Caktimi i Mark Markut drejtues qarku në Lezhë, ka shkaktuar jo pak pakënaqesi në PD për shkak se ka qenë pjesë e komisionit të verefikimit të kandidaturave.

Një ndër figurat që e ka komentuar me ironi këtë lëvizje të Bashës, ka qene dhe Erla Mëhilli, zëdhënësja e ish kryeministri Sali Berisha.

“Si të hedhësh në erë me duart e tua komisionin e famshëm të përzgjedhjes së kandidatëve për deputetë. Pra një drejtues politik qarku, na paska përzgjedhur kandidatët për deputetë në tërë Shqipërinë. Mirë shumë”, shkruante Mëhilli në reagimin e saj.

Lidhur më këtë qëndrim u pyet vëtë Berisha sonte në ABC news, ku u shpreh ajo se është gazetare, intelektuale dhe ka të drejtë të shpreh mendimin e saj.

 “Zëdhënesja ime, është një ish gazetare siç jeni ju, kur ajo flet në emrin tim, flet në emrin tim.

Zëdhënësja shpreh mendim tim, duke ju referuar Sali Berishës, në rastet e tjera është një qytetare, gazetare dhe intelektuale që shpreh opinionet e veta”, tha  Berisha./CNA.al

Ish kryeministri Sali Berisha ishte i ftuar pasditen e sotme në ABC News, ku mes të tjerave është pyetur dhe për vendimin e kryedemokratit Basha, i cili caktoi drejtues qarku në Lezhë, Mark  Markun.

Ky vendim ka shkaktuar jo pak pakënaqësi në PD, për shkak se ka qenë pjesë e komisionit të verefikimit të kandidaturave, dhe moralisht i bie që pastroi rrugën, për ti hapur vend vetes.

Por për ish kryeministrin Berisha, ky vendim ishte i drejtë dhe nuk ka një përcaktim statuor  që anëtarët e komisionit të përzgjedhjes nuk mund të kandidojnë për deputet.

“Mark Marku është një nga personalitetet më të shquara, intelektualët më të njohur të vendit me origjinë nga Mirdita dhe me një eksperiencë elektorale dhe me një qëndrim, me një përballje të fuqishme me regjimin e kakistokracisë dhe Edi Ramën.

Nuk ka një përcaktim statuor në dijeninë time që anëtarët e komisionit të përzgjedhjes nuk mund të kandidojnë për deputet.

Realisht nuk mund të më jepni një rast të vetëm që të dëshmojë se unë u hoqa nga lista për shkak se zoti Mark Marku donte të hapte vendin e vet.

Ne në reformën elektorale që bëmë në vitin 2009 i dhamë sistemit një karakter, edhe rajonal, dhe kjo ishte e domozdoshme sepse mbeteshin pa përfaësues zonat , rrethet e tjerë më radhë.

Në këtë kontekst, Mark Marku , kryeson grupin e qarkut të Lezhës, për të udhëhequr fushatën”, tha Berisha./CNA.al

Ish-kryeministri Sali Berisha, është pyetur sërish mbrëmjen e sotme se përse Partia Demokratike nuk po bashkohet me Jozefina Topallin dhe Astrit Patozin.

Berisha tha se PD është e hapur të bashkëpunojë me të gjitha forcat politike, por theksoi se Topalli dhe Patozi i kanë shpallur luftë frontale të gjithë spektrit politik shqiptar.

“PD-ja në dijeni time është e hapur ndaj të gjitha forcave politike të cilat kanë për objektiv madhor largimin e narkoshtetit nga pushteti, por siç i dëgjoni edhe ju, problemi i tyre është, ata i kanë shpallur luftë frontale të gjithë spektrit politik shqiptar. Në këto rrethana, me këtë qëndrim përjashtojnë aleancat”, u shpreh ai në Abc News.

Ish-kryeministri deklaroi se PD duhet të ftojë të gjitha forcat që janë të vendosura të largojnë nga pushteti Edi Ramën./ CNA.al