Connect with Us

Eksploziv makinës së administratorit të Vllaznisë/ Pritet mbërritja e forcave xheniere

Kronika

Eksploziv makinës së administratorit të Vllaznisë/ Pritet mbërritja e forcave xheniere

Publikuar

-

Një pako, në të cilën dyshohet se ka lëndë shpërthyese, është gjetur mëngjesin e sotëm poshtë makinës së Suad Licit, administrator i ekipit të Vllaznisë.

Sasia e dyshuar si tritol fatmirësisht nuk ka shpërthyer, ndërkohë forca të shumta policie ndodhen tek mjeti.

Makina ka qenë e parkuar poshtë banesës së tij në lagjen “Ahmet Haxhija” pranë stadiumit ‘Loro Boriçi’ në qytetin e Shkodrës. Rreth orës 08:56 minuta në momentin që Lici ka dalë nga shtëpia dhe është drejtuar për të hipur në makinë ka pikasur një pako të dyshimtë poshtë ‘Benz’-it të tij të mbështjellë me natriban duke njoftuar policinë.

Ndërkohë, pritet ardhja e eksperteve nga Tirana për të hapur këtë pako, që dyshohet se është tritol, por ende e pakonfirmuar.

LEXO EDHE:  Makina përfundon në kanal/ Plagosen katër persona

Policia po punon njëkohësisht për gjetjen e autoreve të vendosjes se kësaj pakoje të dyshimtë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Video-Vjedhje, armë dhe dhunë/ Prangoset “tmerri” i qytetarëve

Publikuar

-

Nga

Një 27-vjeçar është vënë në pranga në kuadër të një Operacioni nga Drejtoria Vendore e Policisë Durrës, Tiranë, Elbasan dhe Drejtoria e Forcës Operacionale në Departamentin e Policisë Kriminale.

Mësohet se në pranga ka rënë shtetasi, A. Th., 27 vjeç, lindur dhe banues në lagjen nr. 13 Durres, i dënuar më parë me 7 vite burg në Itali, për vjedhje me armë, si dhe me precedent të theksuar kriminal në Shqipëri, për shpërndarje të narkotikëve dhe në fushën e vjedhjes me dhunë e armë.

Po ashtu, uniformat blu bëjnë të ditur se janë dokumentuar me prova shkencore 8 raste vjedhjesh, nga këto 3 në Durrës, 4 në Tiranë dhe 1 në Elbasan.

Policia bën të ditur se akuzohet për vjedhje me dhunë dhe nën kërcënimin e armës, në qytetin e Durrësit, Tiranës dhe së fundi në Elbasan.

Në Durrës, në datën 08.02.2020, në lagjen 12, Durrës, është vjedhur me armë zjarri filiali i një banke të nivelit të dytë, ku autori mundi të merrte një shumë prej 100.000 lekësh.

-Më datë 10.02.2020, në lagjen 13, Plazh, Durrës, nën kërcënimin e pistoletës ka tentuar të vjedhë banesën e shtetasit R. T., duke e plagosur në këmbë.

-Më datë 11.02.2020, në lagjen nr. 14, Shkozet, Durrës, nën kërcënimin e armës ka vjedhur në një Big Market, nje shumë prej 100.000 lekësh dhe steka me cigare.

LEXO EDHE:  Përgjaken rrugët/ Makina përplas për vdekje të riun në Lezhë

LEXO EDHE:  “Festo, por mos fluturo me automjet”/ Policia thirrje shoferëve: Mos ua venit festën familjarëve

Po ky shtetas, më datë 12.02.2020, në rrugën “Muhamet Gjollesha” pranë Zogut të Zi, Tiranë, ka tentuar të vjedhë në një agjenci turistike.

-Me datë 12.02.2020, në rrugën “Llambi Bonat” Kombinat , Tiranë, nën kërcënimin e armës ka tentuar të vjedhë në një Big Market.

-Me datë 13.02.2020, në rrugën “Kongresi i Lushnjës”, nën kërcënimin e armës ka tentuar të vjedhë në një Big Market.

-Më datë 15.02.2020, në rrugën “Abdyl Frashëri” jashtë banesës së shtetasit R. N., e ka goditur këtë shtetas me sende të forta duke i marë një shumë prej 300 eurosh dhe një aparat celular Iphone 11 ProMax.

Në Elbasan, më datë 15.02.2020, në lagjen “Ali Pasha”, Elbasan, nën  kërcënimin e pistoletës ka vjedhur në një argjendari, një sasi bizhuterish.

Ne momentin e kapjes, këtij shtetasi iu gjetën dhe sekuestruan sendet e mëposhtme:

-17 varëse floriri, dy ora dore floriri, 20 byzylykë floriri dhe 51.700 lekë të reja.

Materialet procedurale do t’i referohen Prokurorisë së Rrethit Gjyqësor Durrës, Tiranë dhe Elbasan, për veprën penale “Vjedhja me armë, e mbetur në tentativë”, “Plagosja e rëndë me dashje”, Vjedhja me dhunë” dhe “Vjedhja e bankave dhe arkave të kursimit”.

LEXO TE PLOTE

Kronika

‘Kacifas u vetëvra’/ Vjen reagimi i mediave greke: Autoritetet shqiptare po gatuajnë diçka

Publikuar

-

Nga

“Kostandin Kacifas ka vrarë veten!” Ky ishte lajmi që qarkulloi sot me mediat shqiptare, duke iu referuar ekspertizës mjeko-ligjore.

Kjo ka sjellë edhe reagimin e mediave greke, sipas të cilave autoritetet shqiptare po gatuajnë diçka dhe do mundohen ta paraqesin vdekjen e 35-vjeçarit, si vetëvrasje.

Protothema shkruan:

Duke cituar raportin mjekoligjor, mediat shqiptare ia atribuojnë vetëvrasjen Kostandin Kacifas.

Sidoqoftë, që në tetor të vitit 2019 “protothema” do të shkruante se autoritetet shqiptare po gatuajnë diçka dhe do mundohen ta paraqesin vdekjen e 35-vjeçarit, si vetëvrasje.

Sipas mediave shqiptare, duke përmendur hetimet e Prokurorisë së Tiranës, Konstantin Kacifas nuk u qëllua nga Forcat Speciale Shqiptare, por kreu vetëvrasje, pasi sipas raportit mjekoligjor të dy plumbat e gjetur një në pjesën e nofullës dhe një në gjoks janë ata që tregojnë se ai i dha fund jetës së tij, sepse thirrjet për pazare nga ana e policisë ishin joefektive dhe nuk arritën ta neutralizonin atë, në mënyrë që të mos lëndoheshin as vetë.

Gjuajtja e plumbit nga nofulla drejt lartë është perceptuar sipas raportit nga presioni që ai vetë shkaktoi.

LEXO EDHE:  I shpëtoi atentatit/ OFL i bllokon makinën e blinduar “të fortit” të Shijakut

LEXO EDHE:  I shpëtoi atentatit/ OFL i bllokon makinën e blinduar “të fortit” të Shijakut

Ndërsa nga këqyrja e armëve të policisë nuk rezultoi asnjë gjurmë e ndonjë aksioni të shtënash dhe përkrah trupit të pajetë të Katsifa, u gjet pushka e tij automatike, si dhe disa kalibra, ndoshta nga vetë arma.

Gjetjet zyrtare të Prokurorisë Publike të Gjirokastrës priten në muajt e ardhshëm.

Sidoqoftë, avokati i familjes, Nauridis, argumentoi se Zyra e Prokurorit Publik të Gjirokastrës mohoi raportet dhe tha se ishte një lajm i rremë.

Sjellim në vëmendje se Konstantinos Katsifas humbi jetën në prag të përvjetorit kombëtar të 28 tetorit 2018, gjatë një operacioni policor shqiptar në fshatin Bularat, Shqipëri.

Çështja ngjalli reagime të forta në Greqi, me Athinën që kërkoi një zgjidhje të menjëhershme të vdekjeve të mërgimtarëve Grekë. Sidoqoftë, autoritetet gjyqësore greke po kryejnë gjithashtu një hetim paralel.

LEXO TE PLOTE

Kronika

Grabiti argjendarinë/ Arrestohet në Tiranë ‘skifteri i Durrësit’

Publikuar

-

Nga

Ka rënë në prangat e policisë autori i dyshuar i grabitjes së argjendarisë në Elbasan Astrit Thaçi.

Mësohet se Thaçi është arrestuar në zonën e Kombinatit në Tiranë  pas një pune të mirëorganizuar nga Komisariati Policisë Elbasan në bashkëpunim me ato të Komisariatit Nr 6 në Tiranë.

Aktualisht Thaçi po dërgohet nga forca të shumta të policisë në Komisariatin e Policisë Elbasan ku do t’i nënshtrohet marrjes në pyetje për ngjarjen.

I armatosur, Thaçi u fut sot në argjendarinë në Elbasan, kërcënoi punonjësen dhe mori një sasi florinjsh me vlerë 30 mijë euro. Ngjarja ndodhi në qendër të qytetit të Elbasanit, vetëm 20 metra larg Drejtorisë së Policisë. Dyshohet se një person e ka ndihmuar 27-vjeçarin të largohet menjëherë pas grabitjes nga vendngjarja, pasi e priste me makinë jashtë argjendarisë.

LEXO EDHE:  Detaje të reja për makinën e rënë në liqenin e Shkopetit

LEXO EDHE:  Danimarka ul çmimin e makinave deri në 80 % / Golfi mund të blihet për 3000 euro

 

LEXO TE PLOTE