe mbylljen e punes ditet e premte ne oren 14.00 Kjo edhe per faktin qe pjese e rritjes se turizmit duhet te jene te gjithe shqiptaret dhe jo vetem punonjesit e administrates publike. Per te ruajtur ekonomine nga krizat vende te ndryshme japin para ne dore tek cdo individi ne vendin e tyre qe te mund ti perdorin sa me pare per konsum sepse keshtu ndihmohet ringritja e ekonomise.

LEXO EDHE:  Ligji për censurën ndaj mediave/ Vokshi: Rama po shfrytëzon mungesën e Kushtetueses

Ne nuk e kemi te plote kete mundesi pasi kemi borxh te larte dhe stabilitet te kercenuar te financave publike. Idene e pare e shkurtimit te oreve ose diteve te punes e ka dhene Kemal Dervish ish shefi i UNDP dhe tashme studjues ne nje prej qendrave kerkimore shkencore me te mira ne bote. Ne pergjigje te rritjes se papunesise deri ne 25% dhe 50% per te rrinjte per shkak te krizes globale 2008. Kemal Dervish propozoj qe per te ulur papunesine mund te rriten ditet e pushimit, duke ju rritur mundesine punonjesve te qendrojne dhe investojne per mire rritjen e femijeve te tyre. Rekomandimi parashikonte qe edhe pse do te shkurtoheshin oret dhe/ose ditet e punes konsumi do te rritej sepse studmet tregojne se ne dite pushimi konsumatoret shpenzojne me shume se gjate diteve te punes. Perfitimi afatgjate do te ishte mire-dukimi i femijeve dhe rritja e kohezionit socal. Pandemite do behen me te shpeshta, vet-izolimet do te imponohen here pas here, por pandemia po na “ndihmon” te jemi novatore si te harmonzojme mbrojtjen nga pendemia dhe si te ngadalesojme renien e ekonomise dhe lehtesojme ringritjen e saj, Nje lutje publike per te gjithe, te respektojme strikt vendosjen e maskes ne ambientet e mbyllura dhe kur nuk respektohet distancimi social. Kjo na ndihmojne te largojme pandemine nga ne, familjet tona , nga fqinjet apo koleget tane. Kjo na ndihmon te shpetojme jete njerezish. te shpetojme dhjetra mije te papune dhe te pa afte. Keshtu shpetojme familjet nga borxhet e rritura per shkak te renies se te ardhura nga puna apo nga bizneset e tyre indiduale, familjare apo biznese te vogla, te mesme dhe te medha.”/CNAal

LEXO TE PLOTE

Politikë

Myslim Murrizi nuk përmbahet me “spurdhjakët” / I uroj suksese rikthimit të PD dhe LSI në parlament

Publikuar

-

Nga

Myslim Murrizi nuk përmbahet me “spurdhjakët” / I uroj suksese rikthimit të PD dhe LSI në parlament

Deputeti Myslim Murrizi shprehet se deklaratat e sotme të 6 deputetëve legjitimon kthimin zyrtar të PD dhe LSI në Kuvend. “Hajdutët e politikës shqiptare dhe spurdhjakët politikë që harxhojnë paratë e vjedhura për të gjetur suflerë nga jashtë për të ruajtur karriget e pushtetit nuk mund të mbajnë peng 5 milionë shqiptarë. Koha kur një gjerman i jepte urdhër Europës ka perënduar më datë 9 maj 1945.

Shqipëria dhe shqiptarët nuk hyjnë në BE nga firma e asnjë hajduti që kanë mbajtur Shqiperinë jashtë Europës prej 30 vitesh. Delirantë që mbajnë në xhep vula partish dhe ju duket vetja si parti politike nuk mund të hiqen si shpëtimtarë të vendit dhe si faktorë që fusin Shqipërinë në BE. Sado të përpiqen trastaxhinjtë për të arritur numrin 84 me vemje pa pigment, pa këllqe dhe pa moral në kundërshtim me atë që vetë kanë deklaruar prej 13 muajsh.

LEXO EDHE:  Ligji për censurën ndaj mediave/ Vokshi: Rama po shfrytëzon mungesën e Kushtetueses

Kurrë nuk do ia arrijnë dot. Shqiptarët duan lista të hapura dhe nuk mund t’i ndalojnë dot një grusht individësh që janë sot në parlament, por prej 25 vitesh kanë kandiduar për drejtorë. Deklaratat e sotme të 6 deputetëve legjitimon kthimin zyrtar të PD dhe LSI në Kuvend. Tashme “ kauza” e 20 shkurtit 2019 kur PD dhe LSI dogji mandatet, paska qenë hakmarrje ndaj deputetëve që ishin në Kuvend deri në atë kohë. I uroj suksese rikthimit të PD dhe LSI në parlament, por duhet të rihapin tenderin për të gjetur edhe 1 deputet tjetër që të arrijnë formimin e një grupi parlamentar miks me emrin PISDAL”, shkruan Murrizi. /CNA.al

LEXO TE PLOTE

Politikë

Spartak Ngjela zbulon emrin e politikanit që do e rrëzonte sërish Lulzim Bashën

Publikuar

-

Spartak Ngjela zbulon emrin e politikanit që do e rrëzonte sërish Lulzim Bashën

Avokati i njohur Spartak Ngjela ka bërë një analizë të gjatë për sa i përket ndryshimit të sistemit dhe listave të hapura.

Ngjela shkruan se me lista të hapura, Sokol Olldashi do e rrëzonte sërish Lulzim Bashën në Partinë Demokratike,  teksa thekson se as Basha as Rama nuk e duan këtë.

Janë tre kërcënime që po i vijnë ndërkohë korrupsionit të lartë shtetëror: nga reforma në drejtësi, nga reforma antikorrupsion dhe nga reforma e sistemit zgjedhor me lista të hapura.

Me lista të hapura, Sokol Olldashi e rrëzon sërish Lulzim Bashën në Partintë Demokratike.

l.

Duhet të theksojmë se likuidimi i klasës së lartë politike si goditje kryesore do të vijë nga funksionimi i SPAK- ut, domethënë nga fillimi i hetimit gjyqësor kundër pushtetarëve të lartë: përkatësisht nga Byroja Kombëtare e Hetimit, nga Prokuroria e Posaçme dhe nga Gjykata e Posaçme.

Këtyre tani po iu shtohet edhe reforma e sistemit zgjedhor me lista të hapura, dhe prandaj çështja e likuidimit të tyre bëhet edhe më e plotë.

Prandaj, nëse opozita parlamentare qëndron për listat e hapura, atëherë SPAK- ut, që tani është kërcënimi i tyre antikorrupsion, i shtohet edhe sistemi zgjedhor me lista të hapura.

Kjo na jep të kuptuar se, ata të korruptuar të lartë që mund të shpëtojnë nga SPAK – u, do të rrëzohen me anë të listave të hapura. Por, a e dinë ekspertët ndërkombëtarë këtë fakt? Sigurisht që ata janë të qartë dhe mendohet se, pikërisht për këtë, do ta përkrahin iniciativën e opozitës parlamentare, të cilën ata vetë e kanë inkurajuar për të mos e prishur Parlamentin me shpërndarje të tij.

ll.

As Rama dhe as Basha nuk dalin dot deputetë nëse vendoset sistemi me lista të hapura. Dhe si rrjedhojë, do të rrëzoheshin edhe si kryetarë të Partisë Socialiste dhe Partisë Demokratike.

Pikërisht me këtë arsye, me vendosjen e sistemit të listave të hapura, rrëzohet përfundimisht tirania partiake e dy kryetarëve të partive të mëdha, të cilët janë në krye të tyre jo me zgjedhje, por me uzurpim korruptiv.

lll.

Të dyja partitë e mëdha të Shqipërisë, PD dhe PS, nuk i kanë kryetarët e tyre rezultat i zgjedhjeve respektive në partitë e tyre, por si rezultat direkt i korrupsionit. Është forca e korrupsionit si blerje individësh ajo që i ka bërë kryetarë partish, që të dy: edhe Bashën, edhe Ramën.

Realisht, pikërisht ky është shkaku që nuk dalin dot deputetë me lista të hapura, sepse, në funksion të këtyre listave, bazat e partive do të zgjedhin individin me karrierë politike dhe jo flukset pa përkrahje që kanë implementuar në strukturat e partive të tyre Rama dhe Basha.

LEXO EDHE:  Lufta ndaj të varfërve/ “Gjetja” e radhës e Ramës

Për ta kuptuar edhe më qartë këtë, na duhet të theksojmë se, të dy këta kryetarë kanë ngjashmëri të plotë me njëri-tjetrin në ngritjen e tyre nëpër postet e tyre si pronarë të partive që përfaqësojnë.

Po, cili është ngjasimi i lansimit politik në karrierën politike të Ramës dhe Bashës?

1.Të dy këta po njëlloj, njëri pas tjetrit, eliminuan kongreset për zgjedhjen e kryetarit të partisë, duke futur skemën “një anëtar një votë”.

Kjo ndodhi, sepse kuptohet që këta nuk e manipulonin dot kongresin zgjedhor të partive të tyre për votën e kryetarit, ngaqë as Rama dhe as Basha nuk kishin lidhje organike me partitë që donin të rrëmbenin. Prandaj, kongreset partiakë, nuk do t’i zgjidhnin.

Kurse votimin “një anëtar një votë”, e manipulonin me bandat e tyre. Ashtu siç e manipuluan.

Të dy e kanë marrë partinë duke qenë më parë, njëri pas tjetrit, kryetarë të Bashkisë së Tiranës.

Të dy nuk kanë profesion që të njohin ose ligjin ose tregun, dhe janë manipulues të ngjashëm në blerjen e partive me leje ndërtimi. Në fakt Basha kishte edhe ndihmën e bandave të Saliut që i dhanë sigurimin e manipulimit të procesit partiak zgjedhor kundër Sokol Olldashit.
Por tani, me lista të hapura, si mendoni ju, Bashës nuk do t’i ringjallet Sokol Olldashi? E pra…

lV.

Por tani, që të dy këta kryetarë: edhe Rama, edhe Basha, janë drejt likuidimit: sepse, edhe nëse i shpëtojnë SPAK-ut, sistemi zgjedhor me lista të hapura i rrëzon që të dy si kryetarë të PD -së dhe PS -së.

Por kjo, në fakt, do të varet nga qëndresa e opozitës parlamentare. Nëse kjo opozitë qëndron, maxhoranca nuk i ka votat në Parlament. Kurse opozita parlamentare e ka interes kryesor për mbijetesën e saj këtë sistem. Pikërisht kjo është arsyeja që ajo nuk do të tërhiqet.

Ndërkohë, për arsyen Olldashi që përmendëm më lart, është kuptuar se më i shqetësuari për listat e hapura është Lulzim Basha. Ai po i luan të gjithë gurët që sistemi elektoral me lista të hapura të mos aplikohet; por shenjat janë që ai do të aplikohet, sepse mosvotimi parlamentar nga opozita krijon krizë të cilën nuk mund ta lejojnë ndërkombëtarët.

E pra: shqiptarët tani janë me shpresë, sepse me SPAK-un dhe listat e hapura do të çlirohen nga tirania korruptive e liderëve retrogradë që kanë shkatërruar mirëqenien e shqiptarëve në mbi njëzet e pesë vjet rresht.

LEXO TE PLOTE