Connect with Us

1,15 miliardё euro/ Media gjermane: Dita e solidaritetit me Shqipёrinё

Politikë

1,15 miliardё euro/ Media gjermane: Dita e solidaritetit me Shqipёrinё

Publikuar

-

Asnjёherё mё parё nuk janё mbledhur kaq fonde nё formё grantesh e kredish nё ndihmё tё Shqipёrisё si kёsaj here nё Konferencёn e Donatorёve nё Bruksel. Nё sinjal inkurajues pёr shqiptarёt, se Europa nuk i harron. Me këto fraza e nis raportimin medi gjermane “Dojçe Welle”, duke i bërë jehon Konferencës falë të cilës Shqipëria ja doli të grumbulloj 1.15 miliardë euro ndihma për rindërtimin nga tërmeti.

7 shkurti mund tё quhet dita e solidaritetit tё Europёs me Shqipёrinё, vijon “DW”, duke shënuar: Asnjёherё mё parё nuk ishin bёrё bashkё kaq krerё shtetesh, ministra e pёrfaqёsues nga BE, si nё Konferencёn Ndёrkombёtare tё Donatorёve tё hёnёn nё Bruksel pёr tё mbledhur fonde pёr rimёkёmbjen e Shqipёrisё pas tёrmetit.

Solidaritet me Shqipёrinё

Konferenca “Sё bashku pёr Shqipёrinё” e organizuar nga Komisioni Europian nёn drejtimin e vetё presidentes sё KE, Ursula von der Leyen dhe presidentit tё Kёshillit tё BE, Charles Michel kishte njё synim. “Sot ёshtё dita qё tё tregojmё solidaritet ndaj shqiptarёve”, tha presidentja e Komisionit Europian, Ursula von der Leyen nё fjalёn e hapjes. Populli shqiptar e di, se e ka vendin nё familjen europiane, tha ajo, duke kujtuar tёrmetin e 26 nёntorit. “Shqipёria vetёm nuk ka shpatulla ta pёrballojё kёtё barrё”, por ne jemi kёtu qё tё themi, se do t’i qёndrojmё pranё Shqipёrisё, premtoi von der Leyen.

“Jemi tё gjithё njё familje e madh europiane”, tha presidenti i Kёshillit tё BE, Charles Michel. Me kёtё konferencё, ne duam tё themi, se shqiptarёt nuk “janё fqinj tё largёt tё BE, por pjesё integrale e kontinentit tonё.”

Katёr orё konferencё – por 1,15 miliardё euro tё mbledhura nё formё grantesh dhe kredish pёr Shqipёrinё nga vende tё BE e nga bota. Kur komisioneri i BE-sё pёr zgjerimin, Oliver Varhelyi lexoi shumёn e mbledhur, tha se kjo ishte pёrtej pritshmёrive. “Kjo ёshtё njё pёrpjekje e pёrbashkёt dhe falёndёroj tё gjithё kontribuesit.”

Fonde nga Europa dhe Ballkani

Gjermania, donatore kryesore nё Shqipёri ishte ndёr vendet e para qё i ofroi ndihmё tё menjёheshme teknike Shqipёrisё pas tёrmetit. Nё Konferencёn e Donatorёve ky vend dha njё kontribut prej 11 milionё eurosh pёr rikuperimin e dёmeve tё tёrmetit. Ministri i Jashtёm francez, Le Drian, i pranishёm nё konferencё nёnshkroi me kryeministrin, Edi Rama marrёveshjen pёr kushtet e krijimit tё Agjencisё Franceze tё Zhvillimit nё Shqipёri, njё agjenci qё do tё monitorojё e ndihmojё nё realizimin e projekteve nё vlerё 100 milionё euro.

LEXO EDHE:  Integrimi në BE/ Kreu i opozitës greke kërcënon Shqipërinë

Po ashtu Franca ofroi 60 milionё euro kredi. Ministri i Jashtёm i Italisё, Luigi di Maio bёri tё ditur, se janё identifikuar burimet financiare pёr 65 milionё euro ndihmё Shqipёrisё. Holanda ofroi 3 milionё euro, po ashtu shumё vende tё tjera europiane dhanё kontributet e tyre financiare. Peshёn mё tё madhe nё shumёn e fondeve tё mbledhura e mbajnё Banka Europiane e Investimeve, Banka Europiane pёr Zhvillim e Banka Botёrore, qё ofruan disa qindra milionё euro nё formё kredish e grantesh pёr Shqipёrinё.

Por kjo konferencё mund tё quhet edhe dita e solidaritetit fqinjёsor ballkanik. Kosova, qё dha ndihmёn e parё tё shpejtё dhe mbёrriti me forca shpёtimi brenda pak orёsh mё 26 nёntor, ofroi njё shumё ndihme prej 200.000 eurosh, krahas shumёs sё parё prej 500.000 eurosh. Kurse presidenti i Malit tё Zi, Milo Gjukanoviq, pjesёmarrёs nё konferencё bёri tё ditur se Mali i Zi do tё japё 500.000 euro ndihmё financiare. Kryeministrja serbe, Ana Brnabic premtoi nga Serbia njё grant prej 2 milionё eurosh. Premtime pёr ndihma nё forma tё ndryshme erdhёn edhe nga Maqedonia e Veriut, Bullgaria, Rumania e Greqia.

BE do tё jetё e pёrfshirё nё implementim

Me sa duket delegacioni shqiptar nё konferencё nuk e kishte pritur mbledhjen e njё shume tё tillё. Koordinatorja e programit kombёtar tё rindёrtimit, Milva Ekonomi, tha pёr pёr median gjermane “Deutsche Welle”, menjёherё pas konferencёs, se “kur lexoi komisioneri shumёn, m’u mbushёn sytё me lot. Ishte njё gёzim i paparё.” Habinё nuk e fshehu as kryeministri Rama, qё tha se sot flisnim mё parё me njёri-tjetrin se si do tё ishte rezultati i konferencёs. “Thamё, nёse do tё mblidhet 40% e shumёs sё nevojshme do kthehemi pa ankth, nёse mblidhen 50% e shumёs atёherё do ndjehemi tё suksesshёm, çdo gjё pёrtej 50%, nёse do ndodhte do ishte magjike.”

Megjithatё pas gёzimit pёr mbledhjen e parave nё deklaratat e pёrfaqёsuesve tё BE mund tё lexoje edhe sinjalin paralajmёrues pёr Shqipёrinё. Paratё duhet tё shkojnё nё vendin e duhur, dhe se duhet tё sigurohet transparencё nё pёrdorimin e tyre dhe llogaridhёnie. Komisioneri i Zgjerimit, Oliver Varhelyi tha pёr Deutsche Wellen, se implementimi do tё jetё çelёsi. “Korrupsion nuk do tё ketё dhe nuk do tё lejojmё tё ketё. Ne do tё  jemi tё pёrfshirё nё implementim.”

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

1.15 miliardë euro për rimëkëmbjen/ Rudina Hajdari del me kërkesën e fortë për Ramën

Publikuar

-

Nga

Deputejta Rudina Hajdari, ka falenderuar të gjithë shtetet që kontribuan për rimëkëmbjen e Shqipërisë nga tërmeti në Konferencën e Donatorëve, ndërsa i bën thirrje qeverisë për transparencë të plotë në menaxhimin e fondeve.

“Impresionues solidariteti i treguar në Konferencën e Donatorëve për Shqipërinë. Falenderojmë të gjithë shtetet pjesëmarrëse për kontributin & mbështetjen e dhuruar për rimëkëmbjen nga tëmeti. Shpesojmë që këto kontribute të shkojnë në vendin e duhur dhe me transparencë të plotë,” shkruan Hajdari në twitter./CNA.al

 

LEXO TE PLOTE

Politikë

Lëvizja e Re e Galdinit hedh “rrenjë” edhe në Lushnje!

Publikuar

-

Nga

Prej shtatorit 2019, një subjekt i ri politik i djathtë dhe opozitar është shfaqur në skenën politike shqiptare.
LRE – Lëvizja e Re e drejtuar nga pedagogu Arian Galdini, është partia më e re e cila ka vendosur strategjikisht që të ngrihet ngadalë pa media, pa zhurmë, por duke zhvilluar takime të vogla, person pas personi, grup pas grupi, komunitet pas komuniteti, fshat më fshat, lagje më lagje dhe qytet më qytet.
LRE e Galdinit ka zgjedhur të komunikojë me qytetarët shqiptarë nëpërmjet shtrëngimit të drejtpërdrejtë të duarve dhe duke përdorur vetëm facebook.
Është një strategji e vështirë dhe tepër e rrezikshme kjo që ka zgjedhur Lëvizja e Re, pasi kërkon rezistencë për një proçes tepër të ngadaltë dhe plot pasiguri.
Sidoqoftë, prej shtatorit 2019 kur LRE – Lëvizja e Re nisi udhëtimin politik, nëse hedh një sy në Profilin Personal apo në Faqet Zyrtare të Arian Galdinit dhe të LRE, bie në sy që takimet janë të shumta.
LRE ka arritur në 6 muaj të ngrejë ekipet nismëtare në mbi gjysmën e 61 Bashkive të Shqipërisë.
Së fundmi, kjo parti e re e djathtë dhe opozitare, ishte e stacionuar në qytetin e Lushnjes.
Arian Galdini dhe drejtues të tjerë të LRE si Ing. Luljan Strazimiri (Kryetari i LRE për Tiranën), pedagogia e ekonomisë Denisa Kele, avokatja Misire Gjana, Ing. Tomorr Laze, sociologia Elisa Carka ishin në qytetin e Lushnjes për të prezantuar Platformën Politike të LRE por edhe për të shpallur krijimin e Ekipit Nismëtar të LRE për qytetin e Lushnjes.
Ndër të tjera, Kryetari i LRE Arian Galdini deklaroi se:
“Shqipëria nuk buzëqesh më sepse politika zbukuron vetveten vetëm me propagandë e rrena, duke u shndërruar në “bukuri që vret”. Politika e propagandës, mediave, tv, gazetave dhe portaleve, duket shumë e bukur.
Por shqiptarët i njohin mirë politikanët dhe partitë e këtyre 30 viteve.
Sado ta zbukurojnë vetveten me propagandë mediatike dhe online, me kameramanë, fotografë, analistë dhe regjizorë, këta politikanët tanë, e vërteta është se për qytetarët shqiptarë, çdo politikan e çdo parti e këtyre 30 viteve janë as më shumë dhe as më pak veç Plaçkaxhinj.
Në vitin 1990, ne shqiptarët kujtuam se fituam pluralizmin politik. Por pluralizmi politik që fituam në dhjetorin 1990, në zyrën e Ramiz Alisë, me firmën e Ramiz Alisë, na doli një pluralizëm i rrejshëm.
Në dhjetorin 1990 ne fituam pluralizmin e bijëve të Ramizit dhe Nexhmijes, i cili nuk ishte aspak pluralizëm politik, por vetëm pluralizëm kryetarokratik. 4 apo 5 njerëz, 4 apo 5 Kryetarë Partie kanë 30 vite që e sundojnë dhe plaçkisin Shqipërinë.
Ata janë bashkë. Ata janë Një. Ata janë Klubi i Plaçkaxhinjve. Prandaj, ne duhet të rithemelojmë pluralizmin politik. Prandaj Reforma Zgjedhore është domosdoshmëri. Ndaj edhe krijimi i LRE është shenja e parë e rithemelimit të pluralizmit politik, sepse ne jemi partia e parë në Shqipëri që nuk po lind as nga elitat Lart, as nga mediat, as me porosi, as me financime, as nga ishët e korruptuar. Lëvizja e Re është partia e thjeshtë, e qytetarëve të thjeshtë, të ndershëm, të papërlyer dhe halleplotë. Do tia dalim”.
LEXO TE PLOTE

Politikë

Kryemadhi për donacionet/ Çdo euro të administrohet me transparencë

Publikuar

-

Nga

Kryetarja e LSI, Monika Kryemadhi, ka shprehur  mirënjohje për të gjithë vendet, që u solidarizuan me Shqipërinë në dhurimin e 1.15 miliardë euro për rindërtimin.

Me anë të një postimi në rrjetet sociale, Kryemadhi shkruan se tani është koha që kjo mbështetje t’u shkojë sa më parë familjeve të pastreha.

“Miqtë i qëndruan në krah Shqipërisë në këto momente të vështira.

Mirënjohje për kontributin e tyre për të ndihmuar qytetarët shqiptarë dhe infrastrukturën e dëmtuar pas tërmeteve, që goditën vendin.

Tani është koha që kjo mbështetje t’u shkojë sa më parë, në radhë të parë familjeve që janë të pastreha.

LEXO EDHE:  Zyrtare/ Ja sa persona votuan sot në të gjithë Shqipërinë

LEXO EDHE:  A qëndron Thaçi pas shfuqizimit të Speciales?/ Haradinaj përgjigjet për median gjermane

Miqve nga të gjitha anët e globit FALEMINDERIT që na u gjendët pranë.

Çdo euro ndihmë është e çmuar dhe duhet të administrohet me transparencë dhe përgjegjësi të plotë.

Solidariteti i treguar nga vendet mike dhe institucionet ndërkombëtare kërkon seriozitet dhe angazhim të gjithanshëm”, shkruan Kryemadhi në reagimin e plotë./CNA.al

LEXO TE PLOTE