Connect with Us

Putin rikthen gjyqet staliniste ndaj kundërshtarëve politikë

Bota

Putin rikthen gjyqet staliniste ndaj kundërshtarëve politikë

Publikuar

-

Nga Andrei Kolesnikov “Carnegie Russia”

* Një gjykatë në Rusinë Qendrore, burgosi me 18 vjet burg drejtuesin kryesor të një grupimi antifashist të quajtur si “Rrjeti”, me akuzën e terrorizmit. Shtatë anëtarët e rinj të grupit u arrestuan në qytetin e Penzës në vitin 2017.

Në atë kohë, hetuesit i akuzuan për planifikimin e sulmeve terroriste gjatë zgjedhjeve presidenciale të vitit 2018, dhe Kupës së Botës që u mbajt po atë vit në Rusi. Por mbrojtësit e të drejtave të njeriut, ngritën shumë shpejt alarmin, duke thënë se akuzat për terrorizëm ishin thjeshte sajesa.

Vetë të akuzuarit, thanë në gjykatë se ishin torturuar shumë gjatë procesit hetimor. Ne duhet të jemi absolutisht të qartë. Një dënim me 18 vite me burg për një 27-vjeçar që nuk ka vrarë kërkënd, që nuk ka plagosur apo dhunuar askënd, dhe që as ka vjedhur miliarda – ndryshe nga shumica e përfaqësuesve “heroikë” të elitave të ndryshme ruse – është një stalinizëm i pastër.

Kjo përshtypje, vetëm sa thellohet nga sjelljet e vetë autoriteteve ruse, që japin dënimet me burg si të ishin duke shitur tullumbace në rrugë:Në këtë rast, një treshe gjyqtarësh në gjykatën ushtarake të distriktit të Vollgës, i dënoi të pandehurit me 18, 16, 14, 10, 9 dhe 6 vjet burg. Një treshe e stilit të NKVD së dikurshme, një gjykatë ushtarake, terroriste, të rikujton skenat e vitit 1937.

Po pse është një dënim stalinist? Sepse gjatë kohës Hrushovit, dhe madje edhe gjatë periudhës së Brezhnjevit, dënimet me burg për akuzat të ngjashme ishin shumë më të ulëta. Për shembull, po kujtoj dënimin e vitit 1963 nga Gjykata Supreme e Republikës së Bjellorusisë për 3 “terroristë” të rinj, që dyshohej se kishin krijuar një organizatë të paligjshme “me synim krijimin e një republike borgjezo-demokratike në Bashkimin Sovjetik, përmes metodave terroriste”.

Ky ai ishte një rast krejt i ndryshëm nga rasti i “Rrjetit”. Në vitin 1963, të rinjtë akuzoheshin se po dëmtonin themelin e rendit kushtetues, me qëllim ndryshimin e pushtetit në vend. Në epokën e Hrushovit, dënimi për “krime” të tilla ishte i kufizuar nga 8-10 vjet burg.

Agjitacioni dhe propaganda antisovjetike, ndëshkohej shpesh me dënime më të lehta se ato që jepen sot për “shkaktimin e vuajtjeve morale” pjesëtarëve të policisë, apo për hedhjen e “gotave plastike” në drejtim të tyre. A do të thotë kjo se udhëheqja sovjetike gjatë epokës së Hrushovit, dhe e stanjacionit të mëpasshëm nën Brezhnjevit, ndihej më e sigurt se sa autoritetet aktuale? Ashpërsia e dënimit për shkak të hedhjes së gotave plastike ndaj policisë dhe për organizimin e stërvitjeve në natyrë, siç ka vepruar “Rrjeti”, synon të tregojë gatishmërinë e shtetit për tu mbrojtur nga çdo shfaqje e pakënaqësisë dhe kundërshtimit, madje edhe veprime që nuk shprehen hapur.

LEXO EDHE:  101 vjet nga fundi i Luftës së Parë Botërore/ Kuriozitetet më pikante që mund të mos i keni ditur

Natyrisht, i takon forcave ruse të sigurisë, FSB, të ushtrojnë kontroll mbi veprimtari të këtij lloji, së bashku me rastet e spiunazhit dhe tradhtisë. Kjo qasje është njëlloj sikur selia e Ljubjankës, po dërgon një sinjal që thotë “Jemi ne rendi kushtetues!”. Dhe ata janë të gatshëm të mbrojnë veten dhe miqtë e tyre të dashur, duke përdorur çdo mjet.

Dënimet joproporcionale që janë dhënë nga gjyqtarët, shkeljet e tyre procedurale, dhe pretendimet e të dënuarëve se janë torturuar në hetuesi, të cilat gjyqësori i injoroi si akuza të sajuara, që të gjitha këto dëshmojnë ose vartësinë e plotë të gjyqtarëve ndaj FSB-së, ose degradimin e tyre profesional. Dhe që në fakt është e njëjta gjë.

Dënimet janë të ashpra për një arsye kryesore:T’i shkurajojnë të tjerët të bëjnë të njëjtën gjë. Nëse vërtet dëshironi të stërviteni, të vraponi dhe të qëlloni me armë, mund t’i bashkoheni radhëve të luftëtarëve separatistë në Donbas të Ukrainës.

Ose t’i bashkoheni ushtrisë mercenare ”Vagner”, për të vrarë dhe torturuar njerëz nëpër botë. Por mos e dhënë Zoti, që një i ri të mendojë se ka diçka të gabuar në strukturën e pushtetit në Rusi. Pasi nëse kjo ndodh, ata mund të presin dënime të rrepta staliniste nga një treshe gjyqtarësh stalinistë.

Kremlini është duke e ndryshuar kushtetutën e vendit, dhe duke gjetur mënyra të reja për të zgjatur sistemin autokratik. Dhe ata në fund të sistemit represive, ata janë duke dhënë dënime për djem shumë të rinj, duke ua shkatërruar jetën atyre./ Përshtatur nga CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Dhunoi lypsarin/ Avokati nuk pendohet: Më përmendi nënën

Publikuar

-

Nga

Videoja e avokatit të njohur Tomë Gashi duke përbuzur një lypës në sheshin “Nënë Tereza” në Prishtinë, bëri xhiron e rrjetit pak ditë më parë.

Avokati shihej i irrituar dhe vihej re që ai i gjuajti me shqelm parave që lypësi kishte mbledhur nga qytetarët, ndërsa të pranishmit thanë se Gashi e ka poshtëruar atë me fjalë të ndyra.

Pas kësaj ka ardhur edhe reagimi i avokatit, i cili nuk shpreh aspak pendesë për veprimin që bëri, pasi pretendon se i ka përmendur nënën.

“Këta janë punëtorë të njerëzve me Mercedesa dhe për këtë situatë nuk ka ndërmarrë askush asgjë. Të kisha goditur unë lypsarin ai nuk do të kishte qëndruar aty fare. Ju nuk e dini se çfarë ka thënë ai person. Po ta përmendë ty nënën, si të duket?”, tha Gashi për Klan Kosovën.

“Nuk e shoh të arsyeshme të kërkoj falje për goditje të plastikës, kjo më duket budallallëk. Ata janë një grup i organizuar prej kriminelëve. Me qindra herë janë thirrur organet kompetente. Atë ditë kam qenë duke ardhur në emisionin Info Magazine dhe gjatë rrugës unë i kam kërkuar lypsarit që të largohet nga aty.  Ato çfarë ai (lypsari) ka folur ndaj meje, mos të kishte qenë kontrolli im, ai do të kishte përfunduar shumë ndryshe”, shtoi ai.

LEXO EDHE:  Ekspertët/ Pirja e duhanit, rrezikon të shkaktojë depresion dhe skizofreni

LEXO EDHE:  Foto-Si është të jetosh në Stacionin Hapësinor Ndërkombëtar?

Më tej, avokati thekson se punonjësit e policisë i kanë thënë se nuk kanë çfarë t’i bëjnë./ CNA.al

Video – Avokati dhunon lypësin në mes të qytetit

LEXO TE PLOTE

Kosova & Rajoni

Pompeo: Sovraniteti dhe pavarësia e Kosovës, thelbësore për Ballkanin Perëndimor

Publikuar

-

Nga

Sekretari amerikan i Shtetit, Mike Pompeo, në urimin e tij me rastin e përvjetorit të pavarësisë së Kosovës tha se sovraniteti dhe pavarësia e saj mbeten thelbësore për sigurinë dhe qëndrueshmërinë e Ballkanit Perëndimor.

Në urimin e tij ai shkruan se “për më shumë se një dekadë të dy vendet tona kanë gëzuar një partneritet të fortë mbështetur në vlera të përbashkëta. Sovraniteti dhe pavarësia e Kosovës mbeten thelbësore për sigurinë dhe qëndrueshmërinë e Ballkanit Perëndimor. Shtetet e Bashkuara mbështesin Kosovën në udhëtimin tuaj drejt integrimit në institucionet transatlantike dhe do të vazhdojnë të punojnë për të forcuar sundimin e ligjit, për të çrrënjosur korrupsionin dhe për të nxitur përparimin ekonomik për të gjithë qytetarët e Kosovës”,raporton radioja amerikane “VOA”.

Sekretari Pompeo shkruan se pas zgjedhjeve të fundit dhe formimit të qeverisë, Kosova ka një mundësi të ripërtërirë për të realizuar mundësitë e saj të plotë si për qytetarët ashtu edhe për marrëdhëniet me vendet fqinje.

LEXO EDHE:  101 vjet nga fundi i Luftës së Parë Botërore/ Kuriozitetet më pikante që mund të mos i keni ditur

LEXO EDHE:  Caktohet trupa gjykuese për Mark Frrokun

“Jemi inkurajuar nga ngjarjet e fundit që sinjalizojnë një lëvizje drejt lehtësimit të investimeve, turizmit, dhe lidhjeve tregtare dhe të njerëzve me Serbinë, të cilat paraqesin themelet për përparim të mëtejshëm në normalizimin gjithëpërfshirës të marrëdhënieve në të ardhmen e afërt”, shkroi sekretari Pompeo në urimin e tij për përvjetorin e 12-të të pavarësisë së Kosovës.

LEXO TE PLOTE

Bota

Japoni, evakuohen nga anija shtetasit amerikanë

Publikuar

-

Nga

Të dielën pasagjerët amerikanë që ndodheshin në karantinë në një anije në brigjet e Japonisë që prej datës 3 shkurt, janë evakuuar. Shtetasit amerikane në bordin e anijes “Diamond Princess”, e cila njoftoi për 355 persona të infektuar, u evakuuan nga anija dhe u nisën drejt SHBA-së me avionë çarter, ku gjasat janë të qëndrojnë në karantinë edhe për katërmbëdhjetë ditë të tjera.

Më herët zyrtarët kinezë njoftuan të dielën se numri i rasteve të reja të personave të prekur me koronavirus është ulur për të dytën ditë me radhë. Komisioni kinez i Shëndetësisë konfirmoi 1.843 raste të reja, që përfaqësojnë një rënie kahasuar me dy ditë më parë kur Kina njoftoi më shumë se 7.500 raste.

Numri i vdekjeve nga virusi në territorin e Kinës arriti në 1.665, me 142 vdekje të raportuara të dielën. Por Organizata Botërore e Shëndetësisë paralajmëroi të dielën se është “e pamundur të parashikosh se çfarë drejtimi do të marrë epidemia”. Duke folur në konferenca e Sigurisë në Mynih, shefi i OBSH-së Adhanom Ghebreyesus u bëri thirrje qeverive të punojnë me këtë organizatë për të informuar në mënyrën e duhur publikun për rreziqet që paraqet virusi, por pa shkaktuar histeri në publik siç tha ai.

Ndërkohë publikimi nga mediat shtetërore kineze të një fjalimi të mbajtur 3 shkurt nga Presidenti Xi Jinping ka ngritur pikëpyetje të reja.
Publikimi i fjalimit të shtunën ishte një përpjekje e dukshme për të demonstruar se Partia Komuniste kishte vepruar me vendosmëri që në fillim ndaj situatës, por nxiti gjithashtu kritika mbi arsyen se pse publiku nuk u njoftua më herët.

LEXO EDHE:  Rusia kërkon rritjen e kapaciteteve policore të UNMIK-ut në Kosovë

LEXO EDHE:  101 vjet nga fundi i Luftës së Parë Botërore/ Kuriozitetet më pikante që mund të mos i keni ditur

Zyrtarët lokalë kinez janë kritikuar mbi mënyrën se si e kanë menaxhuar situatën pas shpërthimit të virusit, ndërsa përfshirja e presidentit ishte minimizuar, deri tani. Zyrtarë të Huanit, qyteti ku u shfaq për herë të parë virusi si dhe të provincës Hubei u shkarkuan nga detyra për shkak të asaj që u tha se ishte një përgjigje jo e duhur ndaj situatës emergjente të shkaktuar nga virusi./VOA

LEXO TE PLOTE