Connect with Us

Konferenca e donatorëve/ Ahmetaj: Presim 300-350 milion euro

Politikë

Konferenca e donatorëve/ Ahmetaj: Presim 300-350 milion euro

Publikuar

-

Ministri për Rindërtimin, Arben Ahmetaj, thotë se nga konferenca e donatorëve që do të mbahet nesër në Bruksel, qeveria shqiptare pret që të mblidhen 300 deri 350 milionë euro.

Në një intervistë dhënë për Tv Klan, ministri thotë se nëse shifra do të jetë më e ulët kjo do të sillte shumë vështirësi për zbatimin në kohë të planeve të qeverisë.

“Nëse ne angazhojmë nesër diçka midis 300 milionë deri në 350 milionë euro, nëse nuk ka bërë ndonjë magji kryeministri le të themi me turin e vet, pra natyrshëm do të shkonte tek 300-350 milionë eurove, ku raporti midis granteve dhe kredive do të ishte diçka tek 70-80 milionë euro vijnë grante dhe pjesa tjetër vijnë kredi të buta që janë të domosdoshme për rindërtimin. Nëse do të ishte një shifër poshtë 300-350 milionë euro e kombinuar grant kredi atëherë do të gjendeshim përballë një vështirësie serioze financiare për të përballuar në kohën që ne duam gjithë pasojat e tërmetit. Ndryshe skenari pastaj do të ishte shumë afatgjatë”, tha Ahmetaj.

Nga axhenda e bërë publike nga Komisioni Europian parashikohet që konferenca të nisë me nënshkrimin e fondit prej 15 milionë Eurosh që Komisioni ka vendosur në dispozicion të Shqipërisë për të përballuar kostot e tërmetit të 26 Nëntorit.

LEXO EDHE:  S’ka taksë të re të pronës pas rivlerësimit

Ndër të tjera, dy ditë më parë, ministri i Jashtëm Stef Blok konfirmoi se Holanda do të dhurojë 3 milionë euro për rindërtimin. Gjatë konferencës për Ballkanin Perëndimor në Mynih, kryeministri Edi Rama u takua me kryeministrat e Kanadasë dhe Kuvajtit si dhe ministrin e Jashtëm të Arabisë Saudite.

Edhe ata shprehën gatishmërinë për t’u bërë pjesë e konferencës së donatorëve për rindërtimin nga tërmeti që mbahet më 17 Shkurt në Bruksel.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

FRPD anëtarësohet në forumin e PPE/ Më shumë mundësi për të rinjtë

Publikuar

-

Nga

Forumi Rinor i Partisë Demokratike u zgjodh anëtar me të drejta të plota në forumin zyrtar studentor të Partisë Popullore Europiane, EDS!

Duke falenderuar drejtuesit dhe ish drejtuesit e EDS, Kryetari i FRPD Belind Këlliçi e vlerësoi këtë anëtarësim një mundësi më shumë për studentët shqiptarë.

“Sot ishte një ditë shumë e rëndësishme për Forumin Rinor të Partisë Demokratike por dhe për çdo student shqiptar që aspiron Shqipërinë si Europa.

Është zyrtare tashmë: FRPD është zgjedhur anëtare me të drejta të plota në forumin zyrtar studentor të Partisë Popullore Europiane, familjen e madhe të EDS!

Falenderime pafund për miqtë tanë europianë! Falenderime të përzemërta për European Democrat Students, në mënyrë të veçantë për Kryetarin Carlo Angrisano, i cili që nga dita e parë e zgjedhjes së tij në krye të EDS, ka qenë mbështetja jonë më e madhe. Falenderime pafund për ish Kryetarin Virgilio Falco, një mik i vyer i FRPD, i cili jo vetëm nisi procesin formal të anëtarësimit tonë, por qëndroi krah nesh duke luftuar për një Shqipëri Europiane.

Nga sot studentët shqiptarë do të kenë mbështetje, aleatë dhe ndihmë në sfidat me të cilat përballen brenda dhe jashtë vendit, studentët europianë, pjesë e familjes më të madhe politike që ka Europa.

LEXO EDHE:  “Një 70-vjeçar nuk është i vjetër”/ KSSH i përgjigjet Ahmetajt

LEXO EDHE:  Ahmetaj dhe Braçe në Divjakë: “93 milionë euro mbështetje për bujqësinë”

Te sjellim vlerat Europiane në Shqipëri dhe t’a çojmë Shqipërinë në Europë është misioni dhe identiteti ynë. Mirënjohje për të gjithë të rinjtë, studentët, gjimnazistët, që punojnë çdo ditë për ta bërë realitet ëndrrën tonë europiane! Faleminderit Besart Xhaferri dhe Imanuel Çaushaj për punën, lodhjen dhe kontributin tuaj në EDS. Pa punën tuaj dhe shpirtin e skuadrës, asgje nuk do të ishte e mundur.”-tha Këlliçi.

Anëtarësimin e FRPD në EDS e përshëndeti edhe Kryetari i PD, Lulzim Basha. “Sa më shumë mundësi për të rinjtë, aq më e mirë do të jetë e nesërmja”- u shpreh zoti Basha. 

“Përgëzime Forumit Rinor të Partisë Demokratike për anëtarësimin me të drejta të plota në bashkimin studentor të Partisë Popullore Europiane, familjen e madhe të EDS. Kjo është një mundësi e bukur për çdo të ri shqiptar që dëshiron të jetë pjesë e rrjetit studentor europian me të drejta të plota.

Të rinjtë janë shpresa, energjia dhe frymëzimi për të triumfuar mbi çdo pengesë e sfidë që kemi përpara. Sa më shumë mundësi për të rinjtë, aq më e mirë do të jetë e nesërmja. Krenar per FRPD, krenar për të rinjtë dhe të rejat e mekullueshme shqiptare!”-u shpreh Basha./ CNA.al

LEXO TE PLOTE

Politikë

Ish-ministri i Ramës tregon detajet e frikshme/ Faktet që provojnë diktaturën në Shqipëri

Publikuar

-

Nga

Ish-ministri i Drejtësisë në qeverinë “Rama 1”, Ylli Manjani shkruan se Shqipëria po kthehet në diktaturë.

Në një postim në rrjetet sociale, Manjani thekson se nuk ka nevojë të jesh në ’45-ën për të kuptuar diktaturën.

Pra, sipas Manjanit sot vendi është në diktaturë, jo si ajo e ’45, e cila thekson ai nuk mund të përsëritet, por një diktaturë moderne, që është kontrolli I gjykatave.

“Sigurisht që nuk jemi në vitin ’45. Ndaj diktatura nuk ka se si të duket si ajo e atij viti.

Pa dyshim që në kohët e sotme ka forma e mënyra të tjera. Diktarurat sot nuk vijnë si në ’45-ën. Pushteti e ruan pak opozitë, pak media kritike e pak treg gjysëm të lirë.

Thelbi i diktaturave moderne është kontrolli i gjykatave. Pushteti nuk ka besim tek blerja e tyre me para. Sepse gjykatësit siç i blen edhe të shiten.

Ndaj përdoren metoda të tjera. Në Hungari, psh qeveria dyfishoi numrin e gjykatësve kushtetues. Të rinjtë ishin të kontrolluar nga pushteti, kështu që numri i gjykatësve që ishin mbeti në minorancë.

E njëtja formulë pak a shumë u përdor në Poloni. Hollohet tretësira e patretshme…

Varianti tjetër është modeli Chaves. Ky i fundit vendosi me ligj që parlamenti vendoset mbi gjykatat.

Gjykatësit në këto kushte tërhiqen ose nënshtrohen. Vetvriten për t’i shpëtuar “pushkatimit” politik. Lënë vendet bosh për t’u plotësuar nga të rinj të brumosur me edukatë politike…

LEXO EDHE:  Ahmetaj i përgjigjet opozitës/ Taksa 9% shkatërron shtresën e mesme

LEXO EDHE:  Ahmetaj: 643 mijë pensionistë do të përfitojnë rritje pensioni me 4-8 mijë lekë

Pra diktaturat sot shfaqen si ndryshime ligjesh e strukturash dhe jo si pasojë e luftërave ku fitimtarët i marrin të gjitha për njëherë.

Në të gjitha rastet arsyeja është një “Qëllim i mirë”. Zakonisht thuhet se po luftohet korrupsioni, ose po luftohet krimi. Tema seksi që populli i ha rehat…

Shihni me vemendje se ç’ka bërë pushteti politik këtu. Një model Chaves i gërshetuar me pak Hungari dhe Poloni…”-shkruan Manjani.

Po ashtu, ai thekson se detajet që e faktojnë këtë ajnë “Shkarkime masive gjykatësish dhe rritje të numrit të gjykatës së Lartë dhe Kushtetuese. Pa harruar realitetin puro shqiptar që është lënia e vendit pa Gjykatën Kushtetuese, pra vendosjen e qeverisë mbi çdo pushtet.”.

Manjani shigjeton edhe ndërkombëtarët, ndërsa shkruan se “Çudia është se perëndimi i dënoi ndërhyrjet në drejtësi në ato vende. Në Shqipëri i duartroket!!!!

Kur mendoj se i njëjti perëndim refuzoi të bënte të njëjtën “reformë” në Maqedoni e Kosovë, bindem gjithnjë e më shumë se diktatura nuk importohet… Të huajt nuk sjellin më vlerat e demokracisë, por mbyllen tek valixhja e interesave.”.

“P.S. ka shumë njerëz që kur dëgjojnë fjalën “diktaturë” refuzojnë ta pranojnë, sepse kanë parasysh kohën e Enverit. Duhet të kuptojmë se ajo kohë nuk përsëritet siç ishte, por në forma të tjera, që fillojnë nga pak e çdo ditë dhe përfundojnë me pushtet që kontrollon çdo gjë.”-përfundon postimin e tij Ylli Manjani./ CNA.al

LEXO TE PLOTE

Politikë

Rrëzohet propaganda anti-KÇK / Nuk justifikoi pasurinë, Rama shpërblen bashkëshorten e Denar Bibës

Publikuar

-

Nga

Partia Demokratike vijon të hedhë akuza të forta në drejtim të kryeministrit Edi Rama.

Në një deklaratë për mediat, ish-deputeti Klevis Balliu u shpreh se emërimi i Elona Kanas, bashkëshortes së Denar Bibës, në detyrë shtetërore rrëzon propagandën anti-KÇK, të e Edi Ramës.

Sipas Balliut, Elona Kana është emëruar nga Rama në detyrë shtetërore, megjithëse ajo dështoi të justifikojë pasurinë gjatë vetingut.

Kujtojmë këtu se Elona Kana, me detyrë këshilltare në Gjykatën e Lartë ka dhënë dorëheqjen në tetor 2019, vetëm pak ditë para se të dilte para trupës së vettingut ku do të jepej vendimi për pastërtinë e figurës dhe të ardhurat.

“E gjithë propaganda e Edi Ramës për gjoja pastrimin e sistemit të drejtësisë nga të korruptuarit rrëzohet nga një vendim i vetë qeverisë së Edi Ramës për të mbajtur në administratën e tij ata që nuk e kalojnë vetingun.

Një nga rastet më flagrante të standardit të dyfishtë të Edi Ramës është vendimi për t’i gjetur një punë në shtet bashkëshortes së nënkryetarit të Komisionit Qendror të Zgjedhjeve, Denar Biba, pasi ajo dështoi të kalojë vetingun.

Këshilltarja e Gjykatës së Lartë, Elona Kana, u tërhoq nga sistemi i drejtësisë pak para daljes së vendimit të vetingut, sepse nuk justifkonte dot pasuritë e saj dhe të shërbëtorit të Ramës në Komisionin Qendror të Zgjedhjeve.

LEXO EDHE:  Urdhri i Ministrit Ahmetaj për lehtësimin e shërbimeve për qytetarët dhe sipërmarrjen

LEXO EDHE:  Ahmetaj dhe Braçe në Divjakë: “93 milionë euro mbështetje për bujqësinë”

Por me një vendim qeverie këtë javë, Edi Rama e ka emëruar bashkëshorten e Denar Bibës në një post në Entin Rregullator të Ujit.

Megjithëse nuk justifikoi pasurinë, megjithëse u tërhoq para se vetingu ta shkarkonte nga detyra e këshilltarës në Gjykatën e Lartë, kamikazi i Edi Ramës në KQZ, i cili organizoi votime të paligjshme pa opozitën, u shpërblye.”-u shpreh Balliu.

Më tej, ai theksoi se lufta kundër korrupsionit në dorën e Edi Ramës është vetëm propagandë.

“Ai ndryshe flet dhe ndryshe vepron. Edi Rama flet për luftë kundër bandës KÇK në drejtësi, por ata që nuk kalojnë vetingu,  i emëron në detyra të tjera shtetërore.

Edi Rama flet për ndjekje penale ndaj atyre që nuk justifikojnë pasurinë para vetingut, por kur këta I kanë shërbyer pushtetit të tij të paligjshëm, ai hedh në kosh edhe një nga kushtet kyç të Bundestagut për hapjen e vërtetë të negociatave me Shqipërinë.”-theksoi ish-deputeti./ CNA.al

LEXO TE PLOTE