Politikë
Deputeti krah Metës/ Të marrim pjesë të gjithë në manifestimin e dy marsit
Deputeti i opozitës parlamentare, Lefter Maliqi ka dalë sot hapur në krah të presidentit Ilir Meta, i cili një ditë më parë bëri thirrje për një protestë në Bulevardin “Dëshmorët e Kombit”, në datën 2 mars.
Në një deklaratë për mediat, deputeti Maliqi theksoi se është në mbështetje të Presidentit për mbrojtjen e Kushtetutës, ndërsa shtoi se do t’i bashkohet manifestimit të 2 marsit.
“Enveri kishte vetëm bllokimin e kufijve, dhe varfërimin e shqiptarëve. Kurse ky kryeministri jonë ka për qëllim edhe largimin e shqiptarëve. Do i përgjigjem nismës së studentëve të dhjetorit para teatrit, ashtu siç kam qenë në çdo protestë, për Anti- Shpifjen, Teatrin, apo dhe Astirin. Jemi në një luftë me krimin palë me qeverinë.
Të gjitha insittucionet janë të kapura, kryebashkiakët janë bërë drejtorë rajonalë, janë të gjithë të PS. Reforma në Drejtësi e ashtuquajt reformë, siç tha kryeministri që kërkuam mbështetjen e SHBA dhe BE, SPAK-u nuk po funksionon, krimi dhe korrupsioni, e patë dje në Elbasan se çfarë ndodhi me një vagabond që kërcënoi me jetë o tërhiq kallëzimin o të vras.
Kemi vrasje makabre në Shkodër, Vlorë, Elbasan, Berat, Lushnje. Nuk kemi drejtësi për viktimat e tërmetit, por edhe ky parlament është i kapur. Deputetët që nga nocioni për shkarkimin e Presidentit, dhe të gjitha nismat, edhe Anti- KÇK, Anti- Shpifjen, ndryshimet në Kodin Penal janë për të sulmuar dhe goditur opozitën si në Turqi apo Rusi.
Unë e mbështes Metën dhe i bëj thirrje të gjithë socialistëve, demorkatëve, dhe të jenë në 2 mars por mos jenë protesta me drita ndezur por të rrëzohet ky diktatori. E mbështes vetëm për një fakt Metën, që ishte student i dhjetorit edhe pse më vonë i shërbeu PS-së.
Të gjithë e dinë që po u kap Kushtetuta, do të njihen zgjedhjet moniste. Në këtë manifetim të madh i bëj thirrje Policisë së Shtetit, që është në një vetting fallco dhe kryetare e saj është një grua që e ka burrin oficer të thjeshtë.”-tha ndër të tjera deputeti Maliqi.
Më tej, ai i drejtoi një mesazh edhe Policisë së Shtetit, për të cilën tha se duhet të distancohet nga urdhërat politikë.
“Policia të përgjigjet si policia e 1991, të distancohet nga vendimet dhe thirrjet politike. Dhe kujdes me gazin lotsjellës. I bëj thirrje edhe atij policit të kombinatit që shet mend nën urdhërat e ministrit të brendshëm .
860 milion euro kredi janë taksat tona, shtëpitë do të bëhen, prandaj më 2 mars të gjithë socialistët, miqtë e mi, përkrahësit e vendit të jenë aty, ndërkombëtarët të ndërhyjnë dhe mos ketë konfrontim dhe vendi të shkojë në zgjedhje.
Meta ka qenë në grevë në vitin 1991 për sistemin, kurse sot këta bëjnë marrëveshje ende. Shqiptarët po ikin, në Rinas janë duke ikur, në kufi janë duke ikur, droga po lulëzon . Të dashur shqiptarë jemi në një ditë ku thërret qameti, mos e shikoni vendit të qetë. Ta rrëzojmë këtë diktator dhe t;ia lëmë propagandën disa ministrave kukulla që nuk kanë lidhje me PS.”-theksoi deputeti Maliqi./ CNA.al
Politikë
“Pastroi rrugën për t’i bërë vend vetes”/ Berisha për Mark Markun: Nuk ka ndonjë përcaktim statutor që ta ndalojë
Ish kryeministri Sali Berisha ishte i ftuar pasditen e sotme në ABC News, ku mes të tjerave është pyetur dhe për vendimin e kryedemokratit Basha, i cili caktoi drejtues qarku në Lezhë, Mark Markun.
Ky vendim ka shkaktuar jo pak pakënaqësi në PD, për shkak se ka qenë pjesë e komisionit të verefikimit të kandidaturave, dhe moralisht i bie që pastroi rrugën, për ti hapur vend vetes.
Por për ish kryeministrin Berisha, ky vendim ishte i drejtë dhe nuk ka një përcaktim statuor që anëtarët e komisionit të përzgjedhjes nuk mund të kandidojnë për deputet.
“Mark Marku është një nga personalitetet më të shquara, intelektualët më të njohur të vendit me origjinë nga Mirdita dhe me një eksperiencë elektorale dhe me një qëndrim, me një përballje të fuqishme me regjimin e kakistokracisë dhe Edi Ramën.
Nuk ka një përcaktim statuor në dijeninë time që anëtarët e komisionit të përzgjedhjes nuk mund të kandidojnë për deputet.
Realisht nuk mund të më jepni një rast të vetëm që të dëshmojë se unë u hoqa nga lista për shkak se zoti Mark Marku donte të hapte vendin e vet.
Ne në reformën elektorale që bëmë në vitin 2009 i dhamë sistemit një karakter, edhe rajonal, dhe kjo ishte e domozdoshme sepse mbeteshin pa përaësues zonat , rrethet e tjerë më radhë.
Në këtë kontekst, Mark Marku , kryeson grupin e qarkut të Lezhës, për të udhëhequr fushatën”, tha Berisha./CNA.al
Politikë
Pse nuk bashkohet PD me Topallin dhe Patozin?/ Berisha: I kanë shpallur luftë frontale spektrit politik
Ish-kryeministri Sali Berisha, është pyetur sërish mbrëmjen e sotme se përse Partia Demokratike nuk po bashkohet me Jozefina Topallin dhe Astrit Patozin.
Berisha tha se PD është e hapur të bashkëpunojë me të gjitha forcat politike, por theksoi se Topalli dhe Patozi i kanë shpallur luftë frontale të gjithë spektrit politik shqiptar.
“PD-ja në dijeni time është e hapur ndaj të gjitha forcave politike të cilat kanë për objektiv madhor largimin e narkoshtetit nga pushteti, por siç i dëgjoni edhe ju, problemi i tyre është, ata i kanë shpallur luftë frontale të gjithë spektrit politik shqiptar. Në këto rrethana, me këtë qëndrim përjashtojnë aleancat”, u shpreh ai në Abc News.
Ish-kryeministri deklaroi se PD duhet të ftojë të gjitha forcat që janë të vendosura të largojnë nga pushteti Edi Ramën./ CNA.al
Politikë
“Krisje” mes Bashës dhe aleatëve/ Berisha: Nuk jam pjesë e negociatave
Prej disa CNA.al ka raportuar se mes Lulzim Bashës ka pasur disa mosmarrëveshje përsa i përket kandidimit në zgjedhje, ndërsa disa prej tyre janë shprehur skeptikë.
Për këtë është pyetur mbrëmjen e sotme edhe ish-kryeministri Sali Berisha, i cili tha se nuk është pjesë e procesit të negociatave.
Berisha tha në Abc News se është i bindur që PD dhe aleatët do të arrijnë në ujdi për të hyrë bashkë në zgjedhje.
“Së pari dua të theksoj se absolutisht nuk jam pjesë e procesit të negociatave. Negocviatat kanë baza mbi të cilat zhvillohen. Une jam i bindur se PD dhe aleatët do të arrijnë në ujdi që t’i presin biletën përfundimisht regjimit.
Siç kanë dëshmuar pollet (sondazhet), aleanca është fituese. Sipas polleve, kjo aleancë i duhet sot çdo demokrati, çdo anëtari të partive opozitare, çdo qytetari”, deklaroi ai./ CNA.al
Lajme të Rekomanduara:
Tjetër skandal nga Ervin Salianji/ Kapet në mashtrim
Ditën e djeshme, gjatë prezantimit të Edmond Spahos si drejtues qarku në Korçë, janë dy detaje që bien në sy nga fjala e Ervin Salianjit,...
Sondazhet qesharake e bëjnë kryeministër/ Basha duhet të ndërrojë “rrobaqepësin”
Mbrëmjen e djeshme CNA.al publikoi të dhëna dhe fakte mbi sondazhin e publikuar dje në televizionin e Çim Pekës, Syri Tv, sipas të cilit 52%...
