Politikë
Minj e mbeturina/ Manastirliu i përgjigjet Bashës me foto: Ishte koha e katrahurës
Ministrja e Shëndetësisë, Ogerta Manastirliu, i është përgjigjur kreut të Partisë Demokratike, Lulzim Basha, i cili prezantoi sot vizionin e tij për përmirësimin e sistemit të shëndetësisë në vend.
Sipas Manasitliut “fjalët nuk mjaftojnë për të përshkruar gjendjen e shëndetësisë, në kohën e katrahurës së atyre që sot paturpësisht shpallin vizione për shëndetësinë”.
Ministrja ka publikuar pamjet të papastërtive , minjve, mebturinave nëpër ambientet e spitaleve të cilat sipas saj ilustrojnë qartësisht vizionin e tyre.
“Nuk janë realizuar në vendgrumbullime mbeturinash, por janë shkrepur mu në zemër të qendrës spitalore më të madhe në vend vetëm 6 vjet më parë! Ishte koha kur profesorë, mjekë dhe infermierë të nderuar, qytetarë hallexhinj dhe të sëmurët duhej të punonin dhe merrnin shërbimin ekzaktësisht në këto mjedise. Koha kur Qendra Spitalore më e madhe në vend nuk dallonte pothuaj fare, nga një treg i gjësë së gjallë, ushqimeve të çastit dhe fanellatës, ka ikur një herë e mirë”, shkruan Manastirliu./CNA.al
Politikë
PE apel të fortë politikës/ Është koha të mendoni për interesat e shqiptarëve
Raportuesja për Shqipërinë në PE, Isabelle Santos i ka drejtuar mesazhe të forta politikës, të shohin së pari interesat e popullit shqiptar.
Në një deklaratë të përbashkët për mediat me ambasadorin e BE-së, Luigi Soreca, Santos theksoi se ajo do të ngrejë zërin për Shqipërinë dhe do të bëjë gjithçka për hapjen e negociatave. Por, ajo theksoi se ky është momenti që klasa politike të jetë e bashkuar.
“Unë do të ngre zërin për Shqipërinë. Do bëj gjithcka për këtë. Por, ky ëhtë momenti për tu bashkuar dhe jo për tu ndarë. Jemi në një moment të rëndësishëm. Ju bëj thirrje të gjithë aktorëve poltikë, se kjo është një përgjegjësi e madhe për këdo.
Askush nuk mund të thotë se është përgjegjësi vetëm e BE, por është edhe aktorëve politik në këtë vend, prandaj thirrja ime është vetëm për një bashkim për të përmbushur kriteret dhe reformat. Të gjitha forcat politike të vijonë reformat dhe të vijojnë përpara për atë çfarë është në interes të popullit shqiptar. Politikanët duhet të kuptojnë se çfarë është në interes të popullit”-tha Santos./ CNA.al
Politikë
Majlinda Bregu mesazh Bashës/ Unë luftoj vetë për karrigen time, nuk marr atë që është bosh
Sekretarja e Përgjithshme e Këshillit të Bashkëpunimit Rajonal, Majlinda Bregu ishte e pranishme sot në aktivitetin organizuar nga RCC dhe Forumi Botëror Ekonomik për Inovacionin në Tiranë.
I pranishëm në aktivitet ishte edhe kryeministri Edi Rama, i cili ka shkëmbyer batuta me ish-ministren e Integrimit, Majlinda Bregun.
“Thank you my dear enemy, (faleminderit e dashur armike).
Kemi bërë shumë beteja në të shkuarën si kundërshtarë, por ja ku jemi sot si një shembull që po shohim para për vendin”- iu drejtua Rama me fjalët në anglisht Maljlinda Bregut.
Por, pas largimit të Ramës, organizatorët në aktivitet kanë provokuar Bregun duke i thënë asaj të ulet në karrigen e lënë bosh nga kryeministri Rama.
Bregu është përgjigjur duke i drejtuar një mesazh mjaft të qartë kreut të PD-së, Lulzim Basha.
“Dakord, mundem ta bëj, por nuk më pëlqen e se kam zakon të marr karrigen e të tjerëve edhe kur ajo është bosh. Mua më pëlqen të luftoj vetë për karrigen”, ka thënë Bregu.
Politikë
Basha: Shëndetësia falas një gënjeshtër kriminale, vjedhin 35-40 milionë euro në vit
Kryetari i Partisë Demokratike, Lulzim Basha gjatë fjalës së tij në tryezën “Sfidat në shëndetësi”, ka hedhur akuza të forta në drejtim të qeverisë.
Basha deklaroi se shëndetësia falas është një gënjeshtër, ndërsa shtoi se nëpërmjet koncesioneve në shëndetësi vidhen 35-40 milionë euro në vit.
“Buxheti i shtetit për shëndetësinë është 115 usd për frymë, tre herë më pak se Bosnja. Nuk janë koncesione dhe PPP. Janë vjedhje me kosto 35-40 milionë euro në vit. Me këtë shumë sistemi shendetesor mund të sillet në parametra të pranueshëm. Problemet janë të qarta. Nisin dhe bazohen mbi gënjeshtrën e madhe të shëndetësisë falas.
Shëndetësi falas nuk nuk ka dhe nuk mund të ketë. E ka thyer ne mes shëndetësinë. Centralizimi i sotëm ka tejkaluar edhe parametrat e regjimit komunist. Arsyeja nuk qendron tek mungesa e vizionit, por tek vjedhja e kësaj qeverie, tek paaftësia dhe keqmenaxhimi i institucioneve shëndetësore, keqpërdorimi politik i tyre, gjë që është kriminale.”-tha Basha.
