Connect with Us

Izraeli do të ndërtojë vendbanime të reja

Bota

Izraeli do të ndërtojë vendbanime të reja

Publikuar

-

Një javë e gjysmë para zgjedhjeve parlamentare Izraeli deklaron ndërtimin e vendbanimeve të reja në Jeruzalemin Lindor. Palestinezët e konsiderojnë këtë si një goditje kundër zgjidhjes me dy shtete.

“Kam sot risi të mëdha”, tha kryeministri, Benjamin Netanjahu në një video-mesazh. “Ne do të shtojmë në Har Homa edhe 2200 njësi të tjera banimi.” Gjithsej do të ndërtohet 5200 banesa për banorët hebrej, njoftoi Netanjahu. Kjo është arritur “pavarësisht rezistencës së madhe ndërkombëtare”.

“Goditje për zgjidhjen me dy shtete”

Vendbanimi i diskutueshëm në Har Homa në pjesën lindore të aneksuar të Jeruzalemit është ndërtuar nën qeverinë e mëparshme të Netanjahut në vitin 1997. Popullsia në Har Homa me ndërtimet e reja do të shtohet nga 40.000 aktualisht në 50.000, tha Netanjahu. Po ashtu do të ndërtohen disa mijëra njësi banimi në Givat Hamatos në afërsi të lagjes Beit Safafa të Jeruzalemit Lindor, ku jetojnë kryesisht palestinezë. 3000 shtëpi janë ndërtuar për banorët hebrej dhe 1000 të tjera “për banorët arab të Beit Safafa”, vuri në dukje Netanjahu.

Organizata joqeveritare Peace Now e kritikoi nismën e ngulimeve në Givat Hamatos si “goditje të rëndë për planin e zgjidhjes me dy shtete”, sepse kjo do ta shkatërronte territorin e ndërmjetëm palestinez mes Ramallahut dhe Jeruzalemit Lindor, deklaroi organizata. Nëse ndërtohen këto njësi banimi nuk do të jetë më e mundur që të lidhet Bethlehemi në jug të Jordanit Perëndimor me Jeruzalemin Lindor.

Një zëdhënës i presidentit palestinez, Mahmud Abbas tha, se Izraeli o shkatërron mundësinë e zgjidhjes me dy shtete, që parashikon një shtet izraelit dhe një palestinez. Zëdhënësi paralajmëroi, se përpjekjet e Netanjahut për të mbledhur vota në skajin e djathtë në kurriz të palestinezëve nuk sjellin as paqe dhe as stabilitet. Në vend të kësaj tensionet dhe dhuna do të rriten.

Russland Moskau Benjamin Netanjahu (Reuters/M. Shemetov)Kryeministri i Izraelit Benjamin Netanjahu

SHBA në anën e Izraelit

LEXO EDHE:  Sulmi turk në Siri, po ndihmon rikthimin e ISIS-it

Në Jordanin Perëndimor të pushtuar nga Izraeli dhe në Jeruzalemin Lindor jetojnë ndërkohë mbi 600.000 banorë izraelitë. Politika e ngulimeve të Izraelit është e diskutueshme. Këshilli i Sigurimit në fund të vitit 2016 i kërkoi Izraelit që ta ndërpresë plotësisht procesin e ndërtimeve në territoret e pushtuara palestineze duke përfshirë edhe Jeruzalemin Lindor. Vendbanimet në rezolutën e OKB-së 2334 janë cilësuar si shkelje e së drejtës ndërkombëtare dhe si pengesë e madhe për paqen në Lindjen e Mesme.

SHBA në të kundërt në nëntorin e kaluar e ndryshuan qëndrimin, duke mos i konsideruar më si shkelje të së drejtës ndërkombëtare ngulimet izraelite në Jeruzalemin Lindor. SHBA nën presidentin Donald Trump janë pozicionuar qartë në anën e Izraelit. Në planin për Lindjen e Mesme të Trumpit të prezantuar në janar në prani të kryeministrit izraelit Netanjahu, parashikohet njohja e vendbanimeve izraelite në Jordanin Perëndimor.

Zgjedhjet e treta parlamentare brenda një viti

Izrael më 1967 gjatë luftës gjashtë-ditore ndër të tjera pushtoi Jordanin Perëndimor dhe Jeruzalemin Lindor. Palestinezët duan në këtë territor një shtet të pavarur palestinez me Jeruzalemin Lindor si kryeqytet.

Më 2 mars në Izrael zhvillohen zgjedhjet e treta të parakohshme parlamentare brenda një viti. Si Netanjahu edhe rivali i tij Benny Gantz nga aleanca e qendrës blu-bardh deri tani kanë dështuar me krijimin e qeverisë./ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

29 raste me Covid/ Zelanda e Re futet në izolim për 12 ditë

Publikuar

-

Nga

29 raste me Covid/ Zelanda e Re futet në izolim për 12 ditë

Pasi numri i personave të infektuar është rritur në 29, kryeministrja e Zelandës së Re, Jacinda Ardern ka njoftuar se do të zgjasë për 12 ditë tjera masat kufizuese.

Në shtetin ishullor pranë Australisë, ekzistojnë katër “nivele të alarmit” në Zelandën e Re, dhe Auklland është në nivelin e tretë nga dita e mërkurë, pasi 4 anëtarë të një familjeje dolën pozitivë pas 102 ditësh pa raste.

Arden ka thënë se pjesa tjerët e shtetit është në nivelin e dytë, dhe se të gjitha këto masa do të vazhdohen.

Zelanda e Re ka arritur ta ndalë me sukses përhapjen e koronavirusit, duke regjistruar 102 ditë pa asnjë të infektuar.



Origjina e shpërthimit të ri në Auklland – qytetin më të madh të Zelandës së Re, me popullsi prej 1.5 milion banorëve – është duke u hetuar ende.

LEXO EDHE:  Donacionet për rindërtimin/ SHBA ultimatum Ramës: Transparenca thelbësore

LEXO EDHE:  "Kundërpeshë ndaj nacionalizmit të Trumpit"/ Një aleancë e re në horizont

Kryeministrja e këtij vendi ka thënë se beson që brenda 12 ditëve, origjina e shpërthimit të virusit do të identifikohet, do të izolohet, në mënyrë që më pas të ketë kthim në nivelin e dytë të rrezikut.

Numri i personave të vdekur si pasojë koronavirusit në botë, ka tejkaluar shifrën 750,000 sipas të dhënave të Universitetit Johns Hopkins.

Sipas po këtij institucioni, numri i të infektuarve në nivel global me koronavirus ka shkuar në më shumë se 20,7 milionë.

LEXO TE PLOTE

Kosova & Rajoni

Ambasada amerikane në Serbi: Takimi në Shtëpinë e Bardhë, lajm pozitiv

Publikuar

-

Nga

Ambasada amerikane në Serbi: Takimi në Shtëpinë e Bardhë, lajm pozitiv

Ambasada amerikane në Serbi, paralajmërimin për takimin në Shtëpinë e Bardhë e ka quajtur “lajm të mirë”.

“Takimi i liderëve të Serbisë dhe Kosovës në Shtëpinë e Bardhë do ta shtynte përpara dialogun e Brukselit dhe do të sillte më shumë stabilitet në rajon”, ka thënë kjo ambasadë përmes një njoftimi në rrjetin social, Twitter.

I dërguari i Shtëpisë së Bardhë për dialogun Kosovë –Serbi, Richard Grenell ka paralajmëruar të premten se liderët e këtyre dy shteteve do të takohen më 2 shtator në Uashington.

Nga pala kosovare, pjesëmarrjen e ka konfirmuar kryeministri i Kosovës, Avdullah Hoti i cili tha se në këtë takim do të bisedohet për “projekte madhore të bashkëpunimit ekonomik që do ta ndërrojnë perspektiven ekonomike të Kosovës dhe rajonit”,  transmeton REL.

Megjithatë, Grenell në postimin e tij në Twitter nuk ka dhënë detaje se për cilat tema do të bisedohet në këtë takim.

Presidenti i Kosovës, Hashim Thaçi ka thënë se ka mirëpritur organizimin e këtij takimi.

LEXO EDHE:  "Janari i peshqve të mëdhenj"/ Lu jep ultimatumin e fundit...



“Mirëpres njoftimin për takimin në Shtëpinë e Bardhë për bisedimet mes Kosovës dhe Serbisë. Ne jemi mirënjohës për dedikimin e madh të SHBA-së për paqe dhe stabilitet në rajon”, ka deklaruar Thaçi përmes një postimi në rrjetin social, Twitter.

LEXO EDHE:  Donacionet për rindërtimin/ SHBA ultimatum Ramës: Transparenca thelbësore

Ky është takimi i dytë që është organizuar nga Grenell.

I pari, i planifikuar për 27 qershor, ishte anuluar pak ditë para mbajtjes, meqë Zyra e Prokurorit të Specializuar me seli në Hagë kishte deklaruar se ka paraqitur një aktakuzë për krime lufte ndaj presidentit të Kosovës, Hashim Thaçi, i cili ishte i ftuar në takimin e Uashingtonit.

Megjithatë, dialogu mes këtyre dy shteteve ka rinisur më 16 korrik në Bruksel.

Ky proces, që ndërmjetësohet nga pala evropiane, ka nisur më 2011.

Ai ishte bllokuar nga nëntori i vitit 2018, pasi autoritetet e Kosovës patën vënë taksë në mallrat serbe. /CNA.al

LEXO TE PLOTE

Kosova & Rajoni

Bisedimet Kosovë-Serbi/ Caktohet data e takimit në Shtëpinë e Bardhë

Publikuar

-

Nga

Bisedimet Kosovë-Serbi/ Caktohet data e takimit në Shtëpinë e Bardhë

I dërguari i posaçëm i Presidentit amerikan për bisedimet Kosovë-Serbi, Richard Grenell tha se udhëheqësit e dy vendeve do të takohen në Shtëpinë e Bardhë për bisedime më 2 shtator.

Ambasadori Grenell e bëri njoftimin të enjten në Twitter, por nuk dha hollësi të tjera.
Takimi në Shtëpinë e Bardhë me ndërmjetësimin e ambasadorit Grenell ishte planifikuar fillimisht për më 27 qershor, por planet dështuan për shkak se Prokuroria e Posaçme për Kosovën me seli në Hagë, publikoi njoftimin për ngritjen e akuzave ende të pakonfirmuara ndaj presidentit të Kosovës, Hashim Thaçi dhe kryetarit të Partisë Demokratike, Kadri Veseli, si të dyshuar për krime kundër njerëzimit dhe krime lufte.

Zoti Grenell tha më pas se takimi do të bëhej në një datë të ardhme.



Ndërkohë, më 16 korrik, kryeministri i Kosovës Avdullah Hoti dhe presidenti i Serbisë, Aleksandër Vuçiç zhvilluan takimin e parë pas 20 muajsh të ndërmjetësuar nga Bashkimi Evropian. Të dy udhëheqësit diskutuan për çështjen e personave të zhdukur gjatë luftës, zhvillimin ekonomik dhe me pajtimin që të vazhdojnë bisedimet në shtator.

LEXO EDHE:  “Janari i peshqve të mëdhenj”/ Lu jep ultimatumin e fundit…

LEXO EDHE:  Prokurorin Special të Maqedonisë mund ta emërojnë SHBA dhe BE

Gjatë një vizite kohët e fundit në Uashington, bashkërenduesi i Kosovës për bisedimet me Serbinë, Skënder Hyseni tha për Zërin e Amerikës se Prishtina e sheh rolin e SHBA në dialogun Kosovë-Serbi si të pazëvendësueshëm dhe se kishte marrë angazhimin e Uashingtonit në këtë drejtim.

Ai tha se dialogu me Serbinë duhet të marrë një dinamikë të re dhe duhet të kulmojë me njohje reciproke./VOA

LEXO TE PLOTE