Connect with Us

Transparenca e SHBA për fondet e tërmetit/ Vasili: Kjo qeveri grabit në kurriz të shqiptarëve

Politikë

Transparenca e SHBA për fondet e tërmetit/ Vasili: Kjo qeveri grabit në kurriz të shqiptarëve

Publikuar

-

Nënkryetari i LSI, Petrit Vasili ka shprehur mirënjohje ndaj SHBA-së për transparencën dhe kontrollin mbi qeverinë për fondet e tërmetit.

Sipas Vasilit, të gjithë e dinë që kjo qeveri në kurriz të shqiptarëve vetëm shpërdoron prandaj SHBA do të ngrenë Akademinë e Transparencës dhe Llogaridhënies duke akorduar 5 milionë dollarë për këtë.

“Mirënjohje SHBA-së për trasparencën dhe kontrollin mbi qeverinë për fondet e tërmetit!
SHBA do të krijojnë Akademinë e Transparencës dhe Llogaridhënies për fondet e donacioneve.
Të gjithë e dinë brenda dhe jashtë vendit dhe e kanë bindje, që kjo qeveri në kurriz të shqiptarëve vetëm shpërdoron, përvehtëson dhe grabit fondet publike të të gjitha llojeve.
Ndaj edhe SHBA do të ngrenë Akademinë e Trasparencës dhe Llogaridhënies duke akorduar 5 milionë dollarë për këtë, në mënyrë që këto fonde të kthehen në një ndihmë konkrete për shqiptarët në nevojë dhe jo zahire për qeverinë”, shkruan Vasili./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Shënim/ Sistemi miks që sfidon Luli Bashën

Publikuar

-

Nga

Bashës tani i mungojnë deputetë

Kryeministri Edi Rama, gjatë një bashkëbisedimi që ka zhvilluar rreth mesditës së sotme me gazetarët, u shpreh se Partia Socialiste mbështet hapjen e listave, por kjo nuk do të thotë se preket pakti i 5 qershorit, pasi janë procese paralele.

Rama theksoi se mbështet hapjen e listave, pasi sipas tij kjo është ajo që mbështetet edhe nga qytetarët.

“Kemi vendosur të mbështesim një hapje të listave, që cdo zgjedhës të zgjedhë subjektin dhe të shpresë preferencën e tij për deputetin apo deputeten e përfshirë. Vendimi reflekton bindjen se hapja e listave përkon me dëshirën e një mase shumë të madhe qytetarësh shqiptarë që shkon shumë përtej një shumice apo pakice qeverisëse dhe përtej asaj që do të ishte zgjidhja më e thjeshtë dhe më komode për një parti të madhe dhe por edhe për mua si kryetari i partisë”-tha Rama.

Pra, nga vetë fjala e kryeministrit, është kuptuar qartë se Partia Socialiste do t’i hapë listat e saj për zgjedhjet e ardhshme, por nuk do të prekë marëveshjen e 5 qershorit me PD dhe LSI, e arritur falë ndërhyrjes së ndërkombëtarëve.

Kjo do të thotë se mes variantit vetëm lista të mbyllura apo vetëm lista të hapura, shtohet edhe një aspekt tjetër. Sistemi miks.

Se kush janë problematikat që shkaktojnë listat e mbyllura dhe koalicionet e këtij sistemi që kemi aktualisht, dhe mënyra e përdorur në 2017, ku partitë e vogla hynë brenda listave të PD-së dhe PS-ë, mënyra sesi u zhvilluan zgjedhjet në vitin 2009, ku partitë aleate kandidonin në koalicion, por edhe problematikat që shfaqin listat e hapura dhe listat e mbyllura, konstitucionalisti Ilri Rusmajli, dy ditë më parë në një material të gjatë referuar Kuvendit, tregonte me detaje se cilat ishin diferencat, aspektet kushtetuese dhe problematikat që kishte çdo lloj sistemi.

LEXO EDHE:  Ilir Meta, Petrit Vasili dhe Monika Kryemadhi të përfshirë në pastrim parash

LEXO EDHE:  Në këtë dekadë do të rifillojë gara e armatimit

Ndërsa sot me lëvizjen e bërë nga Rama duket qartë, se kryeministri ka tentuar që të fitojë mbështetjen e opinionin publik. Me veprimin e bërë ai tregon qartë se Partia Socialiste do t’i hapë listat e saj. Pra, PS-ja do t’i ketë listat e hapura.

Një formulë të tillë socialistët e kanë përdorur në zgjedhjet lokale të vitit 2011, ku këshilltarët bashkiakë, në listën e tyre të renditur vendoseshin sipas votave që ata merrnin në zonën e caktuar që mbulonin.

Mesa duket të njëjtën formulë, PS-ja do ta përdorë edhe tani për zgjedhjet e ardhshme parlamentare.

Pra, Rama do t’i hapë listat publikisht dhe nga ana tjetër sfida ngelet në dorë të Lulzim Bashës. Atij do t’i miratojë Reformën Zgjedhore, ashtu siç është firmosur marrëveshja. Dhe do të kemi përballë një mazhorancë me lista të hapura dhe një opozitë që mesa duket po “qan” për listat e mbyllura.

Tani “topi” është në fushën e Lulit sërish. Do të hapë listat edhe ai, ashtu siç kërkon shumica e opinionit publik, apo do të qëndrojë i mbyllur në guackën e tij me një tufë servilash të paaftë, të cilët i kanë garantuar vetëm humbje dhe me shumë gjasa do të jenë po ata që do ta çojnë drejt një tjetër disfate./ CNA.al

Analiza e Rusmajlit për koalicionet në 2013, që vlen njësoj edhe sot

“Jo koalicione”/ Rusmajli: Listat e hapura kanë disa efekte negative

Reforma Zgjedhore/ Rusmajli: Partitë e vogla duan koalicion për të anashkaluar pragun 5%

LEXO TE PLOTE

Politikë

Ndryshimi i sistemit zgjedhor/ Rama me qëndrim të prerë

Publikuar

-

Nga

Ndryshimi i sistemit zgjedhor/ Rama me qëndrim të prerë

Kryeministri Edi Rama është shprehur i qartë se nuk do të ndryshojë sistemin zgjedhor, por është i gatshëm për hapjen e listave.

Gjatë një bashkëbisedimi me gazetarët për Reformën Zgjedhore, Rama tha se ne kemi sot një proporcional rajonal dhe kjo nuk preket dhe pavarësisht se nga ana e opozitës parlamentare është kërkuar kombëtar, që do të thotë ndryshim sistemi.

“Hapja e listave është një standard, formulat do të diskutohen. Hapja e listave nuk duhet të rrezikojë përfshirjen dhe përfaqësimin e grave në Kuvend. Thënë këto, dua të sqaroj se përse nuk bëhet fjalë për ndryshim sistemi (për hapjen e listave), jo opinion, por duke iu referuar kodin të praktikave të Venecias dhe një deklarate që ka bërë Venecia lidhur me mosndryshimit e legjislacionit për sistemin, ku thotë se janë tre elementët; sistemi në vetvete, ne kemi sot një proporcional rajonal dhe kjo nuk preket dhe pavarësisht se nga ana e opozitës parlamentare është kërkuar kombëtar, që do të thotë ndryshim sistemi.”-tha Rama.

Po ashtu, ai është shprehur i prerë se nuk do të preket as madhësia e zonave zgjedhore, por shtoi se KQZ do të preket sipas marëveshjes së arritur në 5 qershor.

“Madhësia e zonave zgjedhore, nuk preket. Dhe së treti KQZ, kjo preket, por si rezultat i marrëveshjes së 5 qershorit, jo prekje e sistemit që vjen jashtë konsensusit të 5 qershorit, pra produkt i kësaj. Ky është një ndryshim esencial, shumë më esencial se hapja e listave dhe derisa bëjmë këtë s’ka pengesë që të bëjmë tjetrën. Edhe kjo nuk përbën shkelje, se Venecia e sqaron se ‘nuk është absolute që jo që parathuhet, dhe pikërisht rregullimi në Kod i këtij ndryshimi është në diskrecionin e vendimmarrjes. Nga ana tjetër qoftë Venecia apo instancat e tjera cështje që lista të hapura, mbyllura, apo pragu, etj, i konsiderojnë mekanizma korrektues të një sistemi.

LEXO EDHE:  Nuk zbatoi urdhrin e Donald Trump/Si e pësoi Prokurorja e Përgjithshme e SHBA

LEXO EDHE:  Ilir Meta, Petrit Vasili dhe Monika Kryemadhi të përfshirë në pastrim parash

Sistemi nuk preket, mekanizimi korrektues është në funksion të asaj që palët gjykojnë si përmirësim. Dhe e fundit që kam, lidhja e këtij procesi dhe vënia e kunjës se duke u prishur marrëveshja e 5 qershorit është krejtsisht e pabazë. Marrëveshja e 5 qershorit nuk mund të preket nga ne dhe këtu është ngërci i vetëm që kemi me opozitën parlamentare dhe ne do të kërkojmë deri në fund që të mos insistojnë në ndërhyrje për administrimin e zgjedhjeve, ky është problemi i tyre, ata janë kundër që të kryhet nga partitë. Kundër kam qenë edhe unë.”-u shpreh Edi Rama.

Sa i takon akuzave të opozitës jashtë parlamentare, Rama i cilësoi si marëzi, pasi sipas tij hapja e listave nuk prish marëveshjen.

“Kështu opozita jashtë parlamentare ka zero alibi për të kërkuar apo pretenduar garancitë, se është pjesëmarrje në proces. Ideja se hapja e listave prish marrëveshjen është një çmenduri. Kërcënimet nuk e ndihmojnë procesin, peng PS-në dhe Kuvendin nuk e merr dot askush nga jashtë kuvendit, as me forcë as me shantazhe. Rrugët e padenja për të garantuar shumica për ta cuar sistemin drejt ndonjë ndryshimi që do të prodhonte rënie të cilësisë së demokracisë, por që të diskutosh si problem hapjen e listave dhe ta konsiderosh cenim të integrimit është marrëzi” tha Rama.

LEXO TE PLOTE

Politikë

“Ju qofshi si jeni kaq naivë”/ Thirrja e fortë e deputetit: Tenderi 15 milion euro nuk ndryshon asgjë për shqiptarët

Publikuar

-

Nga

Deputeti i opozitës parlamentare, Arlind Çarçani i ka drejtuar një apel të fortë kolegëve të tij, në lidhje me Reformën Zgjedhore.

Në një deklaratë për mediat, deputeti Çarçani thekson se ajo që po kërkohet të votohet nuk është reformë, por marëveshje, e cila në thelb nuk ndryshon asgjë për shqiptarët.

Gjithashtu ai thekson se tenderi 15.5 milion euro për identifikimin elektronik, që do të jetë me kartën ID e jo me shenjë gishti. Dhe kjo, sipas tij nuk ndalon as votimin familjar, se një anëtar i familjes çekon kartat ID të gjithë familjarëve të tjerë.

“Ju qofshi si jeni kaq naivë!

Kërkoni të votojmë marrëveshje dhe jo reformë. Ju akoma nuk e kuptoni, që s’ka reformë, por një marrëveshje që një komisioner i Partisë Republikane, kalon komisioner për LSI e çfarë ndryshon këtu për shqiptarët?

Komisioni Qëndror i Zgjedhjeve bashkë me dy komisionet ad-hoc që ngrihen, nuk sjellin asnjë ndryshim e asnjë garanci.

E dmth çfarë ndryshon këtu për shqiptarët?!

Tenderi 15.5 milion euro për identifikimin elektronik, që do të jetë me kartën ID e jo me shenjë gishti. Kjo nuk ndalon as votimin familjar, se një anëtar i familjes çekon kartat ID të gjithë familjarëve të tjerë. Venë çunat e Damjanit me 100 karta ID, dhe votojnë pa i shqetësuar njeri, dhe e kanë më të lehtë se nuk firmosin, por thjesht çekojnë. E përsëris ku është garancia për Shqiptarët?!

Ku është reforma, kur votat tona do të vazhdojnë ti numërojnë e menaxhojnë militantët? Kur deputetin e zgjedh kryetari e kur emigrantët nuk votojnë dot? E siç themi ne kolonjarët: “ku ishe, hiç gjëkundi; çfarë bëre, hiç asgjë”.-shkruan deputeti.

Më tej, ai thekson se marëveshja dëmton partitë e vogla, të cilat do të “masakrohen” nga PS, PD dhe LSI.

“Pale kur dëgjoj këta kryetarët e Partive të vogla, bien dakort që votat t’ua masakrojë PS PD LSI, kjo është akoma më qesharake.

LEXO EDHE:  Vasili tallet keq me Ramën/ “Antimiting të mbarë, të rrosh e ta kujtosh”

LEXO EDHE:  Nuk zbatoi urdhrin e Donald Trump/Si e pësoi Prokurorja e Përgjithshme e SHBA

Këta na e dashkan më shumë se ne integrimin e Shqipërinë, që zbythen me një shikim shtrembur!

Deputetë që dolën dje në mbështetje të marrëveshjes së 5 qershorit, ndërkohë që ne merrnim vendime politike, për të mbështetur pa kushte Reformën në Drejtësi,ngritjen e SPAK dhe BKH ata braktisnin sallën dhe thyenin vendimet.

Atëhere, përse nuk i dëgjonit ndërkombëtarët, e sot dilni e flisni e mashtroni, se po e bëni për ta?!

Po për shqiptarët cfar po bëni? Per çfarë u zotuat kur morët mandatet? apo tani ju shkel syrin Partia, për t’iu bërë ndoshta magazinier ndërmarrje, kur të vijë në pushtet.

Si dhe një përgjigje për zotërinë, që bën presion se i paska nja 11 deputetë me vete.

Zotëri i nderuar, unë dhe kolegët e mi kemi votuar Lulzim Bashën për Kryeministër në 2017, kurse ti ke votuar dhe ke zgjedhur Ramën.

Ndaj para se të dalësh të bësh të zgjuarin në TV, dil e kërkoju ndjesë shqiptarëve, që ke zgjedhur këtë Kryeministër, pastaj dil e blej deputetë për të kaluar në Kuvend marrëveshjen.”-thekson deputeti.

Më tej, ai shprehet se nuk do të tërhiqet nga kërkesa për hapjen e listave, depolitizimin e komisioneve dhe të mundësojnë votën e emigrantëve.

“Një Zot e di, se kujt i shërben ti e s’të ka ngelur parti pa aderuar.

Ndaj të nderuar, qytetarë Shqiptarë ne jemi të vendosur: të hapim listat, të depolitizojmë komisionet, të mundësojmë votën e emigrantëve, e po nuk patëm kohë i bëjmë zgjedhjet në vjeshtë se nuk na shtrëngon gjë për 3 muaj.

Për ju që do thoni, se po kërkon shtyrjen, për të zgjatur jetëgjatësinë në Kuvend, ju informoj se sipas Kushtetutës, kurdo të mbahen zgjedhjet mandati i deputetit mbaron në Shtator.

Ndaj të bëjmë reformë e hajdeni ta votojmë që edhe OSBE e ODHIR mos lodhen të bëjnë raporte me problematika në Zgjedhjet e 2021.

Pavarësisht merkatos, ne jemi të vendosur që të bëjmë reformë.”-përfundon deklarata.

LEXO TE PLOTE