Connect with Us

Veliaj shndërron Tiranën në makthin e qytetarëve/ Ku shkuan 586 milion euro?

Politikë

Veliaj shndërron Tiranën në makthin e qytetarëve/ Ku shkuan 586 milion euro?

Publikuar

-

Zëdhënësja e Partisë Demokratike, Ina Zhupa ka hedhur akuza të forta në drejtim të kryebashkiakut të Tiranës, Erion Veliaj.

Në një postim në rrjetet sociale, Zhupa shkruan se Veliaj me 586 milion euro buxhet të harxhuar, ka lënë në harresë rrugët e Tiranës, të cilat, thekson ajo janë një makth për qytetarët!

“Në një vëzhgim të thjeshtë në rruget e njësive qëndrore të Tiranës, pa u futur në zonat periferike dhe fshatrat e saj, arrin te kuptosh gjëndjen e mjerueshme të infrastrukturës rrugore. 50 rrugë të evidentuara me foto në një gjendje të mjerueshme në 11 njësitë qëndrore të Tiranës!

Tirana sipas Veliajt është vetëm bulevardi dhe sheshet, kullat dhe tenderat.

Kryeqyteti sot është makthi i shoferëve dhe qytetarëve! Rrugët e Tiranës ngjajnë si rrugët e një fshati të humbur ku jetojnë 5 banor edhe asnjë nuk ka interes të investojë. Mjafton të ecesh me makinë në rrugën prapa presidencës, të ecesh në rrugën që të çon tek burgu i grave, mjafton mos të largohesh më shumë se disa metra nga qendra dhe shikon Tiranën e vërtetë, e rrugëve të amortizuara.”-shkruan Zhupa.

Më tej, ajo thekson se Veliaj ka shpenzuar 586 milion euro dhe parashikon një buxhet 200 milion euro për vitin 2020, por kjo nuk reflektohet në një infrastrukturë dinjitoze për banorët e Tiranës.

LEXO EDHE:  Buxheti për vitin 2019/ PS-LSI bashkojnë sërish votat

“Ndërkohë në 5 vjet në krye të Bashkisë, me taksa të reja për qytetarët dhe me taksa e tatime të rritura, ka shpenzuar 586 milion euro dhe parashikon një buxhet 200 milion euro për vitin 2020, por kjo nuk reflektohet në një infrastrukturë dinjitoze për banorët e Tiranës.

Kjo është Tirana e degraduar për qytetarët edhe fushë ndërtimi për oligarket. Veliajt nuk i interesojnë qytetarët e Tiranës!”-përfundon postimin e saj Ina Zhupa./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Tritol makinës së administratorit të Vllaznisë/ Voltana Ademi mesazh të fortë Ramës dhe Lleshajt

Publikuar

-

Nga

Kryetarja në detyrë e Bashkisë së Shkodrës, Voltana Ademi ka reaguar pas lëndës shpërthyese që u vendos sot poshtë makinës së administratorit të Vllaznisë, Suad Lici.

Në një reagim për mediat, Ademi I ka drejtuar një mesazh të fortë, kryeministrit Edi Rama dhe ministrit të Brendshëm Sandër Lleshaj.

Ademi akuzon Ramën dhe Lleshajn se e kanë lënë në harresë Shkodrën, ndërsa shtoi se në këtë qytet krimi nuk ka frikë.

Po ashtu, Ademi tha se kjo situatë ka shtuar më shumë pasigurinë tek qytetarët.

Mes të tjerash ajo i bëri thirrje organeve ligjzbatuese në vend që të reagojnë ndaj krimit që po godet sipas saj çdo ditë Shkodrën.

Drejtuar atyre që e kanë lënë Shkodrën zonë të lirë për krimin, Ramës dhe Lleshajt…
Shkodra u trondit sërish këtë të dielë!
Ditën për diell krimi nuk ka frikë, duke i sjellë shkodranëve pasiguri, mungesë shprese për jetën, rendin dhe sigurinë në Shkodër.
Fatmirësisht, lënda plasëse nuk shpërtheu, çka do ta bënte akoma më tragjike këtë të diel, ndërkohë që për familjen e Administratorit të KF Vllaznia, orët e para të paradites të së dielës kanë qenë orë ankthi dhe pasigurie.

Sot si Kryetare e qytetare e Shkodrës, si nënë, si grua, kërkoj nga të gjitha strukturat e shtetit, të gjitha organeve ligjzbatuese në vend: Reagoni me forcën e ligjit! Krimi në Shkodër po godet çdo ditë shkodranët.

Sot ishte administratori i Vllaznisë Suad Lici, por nesër mund të jetë kushdo pre e krimit, që duket se në Shkodër i është lënë fushë e lirë veprimi.
Kam shprehur gjithnjë mbështetjen ndaj forcave të Policisë së Shtetit, Prokurorisë dhe të gjithë organeve të zbatimit të ligjit. Kam ofruar gjithmonë bashkëpunimin në luftën kundër krimit, sepse shkodranët nuk duhet të kenë frikë të ecin, të flenë apo të zgjohen në shtëpitë e tyre, në qytetin e tyre. Nuk duhet të jetojnë në panikun e tronditjes së tritolit, krismave të armëve në rrugët ku kalojnë çdo ditë.
Sot, si çdo shkodran tjetër, jam pranë familjes Lici. Por sot Shkodra pyet se kush do ta ketë radhën nesër ?!
Kjo, pasi fatkeqësisht është ngjarja e 4-ët e vendosjes së lëndëve plasësë në Shkodër në më pak se dy muaj, ndërkohë që asnjë nga këto ngjarje nuk është zbardhur.
Shkodranët kanë nevojë për siguri për jetën, për familjen, për bisnesin! Ata nuk kanë nevojë për shoë-n e rradhës dhe as për deklaratat boshe të cilat duket qartë se nuk trembin krimin, mesa duket të veshur me “pushtet” në Shkodër.
Ngjarja e sotme, ashtu si dhe të tjerat më përpara, janë këmbanë alarmi për Shkodrën dhe shkodranët, duhet të jetë këmbanë alarmi për këtë qeveri e cila, nga dita në ditë po jep prova se vetëm krimin nuk e lufton. Ngjarjet e rënda të njëpasnjëshme në Shkodër, tregojnë më së miri se askush nuk ka frikë nga shteti, sidomos krimi dhe eksponentët e tij. Ndërkohë që tek ata që kanë kanë zgjedhur të jetojnë e të punojnë në Shkodër, çdo ditë është e mbushur me frikë, me ankth për të punuar, për të rritur fëmijët dhe për të jetuar në këtë qytet.
Shkodra ka nevojë për siguri dhe rend. Strukturat shtetërore, agjensitë ligjzbatuese e kanë detyrë kushtetuese garantimin e tyre. Por mbi të gjitha, duhet treguar vullnet në përballjen me krimin e eksponentët e tij, vullnet që akoma nuk po ndihet në Shkodër.
Si qytetare e parë e Shkodrës, kjo është thirrja ime drejtuar të gjitha institucioneve që duhet ta bëjnë këtë qytet të jetueshëm për banorët e saj.”-tha Voltana Ademi./ CNA.al

LEXO TE PLOTE

Politikë

Gjuha Italiane në dokumentet zyrtare/ Kuvendi reflekton pas raportit kritik të ISP

Publikuar

-

Nga

Kuvendi i Shqiperise, seancat plenare

Instituti për Studimet Politike bën të ditur se Kuvendi I Shqipërisë ka reflektuar pas raportit kritik të muajit të kaluar.

Sipas ISP, deri në janar 2020 Kuvendi vijonte të përdorë gjuhën italiane në disa dokumente, përfshirë cilësimin e grupeve të deputetëve në deklarimet e fletëve të votimit.

ISP në raportin monitorues në janar 2020 e konsideroi këtë një shkelje dhe rekomandoi korrektimin e praktikës, për të përdorur gjuhën shqipe në çdo dokument zyrtar që prodhon parlamenti, përfshirë dokumentacionin e votimit.

Por, sikurse bën të ditur ISP, në shkurt 2020 Kuvendi e ka reflektuar kritikën dhe tashmë të gjitha deklarimet e votimit bëhen në gjuhën shqipe!

LEXO EDHE:  “Ky shitës fiqsh”/ Arben Malaj publikon mesazhet, i “nxjerr bojën” Erion Veliajt

LEXO EDHE:  Mashtrimi i Erion Veliajt me çmimin e biletave të transportit urban

Në foto janë ilustruar dy rastet e deklarimit, ai në janar dhe ai aktual, në të parin me emërtime në gjuhën italiane dhe në të dytin vetëm në gjuhën shqipe, si dhe pjesë të raportit kritik të ISP mbi këtë çështje.

LEXO TE PLOTE

Politikë

Faktet/ Lulzim Basha një vit pas diegies së mandateve

Publikuar

-

Nga

Një vit më parë në mesditë, Lulzim Basha, pas një vendimi të pakonsultuar, totalisht i nxituar dhe me pasoja katastrofike për opozitën dhe Shqipërinë, shkoi si një kalama i llastuar dhe i inatosur dhe dogji mandatet e deputetëve.

Hyri në kryesinë e Kuvedit, si triumfator. Dorëzoi letrat dhe tha se kishte djegur mandatet. Me këtë rast mbajti dhe një fjalim përpara Partisë Demokratike, në selinë e Republikës së re tek ish-godina e SHQUP.

Lulzim Basha tha se Edi Rama kishte rënë, qeveria ishte rrëzuar, kryeministër vendi nuk kishte, fitorja ishte e sigurtë. Atë e kishin bërë demokratët me protestën e tyre dhe deputetët e Republikës së re të Lulit, me djegien e mandateve.

Sot jemi një vit më pas. Basha është më qesharak se kurrë. Ende nuk ka dalë të kërkojë të falur për atë jo gabim, por veprim skandaloz politik. Por, publikon foto për të dielë të mbarë me bashkëshorten e tij, a thua se në një vit nuk ka ndodhur asgjë dhe Lulzim Basha nuk ka asnjë përgjegjësi.

Përgjegjës për situatën e krimit, ekonominë dhe korrupsionin në vend, pa dyshim është kryeministri dhe qeveria e tij. Por, përgjegjës për vrasjen e shpresës dhe gjendjen ku ndodhet opozita është edhe Lulzim Basha.

Pra, kreu i Republikës së re, i cili një vit më parë me djegien e mandateve i fali Edi Ramës një mazhorancë kushtetuese. Luli kishte luftuar që Reforma në Drejtësi të kishte votat për t’u ndryshuar, vetëm nga një shumicë kushtetuese.

Dhe kështu ndodhi. Por, me djegien e mandateve, Luli i dha në dorë Ramës Reformën në Drejtësi. Ky i fundit po ndryshon ligjet kushtetuese me deputetët që hynë në parlament nga lista e Bashës, të cilët na zbuluan një skandal tjetër në lidhje me kryetarin e Republikës së re. Cilësinë e listave, ku nuk mungonin lloj e soj injorantësh dhe të paaftësh, të cilët ishin kandiduar për deputetë.

Por, le të kthehemi tek 16 shkurti, atje ku filloi.

Lista e PD-së nuk i dorëzoi e gjitha mandatet, ashtu si edhe ajo e LSI-së. Disa deputetë qëndruan. Lefter Koka, Rudina Hajdari, Myslim Murrizi, dhe gati pesëdhjetë të tjerë u futën në parlament. Pra, nga lista vazhduese e Republikës së re dhe LSI-së.

Parlamenti është i cunguar, nuk ka 140 deputetë. Por, ka një mazhoranë kushtetuese që Luli ia dorëzoi Edi Ramës, që ky i fundit të bënte çfarë të donte.

Më pas filloi protestat. Dhunë, gaz lotsjellës, molotov mbi institucione dhe një përplasje e ashpër me ndërkombëtarët. Lulzim Basha u “tregoi dhëmbët” amerikanëve dhe Bashkimit Europian. Tha se nuk do t’i njihte ata. Se ata ishin të korruptuar.

Filluan sulmet ndaj zyrtarëve të lartë të Departamentit Amerikan të Shtetit, ndaj ambasadave dhe përfaqësuesve të tyre në Tiranë.

Për rreth tre apo katër muaj, në të paktën 12 protesta tha se qeveria kishte rënë dhe çdo mbyllje proteste këndonte himnin në një mënyrë të shëmtuar dhe duke gënjyer. Por, shpejt i dolën të palarat.

Në 30 qershor nuk hyri në zgjedhje, megjithëse ndërkombëtarët i kërkonin të hynte.

Zgjedhjet u zhvilluan të cunguara, por Lulzim Basha sërish i fali Edi Ramës 61 bashki në tavolinë.

Pra, me djegien e mandateve një vit më parë, Rama mori nga Luli mazhorancën kushtetuese dhe 61 bashki dhuratë. Nuk patën fushatë, patën një palë zgjedhje të qeta, pa asnjë problem, ku Rilindja nuk hoqi dot dorë nga kandidatët e inkriminuar, me të shkuar të errët dhe ku Republika e re nuk bëri asnjë garë. Megjithëse Luli premtoi se do të kishte përballje në çdo qendër votimi dhe se Shqipëria do të ishte flakë e zjarr, zgjedhjet ishin si në kohën e diktaturës. “Sa të lumtur votojmë për partinë”.

Më tej, Lulzim Basha i harroi protestat dhe përplasjet me ndërkombëtarët, duke i gënjyer shqiptarët se do të kishte zgjedhje në tetor, me një ç’dekretim dhe një dekretim të ri nga presidenti Ilir Meta, i cili i hidhte benzinë zjarrit.

LEXO EDHE:  Buxheti bashkon këshilltarët e Monikës me ata të Ramës

LEXO EDHE:  Video-“Tirana që nuk duam”/ Veliajt i dështon propaganda   

Në finale nuk ndodhi asgjë. Në muajin tetor ka pasur një takim diku në Europë mes Ramës dhe Bashës. Ky i fundit na tha se kryeministri kishte rënë, por pas gjashtë muajsh tokhej fshehurazi me të. Gati një marrëveshje e re, e cila pritej të bëhej publike me Reformën Zgjedhore, pas disa negociatave të ardhura nga Gjermania, ku Bundestagu vendosi kushte dhe u  kërkoi palëve të uleshin në tryezë. Kryekusht ishin zgjedhjet dhe Reforma Zgjedhore.

Tërmeti i 26 nëntorit tronditi Shqipërinë dhe la një plagë të madhe për vendin. Ndërkohë, Lulzim Bashës disa ditë më parë i ishte anulluar një vizitë në SHBA.

U tha se do të shkonte në fillim të dhjetorit, por kjo nuk ndodhi.

Megjithë fatkeqësinë që shkaktoi, tërmeti i shërbeu klimës politike, uljes së përplasjeve. Luli u kthye në një anëtar të Shtabit të Emergjencave të Edi Ramës, ku shkonte shpi më shpi e derë më derë, rrënoja më rrënoja për të treguar pasojat e tërmetit katastrofik.

Më pas sinjalet po jepeshin. Rama vazhdonte në rrugën e tij, ndërsa Lulzim Basha dorëzohet pa kushte. Shkon dhe ulet në tryezën e Reformës Zgjedhore. Sërish me një gënjeshtër, duke thënë se parlamenti kishte rënë.

Brenda një viti tha aq shumë gënjeshtra sa askush nuk po e besonte dot më. Nuk ekzistonte më parlamenti, ai kishte rënë sepse Luli ishte ulur në tryezën e Reformës Zgjedhore dhe gjithçka do të duhej të votohej me konsensusin e opozitës joparlamentare.

Sërish një gënjeshtër e ardhur nga Lulzim Basha, i cili ishte në parlament, dogji mandatet dhe i fali Edi Ramës një mazhorancë kushtetuese. Ai ishte në parlament dhe mund ta kishte bërë Reformën Zgjedhore atje, si pjesë integrale e Kuvendit. Pavarësisht se ishte në opozitë, ishte për t’u përballur, ishte për t’u përplasur në parlament, por nuk e bëri detyrën që i dhanë qytetarët. Iku nga parlamenti sepse Rama e intimidonte, e tallte. Sepse i tillë ishte ai dhe grupi parlamentar që ai kishte ndërtuar. Një tufë me kllouna dhe të paaftë që nuk i vlenin askujt. Dhe sot ja ku jemi, një vit pas 16 shkurtit të vitit 2019. Një vit dështimesh dhe gënjeshtrash nga kryetari i opozitës. Një Shqipëri me shpresë të vrarë. Askush nuk ka më shpresë as tek opozita.

Shqipëria dhe shqiptarët të vrarë e plagosur nga një qeveri korrupsioni dhe një qeveri e cila është faktuar botërisht për lidhjet e saj me krimin dhe në fund një opozitë që i qëndron përballë, që nuk ngjall asnjë shpresë. Por, shikohet si banda e radhës, palë me qeverinë. Asgjë më shumë sesa kaq. Dhe një kryetar opozite, i cili nuk inspiron askënd. Tani ka ndryshuar thjeshtë dhe vetëm ka ndryshuar stilin.

Ai që nuk pyeste për ndërkombëtarët dhe hidhte benzinë e molotov mbi institucionet, tani është kthyer në Lulin që shkon e bën pazar me plakat e lagjes apo flet në instagram me të rinjtë për Arsimin e Lartë e sërish gënjen e sërish gënjen, e sërish gënjen.

E ndërsa sot jemi pas një viti, ku duhet të japë llogari pse e shpartalloi në këtë gradë opozitën, Luli del e na tregon foto me bashkëshorten e tij në krah dhe iu uron shqiptarëve ditë të mbarë në zymtësinë dhe mjerimin e tyre. Sepse Luli ka dështuar për shqiptarët, por ai nuk ka dështuar për veten e tij. Atij thjeshtë dhe vetëm i shtohet pasuria. A vazhdon të jetë edhe më mirë se dje sepse ortakëria me Edi Ramën vazhdon dhe të dy bashkë po ecin përpara drejt një qeverisje të përbashkët./ CNA.al

Video-Rama një vit që nuk është më kryeministër/ Lëvizja e radhës e Bashës

LEXO TE PLOTE